ظاهرة الإتصال من الماسكي من الفتيات ؟؟؟؟؟؟؟

[الباتنية 19]

اجمل شعور ان تعيش حياتك بدون هاتف
جربوها وردولي بالخبر راني الحمد لله كيما نتاع بكري انا بروحي ماسكي

[first first]

المشاركة الأصلية كتبت بواسطة الباتنية 19

اجمل شعور ان تعيش حياتك بدون هاتف
جربوها وردولي بالخبر راني الحمد لله كيما نتاع بكري انا بروحي ماسكي

مانكدبكش .....شعور رائع.......................ساعة على ساعة نحب نعيشو.......كي طيح الباطري نخليه طافي.ولانخرج ونخليه في الدار....................لكن ان استغني على الهاتف نهائيا .لالا..والله مانقدر .كيما الصباط....................وراكي تحتاجي الناس يعيطولك وتعيطيلهم.........الهاتف ماشي غير تمسخير وتمهبيل .راهو وسيلة اتصال.وجهار كيفو كيف غيرو................................الهاتف ضروي جدا اختي.

[الباتنية 19]

المشاركة الأصلية كتبت بواسطة first first

مانكدبكش .....شعور رائع.......................ساعة على ساعة نحب نعيشو.......كي طيح الباطري نخليه طافي.ولانخرج ونخليه في الدار....................لكن ان استغني على الهاتف نهائيا .لالا..والله مانقدر .كيما الصباط....................وراكي تحتاجي الناس يعيطولك وتعيطيلهم.........الهاتف ماشي غير تمسخير وتمهبيل .راهو وسيلة اتصال.وجهار كيفو كيف غيرو................................الهاتف ضروي جدا اختي.

من ناحيتي ماهوش ضروري الخرجة منحبش نخرج واذا خرجت نخرج مع الاهل وماكانش لي يسحقني وصحاباتي لحتاجتني تكلمني عند امي ولا تجيني للدار والخدمة ناسها يبقاو في الخدمة حتى كي كنت مخطوبة كان الاتصال في هاتف والدي هكا باه نتهنا

[first first]

تبحث.عن الحشمة؟؟؟؟؟؟؟؟؟؟؟؟؟؟؟؟؟؟؟؟
انا نقولك............الحشمة في الماسكي......يعني راهي حشمت تعيط بالنومرو تاعها .عيطت بالماسكي؟؟؟
الله يرحم اياماتك يالحشمة.......نهار كانت المرا تحشم تهدر وتحشم تاكل وتحشم تقرا و.....و....و.........ضحكتو عليها وحقرتوها واستغبيتوها.......انعمو دركة في غياب الحشمة.
وعلاش نقولك هكا.على خاطر ران نشوفو فيها في كل مكان.....كي يشوقفو وحدة حشمت ....يبداو يضحكو ويعلقو ..وكي ماتحشمش ييقولو وجها صحيح ويني الحشمة؟؟؟
عفوا خرجت على الموضوع............................لكن الله غالب .كلمة الحشمة موضوع عميق.
وماتزعفش مني اخي صاحب الموضوع.فلومي غير موجه لك شخصيا.مجرد راي شخصي وضعتو.

[كاميلا]

حاب تتهنى من الماسكي ابلوكي مكالمات الماسكي ان كان هاتفك ذكي وينتهي الامر

[شمس* الأصيل]

بدون تعليق

[Karim-Rap-4-Life]

مع كل احتراماتي
يظهرلي هذا ليس بموضوع نقاش
هذه من تفاهات المجتمع

[سطايفية بكل فخر]

المشاركة الأصلية كتبت بواسطة karim-rap-4-life

مع كل احتراماتي
يظهرلي هذا ليس بموضوع نقاش
هذه من تفاهات المجتمع

عندك حق لانو لي يستخدم هذي الخاصية انسان تافه مع كل احتراماتي للجميع

[Karim-Rap-4-Life]

المشاركة الأصلية كتبت بواسطة سطـايفية بكل فخر

عندك حق لانو لي يستخدم هذي الخاصية انسان تافه مع كل احتراماتي للجميع

كل يوم يعيطلي الماسكي ما نردش عليه لوكان يعيط 20 مرة و كي يكثر نطفيه و في الحقيقة انا لا علاقة مع هاتف النقال تاعي ديما نخليه في الدار ههههه
دافيد اخترع التيليفون باش يقضي بيه شغل
لكن السي بوزيد غبي الميزانية كامل تروح للفليكسي لي باين باين و الشي لكبير مخبي
على هاديك بلاد السي بوزيد باقية و تكولي و السي دافيد يطور و يزيد هوما كل يوم جديد خاطاك لقراية وقت الفيد واحنا توجور في الخلف لأنه فليكسي و الماسكي توجور داير حالة
شبعتونا مقروض يا بوزيد

[Kami123465]

اعذرني و لكن هذه ظاهرة من الشباب و البنات مو بس البنات بصح كاينة la liste rejete

[knives66]

خويا هك هذا دواء كلوا
وبشفاء عليك

[" أبو عبود"]

يا اخي ما ترفدش على اي ماسكي ولا رقم جديد . انا هكذا ما نكسرش راسي خصوصا ليلا. المشكلة لي يبيبي مساكي او لي تبيبي مساكي باش تتاكد إذا راك اوناتونت ولا والو هههههههههههههههههه. لكن اذا عندك صديقات بزاف لازمك 100 شريحة باش تتفادي الاحراج وتواصل التمثيل تاع" انت حبي الوحيد " ههههههههههههه. الله يهدينا اولا ويهديهم ثانيا لاننا احنا ثاني رانا مش مقصرين والله

[سطايفية بكل فخر]

علاش مزال يقزيستي الماسكي في 2014.؟؟؟؟,ومزال عباد يستعملوه....؟؟؟؟,,

[براءة سامية]

بركآآآآآآآآآآآو الشباااااب هوما اللي يعيطو بالماسكي ..

[اغادير]

الكذب في رمضاااااااااااااااااااااان راه مخطر... ما كانش مرا تتمسخر براحل بالبورتابل وماسكي من الفوق الا اذا كان يعرفها...........