أم محمد تاج أدخلي راني جريئة ونص ههههه

[السيدة كرمين]

تعرفوا في البرد يكثر الطبخ خاصة الأطباق التقليدية
وعليه لبارح قلت لعشية نعمل للاولاد غرايف - بغرير -
حطيت سميد و فرينة وشوي ملح وشوي سكر




وعجنتوا بيدي ملييييييييييييح - اعركي سيداتي -



وولدي كلفتو يصور


درتلو لخميرة وعجنت مليح ومبعد صفيتوا




خليتو يخمر ومبعد ظفت حبة البيض ووجدت صينية الطبخ

تفكرت الوصفة المجنونة تع ام محمد تاج قلت والله غير نجربها

بعثت لمعلم للسطح جابلي كرلاجة مافهم والو

غسلتها وحطيتها على الطبونة وجيت للتطبيق حاطة يدي على قلبي

ولولاد قدامي يسناو في التجربة

نسيت الطريقة قلت نحط الزبدة ونشوف

رميت لولة شفتها لصقت في الكرلاجة




وليت نقول في قلبي وانا علاه عليا يخي كاين الطاجين

وش داني زعمة نعت في شطارتي

ايا هربت على الكرلاجة وبانتلي طابت والله من لولة




بديت ندعي في دعاوي لخير لام محمد قلت لوحدة منة وجاي ما طيحش اومبان هههههه





استمريت على هذاك لحال وبعد الثالثة قلت نجرب مانديرش الزبدة




وفعلا حتى وين كلمت وهوما يخرجو روعة كيما تع الطاجين نورمال




شكرا اختي ام محمد تاج

مزيد من الأفكار المجنونة







هذو فقط من اجل التصوير

لكن عادة نديرهم وحدة فوق وحدة وغير تنزل من النار ندهن بالزبدة ونرش السكر

الطريقة المفضلة عندي وعند الأولاد


تقبلوا تحياتي