غرزة الحساب

[*غزلان *]

المشاركة الأصلية كتبت بواسطة حورية38

ماشاء الله تحفة رائعة وفن راقي بالفعل
ربي يوفقك

شكرا مرورك الأروع

[razika8]

ويكتا رايحين تبدأ الورشة راني خير نستنه

[*غزلان *]

المشاركة الأصلية كتبت بواسطة razika8

ويكتا رايحين تبدأ الورشة راني خير نستنه

أنا ما نعرفش كيفاش يديرو ورشة بصح راني هنا نعاونكم بلي نقدر عليها ونطلب من الأخوات لي عندهم خبرة في المنتدى يساعدونا

[tiziri2]

بارك الله فيك اختي منال
عندك الحق هاد الخدمة متعبة الواحدة خير نخدمها على حاجة صحيحة
فقط انا ما نحبش الميتيس كي يتغسل قد ما تحددي يتكرفص
و بالنسبة للخيط تاع الفساكر و الا كبب عاديين؟

بالنسبة للورشة نظن الاخت كرونو تقدر تساعدك في كيفية وضع الدروس و الورشات
و ادا حبيتي شوفي بعض الورشات تاع الكروشي راكي تفهمي الطريقة

او طريقة اخرى ادا عندك صور في كتاب مثلا و فيه الغرزات ممكن تحطي الغرز و صور تاعها و و تشرحيها و هادي افضل لانك اكيد الازار الي راكي تخدمي فيه ما فيهش غاع الغرز
هاكدا بلا ما تخدمي ممكن تشرحي فقط
و جزاك الله عنا كل خير


و يعطيك الصحة على هاد الصنعة الراقية و المتعبة ألي راكي تخدمي فيها
شكرا

[*غزلان *]

المشاركة الأصلية كتبت بواسطة tiziri2

بارك الله فيك اختي منال
عندك الحق هاد الخدمة متعبة الواحدة خير نخدمها على حاجة صحيحة
فقط انا ما نحبش الميتيس كي يتغسل قد ما تحددي يتكرفص
و بالنسبة للخيط تاع الفساكر و الا كبب عاديين؟

بالنسبة للورشة نظن الاخت كرونو تقدر تساعدك في كيفية وضع الدروس و الورشات
و ادا حبيتي شوفي بعض الورشات تاع الكروشي راكي تفهمي الطريقة

او طريقة اخرى ادا عندك صور في كتاب مثلا و فيه الغرزات ممكن تحطي الغرز و صور تاعها و و تشرحيها و هادي افضل لانك اكيد الازار الي راكي تخدمي فيه ما فيهش غاع الغرز
هاكدا بلا ما تخدمي ممكن تشرحي فقط
و جزاك الله عنا كل خير


و يعطيك الصحة على هاد الصنعة الراقية و المتعبة ألي راكي تخدمي فيها
شكرا

ختي أصلا هدا الدروات مش رح ديرهم دايما غير في المناسبات عيد ولا نفاس تسمى ما يتغسلوش بزاف وكي تظطري تغسليه حدديه وهو شامخ شوية على القفى نتاعو
أما بالنسبة للخيط هو هدا النوع
وشوفي هدا الدرا ثاني

[tiziri2]

هايل الازار بارك الله فيك

جربت خدمت ازار بالpassé plat يشبه شوية لهادا تاع الياسمينات كأول تجربة و شفت فقط واحدة خدمت قدامي شوييييييية فقط يعني ما نعرفش

و الي شافو يقولي هايل و انا الصراحة ما كنتش مقنعة بيه لانه علابالي أكيد فيه بزاف الغلطات خاصة من الوراء ما جانيش سواسوا كيما القدام
يخي يقولو غرزة لحساب جي كما الوجه كيما لقفا ولا راني غالطة

شكرا على صورة الخيط كيما هاداك الي خدمت بيه

[*غزلان *]

