عاونوني راني في غمة - الصفحة 3

مناد بوفلجة · 2013-08-05, 17:09

اقتباس:

المشاركة الأصلية كتبت بواسطة sersoura26

انا من فترة تفدم لي شاب بنية الزواج هدرت معاه في الهاتف مرتين ورايته مرة واحدة نظرة خاطفة ومبعد قلتلو اهدر مع بابا .بابا وافق عليه وليت نهدر معاه غير بالتيليفون عجبني وهو حبني حب كبير ومبعد بعت دارهم يديرو الشوفة ماشي الخطبة الخطبة الرسمية ما زالت انا ورا الشوفة وليت نتلاقاه تاع 2دقايق ماشي نخرج معاه بصح مين نتلاقاه ما يعجبنيش في زيو وانا درك نحس بعداب الضمير ساعات تبانلي نبطل وهو بصح يحبني بزاف وانا كنت صارحتو بلي نحبو قبل ما نشوفو تسمى حبيت شخصيتو بصح شكلو ما حبيتوش كيفاه ندير والله والله ندعي ربي ليل ونهار باش نحبو ونحب شكلو رغم انو مقبول الشكل يعني ما راهوش دميم شورو عليا وانصحوني بدون تجريح راني في غلبة

السلام عليكم

واش رايح نقولك يا صرصورة
قلت أنه مقبول الشكل و أنك تحبينه
و هو يحبك

فلا تدعي الشيطان يوسوس لك

على الأقل هو مقبول الشكل و لن ينظر لغيرك

صلي الإستخارة
و ربي يوفقك يا صرصورة

و صحا فطورك يا صرصورة

AMINA.Z · 2013-08-05, 20:37

شوفي اختي اهم حاجة قبل الزواج هي الرضا

ربي و الرسول سنو الرؤية قبل الزواج و ليس النقاش و التعارف

يعني اهم حاجة يتبنى عليها القبول او الرفض هو ما تراه العين و ليس ما تسمعه الاذن

انتي تسرعتي من قبل و عرفتي جزء من شخصيتو قبل ما تشوفيه

درك ماكالاه تتسرعي و حوسي على راحتك قبل كلشي

اذا ماكيش قانعة بيه ماكالاه تسيفي على روحك تكملي معاه و تقولي في المستقبل تتبد ل الحالة

ماتبنيش حياتك على امال و اوهام

bibimoto6 · 2013-08-05, 21:02

كان رجل من أصحاب رسول الله صلى الله عليه وسلم يقال له : جليبيب في وجهه دمامة .. فعرض عليه رسول الله التزويج .. فقال : إذا تجدني كاسداً ..
فقال : غير أنك عند الله لست بكاسد ..
فلم يزل النبي صلى الله عليه وسلم يتحين الفرص لتزويج جليبيب ..

حتى جاء رجل من الأنصار يوماً يعرض ابنته الثيب على رسول الله صلى الله عليه وسلم.. ليتزوجها .. فقال صلى الله عليه وسلم : نعم يا فلان .. زوجني ابنتك ..

قال : نعم ونعمين .. يا رسول الله ..
فقال صلى الله عليه وسلم : إني لست أريدها لنفسي .. قال : فلمن ؟ قال : لجليبيب ..
قال : جليبيب !! يا رسول الله !! حتى استأمر أمها ..

فأتى الرجل زوجته فقال : إن رسول الله يخطب ابنتك ..

قالت : نعم .. ونعمين .. زوِّج رسول الله صلى الله عليه وسلم .. قال : إنه ليس يريدها لنفسه .. قالت : فلمن ؟ قال : يريدها لجليبيب ..

قالت : حلقى لجليبيب .. لا لعمر الله لا أزوج جليبيباً .. وقد منعناها فلاناً وفلاناً .. فاغتم أبوها لذلك .. وقام ليأتي رسول الله صلى الله عليه وسلم..
فصاحت الفتاة من خدرها بأبويها : من خطبني إليكما ؟قالا : رسول الله صلى الله عليه وسلم..
قالت : أتردان على رسول الله صلى الله عليه وسلم أمره ؟ ادفعاني إلى رسول الله صلى الله عليه وسلم.. فإنه لن يضيعني .. فكأنما جلَّت عنهما ..

