الى كل عضوة من الغرب لازم اعليها تدخل اجباري - الصفحة 3

yarasmin26 · 2014-01-31, 19:47

اخواتي العضوات تم فتح
موضوع الوصفات من الغرب الجزائري
تحت عنوان
الرغبات في تعلم وصفات الغرب الجزائري

ليلى اماني · 2014-01-25, 17:21

فكرة مليحة شكرا لك انا من تلمسان و ان شاء الله نقدر نفيدكم

ام اريام · 2014-01-25, 19:41

فكرة رائعة افيدونا من فضلكم لنتمكن من معرفة اطباق الغرب ال رائعة ونتمنى تنفتح صفحات اخرى للشرق والوسط والجنوب هكذا نستفادو جميعا
موفقين انشاء الله .

acharifa · 2014-01-26, 13:27

وانا خارجة عن الموضوع ههههههههههههه
اعانكم الله

mordia · 2014-01-26, 14:42

انا من الغرب لكن طيابي على حسابي...يعني مشي مسّارة...نسلّك....
رانا عاد نتعلمو بارغم من كبر سنّنا....

rhiouiya · 2014-01-26, 23:16

rani m'3akome ana ikhtissassi hrira na3tikome asrarha ta3 mermez w farina

souma.sousou · 2014-01-27, 09:33

السلام عليكم صبحكم الله بالغير ,,,,,,,,,,,,,,,,صراحة انا من الصحراء لكن راني 18سنة نسكن في معسكر ونقدر نعاون ببعض الوصفات لي مالفينهم

ام لقمان02 · 2014-01-27, 11:41

تسلم حبيبة راني من شلف ويسعدني نقدم اطباق من الغرب الجزائري وراني حاط من قبل رفيس الزعتر الشلفي المعروففي المنطقة

غفران 2 · 2014-01-27, 13:27

فهموني وقتاه نبداو التحضير

muslimone · 2014-01-27, 20:11

أهلا راني معاك

الأمنيات · 2014-01-27, 21:06

شكرا على الفكره انا راني حاطه وصفات تاعنا من التعمير للحريرة للخرشف هههههههههههههههههههههه
ونحب نتعلم من كل ربوع بلادي اكلنا متنوع

فتاة الدعوة · 2014-01-28, 18:14

سلام يا لبنات انا من سيدي بلعباس وراني داخلة باسم بنتي حبيتو وصفة الحريرة نعطيهالكم غاليين وطلب رخيس وجدو رواحكم لكن بلا صور ماراهم يبانو ..............لحم تاع الخروف _3حبات بصلة _2حبات طماطم_لحبيتي تحطي جزر حطي ولا ماحبيتيش عادي قصبر _كرافس _حمص منفخ -شويا زيت _ملح راس الحانوت _زعفران _شويا فلفل اسود فلفل احمر _وطماطم تاع العلب ومري بالماء وتركيها طيب وفي جهة اخرة وجدي الفرينة مع الماء في ايناء صغير مش ثقيلة بزاف ومن طيب اللحم حطي كسكاس وصفي ومرصي هديك البصل وطماطم بمغرف كبيرة مليح ومن بعد انت تعرفي لزيدي الماء ولالا على حسب افراذ حطي سكن جبير وكروية وحطيها على النار ومن تغلي حطي تشيشة تاع الشعير قد كمشة ومن بعد الفرينة لراكي مضربتها في ماء وماثقليهاش بزاف عينك هي ميزانك زخليها تطبخ حتى مايكنوش هدوك الزبود طفي عليها وراكي موجدة حبة الحلاوة ديريها في حريرة ووجدي عصير اليمون تجي امممممممممممم وشهية طيبة نتمنى تكونو فهمتوني واي حاجة راني هنا ومن بعد نزيدكم طاجين بزيتون

yarasmin26 · 2014-01-29, 16:59

اقتباس:

المشاركة الأصلية كتبت بواسطة فتاة الدعوة

سلام يا لبنات انا من سيدي بلعباس وراني داخلة باسم بنتي حبيتو وصفة الحريرة نعطيهالكم غاليين وطلب رخيس وجدو رواحكم لكن بلا صور ماراهم يبانو ..............لحم تاع الخروف _3حبات بصلة _2حبات طماطم_لحبيتي تحطي جزر حطي ولا ماحبيتيش عادي قصبر _كرافس _حمص منفخ -شويا زيت _ملح راس الحانوت _زعفران _شويا فلفل اسود فلفل احمر _وطماطم تاع العلب ومري بالماء وتركيها طيب وفي جهة اخرة وجدي الفرينة مع الماء في ايناء صغير مش ثقيلة بزاف ومن طيب اللحم حطي كسكاس وصفي ومرصي هديك البصل وطماطم بمغرف كبيرة مليح ومن بعد انت تعرفي لزيدي الماء ولالا على حسب افراذ حطي سكن جبير وكروية وحطيها على النار ومن تغلي حطي تشيشة تاع الشعير قد كمشة ومن بعد الفرينة لراكي مضربتها في ماء وماثقليهاش بزاف عينك هي ميزانك زخليها تطبخ حتى مايكنوش هدوك الزبود طفي عليها وراكي موجدة حبة الحلاوة ديريها في حريرة ووجدي عصير اليمون تجي امممممممممممم وشهية طيبة نتمنى تكونو فهمتوني واي حاجة راني هنا ومن بعد نزيدكم طاجين بزيتون

يالحبيبة اصبري شوية وحطي الوصفات انتاوعك كامل الي تحبي ولكن كي نبداو في قسم الاطباق الرئسية وشكرا على الوصفة ولكن كي تبداي لازم تشرحي اكثر باه توصل المعلومة لكل خبيرة و في طريقها للخبرة تحياتي

بنت غليزان · 2014-01-28, 18:57

راني هنا . راني واجدة مادا بيا نتعلم و نعلم

dalila2010 · 2014-01-29, 22:42

شكرا لك اختي يارا يسمين على كل مجهود تبدلي فيه اختي من فضلك لوتكملي جميلك حتى وصفات انتاع التوابل الخاصة بالغرب الوا عنها روعة لو كل وحدة من الغرب اتحط لنا وصفة راس لحانوت وتوبل المرقة البيضة وجزاكم الله كل خير تحية طيبة