واشرايكم في تفريشة شمبرتنا الجديدة...سطايفية - الصفحة 3

stayfiya · 2013-09-27, 00:09

هههههه ام ايا وحدك ياو كون نقولك ياو عادو لبنات يديو ذهبهم مين يدخلو يبيعوه و يشريو دار ولا طونوبيل للمستر باه يتقلش هذا ميشي رابح في لافار !!!!!

~ السلطانة ~ · 2013-09-27, 00:15

اقتباس:

المشاركة الأصلية كتبت بواسطة stayfiya

هههههه ام ايا وحدك ياو كون نقولك ياو عادو لبنات يديو ذهبهم مين يدخلو يبيعوه و يشريو دار ولا طونوبيل للمستر باه يتقلش هذا ميشي رابح في لافار !!!!!

واش من سيجي هذا للي راكم تحكيو فيه ؟
سمعت و ما سمعتش مليح هههههههههههههههه
شاركوني يا سيدي غيرزغبونة برك

OM AYA · 2013-09-27, 00:28

اقتباس:

المشاركة الأصلية كتبت بواسطة siham mokrani

واش من سيجي هذا للي راكم تحكيو فيه ؟
سمعت و ما سمعتش مليح هههههههههههههههه
شاركوني يا سيدي غيرزغبونة برك

بوووووووووه سهاموووووووووووو اخطيك من التقرعيج وروحي كملي خدمتك راني درتلك عرمة طلبات ههههههههههههه راني نقصر برك ياو دخلنا في الحطة تاع ناس سطيف وخرجنا في ندرة الرجل الصالح اااااا الزوج الصالح

~ السلطانة ~ · 2013-09-27, 00:33

اقتباس:

المشاركة الأصلية كتبت بواسطة om aya

بوووووووووه سهاموووووووووووو اخطيك من التقرعيج وروحي كملي خدمتك راني درتلك عرمة طلبات ههههههههههههه راني نقصر برك ياو دخلنا في الحطة تاع ناس سطيف وخرجنا في ندرة الرجل الصالح اااااا الزوج الصالح

هههههههههه دودا محبتش تهدر معايا اليوم منعرف واش بيها كنت راح نبعثلك الملف عن طريقها ... المهم منين تدخل نمدهولها تبعثهولك اوك تصبحي بخير

OM AYA · 2013-09-27, 00:37

اقتباس:

المشاركة الأصلية كتبت بواسطة siham mokrani

هههههههههه دودا محبتش تهدر معايا اليوم منعرف واش بيها كنت راح نبعثلك الملف عن طريقها ... المهم منين تدخل نمدهولها تبعثهولك اوك تصبحي بخير

اووووووووووكي لعزيزة كي يجي الفاكتور ابعتيها و نخلصوه بدعاوي الخير من الجهتين سلااااااااااااااااااااااااااااااااااااام

OM AYA · 2013-09-27, 00:24

اقتباس:

المشاركة الأصلية كتبت بواسطة stayfiya

هههههه ام ايا وحدك ياو كون نقولك ياو عادو لبنات يديو ذهبهم مين يدخلو يبيعوه و يشريو دار ولا طونوبيل للمستر باه يتقلش هذا ميشي رابح في لافار !!!!!

ربي يبقي الستر برك على الرجال تاع هذا الوقت لي برا كاسي حاشا اللي ما يستاهلش عادو يششرطو حتى هوما لمرا تخدم يعني هو خضرة فوق طعام يعني اللي دات واحد هكداك تديه غير زكارة في العديان يعني شباح رانا نسمعو ونشوفو لعجب في هاد الوقت امالا ربي يعطيكم انشاءالله سعد معدول و فحل ماشي هدرة برك ربي يرزقكم و يرزق كامل اللي مازالو بالزوج الصالح و الذرية الصالحة

ونقولكم تصبحو على نروح كاش ما نتفتف في الكاراكو اللي خدمتيلي الباترون ديالو يا سطووووووووووووفة و بون نوي سهاموووووووو وكامل متتبعي ومتتبعات مغامرات وانجازات السطايفية

stayfiya · 2013-09-27, 00:28

قاتلي نتوما السطايفية تعرفو للحطة و الديار و الطونوبيلات و حنا نتاع دزاير عايشين بالهف هههه اوو راني نلخص و نقرب المفهوم ثاني تدزع ام ايا و نحكمو قط هههه مالا قلتلها هيه عدنا كلش و الزهر مكانش قاتلي راكم مغليين مدو باطل تلقاو الطايح كثرمن النايض هههه ذبان يعني ايا واش تقولي سومة

OM AYA · 2013-09-27, 00:32

اقتباس:

المشاركة الأصلية كتبت بواسطة stayfiya

قاتلي نتوما السطايفية تعرفو للحطة و الديار و الطونوبيلات و حنا نتاع دزاير عايشين بالهف هههه اوو راني نلخص و نقرب المفهوم ثاني تدزع ام ايا و نحكمو قط هههه مالا قلتلها هيه عدنا كلش و الزهر مكانش قاتلي راكم مغليين مدو باطل تلقاو الطايح كثرمن النايض هههه ذبان يعني ايا واش تقولي سومة

ايه هي بالدات سطوووووووووووفة هيا خلوني والله نجي نبوجي ما تخلوونيش قعدتكم حلوة بصح نداء الواجب الخياطة الخياطة الخياطة الخياطة الخياطة............

stayfiya · 2013-09-27, 00:30

بالسلامة ام ايا و ربي يعاونك روحي تفتفي في سريرك و اخبطيها برقدة وشمن خدمة ضك الله يعيشك نوم لهنا

OM AYA · 2013-09-27, 00:35

اقتباس:

المشاركة الأصلية كتبت بواسطة stayfiya

بالسلامة ام ايا و ربي يعاونك روحي تفتفي في سريرك و اخبطيها برقدة وشمن خدمة ضك الله يعيشك نوم لهنا

لازم ضرك تاع وجهي في النهار ما نقدر ندير والو بووووووووووووووووووون نويييييييييييييييي

مريم سلمى الجزائرية · 2013-09-27, 16:02

اقتباس:

المشاركة الأصلية كتبت بواسطة stayfiya

والله يا ختي السطايفية هاذي لي راكي تشوفي فيها ما خلات ما تقرى و ما خلات ما تتعلم و تدي ديبلومات بصح نحب ديما نكون بطبيعتي و كيما تشوفي هنا كيما في الواقع و مادامك تنازلتي و غيرتي لهجتك لي هي اللغة كي رديتي على موضوعي نشكرك و نحييك يا الجزايرية الحرة

السلام عليكم و رحمته تعالى و بركاته:
أولا على سلا متك، إن شاء الله لا باس.
يا الحرة، لايوجد أحسن من الطبيعي،و شطارتك "ربي يبارك" راهي واضحة و زيد ما عندي شك في تجاربك في الحياة أختي أما كلامي بالدارجة معك فهو من كثرت إعجابي بردودك الخفيفة اللي مرات تنحي على القلب و تريحو.
في هذا المنتدى نحس رانا خواتات و مكانش مكان "لما يسمى بالتنازل كلنا كيف كيف".
( اللغة العربية الفصحى نستعملها باش إذا خاوتنا العرب اللي ما يفهموش لهجاتنا الجزائرية بإمكانهم يفهمونا و لأننا رانا نمثلو بلادنا من جهة و من أخرى نحب نستعملها بصح معاك رايحة ندخل بالدارجة يا الشاطرة)
ربي يحفظك من كل عين يا نوارة في هذا المنتدى.