نكرها

[ام رويدة]

و كي نكونو نحطو فالعشا تحط كل شي من جهتو باه تقدم ليه حتى تلصق و الامر من كل هاذا ماشي منتبهين عليها على اساس راهي تتصرف على نيتها ربي سبحانو كي حرم الاختلاط علا بالو علاه


اختي ام رجا حبيت برك قبل ما نعلق ننبهك لحاجة
تجنبي كلمة علابالو وغيريها ب
ربي سبحانو يعلم لمادا حرم الاختلاط

واش نقول حبيباتي علابالي بلي كل انثى تسمع حكاياتكم راح تحس بيكم

والله امر مخزي ان تتصرف محصنات هكذا...اعلم ان امثالهن كثيرات
وامثالكن اللواتي يعانبن كثيرات...لا ازيد على ماقالت الاخوات فقط اقول
فرج الله همي وهمومكن
واسعدنا بازواجنا واولادنا
وابعد عنا شرار خلقه

[samsoma.asma]

رب يفرج عليك

[rosa allia]

لا حول ولا قوة إلا بالله
صح كاين هاد النوع والعياذ بالله أنا تبالي هاد المخلوقة راجلها مقصر معها علابيها مدايرة الشئ هذا كامل
حاولي تستفزيها لكن بذكاء شديد تخليها تلتهى براجلها وما دورش بيك خلاص مثلا قوليلها بلي راجلك يحب يخرجك ويحوس بيك ويشريلك غير الماركة، ولا قوليلها رانا خارجين مع بعضانا ولمحيلها وردي اللعب عليها قولها وأنت علاه غابنك راجلك ومخليك في الدار وعلاه ما يشريلك ولا ما كيش قايمة بيه.... الخ المهم أقعدي حسسيها بلي ماهيش مرا مع راجلها وبلي راهي مسكينة ومغبونة حتى تولي تغير منك بطريقة وحدة أخرى وتولي تنافسك وأنت ما همكش فيها المهم تخطي راجلك
وحتى راجلك ساعة على ساعة شريلو عليها لكن ماشي ديما باش ما يقولش راكي ضعيفة ولا موسوسة، وأتهلاس فيه على قد ما تقدري

[linouwasoleil]

لا حول ولا قوة الا بالله
رايي ما تدخليش الكبار شوفي غير مع لوستك اخت زوجك مادام علابالها وانتي اخطيك منها اول هدف ليك هو زوجك انتي في عوض تجبديه ليك سكارة فيها وحبا فيه راكي تبعدي فيه بتصرفاتك اسفة لكن الغبية وقلتي ما وليتيش تتكلمي معاه غير رسمي وهو قالك ما وليتيش تحبيني لكن اسفة في عوض تلتي براجلك راك حاطة راسك براسها وراهي راح توصل لهدفها بغيرتك وهذا هو سلاحها راح تبعد بيناتكم والراجل اذا ما لقاش الحب والهنا في دارو يحوس عليه ايوغ برا وهي راهي موجدة روحها تخدم فيه غير بالعقل لنتي تنفري فيه ويحس بلي ما تحبهيهش وكرهتيه وهي عكسك مخليا راجلها وتبع فيه وتبينلو بلي راهي ملهوفة عليه في ميزك الشيطان واش راه يوسوسلو مع اني ما نظنش يغلط معاها لانها زوجة اخوه ولكن حذاري اهتمي بنفسك وبملابسك وبشكلك ودلعيه وفرحيه انتي عندك الفرصة اكثر منها لانو حلالك وزوجك تقدري تديري واش هي ما تقدرش وانا ما نقولكش ارحلي واخرجي بدارك غير ربي اللي يعلم بلظروف لوكان جات الناس كامل تسكن وحدها لكن احيانا الظروف ما تسمحش
ملخص القول شمري على ذراعتيك ويالله هذا حقك وحلالك خوذي الحرب بكل اسلحتك لوكان خطيبك ووحدة حبت تديهولك راكي مشمرة وواقفة وحب وغزل والخ ولكن احنا مشكلتنا بما انوو زوجك عوض لا تحبيه اكثر كرهتيه وكرهتيها ونزل من عينك ما كالاه تكرهيها كرهها ما يديرلك والو اكسبي راجلك واجبديه يعود كي يشوفك تجري موراه وانتي زوجتو وهي تجري موراه وهي زوجة خوه ترخس فس عينوا ما تجبديها ما تتكلمي عليها قدامو راه يشوف بعينو تخون في راجلها مع خوه واش مالقدر
ا شاء الله ربي يهديها وتولي للصواب ويجعلك قرة عين زوجك

