الجزء 83 من واش طيبتي اليوم شاركوني أجواء العيد/ فرحتي بنجاح بنتي / رجوع أختي

[ladymillion]

هييييييييييييييه دائمة الحمد وهزيت الفكرة على لينا لحبيبة الله يجازيها بالخير
درتو في مول حلوة التاج ومن بعد تقشتو

[ادرارية]

ليدي يعطيك الصحة والله فكرة هايلة تقعد ساعة نشوف فيه نحلل وناقش حتى وجدت الاجابة واجدة عند دائمة الحمد الله غالب سلك التعليم

[om kamilia]

سيماسيم ام سهام,ادرارية بريتي وومن,نهال بسملة نهاركم مبرووك

[om kamilia]

ام رياض صباح الفل عندنا مدة ماتلاقيناش واش احوالك وعائلتك ان شاء الله لاباس,بصحتكم قاطو العيد وان شاء الله عيدتو بالصحة ولهنا

[om kamilia]

ايدرو صباحك فل واشراكي مع الغربة

[om kamilia]

انا راجلي راه صايم , الشربة تاع البارح واليوم وغدو ياكلها نزيد سلطة مع طبق خفيف ,نخمل شوية ونطلع عند السيدة 1 باش نوجد معاها الفطور !!!!

[idron0]

المشاركة الأصلية كتبت بواسطة om kamilia

ايدرو صباحك فل واشراكي مع الغربة

لاباس اختي الحمد لله .الله يشفيك اختي و يرزقك من حيث لا تحتسبي.امين.

[prettywoman]

سلام عليكم عيدكم مبارك تقبل الله من الجميع أن شاء الله حلوياتكم روعة ما شاء الله كي نقعد نحط حلوياتي ودرت تطبيق لغاليتي ليدي لصابلي نسكافيه خرج روعة زوجي هبل عليه أممم طعمه خيال سلامي لجميع دون اسثناء ليدي حبيبتي حبيت نتصل بيك اعطيني فيسسس بوك ديلك سحقيتك

[nihale89]

صباااااااح الانوااااار حبيباتي

[Simassim]

صباح الخير عليكم ونهاركم مبروك ان شاء الله
ربي يبارك كل شي هائل مبارك افتتاح الكوزينه الجديدة ان شاء الله يجعلها مربوحة

[basmala farah]

صباح الخير و الخمير مزلتو راقدين وقيلة

[om kamilia]

السلام عليكم ورحمة الله وبركاته
صباح الانوار حبيباتي واشراكم مع الزلزال و الخلعة ,ان شاءالله سلامات؟؟؟؟

[om kamilia]

مبروووك عليييك الكوزينة فرح ان شاء الله تتعمر بافراح واعراس شهر اوت

[om kamilia]

يعطيييكم قاع الصحة لي سقساو عليا ,انا دوك الحمد لله رحت لطبيب العيون وقالي ديري نواظر وهذا هو اللي عياني بزاف نظل بزاف في الميكرو على بيها لي مرضت وزدت شربت دواء بلا طبيب بالاكوووو!!!!!
قريب خليت بنتي يتيمة ,لوستي قاستلي مليح كلوميد لالتبويض ما يديرلك والو ,وكان عندي بواطة وشربتو مع التعليمات وخامس يوم شفت الموت ,نوصيييكم بالاكو على تشربو دواء بلا ما تستشيرو طبيب ولا صيدلي,حتى عشيت في لانيمي وعينيا
سمحولي خرجت على الموضوع تبع الكوزينة

[ادرارية]

المشاركة الأصلية كتبت بواسطة om kamilia

يعطيييكم قاع الصحة لي سقساو عليا ,انا دوك الحمد لله رحت لطبيب العيون وقالي ديري نواظر وهذا هو اللي عياني بزاف نظل بزاف في الميكرو على بيها لي مرضت وزدت شربت دواء بلا طبيب بالاكوووو!!!!!
قريب خليت بنتي يتيمة ,لوستي قاستلي مليح كلوميد لالتبويض ما يديرلك والو ,وكان عندي بواطة وشربتو مع التعليمات وخامس يوم شفت الموت ,نوصيييكم بالاكو على تشربو دواء بلا ما تستشيرو طبيب ولا صيدلي,حتى عشيت في لانيمي وعينيا
سمحولي خرجت على الموضوع تبع الكوزينة

على سلامتك وانا نضم صوتي ليك والله بنت عمي جابت ليها اختها تخدم في السبيطار مجموعة من المضادات الحيوية بدات تاكل فيهم حتى حكمتها الانيمي وكي دارت التحاليل لقات الكريات البيضاء تقريبا مكانش يعني مناعة مكانش وتخلعو عليها وبدات غير تعير في الدم ويتعاود حسبو عندها مرض خطير بصح امبعد عرفو السبب وراهي الحمد لله