وئام علابالك مانقدرش نرد على الخاص مالي نردلك هنا
ياختى احمدي ربي انا لم اتجرع فرحة النجاح في البكالوريا
شافلي بابا ربي يشاافهلي المعدل و فرح مسكين انا برك سكت و تشوكيت
قالي خويا لكبير هدا مشي معدل كيفاه قاع لي قريتيه و اربعة عشر غرييبه هدي ببببببببف صمطها عليا مع لبدايه
و زيد ماما كانت طامعة احسن سيرتو مين هبلوها الناس عليا ديما يقولو منال تقرا مليح تجيبها بمعدل ممتاز و راكي عارفة كي تترفدي في لفام(هو اقصد يهدرو بيك الناس ادا مافهمتيش)
المهم بابا ليله لي خبرونا مرض بزااف و ماما تاني تقلقت حتى راح للصبيطار ||
و تاني بنت عمتي راها للمرة العاشرة تعاود و ادبيه تاني و ماربحتش
و وحدة صحبتي كانت تجيب خير مني في عام الباك (رغم اني كنت ديما نفوتها في السنوات السابقة) المهم كانت تقرا عند شحاال من استاد جابت اقل مني و الكل دارهم كانو عاقدين عليها الامل و لكن للاسف
و واحدة بقات تبكي قاتلي ياو غي عشرة و نروح نقرا بيها معليش
و مزال الخير جاي ختي وئاام تقدري تعاوديه و تقري و لا تريحي في الدار و تقري للباك
و عسى خير ربي مشي كاتبلك ختى بلاك كون جبتي مليح تصرا فيك حاجة لا قدر الله
ايه نسيت وحدة جابتو مليح المرة الاولى بخمسة عشر ماعجبهاش التخصص قررت تعاودها جابتها اقل و اخر ايضاا
و العشارات لي دايينه و عاودون من لي نعرفهم ماربحوش
مالي هدا الهدرة نتاع اعتزال الدراسة مانزيدش نسمعها صحا
واش ديري حم بوك كي تريحي في داار غي شغل و صاي و وجع الرااس
و قاع سنين لي قريتيهم تمحيهم بقرارك هدا انا مستحيل نفرط في قرايتي مستحييل
هدي غي حالة نفسية عابرة يااختي
انعلي بليس و صلي على النبي و ادعي ربي
ايه نسيت تاني جات جارتنا قالت لينا واش ربحت منال ماسمعناش تزغريت هههه قالت ليها ماما مانعرفوش نزغرتو كامل
مالي زعرتتلي ايا خرجت من الشووك وقعدت نبكي و نبكي و انا نتفرج في الفريق الوطني هههه
حبيت نضحكك
اختك مناال
( تقرير عن مشاركة سيئة )، و الموجودة أسفل كل مشاركة .
2014-07-04, 04:37
العرض العادي
