عروستنا في المطبخ - الصفحة 3

ام نسمة · 2013-09-14, 14:47

لتتخلصي من رائحة الثوم المزعج من يديك يكفيك ان تفتحي الحنفية وافركي اصابعك ويدك بظهر معلقة ستزول الرائحة كالسحر وهاته انا مجربتها شخصيا وجد فعالة

ام نسمة · 2013-09-14, 15:05

عندما تودين تحضير وصفة في الليل تحتاج الى ترقيدة او تتبيلة اعمليها صباحا مع وقت تحضير الغذاء لكسب الوقت اولا وحتى تتجنبين تلطيخ يدك بروائح التتبيلة التي تحتوي عادة على ثوم وبصل ووووو يعني في المساء البسي قفازات واطهي فقط

اشتري قفازات الطبخ او من الصيدلية الخاصة بالممرضين لانك عروسة وجمال يدك مهم جدا اول الزفاف البسيها عندما تخلطين اي شيئ بيدك خاصة ما احتوى على زعفران وتوابل

ويجب ان يحتوي مطبخك على حقيبة اسعافات اولية لانك عروس وجديدة على ميدان الطبخ وادوات المطبخ التي ستكون جد حادة لانها جديدة

فيجب ان تحتاطي اولا وان جرحتي يدك لقدر الله تكون عندك الادوية والوسائل اللازمة حتى تضمدي جرحك
ولا تذهبي راكضة بيدك التي تسيل منها زوج قطرات دم وتحوسي عليه تخلعيه هههههههههههههههههههههههههههه
ضمديها وحدك فقط

عمري ضايع · 2013-09-14, 15:22

بارك الله فيك موضوع قمة كباقي مواضيعك...رح نستفادو منك بزاااااف خصوصا عندك تجربة ..
الله يجعله في ميزان حسناتك

amel5 · 2013-09-14, 18:11

موضوع رااااااااااااااائع بارك الله فيك اختي على الفكرة و الله كون نخمموا مليح نلقاو انو الطبخ هو اهم حاجة لازم تحضره العروس من غير الجهاز و هو اهم من الجهاز تاني ههههه كاين بزاف بنات يغفلوا على هاد النقطة و خصوصا الامهات هوما لي المفروض ينتبهوا لهاد القضية و يعلموا بناتهم قبل مايروحوا لديار رجالهم و يبداو يسمعوا في الكلام من و من
انا الحمد عندي نعرف الاساسيات نتاع الطبخ يعني المرقة البيضا كيفاش تجي و المرقة الحمرا تاني و المرقة نتاع الطعام لي هو الكسكس ووو و خبيرة و الحمد لله في كل انواع الحلويات التقليدية و العصرية
و كاين حوايج ماكنتش مركزة معاهم باش نتعلمهم بصح كي عرفت من راجلي بلي يحبهم بزااااف راني غير ندير و نعاود فيهم باش يدخلوا في يدي مليييييييح ههههههه
بصح بقاتلي مشكلة ماعرفتلهاش حل هو المللللللللللللللللللللللللللللح عندي مشكلة كبيرة معاه كي بديت نتعلم الطياب كنت ندير لماكلة مالحة بزاف من بعد وليت نخاف ايا نقص منه و تخرجلي الماكلة مسوس هههههههه و درك ماوليتش نقدر نعرف ادا الماكلة خصها ملح و لالا مادامني قدام ماما راني كل مرة نعطيلها ندوق بصح غدوة نولي في داري وحدي مشكلة وااااااااع

ام نسمة · 2013-09-14, 19:03

**ملح الطعام **

الملح في الطعام يجب ان يضاف على الاقل كمية صغيرة في اول الطبخ حتى تكون بنينة خاص اللحم لانو كون يطيب سامط من بعد قاع تزيدي الملح ويبقى سامط وماشي بنين
وردي بالك انو الملح ايضا انواع يوجد منه ماهو حاد الملوحة وبودر ناعم ومنه الخشن ومتوسط الحدة في الملوحة
افضل الحاد لانه يمكن التحكم فيه ووضع كمية قليلة تكفي منه
انتي ضعي الملح اثناء الطهو وتذوقي هذا بالنسبة للطعام المعد في مقلاة يعني اللذي لا يحتاج الى تمريق
اما الحساء ضفي ملعقة صغيرة ممتلئة واتركي حتى ينضج الحساء وتذوقي مرة اخرى
لا تستعملي المنكهات وتضعين نفس كمية الملح يعني لو تستعملي جمبو او مكعبات ماجي فهي مالحة احترسي عند اضافة الملح
كما انه كل ماقلل الانسان الملح والسكر في طعامه يحافظ على صحته اكثر فعودي زوجك على وضع الملاحة فوق الطاولة وهو يضيف براحته

عندما تعدين طاجين تقليدي راعي انك ستطهينه على نار مهيلة وماء قليل فلا تكثري من ملح الطعام
وفي الاخير نذكركم بمقولة جدودنا السامط يتداوى والمالح مايتداواش