نطمع نشري خبز الدار من لبرا نطلق مرتي ....ماتخلعوش - الصفحة 3

الألماسة · 2014-09-29, 17:19

يا اخي ولد عمي حمد الباتني عجبني موضوعك بزااااااااااااف
و ضحكت و انا نقرا فيه مع خويا
اليدين تع النسا اتكسرو واش تحب
عن نفسي حنا في دارنا ما نخدموش خبز الدار الا نادرا
لكن
خبز المطلوع ما يخطينا لا في رمضان و لا في مناسبات و حتى نهاية الاسبوع(الجمعه و السبت)
لكن الايام الاخرى نشرو الخبز لان الكل في العمل و الام فقط فالدار و هي كبيرة و مريضة
صح عيدكم

ولد حمد الباتني · 2014-09-29, 18:30

اقتباس:

المشاركة الأصلية كتبت بواسطة hadjer_jijel

هههههـ بصح عيب و الله

غير الا كان ماشي راجل

ههههه أوافقك الرأي ...

ولد حمد الباتني · 2014-09-29, 18:32

اقتباس:

المشاركة الأصلية كتبت بواسطة كاميلا

يا بابا واش هدا انتم الشاوية صعاب بزاف يا اخي طلق مرتك على خبز الدار ؟ امالا اللي يخون في مرته وعلاش يطحنو النسا ويبقاو معاهم
عجيب امركم الطلاق عاد كي شرب الماء لاحول ولا قوة الا بالله
بدل ما طلق مرتك اشريلها عجانة اظن الامر سهل جدا
ذكرتني في واحد عند طبيب الاسنان يحكي ومدور بيه الرجالة ويقولهم مديرليش الكسرة نطلقها ههههه كي قاله واحد وعلاش يا اخي اشريلها عجانة تولي ديرلك صباح وعشية وقاله انا مرتي شريتلها العجانة ديرلي الكسرة ديما حتى كرهت منها قاله هاداك السيد والله متشوفها نخصر عليها 3 ملاين هنا شعرت بقشعريرة يعني مرتك كي تخسر في صحتها معليش بين الدار وانت والاولاد ومستخسر فيها عجانة عار والله غير عار

أراك أخذت الكلام على محمل الجد
راني قلت بلي هوا كان مداير لاشان حاب يشري خبز الدار
ثم انا عن نفسي ماني مزوج ماني خاطب ماني شاوي ...
بصح فكرة العجانة مليحة، ومانعرف تخرج كي يدين لحراير ولا حاجة باينة لالا ... والمفيد خير من خبز ألف فرنك ...

ولد حمد الباتني · 2014-09-29, 18:34

اقتباس:

المشاركة الأصلية كتبت بواسطة الألماسة

يا اخي ولد عمي حمد الباتني عجبني موضوعك بزااااااااااااف
و ضحكت و انا نقرا فيه مع خويا
اليدين تع النسا اتكسرو واش تحب
عن نفسي حنا في دارنا ما نخدموش خبز الدار الا نادرا
لكن
خبز المطلوع ما يخطينا لا في رمضان و لا في مناسبات و حتى نهاية الاسبوع(الجمعه و السبت)
لكن الايام الاخرى نشرو الخبز لان الكل في العمل و الام فقط فالدار و هي كبيرة و مريضة
صح عيدكم

أهلا بيك الألماسة
ليا الشرف عجبك موضوعي
ربي يحفظلكم الوالدة ويشافيها
خبز المطلوع هو الكسرة عندكم ؟؟؟؟؟ كل منطقة كيفاه يسميو
كي تكون ظروف وماكانش ألي يطيب غير الوالدة لازم ماتعبوهاش الله يحفظها
اما المناسبات صعيبة تشريو الخبز ههه

شكرا لمرورك

yildiz · 2014-09-29, 18:49

السلام عليكم
حنا فالوسط هاد العادة راحت تاع هاداك الخبز لازم فالاعياد ... والله اعلم
هل في الغرب و الشرق ايضا مازالت عندهم؟؟؟؟؟

ولد حمد الباتني · 2014-09-29, 18:53

اقتباس:

المشاركة الأصلية كتبت بواسطة yildiz

السلام عليكم
حنا فالوسط هاد العادة راحت تاع هاداك الخبز لازم فالاعياد ... والله اعلم
هل في الغرب و الشرق ايضا مازالت عندهم؟؟؟؟؟

حنا عندنا الخبز هذاك مليح فالمناسبات وعندو حلاوتو أما عادة عندنا في الشرق الله أعلم