[oum aridj]

و الله يا اختي راني نعاني من نفس المشكلة نتاعك ....
هي تحاول اغراء زوجي، كان زواجنا في يوم واحد و زوجي اجمل من زوجها ، و قد صارحتني بهذا دون خجل في ثاني يوم من عرسنا تحاول ان تلفت انتباهه بكل الطرق و تتصيد وقت غيابي لتحادثه و ترمقه بنظراتها الخبيثة خصوصا و ان زوجها غائب عن البيت كل الوقت ، ترفع صوتها امامه بالضحك و القهقهة و مرة كانت معنا بالسيارة راحت تغني امامه دون خجل ، و اذا كنا نائمات انا و حماتي قي قيلولة تلبس لباسا ضيقا و تخرج الى المطبخ مع انها تعلم ان زوجي و اخوته قد يدخلون في اي لحظة و الحمد لله اني فهمت تصرفها و بقيت اراقبه و اتصلت بزوجي لاعلم ان كان قادما ام لا مع اننا متحجبات في البيت و ما يغضبني ان اهل زوجي يحبون التجمعات كثيرا و زوجها دائما غائب عنها و اذا جلسنا بالصالون تتعمد ان تجلس مقابل زوجي.
و لما حملت اخبرت حماتي ان امها قد حلمت انها اتت لزيارتنا و قبلتني انا اولا بحيث كنت ارتدي شالا وردي اللون ثم ابنتها التي كانت ترتدي شالا اخضر ففسرته انني ساحمل انا اولا ببنت و ابنتها سيتاخر حملها و تصبر لتحمل بولد فسرته على هواها و ما ينرفزني ان حماتي امنت بهذا الحلم و اصبحوا يكررونه امامي و كانه علم محتوم خصوصا و اني حملت ببنت فعلا .....فاصبحت حماتي تخبرني ان منام ام سلفتي صحيح و ان سلفتي تاخرت فعلا و كل تاخير فيه خير بمعنى ستحضى بولد و كان البنت ليست خير ...اصبحت في ضيق من امري فانا لا اجيد تعاملاتها الخبيثة ...كل ما ارجوه منكم ان تدعو لي بالخير .....لقد تعصبت كثيرا من هذا الحلم الذي اصبحوا يذكرونني به ليل نهار كانه منزل فالعلم عند الله وحده و لا اريد ان ترتبط حياتي بحلم يفسرونه على هواهم و اشكركم على حسن الاصغاء و المعذرة على الاطالة لكن لا اعرف كيف اتعامل مع هذه المراة الوقحة التي تترصد تحركات زوجي و تتعمد الظهور امامه حتى و هو في الغرفة و اذا سالتها لا تجيبني في حين تجيب زوجي ناهيك عن امور كثيرة و من كثرة غضبي حكيت لزوجي و طلبت منه ان يتجنبها خصوصا انها اصبحت سبب في المشاكل بيننا لانها تحاول ان تثبت له انها تهتم لامره بسؤاله اذا كان قد افطر ام لا فهل اخطات باخبار زوجي على انها تحاول ان تلفت نظره؟؟؟
و في عيد الأضحى كنت نغسل فالدوارة داتلو الكبدة مقلية فغرفتنا و شحال من مرة تتعمد تبان قدامو بشعرها عريان و لا تلبس الضيق
تغني قدامو كي نوكونو فالطوموبيل تبغي تستغفلني و تلهيني بحاجة باه تشوف فيه نظرات اغراء و الله ماني نزيد عليها بزاف صوالح دارتهم حتى كي سكنا وحدنا ما تهنيناش كل عطلة تجي عندي و تلبس و تبدل تعاند فيا مرة خالتو توفات و ماماه تغاشات شدها من يديها قالي شوفي راهي باردة جات راح تحط يديها على يدو بصح انا ماشي ساهلة بعدتلها يدها و حطيت يديا انا صارحت راجلي بخبثها و حكيتلو يرد بالو يشوف من جيهتها و فهمتو ماشي راني غايرة منها بصح مانسمحلهاش تحقق مرادها هي مريضة و كي يشوف برك من جهتها تحسبو يشوف فيها تحل باب غرفتها و تلبس و تماكيي و كي يكون فايت دير روحا ماشفتوش و هي ماشي مستورة و اذا كان هو فالغرفة و الباب مفتوح غير شوية تقعد فكرسي و تقابلو و تبقى تشوف فيه و الله حرت
و كي نكونو نحطو فالعشا تحط كل شي من جهتو باه تقدم ليه حتى تلصق و الامر من كل هاذا ماشي منتبهين عليها على اساس راهي تتصرف على نيتها ربي سبحانو كي حرم الاختلاط علا بالو علاه
ننصحك بالاكي تحكي لعجوزتك ..لازمي تخلي ثقتك فنفسك صدقيني الوقت الي رانا فيه يقولولك انتي موسوسة و تغيري بزاف من سلفتك انا قاع ما خممتش نحكي لعجوزتي معنيتلها هي على اساس وحدة صحبتي عندها هاد المشكل و حكيتلها قاع التصرفات الي تتصرفها باش تفهم بلي راني فايقة بيها بصح هكداك زادت اكثر وليت حكيت راجلي و نبهتو منها المشكلة انو زوجي يحب يتصرف بتلقائية
بصح الحق ما يهدرش معاها بزاف ننصحك تلصقي فراجلك باه ما تخليلهاش الفرصة انا هي حاولت بزااااف تتصيد الفرص باه يوصلها لبلاصة و تكون وحدها معاه او المهم ما نكونش انا معاهم باه دير رايها بصح ما عطيتهاش الفرصة يا اختي لازم ندعو ربي احنا هدفنا نبيل هو حماية و الحفاظ على بيتنا وربي راح يكون معانا

