~¤ô¦¦§¦¦ô¤~ بيتك جنتك و رضاء ربك مبتغاك 6 ~¤ô¦¦§¦¦ô¤~ - الصفحة 3

سمراء الدنيا · 2014-11-12, 15:12

اقتباس:

المشاركة الأصلية كتبت بواسطة oum sabrin

مساء الخيرات غاليتي والله كلما نقرأ مداخلاتكم يزيد شوقي لصحبتكم ما شآء الله عليكم و على أفكاركم. فمثلا فكرة حبيبتنا إبداع جزائرية في سرد قصة لأطفالنا كل ليلة رائعة و قد راقتني كثيرا و سأعتمدها مع أبنائي و نقولكم على ثمارها إ نشاء الله و خاصة أن القصة المختارة هي لسيد الخلق صلى الله عليه و سلم
أنا أول مرة أشارك في هذا النوع من الدورات ؛نشاء الله نفيد ونستفيد

مساء النور اختي ام صابرين .. هذه البداية فقط .... ان شاء الله يلتاحقو البقية و كل وحدة و الخير للي جايباتو معاها نكونو فرقة خطيرة في مكافحة الكسل و الخمول هههههه
مرحبا بيك مرة اخرى

أم شيماءْ · 2014-11-12, 15:29

مساء الخيرات وشراكم
اختي سمراء كنت نستنى في الدورة بفارغ الصبر والله استفدت منكم بزاف بزاف ربي يجعلها في ميزان حسناتك
اما عن التطبيقات صلاة الفجر والله راني مقصرة تعرفي بنتي صغيرة 9اشهر مهبلتني تبات تبكي يعني كي نضوض على 7 نصلي اليوم غسلت غرفت البنات ورتبتها وسيقت الدار وعجنت المطلوع ودرت عدس للغداء وبالطبع بنتي لاصقة فيا وتبكي هههههههههههههه

سمراء الدنيا · 2014-11-12, 15:36

عندي طلب من كل وحدة باغيا تشارك في الدورة انها تكتب جدول ليومها كيفاه يمر ...... باش نعرفو الاخطاء الموجودة فيه و نحاولو نصلحوها ... و نخرجو بجدول مثالي نمشو عليه كلنا

جدولي اليومي

5/45د................. الصلاة و تجهيز الفطور

7/00........................نفطر و ندير لغدا يطيب على نار هاديا

8/00 ......................نشعل لميكرو مرة نتصفحو و مرة نلم الدار

9/30..................... اذا عندي غسيل نغسل و اذا عندي تسياق نسيق

ساعة من الصباح تروحلي في التيليفون ..... و غالبا الباب و الداخل و الخارج

نتغدو و نتوكى شويا و نوض نصلي و نغسل لماعين
3/00 ................. اما نحضر حاجة لقهوة عشية اما نخيط في الماشينة
4/30................... اذا ماجاني حتى واحد نقعد في النت حتى يجو الاولاد من المدارس
6/00................... نصلي لمغرب و ندرس الاولاد لانو لعشا غالبا حاجة خفيفة او سلطات
8/00.................. نتعشو و نلم المطبخ و ندور على الدار نلمها

هاذ البرنامج ما راهش عاجبني و عندي اصرار اني نغيرو

oum sabrin · 2014-11-14, 18:00

[quote=سمراء الدنيا;3992060992]عندي طلب من كل وحدة باغيا تشارك في الدورة انها تكتب جدول ليومها كيفاه يمر ...... باش نعرفو الاخطاء الموجودة فيه و نحاولو نصلحوها ... و نخرجو بجدول مثالي نمشو عليه كلنا

