ارجو مسااااااعدة بعثوني مدرسة تطبيقية للقوات الخاصة بسكرة متطوع ؟

[said-113]

المشاركة الأصلية كتبت بواسطة berberossa

يا أخي أنا كنت فيها l'etap بسكرة بعيدة على المحطة ب زوج كيلو تقريبا كنت فيها دفعت سبتمبر 2013 يا أخي صحيح يحكمو في الأغلب من 35 إلى 45 و الباقي يروح فائض و هذا ما حدث معنا كنا حوالي 100 إلى 110 حكمو 40 و الباقي أنا منهم فائض المهم أنا نحكيلك بكل صدق راك تدخل النهار اللول ما تتأقلمش تشوف الصاعقة بالبيري فار مظليين و قوات خاصة سيكسيون مغاوير و كوكسول هاذو كامل يدربو قدامكم زيدلها جماعة السرجن حرس جمهوري 1èr a و 2ème a أنتوما طلاب مرشحين اسبيرون نجمة صفرة قوات خاصة أي sous-lieutenant راح تباتو في إقامة المتربصين ضباط و جوادن sous-lieutenants في مام بلوك الطابق السفلي اللي رايح يحكموكم sergent مضلي من غيليزان ناس ملاح و sergent-chef تبسي يحكي بزاف و adjudant خنشلي ناس ملاح colonel لي حاكم التكوين في ليكول ناس ملاح و gen-maj لي حاكم المدرسة يدور مي باش تشوفو محال المهم لومبيونس كاينة الضحك كلش في الليل مليحة عندك المناخ صعيب الشهيلي و الماكلة ما كان ما كانالعقرب الصفرة كاثرة عسو رواحكم رايحيين تبقاو حتى 25 يوم من وراها يروح الفائض و يبقا maintiens
... لا كارت جون تهزها في الناحية لي تابع ليها عند خروجك
المهم لي عندو دوسي و لا ما عندوش الطول تحت 1.70 متر يروح
الروطار ما عندو حتى معنى لأنهم يديرولكم كوميسيون كاتريام ريجيون 4er rm و مندوب من ال mdn كلش يدرسوه النهار اللخر كي يطلقوكم المهم كيما قتلك دير دوسي تروح

بارك الله فيك خويا برباروسا ... عطيتني معلومات هاايلة .. رح اظيفلك سؤال فقط .. انا اللي استخرجت امر استدعاء (لوردابال) يعني كتبولي متطوع
ديبلومي ليسانس علوم سياسية + ناقص شوي في النظر و داير نظارات طبية منذ 4 اشهر فقط ولدي شهادة طبية (جديدة) حديثة التاريخ+ رح نتأخر على الموعد + القامة 1.70
هل ادخل للثكنة بالنظارات الطبية ؟ ..و ما هو الشيء الذي يفيدني في ما ذكرته انا الفوق .. و شكرا

[omarza03]

سلام اخي راهم الاخوة مدولك جميع المعلومات اما انا رايح نفيد في حاج انا كنت فيها في دفعة مارس 2013 وخرجت باعفاء بسبب طبي كان عندي ارني يعني فتق وذلك بعد مكوثي مدة اسبوع بعد ما فتنا عند الطبيب البيطري القسنطيني مدلنا اينابت وبعد 3 ايام رحمنا مع المسيونور عبد القادر من عين تموشنت الله يذكرو على خير ناس ملاح الله يبارك قتلك كنا عشر بصح كانت الحالة نتاعنا حنا عشر غراف لي هذا ما طولناش في الكازيرنا قتلك روحنا المستشفى العسكري نتاع ورقلة في طيارة لي يسوطوا منها على كل حال كل واحدلي عندوا مرض يقلب عند سبيسياليست لي يخص المرض نتاعوا وعلى كل يمدولكم تقريبا قع اينابت راني نشفا عليها قاع انابت والمشكل كي تروحوللورقلة مع المسيونو راكم تباتوا في ترونزيت ياخويا جاحيم بالرغم من اننا بتغ غير نهار برك تقول قعدت فيه شهر مي من غدوا من ذاك تعودوا ترجعو افي طيارة للبسكرة تقعدوا واحد 3 ايام من ثما يخرجوكم ويعطولكم ورقة مكتوب فيها امر بالتوجيه الى الناحية العسكرية لي تابعين ليها ثما يمدوللك البطاقة الاعفاء مدة 10 شهر باش مدوا هالي ماش كيما تخرج فائض مبهشرة كي تخرج يمدوهاللك اما بانسبة الملف ادي معاك كل ورقة لي عندك اديها بالرغم انوا طبيبب صعيب شوية مي كون بلعاط وشكي كيما قال الاخ وربي يسهلك هذي الاضافة نتاع ملي رحنا ورقلة رني زدتهالك لاني عشتها وربي يسهلك خويا اما بالنسبة لي كول ماشاء الله وتتعرف على رجال من 48 ولاية وتفوت ليمات مليحة ثما بالعكس كي مايحكوا ناس يقلك البارا والله ما شاء الله وخير حتا من بعض ليكازيرن واستخير وادي دعاوي الخير من والدين واتكل على ربي ان شاء الله

[mimou88]

omar03 anta promo ta3i ana kont tama mares 2013. mais hakamoni ani chefit 3lik anta li kont merid mate9derch tamechi .

[omarza03]

المشاركة الأصلية كتبت بواسطة mimou88

omar03 anta promo ta3i ana kont tama mares 2013. mais hakamoni ani chefit 3lik anta li kont merid mate9derch tamechi .

