وزارة التربية : التقويم المستمر سيتم احتسابه في شهادة الباكالوريا

[abir me]

بصح نورمالمو تكون حاجة مليحة لينا هاذي مين يحسبو التقويم المستمر
ماهي السلبيات توعها
مافهمش انا ??????????????????????

[alone_22]

je parlais de celui qui me parlait comme si c'est moi qui a mis ces lois

[سمو امير الكلمات]

المشاركة الأصلية كتبت بواسطة abir me

بصح نورمالمو تكون حاجة مليحة لينا هاذي مين يحسبو التقويم المستمر
ماهي السلبيات توعها
مافهمش انا ??????????????????????

يالأخت هذي مليحة لو يطبقوها فقط على فئة معينة تكون متحصلة على معدل البكالوريا بين 9.5و9.99 كعملية انقاذ واجراء استثنائي لهذه الفئة .......أما البقية فكوني متأكدة أنه علامة التقويم سوف تجعل من معدلك يتدنى فإذ كنت سوف تتحصلين على معدل 16 فتوقعي معدلك يقفز الى 15

أعطيك مثال إختاري أي فصل من الفصول السنة الأولى أوالثانية ثانوي ومن المستحسن اختاري الفصل الذي يكون فيه معدلك كبير اعيدي حساب معدلك بنقاط الإختبار فقط دون حسابه مع الفرض أو التقويم وبعدها قومي بحساب معدلك الإختبار مع التقويم بدون حساب نقاط الفرض ومن ثم دوني ملاحظتك

وليكن في علمك وهذه عن خبرة بعض التلاميذ يتحصلون في الفصول على معدل يتراوح بين 11 و 13 ويفاجئوننا بمعدل 16 فالبكالوريا بمعنى اذ كان هذا التلميذ الذي تحصل على معدل 11 تقويمه سوف يكون منخفض ومن هنا المعدل 16 سوف يقفز الى 14 او 13 بمعنى هذا ظلم

[trina]

واقيلا الاحرار كيما انا مثلا راح نفوتو نورمال ماتقدرش تنحي الاحرار واش من حق عندها تنحي باكالوريا تاع الاحرار
خنا الاحرار نفوتو نورمال كيما مالفين لا تقويم مستمر لا بطاقة مانعرف تاع واه ثاني هادي
المشكل في المعدلات النظلميين يخبطو المعدلات في السما لاخر فيهم يجيب 13 او معدلات القبول تاع الجامعة تتطلع لسما
او الاحرار تتطفر فيهم

[miss_sunshine]

بصحتهم جماعة المعارف -_-
و اذا كان واحد حشام ميحبش يشارك في قسم كما انا مثلا
نودع الباك مثلااااا ؟؟؟؟؟؟؟؟؟؟؟؟؟
ولله هذي وزيرة لازمها طرد كثرتها بزااااااااف

[trina]

الوزير الي يجي يسيي التجارب على فئران البكالوريا صلح ولا الله لا جعلو يصلح
في لامان دزاير او في لامان مصداقية الباكالوريا
ذرك مايعودوش يستعرفوا بالباك تاع دزاير
هذي بلاد ميكي
نورمالمو هذا القرار لازم تدرسوا اوموا عام ولا زوج تشوف يصلح ولا لا
ماشي رقدت لقاتو في المنام تجي تجربوا على النهائي
هذي غير تخلط او ربي يستر

[wissamova]

مام انا سمعت بهدا الخبر مي ما علاباليش ادا صحيح ولا لا و اصلا كيفاش رايجين يطبقوه ؟؟؟

[trina]

سقسيت papa على البطاقة التركيبية قالي مثلا
واحد علمي او حاب يدير طب او معدلو مايسمحلوش يحسبولو نقاط العلوم و الفيزياء و الرياضيات باه يلحgوه
نورمالمو هكا
هذي مليحة مش تقويم ما تقويم

[ماريا كلارا]

و الله كاننا فئران تجارب دارت مجموعة من الاصلاحات كما تسميها في عام واحد اصلا ما هي الفائدة من البكلوريا هو امتحان يكون موحد على مستوى الوطن باش يقدرو يقارنو بين مستويات تاع التلاميذ و بهذه االطريقة راح تضرب المصداقية تاع الامتحان عرض الحائط لانه كما نعلم التقويم راح تولي فيه ايادي خفية و بالتالي يقدر واحد جايب 18 و الاخر 15 الفرق رح يكون في نقاط التقويم و الله بلاد ميكي

[Mehdi Dzx]

ربما سيكون لها اثر ايجابي

[سمو امير الكلمات]

المشاركة الأصلية كتبت بواسطة trina

سقسيت papa على البطاقة التركيبية قالي مثلا
واحد علمي او حاب يدير طب او معدلو مايسمحلوش يحسبولو نقاط العلوم و الفيزياء و الرياضيات باه يلحgوه
نورمالمو هكا
هذي مليحة مش تقويم ما تقويم

يا أختي الوزيرة ليس لديها أي دخل بالتخصصات بالجامعة فهذا يخص وزير التعليم العالي والبحث العلمي مادام الوزير لم يخرج ويقول توصلنا إلى هذا الاتفاق فهذا لا مصداقية له وتكون هنا الوزيرة تجاوزت حدودها

[trina]

المشاركة الأصلية كتبت بواسطة كيمونيس

يا أختي الوزيرة ليس لديها أي دخل بالتخصصات بالجامعة فهذا يخص وزير التعليم العالي والبحث العلمي مادام الوزير لم يخرج ويقول توصلنا إلى هذا الاتفاق فهذا لا مصداقية له وتكون هنا الوزيرة تجاوزت حدودها

والله مافهمت والو في دقيقة تقلبت الموازين
خربطتلي لخيوط
المهم الي علينا حنا نقراو مليح او نحضرو رواحنا مليح للباك او لي كتبهالنا ربي ذرك تجينا طرنا ولا هبطنا
او لي من عند ربي هذيك هي المليحة او ربي يستر او يحفظ
ربي يوفقنا
دمتم في حفظه و رعايته

[سمو امير الكلمات]

المشاركة الأصلية كتبت بواسطة trina

والله مافهمت والو في دقيقة تقلبت الموازين
خربطتلي لخيوط
المهم الي علينا حنا نقراو مليح او نحضرو رواحنا مليح للباك او لي كتبهالنا ربي ذرك تجينا طرنا ولا هبطنا
او لي من عند ربي هذيك هي المليحة او ربي يستر او يحفظ
ربي يوفقنا
دمتم في حفظه و رعايته

كنت أتصفح جريدة النهار وحسب المفهوم كان نفس ماقاله والدك رغم صاحب المقال لم يعطي فكرة واحدة ومحددة كونه هو لم يفهم هذا تطبيق كيف سيتم تطبيقه بصراحة راهي تخلط وكيما قلتي ربي يجيب الخير

https://www.ennaharonline.com/ar/nati...l#.VA4BdFeBRiU

[طهراوي ياسين]

شكرا على الاعلام اخي..

[hocine125]

نطالب بالاضراب
وزيرة غبية