[(( هبة الرحمن ))]

المشاركة الأصلية كتبت بواسطة oum aridj

و الله يا اختي راني نعاني من نفس المشكلة نتاعك ....
تلفت نظره؟؟؟

بصح الحق ما يهدرش معاها بزاف ننصحك تلصقي فراجلك باه ما تخليلهاش الفرصة انا هي حاولت بزااااف تتصيد الفرص باه يوصلها لبلاصة و تكون وحدها معاه او المهم ما نكونش انا معاهم باه دير رايها بصح ما عطيتهاش الفرصة يا اختي لازم ندعو ربي احنا هدفنا نبيل هو حماية و الحفاظ على بيتنا وربي راح يكون معانا

الله يعطيكم الصبر....خوفتوني بزاف انهن شيطانات في صورة انس.نعسو رجال برا ولا داخل..
شوفو حباباتي انا عندي اخوتي 7 متزوجين قاع بسكانيهم غير واحد معانا وسكنتنا كبيرة 7 غرف وصالون...مع ذلك اخوتي مين يجو عند الوالدة ما يجلسوش فالكوزينة يروحو لغرفة امي وزوجة اخي لي معنا الحمد الله متفاهمين ومع خوتي مين يلقاوها مالسلام عليكم مايزيدوهاش...والدي الله يرحمه ما يبغيش الدصارة والاصوات المرتفعة...كان كي يدخل كامل نسكتو...اخوتي ترباو على عقليته.
حكيتلكم باش نقولكم كلش من تربية الوالدين .

[oum aridj]

المشاركة الأصلية كتبت بواسطة ساندبال

الله يعطيكم الصبر....خوفتوني بزاف انهن شيطانات في صورة انس.نعسو رجال برا ولا داخل..
شوفو حباباتي انا عندي اخوتي 7 متزوجين قاع بسكانيهم غير واحد معانا وسكنتنا كبيرة 7 غرف وصالون...مع ذلك اخوتي مين يجو عند الوالدة ما يجلسوش فالكوزينة يروحو لغرفة امي وزوجة اخي لي معنا الحمد الله متفاهمين ومع خوتي مين يلقاوها مالسلام عليكم مايزيدوهاش...والدي الله يرحمه ما يبغيش الدصارة والاصوات المرتفعة...كان كي يدخل كامل نسكتو...اخوتي ترباو على عقليته.
حكيتلكم باش نقولكم كلش من تربية الوالدين .