جازيا ام البنات · 2014-09-29, 19:12

العيد بلا خبز الدار يجي ناقص بنة لااااااااااااااااااااااااازم يكون حاضر مع الملفوف انا شخصيا نوجدو ليلة العيد ونهار العيد نسخنو ويجي بنين عيد سعيد وكل عام وانتم بخير

الجواهر · 2014-09-29, 19:19

ليس من عادتنا ناكلوا خبز الدار في العيد .. احنا والفنا ناكلو الخبز العادي تاع 10 دج
شق الخبزة و عمرها بالهريسة و الشواء و بصحتك حتى تشبع و تخلي منها
هذا هو العيد عندنا بلاما ننسى القازوز كل واحد قرعة ههههههههه
ايام لا تنسى حين كنا صغارا و حين كنا نفرح بالعيد

ولد حمد الباتني · 2014-09-29, 19:28

اقتباس:

المشاركة الأصلية كتبت بواسطة جازيا ام البنات

العيد بلا خبز الدار يجي ناقص بنة لااااااااااااااااااااااااازم يكون حاضر مع الملفوف انا شخصيا نوجدو ليلة العيد ونهار العيد نسخنو ويجي بنين عيد سعيد وكل عام وانتم بخير

وكل عام ينعاد علينا وعليكم بالصحة والعافية
ايه خبز الدار يوجدوه بيوم قبل ويكونجليوه على يوم ولا أسبوع العيد عادي جدا ...
كيما قلتي هذاك هو بنة العيد ...

ولد حمد الباتني · 2014-09-29, 19:31

اقتباس:

المشاركة الأصلية كتبت بواسطة الجواهر

ليس من عادتنا ناكلوا خبز الدار في العيد .. احنا والفنا ناكلو الخبز العادي تاع 10 دج
شق الخبزة و عمرها بالهريسة و الشواء و بصحتك حتى تشبع و تخلي منها
هذا هو العيد عندنا بلاما ننسى القازوز كل واحد قرعة ههههههههه
ايام لا تنسى حين كنا صغارا و حين كنا نفرح بالعيد

مادام للشوا ماعليهش
صح الشوا يجي مع الخبز تاع الف خير
بصح كاين لخميرة والمطلوع ههه

زهرة لرضوان · 2014-09-29, 21:57

شكرا على الموضوع

hilan · 2014-09-29, 22:24

جميع انواع الخبز التي تباع ومن المفروض ان تصنع في المنزل لا تعجبني
افضل صنعها في المنزل

ام مهدي 03 · 2014-09-29, 23:07

نصيحة لى مرتو ما تحبش الطياب و لا ما تعرفش يسجلها فى منتدى الجلفة ويدخلها لقسم الطبخ راهى تعود ما تخرجش من الكوزينة وينسى هو شراء اى حاجة جاهزة ويشبع خبز الدار. بريوش .كسرة....وحتى الحوايج لى مالف غير يشوفهم بالعين .راهو يولى عندها ادمان وكل يوم لازم دير حاجة جديدة
رانى جادة .شكرا على الموضوع وشكرا لكل الشافات فى المنتدى

نقاء روح · 2014-09-30, 01:18

.....................................

نقاء روح · 2014-09-30, 01:41

اقتباس:

المشاركة الأصلية كتبت بواسطة زرقـآء اليمآمـة

السام عليكم
اييييييييييه ...... لقد صار صنع الخبز من المواد التي في طريقها الى الانقراض .......... الا من البيوت التي فيها السبوعة ........
خبز الخباز يكون لذيذ وهو جديد وما ان يمر عليه الوقت يفقد لذته ويصبح كالمطاط ...... ولكن خبز الدار حتى ولو يمر عليه يوم يبقى بنين و له ذوق مميز ..................الامر في يد الرجل ان اراد تناول خبز الدار فليعمل على اجبار زوجته كي تحضره له يوميا ......... شكرا لك

اخي صاحب الموضوع اسمح لي بتعليق بسيط

اختي زرقاء اليمامة والله المرا الحرة تفهم روحها بروحها وحتى وان كانت تخدم برا على الاقل في المناسبات كيما العيد ولا رمضان تخدم بيديها وما تخليش راجلها يحكم لاشان

والزوجة الفحلة ما تستناش راجلها حتان يفيقها ولا يجبرها ويقول لها راني وليت نحشم من لاشان برا يعني تفهم روحا وحدها وهذا واجب عليها

الا في حالات خاصة كالمرض هنا لا يكلف الله نفسا الا وسعها

المهم حبيت نبين انو الزوجة ما تستناش واحد يفيقها ويقول لها قومي بواجباتك المنزلية