سلام خويا mimou88 ايا مليح حتى راني نسيت ايا المهم لي راكم هنا معانا والحمد الصحة والعافية خويا

[berberossa]

يا أخي في ما يخص la carte jaune كيما قالك الأخ نهار يسهل عليك ربي و تخرج راح يعطيوكم نهار الخروج enveloppe هذا فيه أمر الألتحاق بالناحية لي راك تابع ليها تتضمن إسمك و إسم الأشخاص لي معاك تابعين لنفس الناحية مثلا أنت من الناحية الأولى من البليدة و لي معاك لي تابعين ليها تمشيو ل la 1er RM BLIDA بعد ما تحددو نهار و تروحو يعطيوهالكم في البلاصة عكس ما حكالك الأخ لأن درك كلش informatisé الفيشي يكون لحق نهار الخروج الناس لي عندهم دوسي يتطلب الفحص الثاني contre visite يروحو في ال vole militaire طائرة خاصة هيركيل على ما أعتقد خط بسكرة ورقلة هناك يجرى فحص و يستكمل باللجنة الي راح تنعقد في المدرسة L'ETAP كيما حكينا المهم الرسمي في l'école كيما قتلك الدوسي médical و la toise يعني تكون تحت 1,70 تخرج بإذن الله تعالى و خاصة دعاوي الوالدين نشاالله تفريها و تروح
ربي يسهل

[ghost_hamza]

ربي يسهل نشاء الله

[berberossa]

يا خويا أدي معاك النظارات الطبية و يا ريت تعملهم و لو ملف طبي المهم ما تروحش بـ la taille كيما يقولو نهار الـ visite الأولي قول للطبيب أنو عندك مشكل في النظر و ديما ألبس النظارات ما على diplôme يا خويا هوما يقولو نحكمو على حسب واش نحتاجو تخصصات و لكن في les para ديما يخدمو فيزيك يعني الجانب البدني يقولك الطول عليك و العرض علينا لكن تخصص لغات و بيولوجيا و رياضة يحكموهم أنت عندك علوم السياسة البوليتيك ما يسمعوش بيه ديبلومك ليس مطلوب التأخر ننصحك روح في le 20 هكدا دير يمات في دارك مع الاهل ثم روح تلق روحك في المدرسة ... تروح روطار تحصل في المبات
المهم أي شهادة طبية وصفة كشف bilan رايح يفيدك

ربي و رحمتو

[said-113]

المشاركة الأصلية كتبت بواسطة berberossa

يا خويا أدي معاك النظارات الطبية و يا ريت تعملهم و لو ملف طبي المهم ما تروحش بـ la taille كيما يقولو نهار الـ visite الأولي قول للطبيب أنو عندك مشكل في النظر و ديما ألبس النظارات ما على diplôme يا خويا هوما يقولو نحكمو على حسب واش نحتاجو تخصصات و لكن في les para ديما يخدمو فيزيك يعني الجانب البدني يقولك الطول عليك و العرض علينا لكن تخصص لغات و بيولوجيا و رياضة يحكموهم أنت عندك علوم السياسة البوليتيك ما يسمعوش بيه ديبلومك ليس مطلوب التأخر ننصحك روح في le 20 هكدا دير يمات في دارك مع الاهل ثم روح تلق روحك في المدرسة ... تروح روطار تحصل في المبات
المهم أي شهادة طبية وصفة كشف bilan رايح يفيدك

ربي و رحمتو

ربـــــــــــــــــــي يجــــــــــــــــــــــازيك أخـــــــــــــــــــــــي .. رح نمــــــــــــــــشي بنصــــــــــــــيحتك

و ربــــــــــي يعطيـــــك كامــــــل وش تتمــــــنى

[said-113]

جزآآآآآآآآآآآآآآآآآآآآآآكم الله عنا كل خير .. ان شااء الله ربي يعطيكم وش تتمناو .. ربي يحفظلكم الوالدين .. و لعندو احد الوالدين ميت ربي يرحمهم انا كذلك ابي ميت ...اللي مشي متزوج ربي يزوجو بالبنت اللي يتمناها .. و البطال ان شاء الله يا ربي يصيب خدمة في اقرب الاجال ينتفع بها ..و الخدّام ربي يصلحلو خدمتو
ان شاء الله يا ربي يبعدكم على ولاد الحرام ...... و ان شاء الله تحجّوووو الى بيت الله يا رب

[amine eco]

روح يا سعيد وهنينا هههههههههههههههه راك طولت

باش كي ترجع تعاون خوتك

[said-113]

ههههههههههههههههه .. و انا شكون يعاوني ..

كرهتو مني و الله الوالدة قاتلي روح راهم غير يتسبّو عليك يديرولك مشكل و يحكموك ..

لم يبقى الا أياما معدودة و نروح راني اسبوع تأخير ربي يستر برك

[amine eco]

ههههههههههه بالتوفيق على كل حال

المهم انا كي كنت في ورقة جابو 30 واحد من بسكرة للتررونزيت كامل داو اعفاء

معناه اذا دلك طبيب ثكنة انابت مبروك

[said-113]

المشاركة الأصلية كتبت بواسطة amine eco

ههههههههههه بالتوفيق على كل حال

المهم انا كي كنت في ورقة جابو 30 واحد من بسكرة للتررونزيت كامل داو اعفاء

معناه اذا دلك طبيب ثكنة انابت مبروك

ان شاء الله يا رب .. و الله لدي ملف طبي نقص نظر و راني داير روطار ...راني خايف ما يخرجنيش هذا التأخير و الله اعلم