طلباتك أوامر أختي سمراء
جدولي اليومي
6:30 نوض نصلي ونطيب قهوة
7:00 نوض زوجي ونحضر بنتي باش تروحح للروضة
8:00 ننطلق نغسل مواعن القهوة نحط لفطور يطيب بهدوء ندير الملابس في الماشيينة نفتح الشبابيك نلم الدنيا ونوض المشاغب تاعي نغسلوو ونبدلو
9:00 أنا طريقتي مثلا نهار نسيق بيتي و بيت أولادي بطبع مع مسح الغبرة إلخ و الباقي مسيح عادي . اليوم التالي نسيق بيت عجوزتي بطبع .والباقي عادي .اليوم لي بعدو الصالون و بيت لقعاد و الهول بطبع والباقي عادي ثم المطبخ إلا الحمّام والتواليت أكرمكم الله كل يوم تسياق، لأنو مع وليدي بسلامتو و الدار كبيرة ما نقدرش نسيق كلش في نهار واحد
1100 نكمل عمل الصباح نريح شويا مع الميكرو
12:00 نفطرو و نغسل لماعن ندوش و نبدل نصلي الظهر ونرقد شويا مع زكرياء ولا نقعد مع الميكرو
14:30 نوض ندير كاش حاجة مع القهوة(إلا إذا كنت عيانة)
15:30نصلي و نروح نجيب صبرينة من الروضة
16:00 نحط قهوة المساء ونغسل لماعن
16:30 نقري بنتي شويا ويلا عندي حوايج نطويهم
ننتظر زوجيييييييي
عندي غير يوم الجمعة شويا شارجي مع فريز اقضين ...إلخ نحس بلي ما خرجتش من المطبخ

عندي مشكل مع ولادي ما يرقدوش بكري و وليدي ينوضني في الليل يحوس على الحليب حكملي نفس رتم الرضاعة الطبيعة بالرغم أني حبستهالو منذ حوالي 3أشهروالله شيء متعب كثيرا
ملاحظات
لما تحضري جدول أسبوعي لأطباقك راح ما تحيريش الصباح واش تطيبي و ما تضيعيش وقتك في التفكير
أنا نطيب فطور و عشاء صباح باش يبقالي لوقت في المساء (إلا إذا خرجت صباح)
نتمنى نلقا طرق جديدة في تسيير وقتي و نستفيد من خبرة كل واحدة

ام منيب · 2014-11-12, 21:40

باسم الله و الصلاة و السلام على حبيب الله
طلباتك اوامر يا سمراء
جبتلكم جدول يومياتي ....
مادام دخل الشتا يساعدني توقيت الفجر ....نتوضا ونصلي و ندعي كي تلحق السابعة نوض لولاد مع هذيك الفوضى لي يديروها الصباح يا لطيف ...كي يخرجو و يعم الصمت نتلهى بصوالحي نحط الحوايج في المشينة تاع الغسيل و نلم الشنابر و من بعد نرمي الفطور و نكمل بالتسياق
المشكل الكبيييير لي نعاني منو النت....يديلي وقتي و نلقا روحي هايمة فيه سيختو الصباح منين تكون النت خفيفة شوية
تعلمت من الدورات السابقة نخمل البيوت في الليل و نغسل الماعن و نقص قد مانقدر باش الصباح ينقص عليا الظغط و الدوااار
الغسيل مانخليش الحوايج يتلمو باش ما نتعبش بزاف
مانحبش الكي من جذوره
نفسي ندير قيلولة محرومة منها

الأمنيات · 2014-11-13, 07:22

السلام عليكم
راني صليت الفجر وقريت حزبين واذكار الصباح الحمد لله راني مع بنتي نراجع معاها تربيه اسلاميه ومدنيه عندها فروض
كي نكمل نشرب قهوتي ونروح نبدا شغلي
البارح سيقت يعني اليوم ماكانش اشغال بزاف عندي دجاج نظفه جابه لي وندير الغدا وراح ندير طارط ولا قاطو
نغسل مواعين ونظف المطبخ هدا هو اليوم واش ندير مره على مره ندخل من تابلات نحطها في كوزنه مرات ههههههه
سمراء الجانب الجمالي راني جبت لكم وصفه جربتها لوجهي
مليحه للوجه الدهني والجاف
ملعقتين حمص مطحون مع ملعقتين حليب واخرى ماء ورد ولا ماء زهر انا درت ماء زهر
تخلطيهم وتحطيهم قناع على وجهك وخليهم عشرين دقيقه ومن بعد غسلي بالماء دافي ادا بشرتك دهنيه عادي نشفي وخليها
وادا جافه دهنيها بزيت اللوز

oummalak · 2014-11-13, 08:10

السلام عليكم ورحمة الله وبركاته
الفرحة لاتوصف بجمعة الاحبة والله شعور رائع
عن نفسي ليامات الي فاتو تعبت مع الما صووات
ومازال باقيلي الابواب انتاع الكوزينة وليزيليمو ونكمل
الاحد نبدا معاكم بيت لولاد
حبيت نسقسيك سمراء واش حتى بيت لبنات نفس الاسبوع معاه باش نكون معاكم

سمراء الدنيا · 2014-11-15, 15:17

اقتباس:

المشاركة الأصلية كتبت بواسطة ام منيب

باسم الله و الصلاة و السلام على حبيب الله
طلباتك اوامر يا سمراء
جبتلكم جدول يومياتي ....
مادام دخل الشتا يساعدني توقيت الفجر ....نتوضا ونصلي و ندعي كي تلحق السابعة نوض لولاد مع هذيك الفوضى لي يديروها الصباح يا لطيف ...كي يخرجو و يعم الصمت نتلهى بصوالحي نحط الحوايج في المشينة تاع الغسيل و نلم الشنابر و من بعد نرمي الفطور و نكمل بالتسياق
المشكل الكبيييير لي نعاني منو النت....يديلي وقتي و نلقا روحي هايمة فيه سيختو الصباح منين تكون النت خفيفة شوية
تعلمت من الدورات السابقة نخمل البيوت في الليل و نغسل الماعن و نقص قد مانقدر باش الصباح ينقص عليا الظغط و الدوااار
الغسيل مانخليش الحوايج يتلمو باش ما نتعبش بزاف
مانحبش الكي من جذوره
نفسي ندير قيلولة محرومة منها

اللهم صل و سلم على سيدنا محمد
برنامجك جيد يا ام منيب ... و المشكل نتاع النت كلنا نعانيو منو .... الحل هو اننا نحاولو نقصو منو في الفترة الصباحية و نخلوها لبعد الظهر احسن ... و لو كان يكون تصفح المنتدى خفيف في الليل يكون احسن لانو كاين متسع بين الساعة الثامنة و العاشرة ليلا
و القيلولة اكيد يحرموك منها الصغار .... طريقتي اني نعطي لبنتي الصغيرة عجين او الوان او العاب من النت و نخليها تتلهى معاهم و نرقد هاذيك نص ساعة او ساعة باش نستعيد نشاطي

اقتباس:

المشاركة الأصلية كتبت بواسطة الأمنيات

السلام عليكم
راني صليت الفجر وقريت حزبين واذكار الصباح الحمد لله راني مع بنتي نراجع معاها تربيه اسلاميه ومدنيه عندها فروض
كي نكمل نشرب قهوتي ونروح نبدا شغلي
البارح سيقت يعني اليوم ماكانش اشغال بزاف عندي دجاج نظفه جابه لي وندير الغدا وراح ندير طارط ولا قاطو
نغسل مواعين ونظف المطبخ هدا هو اليوم واش ندير مره على مره ندخل من تابلات نحطها في كوزنه مرات ههههههه
سمراء الجانب الجمالي راني جبت لكم وصفه جربتها لوجهي
مليحه للوجه الدهني والجاف
ملعقتين حمص مطحون مع ملعقتين حليب واخرى ماء ورد ولا ماء زهر انا درت ماء زهر
تخلطيهم وتحطيهم قناع على وجهك وخليهم عشرين دقيقه ومن بعد غسلي بالماء دافي ادا بشرتك دهنيه عادي نشفي وخليها
وادا جافه دهنيها بزيت اللوز

بارك الله فيك الامنيات منظمة اوقاتك مليح و شكرا جزيلا على الوصفة و جاري التطبيق

اقتباس:

المشاركة الأصلية كتبت بواسطة oummalak

السلام عليكم ورحمة الله وبركاته
الفرحة لاتوصف بجمعة الاحبة والله شعور رائع
عن نفسي ليامات الي فاتو تعبت مع الما صووات
ومازال باقيلي الابواب انتاع الكوزينة وليزيليمو ونكمل
الاحد نبدا معاكم بيت لولاد
حبيت نسقسيك سمراء واش حتى بيت لبنات نفس الاسبوع معاه باش نكون معاكم

و عليكم السلام و رحمة الله و بركاته
ربي يكون معاك عزيزتي ام ملاك وجود الماصويات في البيت صعيب بزاف
خليت غرفة الاولاد و البنات في اسبوع واحد باش نحرصو عليهم و نتهنو منهم ... بما اننا في فصل الشتاء مش راح نستعملو الماء بكثرة و نعتامدو على المسح اكثر شيء ..... و اغلب الشغل في غرف الاولاد يكون مع ترتيب الملابس و هاذ العمل ممكن نقومو بيه في الليل او فترة بعد الظهر

