من يريد أن يتزوج فليبادر...

[محب السلف الصالح]

شوف ياراجل كاين ثاني مشكل كبير

الي هو بعض الشباب متبعي الهوى وضعاف النفوس


كي يكون المهر رخيص يولي كل يوم يبدل في النساء يطلق ويجب هاذي وهادي

وربي يسر أحوالنا ويصلحنا

والله المستعان

[عُبيد الله]

المشاركة الأصلية كتبت بواسطة محب السلف الصالح

شوف ياراجل كاين ثاني مشكل كبير

الي هو بعض الشباب متبعي الهوى وضعاف النفوس


كي يكون المهر رخيص يولي كل يوم يبدل في النساء يطلق ويجب هاذي وهادي

وربي يسر أحوالنا ويصلحنا

والله المستعان

وجهة نظر قوية..
---
بارك الله فيك أخي محمد العربي ورزقنا من فضله

[sayahzohra]

غير رواحو يا الخطابة ماغديش نغلي عليكم غير باغيغ و السكنة على اسمي

[bichaz810]

الي عندو مبدا ما تخافوش عليه تخاف عالي يسمع لكلام الناس
انا كي تزوجت ما شرطتش درت فراشي وحدي ونحيت العادة تاع الكاميونات والزرنا ووووو اديت كلش في الستر الي عندو ما يضحك والي ما عندوش ما يتحسر
كي خرجت من العرس بدلت العادات تاع الخارج خرجت بحايك وردي مطرز مش بالفستان الابيض
انا ما نحبش نكون تبعية ولا نشوف للناس اذا راهم يشوفولي ولا لا ارضيتهم ولا لا فارضاء الناس غاية لا تدرك
لذا قلت الي عندو مبدا ما تخافش عليه
وما تنساوششش يالصبايا اقلهن مهرا اكثرهن بركة عن سابق تجربة
ونزيدلكم :-) ان جاءكم من ترضون دينه وخلقه فزوجوه
ربي يسهل لكل واحد و وحدة قاصدين الحلال

[hattal]

يارب زوجة صالحة تشترط كتاب قران فقط

[dz-neteller]

موضوع مميز وحبيت نشاركم ب كلام لا مفر منه

* قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره


فتنة وفساد كبير نعيشه و هو متزايد بإستمرار , أرتفاع نسبة عنوسة في جزائر و أرتفاع نسبة نساء عاملات , وسبب هم ماداروش دار لذلك يملئون فراغهم بسيع في عمل ,

ونصحية لشاب جزائري أدا جاتك فرصة باش تعطيها من دي بلاد مضيعهاش , خاطرش رايح تبقى بين خدعة وطنية و بحث عن عمل

سلام

[رونق الامل]

charte lawal
النبي صلى الله عليه و سلم قال "" اذا اتاكم من ترضون دينه و خلقه فزوجوه ""
2/
ray ray waldiya o ra7e idiro kima daro m3a khawatati
ki made okhti galhoum nchrat lahna hada maken o men lyoum rahi bantkoum t7abo tlabsouha thabo tkhalouha psq koulch yarja3 likoum+ida bgate tafla takhdem wala tkamel 9rayateha matw9oflhach
hiyatha si tout
o houma jabou m3ahoum 10milions
o galou dahabe 3lyna
o lhamdellah rahoum mhaniyne fi zwajhoum o 3aychine la belle vie

[إكليل]

يختلف المهر من جهة إلى أخرى في بلادنا فهو في بعض المناطق غال و فاحش في الغلاء و في بعضه أقل و أيسر.

و تسهم بعض التكاليف و العادات في غلاء المهور .
فمثلا قديما كانت المرأة تلبس الثياب التي تأتي بها من أهلها و لا يشتري لها زوجها شيئا حتى تبلى تلك الثياب التي أتت بها مع جهازها.

فلو وعد الخاطب مثلا مخطوبته أنه سيشتري لها ما تحتاجه من ثياب و أن لا يقصر معها في ذلك عندما تأتي إليه فلعل ذلك يخفف عليه بعض الشيء.

ثانيا تحديد سعر المهر في بعض المناطق يعد ظالما فقد لا يجد كل الشباب قيمة ذلك المهر. والبعض لديه ما يكفيه من المال يستطيع أن يدفع أكثر .
كما تسهم تكاليف العرس أيضا في الغلاء و عزوف الشباب عن الزواج.
فللأسف الكل أصبح إمعة يفعل ما فعله جاره أو قريبه أو صديقه .فلماذا هذا التقليد الأعمى .فالغني يستطيع أن يصرف مبالغ خيالية لكن الفقير لا .لكن مع ذلك تجده يريد أن يفعل مثلما فعل جاره أو قريبه الغني .

