ارجو النصح من فضلكم خاصة من الرجال ....زواجي في خطر

[amira19]

المشاركة الأصلية كتبت بواسطة im mimi nano

ربي يفرج على الجمييييع / السكن الخاص هذا وش راني نسمع في نهار اليوم راحت كل شروط الفتاة وكامل ينصحو فينا بهاذ الشئ
خفت
اتمنى انه ربي يفرج كربك ولا تغضبي من ردود الاعضاء

شكرا حبيبتي ربي يسترك و ما تخافي ما والو زيني نيتك برك و ربي يزينلك سعدك

و الله اجمل شيء في الدنيا الزواج و الذرية لكن في سكن مستقل

[amira19]

بالنسبه لجديدي اتصل زوجي و قال انه تحدث مع ابيه و نصحه ان يكري لكن زوجي المسكين راح يقعد غير في الكرا و ما يلمش على روحو خلاص

انا التزم الان الصمت معه و راني مخلياتو يقرر وحدو خير و اي قرار انا قابلاتو و نصبر معاه


ادعيولنا بالسكن المستقل يا اخوتي و تفريج الهم

[sarl02]

اولا ادعو الله ان يفرج همك في القريب العاجل وتعود الميله لمجاريها...ثانيا انا معك 100/100 فيما قمتي به ...لا احد مهما كان اقول مهما كان مخول ان يحط من كرامة انسان خلقه الله عليها وفطره بها....راجلك اخرج افحل لذا اوقفي معاه لانه وقف مع الحق ومع المظلوم ولم يقف ضد اهله كما يرى البعض....الحق حق وهاته المراة تزوجت لكي تكرم وتستر لا لكي تهان وتتبهدل وربي ما يرضاش بالظلم ....انا لي اختين من اعز ما املك متزوجتين بحمد الله ولن اقبل اليوم وغذا ان تهان احداهما من اي طرف مهما كان لكن في نفس الوقت لن اجاريهما اليوم وغدا اذا اخطات احداهما في حق زوجها وبيتها ...المهم اختي راجلك ابان انسان رزين وذو شخصية قوية دعيه يتصرف ولا تزيديه ضغطا وبعون الله راح اكون فيه حل ووفقكم الله.

[amira19]

المشاركة الأصلية كتبت بواسطة sarl02

اولا ادعو الله ان يفرج همك في القريب العاجل وتعود الميله لمجاريها...ثانيا انا معك 100/100 فيما قمتي به ...لا احد مهما كان اقول مهما كان مخول ان يحط من كرامة انسان خلقه الله عليها وفطره بها....راجلك اخرج افحل لذا اوقفي معاه لانه وقف مع الحق ومع المظلوم ولم يقف ضد اهله كما يرى البعض....الحق حق وهاته المراة تزوجت لكي تكرم وتستر لا لكي تهان وتتبهدل وربي ما يرضاش بالظلم ....انا لي اختين من اعز ما املك متزوجتين بحمد الله ولن اقبل اليوم وغذا ان تهان احداهما من اي طرف مهما كان لكن في نفس الوقت لن اجاريهما اليوم وغدا اذا اخطات احداهما في حق زوجها وبيتها ...المهم اختي راجلك ابان انسان رزين وذو شخصية قوية دعيه يتصرف ولا تزيديه ضغطا وبعون الله راح اكون فيه حل ووفقكم الله.

بارك الله فيك اخي الكريم كلامك اراحني و زادني ثقه ربي يعطيك ما تتمنا و يحفظلك خواتاتك و يهنيكم

انا اطبق كل ما قلته خليتو يخمم بعقلو و ما جبدتلوش على الموضوع

ربي يهنيكم و يحفظكم

[امينة النايلية]

اختي نقلك راجلك راه واقف معاك على خاطر هو راه حاب

مش على جال راكي جامعية او قافزة هاذي راها ضربة حظ وكل وحدة كيفاش تجيها

العام الاول صح خرج عليك ودارلك مبتغاك معليهش بصحتك وربي يكملك

بصح ماتتغريش وتقعدي تمنشري في كل واحد وحدو هوما سبوك ونتي خلصتيها منهم غالية وداو طريحة

يعني وحدة بوحدة . وديري في بالك مايدوم حال على حالو

معنتها كيفوت العام الاول والثاني....ويدخل الملل بينك وبين راجلك راح يبدا يتفكرلك هدرتو على اهلو

