اقتباس:
المشاركة الأصلية كتبت بواسطة ام اجياد
والله الغضيم غير شفت الصووووورة برك بكيت وماحبتش الدمعة خلاص تحبسلي غاضوني بزاف بزاف ماعلاباليش لاه حسيتهم راهم مسوفرين والغربة وحدها تكفي وخلي ياغربة رمضان وميمتك عيشك كي شافت الصورة هذي وش دارت انا عن نفسي والله ماتمالكت روحي منالبكي ربي يكون فس عونهم وماتزيدوش تخليو خوك يبعد سيرتو في رمضان رمضان هو اللي يجمع العايلة وكي يخلص رمضان يرحمها ربي صوووووووووووووووووووورة معبرة جدا جدا والصورة نتاعهم ماحبتش تروح من راصي غاضوني بزاف بزاف
|
سيدتي الكريمة شكرا جزيلا على المشاعر الطيبة و رمضانك كريم و تقبل الله منا و منكم
كما سبق و قلت الحمد لله انو كاين هاذ التكنولوجيا لي تقرب البعيد و حنا على اتصال معاه طيلة اليوم عبر شبكات التواصل الاجتماعي المختلفة لانه لديه الانترنيت في المحل و هاذي الخبزة و الحمد لله انو في هاذ الجو مع صحابو من نفس المنطقة راه كاين من الاشخاص لي راهم في ظروف اصعب من هاذي بكثير .
اما فيما يخص امي فرغم انها تتوحشو بزاف لكن مهيش رايحة تحطو قدامها في الدار و انتي تعرفي ان شباب ولاية سطيف مايتحكموش ربي يبارك و هم متواجدون في كل مكان و لو ان كل ام امسكت ابنها عن السفر فتصوري معي كيف تكون حالة اخواننا في الجنوب الجزائري فهو يملك محلا لبيع المواد الغذائية بالجملة و يعتبر ممولا للعديد من المحلات, و مادام الوالدة راهي تهدر معاه كل يوم فنقولو الحمد لله .
و شكرا لك مرة اخرى و هاذي الصورة بالفعل معبرة و ان شاء الله ربي يحفظ كل بعيد عن اهله سواء كان في عمله او مريضا او في الخدمة العسكرية ...........
( تقرير عن مشاركة سيئة )، و الموجودة أسفل كل مشاركة .
2013-07-13, 22:15
العرض العادي
