تكاليف الخطبة عند الذهاب للخطبة

[أناييس الربيع]

السلام عليكم

حنا عندنا الشوفة جيب باتيسري وتمد للبنت 50او 100حسب

مقدرورك وإذا تمت الموافقة جي الخطبة رسمية وفيها يقرا الفاتحة

يعطيها خاتم حسب مقدور ويجيب معه مصاريف الفاتحة

أو اذا معندوش يقرا الفاتحة في الجامع وخلاص

وفيها يتم الاتفاق ع المهر ونهار العرس يزيد لها خاتم وانتهى

وبقية الهدايا هذي حسب مقدورا

وربي يكملك خويا ويرزقك الزوجة الصالحة

[رجل الخفاء]

المشاركة الأصلية كتبت بواسطة أناييس الربيع

السلام عليكم

حنا عندنا الشوفة جيب باتيسري وتمد للبنت 50او 100حسب

مقدرورك وإذا تمت الموافقة جي الخطبة رسمية وفيها يقرا الفاتحة

يعطيها خاتم حسب مقدور ويجيب معه مصاريف الفاتحة

أو اذا معندوش يقرا الفاتحة في الجامع وخلاص

وفيها يتم الاتفاق ع المهر ونهار العرس يزيد لها خاتم وانتهى

وبقية الهدايا هذي حسب مقدورا

وربي يكملك خويا ويرزقك الزوجة الصالحة

بارك الله فيك أختي الكريمة، هذا كلام منطقي لكن أن نعطي الخاتم نتاع 3 ملايين قبل القبول فهذا إستهتار بالرجال

[الاستاذة رجاء]

السلام عليكم
احنا عندنا في ميلة و بالضبط في فرجيوة تتم الخطبة كما يلي
كاينة الشوفة الصغيرة يجيب فيها خاتم تاع 2 ملاين و خلاص
و كاين اللي ما يديروش الشوفة الصغيرة و يديروها كبيرة نسموها الملاك اللي يكون فيها العقد و الفاتحة و فيها يجيب خاتم تاع 3 ملاين و سلسلة او مناقش و يجيب معاه الكسوة تسقاملو 2 ملاين ....و تاني معروفة عندنا كي يدير الملاك اي يعقد و يدير الفاتحة يشري اللحم ما علاباليش كداه تسقام المهم يجيب اللي يقدر عليه و يجيب سلة تاع الفاكية تسقاملو ب 300الف و سنيوة تاع حلوة او بقلاوة و حق الملاك هو 2 ملاين و الصوف 3 ملاين و المهر 10 ملاين و تاني كي يدير الفاتحة في الجامع يشري الملفاي
يعني ربي يعينكم
************************************
و تاني البنت تصرف بزاف ......هي اللي تشري المابل و تشري كسوة الدار و تشري حوايجها و والكوافوز و التصديرة و ووووو....

[Simassim]

الله يهديكم الأخ رأه بطل من الأفكار تاعكم
خلقكم عقلانيين ياك هاد المرة الاولى اللي يروح يشوف أهل البنت

اللي قدرت عليه إديه
باتيسري ومشروبات تكفي
كائن اللي يزيدوا الفواكه الورد أو الشكلاط اذا كان في مقدورك ماتبخلش

اما الخاتم والدراهم بعد الموافقة هداك داخل في تجهيزات العرس يتفاهموا عليه الطرفين

[la perle rima]

السلام عليكم أخي إحذر هناك من لديهم عقدة من الزواج و النساء و رايحيين يغلطوك كان الأجدر بك السؤال في منطقتكم كيف تتم هذه الأمور أكيد إن كنت من الشمال لن تتقيد بعادات الجنوب و أيضا رأيي إن كان في مقدورك تشريلها كيما جاوبوك بعض الأعضاء اشري ايلا متقدرش عادي المهم المفاهمة مع خطيبتك ان تمت الموافقة أتمنى لك التوفيق

[100000100001]

و الله خوفتوه المسكين ضك يبطل الزواج خلااااااااص هههه
شوف اخي انا رايحة نقلك واش درت النهار الاول جاو يشوفو برك جابو باتيسري و اعطاني 1000 د يعني 100الف انا فتلو مكالاه مي هو مدهالي
المرة التانية جاو درنا الفاتحة فيها خاتم ب 15000 وانا لي خيرتها و كسوة ما سقامتش في 3ملاين و باقة وروود
بعدها عقدنا ولان نسناو في العرس صح هو كرا و انا درت الفراش و الصالون
ايه نسيت نقلك المهر نتاعي كان ب10ملايين و كبش واحد رغم انو في منطقتنا يديرو 2 مي بابا قالو جيبلي واحد برك
ربي يسهلك امورك و الاحسن تشاور والدتك هي لي تعرف اكثر
تقبلو موري

[" أبو عبود"]

المشاركة الأصلية كتبت بواسطة أمة الرحمان رقيّة

السلام عليكم ورحمة الله
لا توجد تكاليف معينة يجب ان يتقيد بها الخاطب
أنا أنصح إخواني في المنتدى : كل واحد يأخذ ما يقدر عليه
أهم شيء هو الهناء و الإحترام بين الزوجين و العائلات
كاين واحد ما عندوش ما يقدرش يشري خاتم و تارت و سلة فواكه ، هذا كيفاه يدير؟
وكاين لي عندو و يحب يشري و يدّي
أنا أرى أن كل هذه الأمور يجب الإستغناء عنها
وكذلك ما يسمى ب (مهيبة العيد)
الزواج راهو عشرة عمر وليست هدايا
هذا رأيي

هذا اقتراحك لكن هل يرضى اهل العروس بهذا؟ تلك هي المشكلة.