مائدتي 10 اتفضلو راح تنوروها بمروركم - الصفحة 3

pharmajsk · 2013-07-20, 12:13

اقتباس:

المشاركة الأصلية كتبت بواسطة omyma1

كلشي باين شباب بصحتكم حتى تكتبيلنا طريقة الدنجال بالفرماج الله يطيك الصحة

شكرا على المرور نوتي
بالنسبة لطريقة الدنجال شوفي حبيبتي

اغسلي الدنجال وقطعيه بطول وانا منقليهمش منحبش الزيت نملحهم وندهنهم بزيت ونشويهم في الفرن يجو هايلين في بلاصة القلي
وممبعد احكمي فرماج انا نستعمل شاف وقطعيه مستطيلات حطي الفرماج فوق الدنجال ورولي ورمديه في الفرينة ثم البيض ثم خبز يابس مرحي (شابلوغ)

وقليم تحبي تصنعيلهم صوص كيما انا تحبي تصنعيلهم مرقة بالحمص وتحطيهم كطبق رئيسي

شهية طيبة

imyimy000 · 2013-07-20, 12:21

ya3tik saha lhrira nta3k 3ajbatni bla mandou9ha mada bik koun ta3tini la recette hna f char9 mandirouhach ndirou chorba frik wana doktha mara 3ajbatni bzaf w ki jarabtha majatnich mliha

enar · 2013-07-20, 12:40

الله يبارك المايدة تاعك راهي تشهي ما شاء الله يعطيك الصحة على التعب و الديكور الجميل

أم الفرسان · 2013-07-20, 12:41

حبيبتي أنتِ .. الله يخليك .... يكفيني كرمك وذوقك .....

شكرا جزيلا

ahla tita · 2013-07-20, 13:28

يعطيك الصحة وبصحتكم ممكن تقوليلي البدنجان تقليه امباعد تحشيه بالفرماج تعمليه كيما تاع اللحم

tina19 · 2013-07-20, 13:35

بالصحة والهناء ان شاء الله

حب الله لا يعادله حب · 2013-07-20, 14:21

بصحتكم رووووعة

ميار صهيب · 2013-07-20, 14:27

الله يبارك
روووووووووووووووووووووووووووووووووووووعة

pharmajsk · 2013-07-20, 14:44

اقتباس:

المشاركة الأصلية كتبت بواسطة imyimy000

ya3tik saha lhrira nta3k 3ajbatni bla mandou9ha mada bik koun ta3tini la recette hna f char9 mandirouhach ndirou chorba frik wana doktha mara 3ajbatni bzaf w ki jarabtha majatnich mliha

شكرا على المرور حبيبتي املا انتي من الشرق متشرفين حنونة وياهلا بناس الشرق
وبانسبة للحريرة صح انتوما مديروهاش على خاطر عدنا نسابنا في سوق اهراس المرة الاولى كي جاو فطرو عدنا حطيناهالهم عجبتهم بزاف وقالونا احنا منديروهاش وراح نعطيك الوصفة

المقادير
حبة بصل متوصطة قطعيها مكعبات
3 حبات جزر
حبة صغير لفت
حبة صغيرة كورجات
حبة طماطم
حبة بطاطا
دجاج ولا لحم حسب الرغبة
شوية كرافس
شوية قصبر
ملعقة كبيرة طماطم مصبر
و3 سنات ثوم

الثوابل
حرور
ملح
راس الحانوت
كمون
وحشايش نتاع الحريرة(احنا نشروهم مخلطين من عند العطار) فيهم كلش
نوخة

و2 ملاعق تيشة نتاع المرمز

طريقة التحضير
في طنجرة قلي البصل مع الثوم واللحم في 3 ملاعق زيت حتى يذبال حطي التوابل وكرافس وقلي وديري شوية ماء باش التوابل متفقدتش الذوق ديالها قطعي الخضرة تاعك مكعبات وديريها هي تاني تتقلي معاهم وضيفي الطماطم ديالك راح تبداي تشمي في وحدة الريحة اممممممممممممم تشهيك ضيفي الماء وخليها كي تبدا تغلي ضيفي المرمز وخليها تغلى كي طيب الحريرة والخضرة حكمي لالوش نحي هذاك البويون لي يبقى من فوق في الحريرة حطيه في غرفية بجيه نحي اللحم وطحني كلش بالميكسار
ورجعيها تغلي
في هذيك الغرفية
ديري ملعقة زيت
حشايش تاع الحريرة متكثريش على راس المغرف قاطعين
زعتر
وجومبو
وخلطيهم وديريهم في القدرة وخلطي
مورها هذي خليها تغلى 5 دقائق وطفي والى حبيتي زيدي ربي سنة ثوم

وشهية طيبة

pharmajsk · 2013-07-20, 14:45

اقتباس:

المشاركة الأصلية كتبت بواسطة enar

الله يبارك المايدة تاعك راهي تشهي ما شاء الله يعطيك الصحة على التعب و الديكور الجميل

يبارك فيك حنونتي يعطيكم الصحة والله ردودكم غير راهي تحفزني باش ديما نزيدنبدع في اطباقي نورتو

pharmajsk · 2013-07-20, 14:46

اقتباس:

المشاركة الأصلية كتبت بواسطة أم الفرسان

حبيبتي أنتِ .. الله يخليك .... يكفيني كرمك وذوقك .....

شكرا جزيلا

أم الفرسان حشمتيني

نورتي

pharmajsk · 2013-07-20, 14:49

اقتباس:

المشاركة الأصلية كتبت بواسطة ahla tita

يعطيك الصحة وبصحتكم ممكن تقوليلي البدنجان تقليه امباعد تحشيه بالفرماج تعمليه كيما تاع اللحم

ايه حبيبتي مي انا منفضلش نقليه على خاطر يجي ميدم انا ندهنه بالزيت طبعا بعد ما نملحو ونشويه في الفرن وممبعد يتحمر احسن من المقلاة وممبعد نعمره ونروليه نقولكم جربو الدنجال محمر في الفرن وردولي الخبر

نقصوووووووووو شوية من ليدام راه مضر للصحة