المشاركة الأصلية كتبت بواسطة tiziri2

هايل الازار بارك الله فيك

جربت خدمت ازار بالpassé plat يشبه شوية لهادا تاع الياسمينات كأول تجربة و شفت فقط واحدة خدمت قدامي شوييييييية فقط يعني ما نعرفش

و الي شافو يقولي هايل و انا الصراحة ما كنتش مقنعة بيه لانه علابالي أكيد فيه بزاف الغلطات خاصة من الوراء ما جانيش سواسوا كيما القدام
يخي يقولو غرزة لحساب جي كما الوجه كيما لقفا ولا راني غالطة

شكرا على صورة الخيط كيما هاداك الي خدمت بيه

هي كيما باسي بلا والوجه يجي كيما القفى مي يصراو غلطات خفاف حتى للمحترفين
شوفي تيزيري نعطيك رشام وحاولي تسييه ورايحة نفهم في بعض الأساسيات
مثلا النجمة تتكون من 8 ورقات حيث الورقة تبدايها ب 4 ( شكل صغير شوية) أو 5 خيوط ( شكل عادي)
1- الخيط تثنيه على 2 ثم تدخليه في الإبرة يعني باه ما تربطيش ويجيك الخيط مشبك من الخلف
2- تدخلي الإبرة في الثقب لي رايحة تبداي منو وتحسبي 4 أو 5 خيوط للأعلى وتخرجيها من بعد تخدمي 4 أو 5 أعمدة متشابهين
3- تبقاي تمشي في نفس الخط لي بديتي منو وتطلعي ب 4 أو 5 خيوط يعني إدا بديتي ب 4 رايحين يولو 8 ثم 12 ثم 16 حتى تحصلي على نصف مثلث مدرج
4- من بعد تولي العكس تنقصي ب 4 أو 5 خيوط من الأسفل وفي الأعلى تمشي في نفس الخط حتى تتحصلي على شكل الورقة
5- و كي تعرفي الورقة تجيك النجمة ساهلة والشكل كامل يولي ساهل

وش ما تفهميش قوليلي
اليوم ما نرقدش حتى تخدمي حاجة هههههههههه

[tiziri2]

بارك الله فيك اختي منال و شكرا جزيلا عالاهتمام و المساعدة

راني فهمت مليح الشرح تاعك يعطيك الصحة راهو واضح و فهمته مليح و راكي طمنتيني كي قلتيلي يصراو الغلطات حتى للمحترفين لانه هدي هي الي خدمتها في الازار الي قلتك عليه لوكان راهو عندي لوكان راني صورتهولك


و عجبوني الرشمات بارك الله فيك و واضحين جدا ما شاء الله و ادا عندك واحداخرين مانقولكش لالا و ندعيلك بالخير ان شاء الله


هكدا يا استادة راني تعلمت غرزة واحدة و راني نستنى في الموالية

جزاك الله خيرا

[*غزلان *]

اليوم راني جبتلكم شوية جديد نتاع غرزة الحساب من رشمات تستعمليهم في المفارش أو أي شيء تحبي تخدميه

[*غزلان *]

وإليك الحواف لي تديرهم في القلبة نتاع المفرش والمخايد

[tiziri2]

بارك الله فيك اختي منال
هايلين الرشامات و واضحين فقط عندي بعض الاسئلة

في الصورة الاولى كاين نجمة في الوسط هاديك مفهومة لكن هاداك المعين المحيط بيها ما فهمتش كيفاش يتخدم هل هو passé plat عريض ولا مادا ؟
و في الصورة الثانية هادوك المعينات des grilles الي جايين في الوسط كيفاش يتخدمو ؟
و في الصورة الثالثة هاديك الحافة تاع المثلثات الي جاية من التحت بانتلي عريضة هل هي تاني بال passé plat ولا عندها غرزة اخرى

و اسمحيلي على كثرة الاسئلة
و شكرا

[*غزلان *]