فذهب أبوها إلى النبي صلى الله عليه وسلم فقال : يا رسول الله .. شأنك بها فزوِّجها جليبيباً .. فزوجها النبي صلى الله عليه وسلم جليبيباً ..
ودعا لها وقال : اللهم صب عليهما الخير صباً .. ولا تجعل عيشهما كداً كدّاً ..

فلم يمض على زواجه أيام .. حتى خرج النبي صلى الله عليه وسلم في غزوة .. وخرج معه جليبيب .. فلما انتهى القتال .. وبدأ الناس يتفقد بعضهم بعضاً ..

سألهم النبي صلى الله عليه وسلم: هل تفقدون من أحد قالوا : نفقد فلانا وفلانا ..

ثم قال : هل تفقدون من أحد ؟

قالوا : نفقد فلانا وفلانا ..ثم قال : هل تفقدون من أحد ؟

قالوا : نفقد فلاناً وفلاناً ..قال : ولكني أفقد جليبيباً ..
فقاموا يبحثون عنه .. ويطلبونه في القتلى .. فلم يجدوه في ساحة القتال ..

ثم وجدوه في مكان قريب .. إلى جنب سبعة من المشركين قد قتلهم ثم قتلوه .. فوقف النبي صلى الله عليه وسلمينظر إلى جثته ..
ثم قال : قتل سبعة ثم قتلوه .. قتل سبعة ثم قتلوه .. هذا مني وأنا منه ..
ثم حمله رسول الله صلى الله عليه وسلم على ساعديه .. وأمرهم أم يحفروا له قبره ..
قال أنس : فمكثنا نحفر القبر .. وجليبيب ماله سرير غير ساعدي رسول الله صلى الله عليه وسلم ..حتى حفر له ثم وضعه في لحده ..

قال أنس : فوالله ما كان في الأنصار أيم أنفق منها ..

تسابق الرجال إليها كلهم يخطبها بعد جليبيب ..
" ومن يطع الله ورسوله ويخش الله ويتقه فأولئك هم الفائزون" ..

والنبي صلى الله عليه وسلم يقول كما في الصحيح : (كل أمتي يدخلون الجنة إلا من أبى قالوا يا رسول الله ومن يأبى قال من أطاعني دخل الجنة ومن عصاني فقد أبى ) ..

ام نسمة · 2013-08-05, 21:09

واش نقولك
انا لوكان تساعفيني اخطيك منو كلامك اكبر دليل على انك مش مقتنعة بيه مئة بالمئة وبالتالي انت فقط معجبة بشخصيتو مش حبيتيه وراح نفهمك
شوفي العزوبية واحلامها والخطوبة وسحرها وايام الاولى للزواج وجمالها ..........ليست ابدا هي حقيقة الزواج حتى لو تغاضيتي عن شكله وفي داخلك لست راضية عنه وطرحك للموضوع اكبر دليل لو كنتي مقتنعة بشكلو وحبيتيه لو كان راكي طاير بالفرحة
المهم الزواج راه مسؤلية ومشاكل ومنعطفات على الاقل اتزوجي واحد شباب لانو العقلية مش مضمونة ابدا والشخصية اللي قدامك مش بالضرورة هي شخصيتو الحقيقية وان كان يبذل جهده لتريه في احسن حال سواء منظره او شخصيته وهذا حال كل الشباب يعمل الحال لينال اعجابها
فبعد الزواج تسقط الاقنعة وتصبحين انت وحدك المجبورة اما على التحمل او الطلاق وهو يدير رجل فوق رجل ومعلابالوش بيك خلاص
لكن لوكان يكون شكلو ظريف ويعجب صدقيني حتى ولو انك تلقي تصادم في الشخصية وتتزاعلو لكن راح تبقي تحبيه وما تستغيش عليه لانو المرءة انسان كما الرجل يحب الزين يتمتع بيه المرء ة كذالك
لوكان انا يرجع بيا الزمان للخلف لن اختار زوجي على اساس العقلية والرزانة نختاره على اساس الزين صراحة لان عقلية الرجال زائفة ولن تنالي منه شيئ على الاقل الزين تتمتعي معاه وكي تشوفي في وجهو قلبك يفرح ماشي كي تعودي تشوفيه تغمضي عينيك وتلطفي منو ومن شكلو
والله هذا واقع انا اعطيتك وجهة نظري وانت بالطبع حرة واي نقطة مافهمتيهاش راني هنا نفهمها لك

