وصفات لادرار الحليب....مجربة

[hope of life]

المشاركة الأصلية كتبت بواسطة ام فروحة

والله غير فرحت كثير بهذا الموضوع وراني بحاجة ماسة لمن يساعدني راني ولدت مولودة جديدة راني في 12 يوم من لي زيدت وهاذي ينت02 عندي ولد من قبل في ولدي كان الحليب فائض ولد يرضع من وصدري يتحين بلخف حتى لي يولي يسيل ولكن في بنتي اليوم 03 من ولادتي رقدت بزاف ومارضعتنيش حتى لي تحين صدري وطلعتلي درجة الحرارة 41 حتى قولت خلاص غادي نموت ولكن مين نوضتها ورضعتني بدات الحمى تزول ولكن المشكل لي راني نعاني منه دروك الحليب راه قليل فيا بصح بنتي راهي ترقد ماهيش تبكي يعني هل غير لي راهي ترضعه راه يشبعها حمبوكم افيدوني انا بالانتظار.

هو الافضل انو بنتك ماتحبسش عن الرضاعة لازم تعطيها كل 3سوايع....باه مايروحلكش الحليب...واقراي الصفحات الي فاتو راهم كانين اخوات ربي يبارك فيهم مدو نصائح

[amina.faiza]

المشاركة الأصلية كتبت بواسطة ام فروحة

والله غير فرحت كثير بهذا الموضوع وراني بحاجة ماسة لمن يساعدني راني ولدت مولودة جديدة راني في 12 يوم من لي زيدت وهاذي ينت02 عندي ولد من قبل في ولدي كان الحليب فائض ولد يرضع من وصدري يتحين بلخف حتى لي يولي يسيل ولكن في بنتي اليوم 03 من ولادتي رقدت بزاف ومارضعتنيش حتى لي تحين صدري وطلعتلي درجة الحرارة 41 حتى قولت خلاص غادي نموت ولكن مين نوضتها ورضعتني بدات الحمى تزول ولكن المشكل لي راني نعاني منه دروك الحليب راه قليل فيا بصح بنتي راهي ترقد ماهيش تبكي يعني هل غير لي راهي ترضعه راه يشبعها حمبوكم افيدوني انا بالانتظار.

سلام أختاه ، هديك الحمى شيء عادي لانها حمى الحليب وكل مرى مرضع تجيها فقط كل وحدتها (أنا شفيت في وليدي الاول مطالعته بزاف) والمهم انو لازم تخطي بنتك دائماً ترضع والطفل الذي يرضع من عند أمه لا يجب ان تحدد أوقات رضاعته بل يرضع كلما طلب ذلك في حدود المعقول حتى التصبح مجرد سوسات ، بالنسبة هل هي تشبع ام لا فيجب مراقبة لي كوش فقط ، من جهة اخرى سمعت مرة في الراديو حسب رئيس جمعية أصدقاء الرضع فان كمية الحليب الموجودة في صدر الام كافية لرضيعها (خاصة في ستة أشهر الاولى ) .
كذلك قال لي على وصفة لم اجربها شخصيا زيدي زوج مغارف كبار تاع تاي ليبتون في كاس حليب ، واستعملني كذلك حبوب إدرار الحليب موجودة عند الصيدلي :
Phylait . Fitolat . Tisane galactogène

[bady081]

المشاركة الأصلية كتبت بواسطة ام مريم الجزائرية

طحتيلي في الجرح اختي والله تعذبت مع الحليب اللي يقولولي عليها نديرها سبحان الله والو قليل وراني غير نحوس كاش حاجة تزيدو
المهم اللي جربتهم ومديتهم لمرضعاتونفعهم الحلبة زريعة البسباس والشربة تاع العدس وكثرو فيها الجزر راهي هايلة والمعدنوس
بارك الله فيك على الموضوع اكثر من مهم

السلام عليكم شوفي اختي انا تاني عانيت بزاف ببنتي الكبيرة ماكانش فيا حليب رضعتها تلات اشهر وامبعد شريتلها حليب العلب لكن ضرك بنتي عندها تلات اشهر الحمد لله رب العالمين والطريقة اني شريت البسيسة او الروينة كل واحد كيفاش يسميها وقولي لمول الحانوت يمدلك اللي مخلط فيها حوايج يديرو الحليب انا نسكن فالصحراء عندهم الحوايج هادو لكن فالشمال ما نعرف ادا كاين بصح ماعليش .المهم البسية مليحة بزااااف للحليب اشربيها بالحليب خاصة الصباح يعني وين ما ظهرتلك كوليها راهي مليحة بزاف .جربيها وادعيلي ..............

[faty05]

كولي بركوكس فيه الكليلة
و ديري مرقة لكليلة و الفول و القديد
و شخشوخة الرخسيس
و زيراوي ( رخسيس و غرس)
و كولي التمر بالطبع
و الحليب كذلك البسيسة

[hope of life]

مرحبا بكل من مر بموضوعي ..واثراه...ان شاء الله يكون مرجع لكل مرضع
بارك الله فيكم

[hope of life]

هل من جديد اخواتي

[hope of life]

.....................................

[nour1elyakine]

شكرا على الموضوع
انا زيدت بالعملية و ابني رضع البيبرون و كي روحت رضعتو الحليب كاين عندي لكن ولدي ديما يبكي قالولي حليبك خفيف ماينفعش و عاونتو بالقرعة لانو ساعات يمص مايلقى والو ويبدى يبكي بزاف مايسكت حتان نديرلو البيبرون وفي الليل نلقى الحليب فاض علي و نرضعو
حابة وصفة تدر الحليب بزاف
شكرا جزيلا

[hope of life]

اهلا اختي نور ....تصفحي الصفحات الفائتة ربما تجدين ما يفيدك

[samrasamira]

انا بنتي رضعتني 13 شهر و مازالت ترضعني انا منين ولدتها طول رضعتها و شربت دواء مانع للحمل بصح مدر للحليب بشكل هائل هو سيرازات

[أم الحارث]

السلام عليكم ورحمة الله وبركاته

كم عانيت من هذا الموضوع لكن تحديت ولم اياس ولم اعطي ابنائي الرضّاعة لاني نعرف بلي بسببها ينقص الحليب كل مرة واش نجرب حتى لقيت الغذاء المناسب

حساء الخضر نطيب برمة ونحطها فالفريجيدار دائما ناكل كمية منه مع وجبة الغداء والعشاء
نشرب الحليب بزاف والتمر
والخلاصة الغذاء الصحي والسوائل والراحة النفسية والجسدية كلها عوامل تساعد على ادرار الحليب

[تينا ماريا]

السلام عليكم

جربو اشربو الماء بزاف حوالي 3 لتر في اليوم و العصاءر الطبيعية و شوفو النتيجة و ادعولي

السواءل احسن شيء للحليب ميش الماكلة

[maram.espoir]

موضوع رائع بارك الله فيك نتمنى من المشرفين تثبيته ليبقى مرجع

[hope of life]

بارك الله فيكم على التفاعل

[ام سراج وملاك]

موضوع رائع حبيبتي وافكار رائعة من عند لبنات بالنسبة ليا انا ناكل عادي والحمد الله بصح نهار لي ناكل عدس وكسرة رخساس وعصير فواكه ثاني مليح بزاف يكون لحليب غير المغتاد انشاء الله نزيدو نستفادو كامل من بعضانا