المشاركة الأصلية كتبت بواسطة tiziri2

بارك الله فيك اختي منال
هايلين الرشامات و واضحين فقط عندي بعض الاسئلة

في الصورة الاولى كاين نجمة في الوسط هاديك مفهومة لكن هاداك المعين المحيط بيها ما فهمتش كيفاش يتخدم هل هو passé plat عريض ولا مادا ؟
و في الصورة الثانية هادوك المعينات des grilles الي جايين في الوسط كيفاش يتخدمو ؟
و في الصورة الثالثة هاديك الحافة تاع المثلثات الي جاية من التحت بانتلي عريضة هل هي تاني بال passé plat ولا عندها غرزة اخرى

و اسمحيلي على كثرة الاسئلة
و شكرا

هو معين متكون من مربعات صغيرة لهي في الشكل الأول
les griles يتخدمو بعد ما تخدمي المعين إليك في الشكل الثاني واريحة نخصصلك حصة خاصة بيهم
والحافة لي قلتي عليها هي نفس الطرقة نتاع الورقة برك هوما مثلثات متقابلة يعني تخدمي الطريق الاولى من بعد ترجعي للطريق الثانية لتجي مقابلة لها هادي الحافة ما ستعملتهاش أنا خدمت غير بطريق واحد وتقدري تديري المثلث مدرج مثل ما فهمتك في الورقة
والسماح ختيتي بالعكس كي تسقسي وتفهمي تفرحيني

[tiziri2]

بارك الله فيك
فهمتك مليح
قعدتلي فقط la grille ننتظر في الدرس الخاص بيهم
و حاجة اخرى ان امكن في الازار الي راكي تخدمي فيه على شحال تديري الخيط على 2 ولا على 4 او اكثر
و ثاني هاديك الحافة تاع المثلثات شحال تحسبي من خيط في القماش يعني حتى تلحقي للراس تاع المثلث هل 6 كيما كاين في الباترون ولا 8

و اخيرا بارك الله فيك فعلا ما عرفتش واش نقولك الا ربي الي يجازيك ان شاء الله على مساعدتك لي و اكيد كاين اخوات راهمم يستفادو معايا

[*غزلان *]

تيزيري الخيط كي يكون مليح على 2 قليل وين تتحطي في خيط تديريه على 4 ونتمنى تتجنبيه كامل
أما بالنسبة للمثلث إدا درتي 4 خيوط القمة حبسي في 16 خيط يعني 4 درجات وإدا درتي 5 خيوط حبسي القمة في 20 خيط على خاطر في الباترون راه شرح برك مش بالتدقيق شحال من درجة و شحال من خيط
و دايما نعاونكم بلي نقدر عليه إن شاء الله
أنا لوكان نحكيلك كيفاش تعلمتها تضحكي
كانت ختي الكبيرة تخدمها و أنا كنت 13 سنة في عمري كي تحط هي الطنيبر نحكمو أنا ونخربش مرات تجي في الصواب مرات تعاود تفتح وتعيط عليا حتى وليت نتقنها وختي هادي ولات ضرك تسقسيني وتدي برايي فيها

[tiziri2]

السلام عليكم

يعطيك الصحة على دكرك لقصتك مع غرزة لحساب باش يتأكدو لبنات انه فعلا كي تحبي الحاجة تتعلميها و لو بدون معلم وما شاء الله بديتي صغيرة
حتى انا نحب الاشغال اليدوية مند كنت طفلة صغيرة و الحمد لله راني دايما نتعلم
و ربي يرزقنا الصحة لانه اكيد صنعة اليد تحتاج الى جهد وراهي تتعب صحتنا ربي يقدرنا ان شاء الله

اعود الى موضوع الازار
انا قصدت المثلثات الي ماشي مدرجة و ليست هاديك الي تتدرج بالمربعات راكي فاهمتني؟

شكرا اختي منال على اهتمامك لكبير و على المساعدة تاعك
جزاك الله عني و عن كل البنات كل خير