يا اختي العزيزة عندك الصح هاد واش لازم فهاد الوقت الحرمة
انا مشكلتي العكس دارهم يموتو على التجمعات و هي تجمع معاهم غير كي نكونو حنا باه دير الي فبالها و تبين روحها
الي ما فهمتهاش علاه واش الغرض نتاعها من هاد التصرفات ، صدقيني تعياي انا ماشي ساكنة معاهم بصح عياتني مرة عيطتلها فالتلفون برقم نتاع زوجي ما عرفتش الرقم قلتلها علاه ما عندكش هاد الرقم قاتلي لا علاه رقم جديد قتلها اي و سكت ما قلتلها لا نتاعي لا نتاع زوجي كي رجعنا للدار كنت مع زوجي فالشمبرا جات عند الباب و بدات تهدر لعجوزتي هاد النيميرو نتاع فلان اسم زوجي و تسمع فينا و من قبل كي كنت بالجوف عيطت لراجلي باه تسقسيه عليا مع العلم دارهم كامل كانو عندي ما عيطت حتى لواحد عيطتلو هو بصح ما رفدش عليها و غاضتها قاتلي علا بيها ما رفدش عليا كل عيطتلو فالنيميرو القديم اااه لو كان نبدا نحكي على التصرفات الي تتصرفهم ما فراتش

[توأمي حياتي]

سبحان الله كأنك تحكي على حياتي و الله حاسة بيك تخيلي وليت وحدي موسوسة مانتهناش غير كيكون راجلي ماشي فالدار أو كيكون فالغرفة معاية و الله عييت من التفكير و من تتبع خطوات زوجي و عينيه كرهت راني حابة نرتاح نفسيا عييت خدامة و مسؤولية البيت و تربية توأم و زيد همها هي بزااااااااااااف ربي يدير الي فيه الخير هذا ما نقول

[oum aridj]

المشاركة الأصلية كتبت بواسطة توأمي حياتي

سبحان الله كأنك تحكي على حياتي و الله حاسة بيك تخيلي وليت وحدي موسوسة مانتهناش غير كيكون راجلي ماشي فالدار أو كيكون فالغرفة معاية و الله عييت من التفكير و من تتبع خطوات زوجي و عينيه كرهت راني حابة نرتاح نفسيا عييت خدامة و مسؤولية البيت و تربية توأم و زيد همها هي بزااااااااااااف ربي يدير الي فيه الخير هذا ما نقول

انتي حكيتي لراجلك على خبثها و لا لا
صح بزاف ناس يقولك ما تلفتيش انتباه زوجك ليها ........بصح انا ما قدرتش نسكت لخاطرش هي فالأصل نيتها تلفت انتباهو اللهم نبينلو بلي راني فايقتلها خير من حتى ينتبهلها بتصرفاتها على الأقل يدير فبالو بلي انتي على بالك بيها و انتي شوفي الي يصلحل معاك يا اختي و الله ما قضية ثقة فالنفس أنا خير منها خدامة و بداري و راجلي شباب على راجلها و هي مازالها تقرى بصح تستفزني بتصرفاتها و الله انا زوجها ما نشوف فيه و كي يكون مع دارهم و ما يكونش زوجي معاهم ما نبقاش معاهم بصح هي تخلي زوجها راقد فالغرفة و تجي تبين فروحها و تضحك بصوت مرتفع الاخرة هاد المرة كي جات عندي لداري كان راجلي يخدم كي جا دخل لشمبرتنا سمعاته يهدر تخيلي دخلت لشمبرتي علينا بلا ما دقدق و من بعد قاتلي اه ما عرفتش بلي راهو هنا اصلا ما عندهاش اداب الدخول عيييييييييييييييت و لات كامل مشاكلي مع زوجي بسبتها نقزول خلاص نحيها من بالي بصح كي نشوف تصرفاتها ما نقدرش و المشكلة انو راجلها ما يهدرش معايا حالفة فيه و انا اصلا ما يهمنيش تخطي راجلي برك و تلتهى بزوجها
ااااااااه بعثت لبزاف مشايخ نطلب استشارة كيفاش ندير نحل هاد المشكلة بلا ما نحكي لعجوزتي بصح مازال ما رجعوليش كي يرجعولي نبعثلك الرد نتاعهم .
زوجي قالي كاين حد واحد مالازمش نزيدو نتلقاوهم بصح ما كانش كيفاش دارهم ما نقدرش نقطع صلة الرحم