أم ياسين الزهراء · 2014-11-13, 08:22

صباح الانوار

طبعا راني عطلة مدفوعة الاجر هههههههههههههه

نوض دايما على 6.30 نونهبط للتحت بش نوجدلهم الفطور وفي عادة مانعرف مليحة ولا خايبة فطور الصباح نحبو وحدي هدي عيت نحيها نشرب حليبي وقهوتي على خاطري ونجي طبعا للميكرو وليدي يوجد روحو وحدي وكيهبط انا اللي نكمل معاه حتى يخرج انا مانحبش نصبح نطيب لكان نشم ريحة الطياب الصباح نبقى مقلقة بعد 9 انطلق وكيننطلق مانحبسش هدي هي مشكلتي والحمد لله

نخمل الدار ونفرزها ونروح نغسل مواعن العشاء ونوجد الفطور وبنتي الصغيرة ترجع تتكى وتتفرج الرسوم والماشينة نديرها تغسل وكيما اليوم مانسيقش تهنيت راحة يعني راح يبقالي وقت للميكرو تعرفو قد مافيه فايدة نضنو فيه مشكل نهار مايتحليش المنتدى ندير كلش حتى بناتي يقولولي باين الجلفة مبلوكي ههههههههههههههههه بصح وحدتي هنا هو اللي يخليني واقفة

مشكاتي وانا حابة نحيها نخدم مزروبة عيت نحيها والفة كيكنت نربي نزرب ونجري ولحد الان والو زوجي يضل ينهر في بصح انا ولو رغم اني بديت نعي صح والو

لبناتي نصيحتي ديرو كلش الصباح والمساء خلوه راحة هكى متعودة لعشية مايكونش عندي اشغال خاصة اعمال الماء راهو يضر الصحة الماء في المساء حافظو على صحتكم

ماريا205 · 2014-11-13, 08:31

االسلام عليكم ورحمة تعالى
سمراء الدنيا كل عبارات الشكر قليلة عليك تستاهلي كل خير يا اعز صديقة
ومجهوداتك ماجورة عليها ان شاء الله
ننظم اليكم في هده الدورة بادن الله برنامج التنظيف خفيف عجبني

ام منيب · 2014-11-13, 09:04

لبنات صباحكم زين سامحوني على تكرار الرد .... عن بالي الرد تاع البارح مالحقش
ااااسفة

~ حراير ~ · 2014-11-13, 09:19

السلام عليكم و رحمة الله تعالى و بركاته
سمورة درتيلنا خدمة تاع لبروقرام هذا

انا نبدالكم من الليل
الكوزينة و الدوش و الطوالات يباتو نظاف و لو على جثتي هيهيهيه
5.00 ...............................نوض نصلي ركعتين و نطيب لفطور و نوجدلهم و نديرو في الترامس و نفطر "كيما ام ياسين نحب وحدي" ونصلي
6 .................................................. نوضهم و بكل صراحة نوقف عليهم باش ماينوضش لعياط "غسل وجه و اسنان و وضوء و صلاة و نخليهم يكملو يلبسو و يعدلو فراشهم "هاد الوقت انا نكون في الكوزينة ندوزن برك البرم تاع لغدا و تاع لعشا و نلوح القش في المشينة اذا عندي
6.45 .............................................نفطرو في جماعة "طبعا هوما و انا مقابلتهم كي الجدارمي هيهيهيهيه"
7.00 ...................................... يخرج الراجل نحط لبرم على النار و نروح للميكرو نقرا الجرنال "ديفو قديم" و نضرب طلة على المنتدى
7.30 ...................................... يطيرو عليا الهنود الحمر ليزاباش وجوه الـ ................ نكمل شوية مع الميكرو
8.00 ...............................................نوض نهوي البيوت و ننشر لفراشات على الشمس و نجوز النشاف على الدار كل
كيما درك راني مكملة و الحمدلله
راني رايحة نفرز خزانة اريج عارفتها موسوسة تجي تجريلها و هي عندها دفوارات خليني نهنيها

درك نجيكم للتوسويس
عندي سوسة تجواز النشاف خاصة خاصة الكوزينة و الدوش و الطوالات و الهول
الصباح شافة لعد لغدا نشافة كي يروح للقراية نشافة بعد القهوة نشافة و في الليل طبعا افففففففففففففففففففففففففف
الطوالات حاطتلهم الغسول السحري تاعي يخي تعرفوهم الي تخرج و ماتصبش منه و تصب من وراه الما هاداك وش عطاها ربي من عياط و شتيمة من عندي
لمراية تاع الدوش زوجي منين يتوضا قولي غير دوش و دوش لمراية مسكينة نهار كامل و انا من وراه بصح درك راني في خطة معاه كي تنجح نقولهالكم

