أتحداك يا أيها الزوج ذا ادعيت أنك لا تحس مثلي - الصفحة 3

مناع · 2014-08-13, 12:39

اقتباس:

المشاركة الأصلية كتبت بواسطة rihab rosette

و الله عندك الحق أنا صراحة مازلت نقرا مي خدمتي هي خدمتي ما نفرطش فيها المرأة تكون بمصروفها الخاص خير من تروح تجري مورا الراجل شريلي كذا خصني كذا
لا و الله المرأة العاملة خير مانيش نقول لي ماكثة في البيت ماشي مليحة لا هي و واش حبت
المرأة العاملة و لي تنظم و قتها و تهتم بيتها و عيلتها و الله راهي في جنة
أنا راني شايفة كاين لي قرات في الجامعة و عندها ديبلوم و مخدمتش قاعدة في الدار و الله لراهي تعاني من المصروف الخاص بيها

واش من مصروف هذا اذن قعدي في دار ابيك وصرفي على روحك
المرأة همها الوحيد متقعدتش في الدار حتى انك تديلها الشيك والشهرية المهم خليها تروح الزنك كل يوم
مكان ني مصروف ني والو كاين الرجال اللي يصرف عليها وعلى ماليها
نصيحة إلى كل شاب ميسور الحال يقدر يتحمل مسؤولية الأسرة لا سيما المادية أفضل ليك تزوجها ماكثة بالبيت حتى ان المرأة العاملة زايدة فيها على الماكثة حبة

khawlita.dz · 2014-08-13, 12:39

اقتباس:

المشاركة الأصلية كتبت بواسطة aymmen

ويعاد فتح مسلسل باب الحارة مع كسكس وبركوكس ودلاع. يا و لي حبها عاملة يديها عاملة ولي حبها ماكثة يديها ماكثة وغلقو باب الحارة

ههههههههههههههههو الله الرحمة فى باب الحارة

على الاقل ساعة على ساعة تكون حاجة جديدة وتتبلع

ناس طلعت اللقمر والجزائريييييييين مازالوا فى المراة وما المراة

الزمان 03 · 2014-08-13, 13:26

والسلام عليكم إذا كان من البدية تزوجتها لأنها عاملة ومن اجل ان تعينك أي إذا كانت نظرتك لها كانت مادية فهذه نتيجة حتمية لك ولكل من يى لمرأة بهذا المنظور اما إذا كان تنازل من نفسك من اجل الزواج وبها وعدم التفريط فيها ، المشكلة تكمل فيها ونرجوا الله ان تتذكر تنازلك يوما وتتوقف بالتوفيق

زرقـآء اليمآمـة · 2014-08-13, 13:56

اقتباس:

المشاركة الأصلية كتبت بواسطة مناع

ربما لا يدرك أصدقائي أن المرأة في وقتنا الحالي إذا قلت لها توقفي عن العمل فستتوقف حياتك الزوجية معها لأنهن عبيد الوضيفة رغم أنهن يعلمن انك تستطيع تحمل كل أعبائها وكل مشاغلها

السلام عليكم
ان كانت زوجتك متشبثة بعملها مع اهمالها للبيت والاولاد ............. وبما انك تشتاق لاكل البيت الساخن عليك اذن ان تطبخ بنفسك ................ وسترى رد فعلها ................ ربي يعينك والله المستعان

Rihab Rosette · 2014-08-13, 15:19

اقتباس:

المشاركة الأصلية كتبت بواسطة مناع

واش من مصروف هذا اذن قعدي في دار ابيك وصرفي على روحك
المرأة همها الوحيد متقعدتش في الدار حتى انك تديلها الشيك والشهرية المهم خليها تروح الزنك كل يوم
مكان ني مصروف ني والو كاين الرجال اللي يصرف عليها وعلى ماليها
نصيحة إلى كل شاب ميسور الحال يقدر يتحمل مسؤولية الأسرة لا سيما المادية أفضل ليك تزوجها ماكثة بالبيت حتى ان المرأة العاملة زايدة فيها على الماكثة حبة

ايه الهدرة ساهلة وكي تجي في الصح ربي يجيب انت خترها خدامة وانت لي تتحمل مسؤولية حبيت تاكل الكسكس كيما قالولك طيب روحك سي نو روح ليماك ا

مناع · 2014-08-13, 20:03

طيب هي الكسكس ولا تروح ليماها ,,, كوليتي انت امرأة تهدري كيما هاك يعني حاجة عادية نتوقعو منكم كلش وين راها ربة البيت راكم كامل ربات الزنقة

*سندوسة* · 2014-08-13, 20:06

اقتباس:

المشاركة الأصلية كتبت بواسطة مناع

طيب هي الكسكس ولا تروح ليماها ,,, كوليتي انت امرأة تهدري كيما هاك يعني حاجة عادية نتوقعو منكم كلش وين راها ربة البيت راكم كامل ربات الزنقة

حاشى يا اخي لا تعمم
الحمد لله كاين ماكثات بالبيت ويخدمن الوالدين الكريمين او ازواجهن

مناع · 2014-08-13, 20:23

عذرا الاخت ياسمين 2013 قلقتني هذيك رحاب وانا اصلا راني مقلق عذرا لكل الأخوات الصالحات

*سندوسة* · 2014-08-13, 20:35

بارك الله فيك اخي
لكن نصيحة فقط لوجه الله هذه المشكلة مكانش لازم تطرحها هنا فالمنتدى كنت تخمم شوية بعقلك وتحكي مع زوجتك وحاول تقنعها
ودرسو هذه القضية من كل الجوانب
وان شاء الله مايكون غير لخير
وزيد بلاك انت كتوم حاول تصارح زوجتك ولقاو الحل المناسب لي يرضي الجميع بلاك زوجتك ماطلبتش منها تحضرلك هاذ الاطباق علابيها ماراهيش علابالها بواش راه في خاطرك
كل شي يجي بلحوار والمعاملة الحسنة والكلام لحلو واذا كانت زوجة تحب عائلتها وزوجها اكيد راح تتفهمك ماتخليش اخي تغرات بينك وبين زوجتك كي تكون كاينة كانش حاجة عالجوها وماتخلوش الوضع يزيد يتأزم بيناتكم
وان شاء الله تتحسن اموركم وتولي حياتكم كيما لعسل

محمد جديدي التبسي · 2014-08-13, 20:37

آه على زمن وصلنا إليه المفروض أن قرار توقفها عن العمل يأتي بإشارة منك فما بالك لو صرحت!!
قلها تتوقف وتهتم بدارها وديرلها شهرية حتى، أين هي طاعة الزوج المطالبة بها الزوجة؟!! ربي يصلح حالكم

السي محمد · 2014-08-13, 20:46

ساهلة

بما انك ميسور الحال ربي يبارك

تزوج بأخرى تكون ماكثة

حاول الفصل بينهما في السكن إذا تقدر

ليلة عند العاملة

ليلة عند الماكثة

و عيش مع الجديدة تشبع بركوكس و سكسكسي و مسفوف بالرايب هههه

يونس معبدي · 2014-08-13, 21:00

السلام عليكم ورحمة الله

المراة العاملة ..هو ما ينغص حياة الرجل دائما
ومن قال لك ان تأخذها بشهادتها اصلا ؟
كلامي موجه للرجال بصفة عامة وليس لصاحب الموضوع
نعم المفروض الرجل يتزوج وحدة كملت دراستها باكرا وهكذا سيقبر مشكل اسمه المراة العاملة
شكرا للأخت yasmin2013
على المشاركات المميزة ..بارك الله فيك أختي الفاضلة ونفع بك