المزارع · 2013-08-05, 21:14

بصراحة في هاذ الوقت صعيب راح تلقي الانسان لي يحبك كيما راك تحكي لازم عليك تبقى معاه وبالوقت راح تحبيه

sersoura26 · 2013-08-05, 21:35

شكرا لكم اخوتي على الردود وعلى تجاوبكم مع مشكلتي لكن ما زلت محتارة كلما نقرا رد يعجبني نقول ندير بهاد الراي نزيد نقرا نصيحة اخرى تاني تعجبني نقول ندير بيها والله راني مترددة وحايرة وهو متعلق بيا بزاف خايفة نظلمو ربي ما يسامحنيش ويخرجها فيا هو قلبو حنين بزاف ويموت عليا كيفاه ندير

~~مشطوب~~ · 2013-08-05, 21:58

اقتباس:

المشاركة الأصلية كتبت بواسطة sersoura26

شكرا لكم اخوتي على الردود وعلى تجاوبكم مع مشكلتي لكن ما زلت محتارة كلما نقرا رد يعجبني نقول ندير بهاد الراي نزيد نقرا نصيحة اخرى تاني تعجبني نقول ندير بيها والله راني مترددة وحايرة وهو متعلق بيا بزاف خايفة نظلمو ربي ما يسامحنيش ويخرجها فيا هو قلبو حنين بزاف ويموت عليا كيفاه ندير

أنت لست محتارة

أنت شافقة عليه

كما نصحتك من قبل القلب وما يهوى متخليهاش في قلبك

كل إنسان ومكتوبوا

lulumina · 2013-08-05, 22:10

مساء الأنوار على الجميع و صحّ فطوركم أختي الكريمة الأهم في الرجل أخلاقه و سيرته الحسنة بين الناس طيبة قلبه رأفته بأهله و من حوله وليس بجمال شكله فلا يعيب الرجل شكله و أنما فساد أخلاقه و لستكباره ..صلي يا أختي صلاة الإستخارة و ان شاء الله ربي ينورلك بصيرتك و يهديك لما فيه الخير لك

nawel zed · 2013-08-05, 22:02

صلييييييييي صلاة الاستخارة يا اختي

sersoura26 · 2013-08-05, 22:04

اقتباس:

المشاركة الأصلية كتبت بواسطة nawel zed

صلييييييييي صلاة الاستخارة يا اختي

شكرا ليك اختي والله صليت صلاة الاستخارة هدي المرة التالتة بصح ما بان والو

nawel zed · 2013-08-05, 22:12

يا اختي مش محتم تبان في الحلم شوفي روحك قلبك منشرح لا الامور راهي تمشي للاحسن لا ما نربطوش الاستخارة غير بالحلم وربي يدلك للخير صليها 7ايام متتالية

basma09 · 2013-08-05, 22:57

يا اختي لعزيزة و الله غير قد ما راهي حيراتك حكايتك راهي محيرتني
و راني غير نقري فالردود نتاعك و الله غير حرت
من جيهة ماراهوش عجبك الشكل نتاعو ومن جيهة عاجباتك عقليتو و تعلقو بيك وكاين لي قالولك خليه انت قلتي راني خايفة نظلمو وووو
انت راكي مشوشةا الذهن يعني حابة تبقي معاه لكن حاجة مش مخالياتك متهنيا معاه انا نعطيك نصيحة روحي للراقي ولا جيبوه للدار ارقي علي روحك و بالاك و الله اعلم حاجة مش بيدك اللي راهي تخليك ديري هاكذا لاخاطر غير انت اللي يبانلك الشكل نتاعو هاكذاك كامل الغاشي راكي تقولي يقولولك راهو شباب و كلش و الله اعلم ياخي الرقية كلام ربي ماراحش يضرك ارقي و شوفي
الله يهني بالك حبيبة و ماتنسايش تقولينا الجديد نتاعك

biberse1192 · 2013-08-07, 05:24

نقولك غي حاجة جامي تدي واحد كيما يبغيه عقلك و الله استاخري ربي و لوكان تبغيه يولي يعجبك يا اختي القلب و شتايله.....ربي يفرج عليك

ياسمين20 · 2013-08-07, 09:01

انصحك بعدم اكمال خطبة زواج بدون رضاء الطرفين فيه مشكال

ووربي يوفقك