[mounaminou]

لا حول و لا قوة الا بالله ............نقولك اصح مع اللول ما امنتش بلي صارية صح مي كي لقيت بزاف اللنسا الي يعانيو من نفس المشكل تشوكيييييييييييييييتتتتتتتتتتتتتتتتتتتت
يا خي حالة ياخي

انا كون جيت منك لاكان خدامة نحبس ...مانكدبش عليك نخاف تختلي بيه و تدور عليه ......تهلاي ف راجلك لازم انتي اللي تحطيلو لفطور و نتي الي تقضيلو حوايجو كااااااامل ماش هي ....اغلبيها ف الحطة و ماتمديلهاش سرك خلاص و ماتحكيلهاش علا راجلك بزاف يا ختي كاين نسا مراض بالاك حابة تفسد عليك برك و تغيرك ...........تهلاي ف روحك بزاااااااااف بزااااااف بلا ماتمديلها التفاصيل اللي عايشتها مع زوجك .....و انك تمكري فيها و تغيريها و تشكري ف راجلك مايش حل خلاص لتما تزيد الغيرة تاعها و تولي تاكل ف روحها و تتمادى كتر ف التصرفات المخلة بالحياء...

حاولي تقربي زوجك لربي سبحانو بزاف ...لاكان مايصليش عاونيه باش يشد ف صلاتو و دعي ربي و ديري قيام الليل باه ربي ينجيك منها

[mounaminou]

اه نسيت ماقلتلكش ماتشكيش زوجك منها ........هككا راكي تولهي فيه .......ماديريلهاش حكاية خليها ف بالك برك و ديري احتياطاتك

[tas nim]

لا حول ولا قوة إلا بالله

[oum imane83]

السلام عليكم
و الله شيء لا يصدق ما نيش مامنة واش راني نقرا ... وين راه الخوف من ربي.. وين راهي العفة . السترة. احترام النفس و احترام الزوج و المحافظة على الشرف ...امراة براجلها و تحاول اغراء خو راجلها ..وين وصلنا ... و اسفاه على امة الاسلام ... كلشي راح ...... ربي يسترنا ويعافينا

هادي سلفة باينة راهي حابة تعيش قصة العشق الممنوع و تكون بطلتها ... ربي يهديها و يهدينا و يزرع في قلوبنا الخوف و كره المعصية
ربي يحفظ لك راجلك وولادك و يبعدك عليكم شياطين الجن والانس ولكل اسرة متماسكة و محافظة على عرضه

الي ميخافش من ربي لازم نديرو لو حساب . بعدي عليها تفاديها قدر المستطاع و لكن بدكاء متدخليش لغرفتها باش تفهم و متدناش هي ثاني وخاصة متبينلهاش احساسك و شكك بها تعاملي معاها عادي ... لازم راجلك ثاني ميعطيلهاش وش بزاف يتفادها هو ثاني و ميهدرش معاها غير صباح الخير ولا مساء الخير pas plus لانو يمكن تفسر كلامو معاها بلي اعجاب .. ..
بالنسبة للعائلة انت ادرى بهم وبعقليتهم و لا تقدري تقوليلهم ولا لا لا . لانهم يمكن يفهموها راكي معقدة ولا غيرة و خاصة كي راهي من العائلة

راجلك واش كان ردو كي نبهتيه منها ???? لانو طريقة تفكير الرجل مختلفة و في بعض الحالات منقولوش خير احساسنا و لا شكوكنا لان هاد الشيء يمكن يحللو عينو ..فهمتي قصدي

[karim vovinam]

الله يعينك أختي و الله الصراحة و الله هي لي تفيدك لقو النبي صلى الله عليه وسلم لأبي ذر ( قل الحق و إن كان مرا ولا تخف في الله لو مة لائم) وأتمنى أن يستركي و يسترنا الستير و السلام عليكم

[نارينا]

اختي راهم نصحوك الاعضاء بارك الله فيكم لكن اعذريني عندما كنت اقرأ القصة حسيت ان المرأة التي كتبتها يا اما لميس التركية او سلاف فواخرجي السورية ....كلامك كلو سوري باينة متأثرة بالدراما التركية ....قريب حسيت بالقصة منقولة