وهاذوك لحوايج لي راه ضرك يشوف فيهم اجابيات يولي يشوفهم سلبيات ساهلة عند الراجل

على هاذا ننصحك غير ديري دار اعرضيهم وديرلهم لقدر وكل واحد في حدو

[أم أحمد عبد الصمد]

حبيبتي ربي يفرجها عليك و علينا و يرزقك بسكن مستقل ، كوزينا لوحدك في وسطهم ماهوش حل و الله ميهنوك أنا مريت بتجربة ليراكي فيها مالغري كوزينتي لوحدي من نهار الأول لكن منيش متهنيا لا من كبير و لا من صغير ومين طلبت داري لوحدي قالي منخرش من بيت بابا و لي راكي باغية ديريها ديريها و يلا راكي باغية الطلاق خرجيلي انتيا , يلا تقدري وزوجك كان يبغيك يديرلك بيت لوحدك باش تبقاي معززة مكرمة .و تتهناي من كامل المشكل
ربي يفرجها عنا يااااااااا رب

[amira19]

المشاركة الأصلية كتبت بواسطة أم أحمد عبد الصمد

حبيبتي ربي يفرجها عليك و علينا و يرزقك بسكن مستقل ، كوزينا لوحدك في وسطهم ماهوش حل و الله ميهنوك أنا مريت بتجربة ليراكي فيها مالغري كوزينتي لوحدي من نهار الأول لكن منيش متهنيا لا من كبير و لا من صغير ومين طلبت داري لوحدي قالي منخرش من بيت بابا و لي راكي باغية ديريها ديريها و يلا راكي باغية الطلاق خرجيلي انتيا , يلا تقدري وزوجك كان يبغيك يديرلك بيت لوحدك باش تبقاي معززة مكرمة .و تتهناي من كامل المشكل
ربي يفرجها عنا يااااااااا رب

يا رب يفرجها عليا و عليك يا لحبيبه لا نملك في هده الحاله الا الدعاء و الاستغفار

شكرا جزيلا على الرد و المسانده ربي يعطيك ما تتمناي و كلامك صحيح مئة بالمئة الحل هو السكن اﻻمستقل لا غير

[hope of life]

جيت نقرا قصتك لقيتك فاصيتي.....المهم على حساب واش فهمت انك عاملة...وحدث مشكل مع ناسك...اولا ربي يفرج عليك...صح كاين ناس ربي يهديهم حاطين بلي الناس تولد وتكبر وتقري باه توجدلهوم الجارية الي تقوم بيهم وببناتهم....وكاين الي العروسة هي الي تتبلا .....المهم الحل ساهل اذا راك عاملة عاوني راجلك انت سلكي الكراء وراجلك يحاول يلم واكيد المسالة راهي تطول شوية....بصح باه تربحي راحتك وراحة راجلك لازم اضحي شوية وكيتعود في شهريتك معليهش....سلكي الكرا وتهناي في دارك...وحاولو تديرو دوصي نتاع السكنة لان سكنات الدولة راهي تقدري تسلكيها 250مليون ماشي كيما مليار....ونفس المساحة والمميزات...اختي ربي يفرجها عليكم وعلى جميع المؤمنين....وتهلاي في راجلك لانه هوالصح والاهم من الجميع

[ام مريم الجزائرية]

قدر الله وماشاء فعل وصلت متاخرة محيتي المشكلة
المهم ربي يفرج عليك اختي

[salem1985]

ربي يوفقك اختي اصبري فان الله مع الصابرين

[amira19]

شكرا جزيلا اخوتي ربي يجازيكم كل خير بارك الله فيكم على الدعوات الجميله و نتمنى نبشركم باخبار مليحة

[رندة نهاد]

المشاركة الأصلية كتبت بواسطة amira19

بالنسبه لجديدي اتصل زوجي و قال انه تحدث مع ابيه و نصحه ان يكري لكن زوجي المسكين راح يقعد غير في الكرا و ما يلمش على روحو خلاص

انا التزم الان الصمت معه و راني مخلياتو يقرر وحدو خير و اي قرار انا قابلاتو و نصبر معاه


ادعيولنا بالسكن المستقل يا اخوتي و تفريج الهم

[ام ايمان16]

ربي يفرج عليك

[amira19]

أااااامين يا رب ادعولي من فضلكم فانا امر بايام عويصة