فبدل أن يوفر ذلك المال لعمل مشروع بسيط يوفر من خلاله لقمة حلال أو يفره حتى يستكمل مبلغ شراء سكن مثل أو سيارة حسب إمكاناته .يصرفها في ليلة واحدة يقولون عنها ليلة العمر.

[nassimami]

oui na9bale
lmouhim lhna

[السي محمد]

آخر اخواتي زواجا و هي الاصغر


تزوجت بمهر 8 ملايين

و كنا نعتبره كبير مع ان عائلة زوجها غنية

[ايمان نور الجزائر]

نحكو على الواقع....بدون مبالغة
كل منطقة وعاداتها وحنا نتبعو مجتمعنا...عائلاتنا وعائلة الطرف الثاني
ممكن ...ننقص في المهر وحتى عائلتي ممكن تنقص لكن ....حتى يطلبو اهل الزوج ذلك
وحنا نساعدوهم بالمعقول....لانو احيانا التنازل عن المهر يدخل الشكوك في القلوب والعقول........الخ
كما انو المهر المبالغ فيه غير محبذ يولي حاجة صامطة ومكروهة....والواحد يرجع يشوف الزواج حاجة ثقيلة
الاعتدال في مثل هذه الامور هو انسب الحلول.......باعطاء مبلغ مالي في حدود المعقول
مع الاستغناء عن باقي الاشياااااااااااااااااااااااااء الاخرى

[sarl02]

بالنسبة للمهر على حساب كل منطقة ولعل المنطقة الرائدة في مجال البراكاج عفوا المارياج هم ولايات الشرق الجزائري ...صديقي اتعرف بوحدة قالمية راح باه يخطبها من عند دارهم قيموهالي كيما طوموبيل لوقان ولا سيمبول اتشوكا المخلوق ما فهم والو ...قالي واش من صوف وواش من نحاس وواش من حديد وذهب خص البترول الي ماقالولو جيبلنا برميل... اتقول رانا فالعصر الحجري ...لكن البنت كانت فحلة ووقفت معاه خفو عليه خفو عليه ....وتحية خاصة لمنطقة القبائل الي يشترطو الهنا والعشرة الطيبة ...ويالنسبة لمناطق الوسط الجزائري فالامر معقول نوعا ما فلا توجد مغالاة الا من اثر على نفسه وحب هو يكرم زوجته وهذا عادي ...وناس الغرب هناك ثان عادة الشرط الي اكون عادة من 15 ال 20 مليون ذهب فقط والله شيء مؤسف ..والشباب هذا يسرق باش يتزوج ولا كيفاش الله يهدينا.

[نور الجنة س]

ربي يرزق كل بنت بزوج الصالح و رجل بزوجة الصالحة كل واحدى و على قد نيتوا
اما في خصوص المهر كل وحدى على حسب تقاليد و بزاف لي رهم يحوسوا على الهنا
و مهومش يتشرطوا كاين بزاف يرهم يتزوجوا بمهر قليل
لكن كي كون رجل يستاهل ماشي يتزوجها بمهر قليل ثم يعيرها و يقلها جبتك باطل
مهم ربي يستر و يهني كل واحد او وحدة و يفرحهم بزوج او الزوجة الصالحة وحدة يتمنى غير ليسعدوا
و ندوا غير واش كتب ربي سوى كان مهر غالي او رخيس

[imad nour]

المشاركة الأصلية كتبت بواسطة نور الجنة س

ربي يرزق كل بنت بزوج الصالح و رجل بزوجة الصالحة كل واحدى و على قد نيتوا
اما في خصوص المهر كل وحدى على حسب تقاليد و بزاف لي رهم يحوسوا على الهنا
و مهومش يتشرطوا كاين بزاف يرهم يتزوجوا بمهر قليل
لكن كي كون رجل يستاهل ماشي يتزوجها بمهر قليل ثم يعيرها و يقلها جبتك باطل
مهم ربي يستر و يهني كل واحد او وحدة و يفرحهم بزوج او الزوجة الصالحة وحدة يتمنى غير ليسعدوا
و ندوا غير واش كتب ربي سوى كان مهر غالي او رخيس

شكرا اختي على المرور الطيب .....اما بخصوص ان الراجل يستاهل و لالالا لالالا يبقى ضربة حظ لأنه ما يبانش في الأول

[سفير الأيام]

حتى عقلية الشاب عند الكثير اللي تشرطذ الغالي وما تبكيش على زوج المستقبل

تبقى عند باباها حتى يجيها مول المارسداس والبيام