درك الدباير نصيحة نهار الجمعة و السبت الويكاند حب يقول ماديرو والو عيشو حياتكم مع ازواجكم و وليداتكم انا من الكوزينة مانزيد والو

على هك عندي نهار الاحد نهز لفراش و نسيق مليح و ساير ليام تجواز نشاف

درك طلباتي
خياتي تاع المراهقين يعطوني دباير
انا في الحق الحمدلله راني في تحسن مع بناتي كل بصفة عامة "و ربي يخلي ندية و يعمر حجرها الي حلتلي عينيا و وراتلي بالبا و التا وش ندير يكثر خيرها"
لكن رغم هذا راني طماعة و بغيتكم تعطوني طرق باهية

سمراء الدنيا · 2014-11-15, 16:07

اقتباس:

المشاركة الأصلية كتبت بواسطة أم ياسين الزهراء

صباح الانوار

طبعا راني عطلة مدفوعة الاجر هههههههههههههه

نوض دايما على 6.30 نونهبط للتحت بش نوجدلهم الفطور وفي عادة مانعرف مليحة ولا خايبة فطور الصباح نحبو وحدي هدي عيت نحيها نشرب حليبي وقهوتي على خاطري ونجي طبعا للميكرو وليدي يوجد روحو وحدي وكيهبط انا اللي نكمل معاه حتى يخرج انا مانحبش نصبح نطيب لكان نشم ريحة الطياب الصباح نبقى مقلقة بعد 9 انطلق وكيننطلق مانحبسش هدي هي مشكلتي والحمد لله

نخمل الدار ونفرزها ونروح نغسل مواعن العشاء ونوجد الفطور وبنتي الصغيرة ترجع تتكى وتتفرج الرسوم والماشينة نديرها تغسل وكيما اليوم مانسيقش تهنيت راحة يعني راح يبقالي وقت للميكرو تعرفو قد مافيه فايدة نضنو فيه مشكل نهار مايتحليش المنتدى ندير كلش حتى بناتي يقولولي باين الجلفة مبلوكي ههههههههههههههههه بصح وحدتي هنا هو اللي يخليني واقفة

مشكاتي وانا حابة نحيها نخدم مزروبة عيت نحيها والفة كيكنت نربي نزرب ونجري ولحد الان والو زوجي يضل ينهر في بصح انا ولو رغم اني بديت نعي صح والو

لبناتي نصيحتي ديرو كلش الصباح والمساء خلوه راحة هكى متعودة لعشية مايكونش عندي اشغال خاصة اعمال الماء راهو يضر الصحة الماء في المساء حافظو على صحتكم

شكرا ام ياسين على مشاركتك معانا ببرنامجك و ان شاء الله ناخذو منو افكار تنفعنا ............ اما عن السرعة في الشغل فهي فعلا مرهقة .... من الافضل انو الانسان ما يكلفش نفسو فوق طاقتها و نصحك تبعي برنامج ام ملاك مريح جدا .... رايحة نحطو يوم الغد باذن الله

اقتباس:

المشاركة الأصلية كتبت بواسطة ماريا205

االسلام عليكم ورحمة تعالى
سمراء الدنيا كل عبارات الشكر قليلة عليك تستاهلي كل خير يا اعز صديقة
ومجهوداتك ماجورة عليها ان شاء الله
ننظم اليكم في هده الدورة بادن الله برنامج التنظيف خفيف عجبني

و عليك السلام و رحمة الله و بركاته منورة حبيبتنا ام ماريا ..... ربي ما يحرمني منك و من تشجيعك ..... نتمنى من كل قلبي تشاركي معانا لانو مشاركاته فعالة و لها اثر حسن في الدورة

اقتباس:

