الى كل الرغبات في تعلم وصفات واطباق الغرب الجزائري - الصفحة 3

فاطمةع · 2014-02-16, 20:41

شكرا على الوصفة لكن حبدا لو كانت بالصور تكون افضل شو رايك ياراسمين

yarasmin26 · 2014-02-22, 11:29

اقتباس:

المشاركة الأصلية كتبت بواسطة فاطمةع

شكرا على الوصفة لكن حبدا لو كانت بالصور تكون افضل شو رايك ياراسمين

انظن وصفاتي ساهلة متحتاجش الى صور لتفسير
او لوكان اخذيتي الوصفة من الاذاعة هل يتطلب الصور هذا رائي

enar · 2014-02-27, 10:46

ماتزعفيش ياراسمين و الله غير مجهودك قيم بزااااااااااااف راكي تفيدي فينا فائدة كبيرة ربي يحفظك

~ أم عبد الرحمـن ~ · 2014-03-03, 15:32

التعمير

رابي نصف حبة بصل و قليها مع 2 ملاعق زبدة حتى يتحمر البصل
ديري هاد العبر يجيك التعمير خفيف و بنبن
يعني كل حبة بيض ديري معاها 2 لاعق سميد

و بدي بالسميد يعني ادا درتي 4 بيض ديري 8 ملاعق سميد بشرط البيض يكون كبير و ادا كان صغيري حطي حبة بيض مع ملعقة سميد

و ابدئ التحضير

انا نحط 4 بيض+ 8 م ك سميد

فوق البصل المقلي جطي 8 ملاعق سميد و قليه مليه زيدي عليه التوابل (ملح -فلفل- قرفة- كركم-شوية سكنجبير)
خلطي مليح فوق النار هادية من بعد طفي عليه و حطي 1 خمارة كيميائية و خلطي و حطي البيض وحدة وحدة ادا جاك الخليط يابس زيدي حبة بيض خامسة جطي الخليط في كيس سباقيتي و حطيه في كسكاس فوق القدر بها ماء يغلي و خليه حتى ينضج بالكيغدون ديري ثقب صغيرة في الكيس

غادي يجيك بنين ان شاء الله
جربيه و رديلي

بريق الامل& · 2014-03-03, 17:22

بارك الله فيكم في ميزان حسناتكم

yarasmin26 · 2014-03-23, 11:22

شرمولة القرنون
1 كلغ قرنون+5 ثوم+2 رند+كمشة معدنوس+قصبر +1 م ك خل ملح حرور +1 طماطم+1 مص زبدة+2 م ك زيت الزيتون+1/2 حبة قارص
غلي القرنونفي 2 لتر ماء+3 مك فرينة+3 مك خل+1 مص ملح+قطع قارص يطهى نصف طياب ثم نصفيه قطعيه على 4
في مقلة زبدة وثوم حرر على نار وسط +قرنون مدة 5 د على نار ثم اضيفي طماطم مقطعة ثم1/2 حبة قارص مقطعة شرائح+قصبر ومعدنوس+رند+خل وزيت الزيتون مدة 5 اخرى ثم طفي اعليه خليه يبرد
شهية طيبة