المشاركة الأصلية كتبت بواسطة ~ حراير ~

السلام عليكم و رحمة الله تعالى و بركاته
سمورة درتيلنا خدمة تاع لبروقرام هذا

انا نبدالكم من الليل
الكوزينة و الدوش و الطوالات يباتو نظاف و لو على جثتي هيهيهيه
5.00 ...............................نوض نصلي ركعتين و نطيب لفطور و نوجدلهم و نديرو في الترامس و نفطر "كيما ام ياسين نحب وحدي" ونصلي
6 .................................................. نوضهم و بكل صراحة نوقف عليهم باش ماينوضش لعياط "غسل وجه و اسنان و وضوء و صلاة و نخليهم يكملو يلبسو و يعدلو فراشهم "هاد الوقت انا نكون في الكوزينة ندوزن برك البرم تاع لغدا و تاع لعشا و نلوح القش في المشينة اذا عندي
6.45 .............................................نفطرو في جماعة "طبعا هوما و انا مقابلتهم كي الجدارمي هيهيهيهيه"
7.00 ...................................... يخرج الراجل نحط لبرم على النار و نروح للميكرو نقرا الجرنال "ديفو قديم" و نضرب طلة على المنتدى
7.30 ...................................... يطيرو عليا الهنود الحمر ليزاباش وجوه الـ ................ نكمل شوية مع الميكرو
8.00 ...............................................نوض نهوي البيوت و ننشر لفراشات على الشمس و نجوز النشاف على الدار كل
كيما درك راني مكملة و الحمدلله
راني رايحة نفرز خزانة اريج عارفتها موسوسة تجي تجريلها و هي عندها دفوارات خليني نهنيها
من زمان عاجبني البروقرام نتاعك و من للي بديت كيفك =الكوزينة و الدوش يباتو نظاف = تهنيت
درك نجيكم للتوسويس
عندي سوسة تجواز النشاف خاصة خاصة الكوزينة و الدوش و الطوالات و الهول
الصباح شافة لعد لغدا نشافة كي يروح للقراية نشافة بعد القهوة نشافة و في الليل طبعا افففففففففففففففففففففففففف
يا ريت تعديني في هاذي متمنية نديرها بصح راهي عذاب يا بنتي ....
الطوالات حاطتلهم الغسول السحري تاعي يخي تعرفوهم الي تخرج و ماتصبش منه و تصب من وراه الما هاداك وش عطاها ربي من عياط و شتيمة من عندي
لمراية تاع الدوش زوجي منين يتوضا قولي غير دوش و دوش لمراية مسكينة نهار كامل و انا من وراه بصح درك راني في خطة معاه كي تنجح نقولهالكم
راني نستنى في الخطة و تاكلا عليك
درك الدباير نصيحة نهار الجمعة و السبت الويكاند حب يقول ماديرو والو عيشو حياتكم مع ازواجكم و وليداتكم انا من الكوزينة مانزيد والو

على هك عندي نهار الاحد نهز لفراش و نسيق مليح و ساير ليام تجواز نشاف
خلاص اقتانعت بكلامك و ما كانش تسياق الويكاند نخلوه يمر بهدوء
درك طلباتي
خياتي تاع المراهقين يعطوني دباير
انا في الحق الحمدلله راني في تحسن مع بناتي كل بصفة عامة "و ربي يخلي ندية و يعمر حجرها الي حلتلي عينيا و وراتلي بالبا و التا وش ندير يكثر خيرها"
لكن رغم هذا راني طماعة و بغيتكم تعطوني طرق باهية

ان شاء الله ما يبخلوش علينا باقي العضوات في النصائح الخاصة بالمراهقين
و ما تحرميناش من مداخلاتك الرائعة و المفيدة

oum radja · 2014-11-13, 14:40

السلام عليكم
يعطيكم الصحة راكم ناشطين
حراير واصلي في طريقتك تاع النشاف هايلة حتى انا اختي الكبيرة هاكا وماتملش ابدا
وانا تمنيت نكون كيما هي
جبت ليكم باش تتقهو

oum radja · 2014-11-13, 14:41

وصفة وتدبيرة
هاذا وقت السفرجل راه متوفر بكثرة
كاين لي يدير مربى وكاين لي يدير بيه طاجين
كي تقشر السفرجل ماترموش القشور و البدور
ديريهم في قدر صغير مع الما وخلوهم يغلو مليح من بعد صفو هاذاك الما وزيدو عليه نفس الكيلة تاع سكر و شريحة رقيقة تاع ليمون وخلوه فوق النار حتى يعقد مليح
وبهاذا رايحين تتحصلو على كمية مليحة تاع لاجولي ديروها في علبة وخلوها في الثلاجة او حتى في المجمد وهي ماتجمدش تبقى كيما هي
رايحين تلقوها في اي وقت باش تزينو الطورطات وتلمعو الفواكه وتستعملوها حتى في سلادوفروي امممممممممممم