مشكلتي مع عجوزتي

[جمونةالمحبوبة]

نقولك نصيحة لازمك أمرين الاول لازم تكون شخصيتك قوية متخليهمش يفعسوا فوقك مدامك في السنة الاولى لانها قاعدة أساسية ليتعاملوا معك مسبقا، و الثانية لازمك تجبدي زوجك باه يسمعلك اعطيه البراهين بلي راهو يكذبوا و قوليله اذا حبيت علاقتنا تكون مليحة لازم نتفاهوا باش حتي واحد ميضيعلنا علاقتنا لي تسمعه برا خليه برا و عاهديه باه تحفظيه في غيبه و امه على العين و الراس لكن الخصوصيات تلزم حدها بلا ما يزعفها يسايرها و يسكت

[ألاء-]

كامل نرحب بيكم ونشكركم على الر د لاني والله كي سمعت لهدرتكم ونصائحك مورالي طلح وارتحت شوية
قتلو كاما وصيتوني جيت نحكي معاه مزال غير بديتلو قعد يعيط عليا وقالي هادا هو شحان تزيدي تخشني راسك معايا كل نتفارقو
كل كلمة يقولهالي ويكون هو غالط فيها ميحبش يستعرف بالغلطة نتاعو ويقولي تبعيني كيما نقولك
معرفتش كيفاش نجبدو ليا

[بيلسان11]

ربي يكون معاك اختي أصعب سنوات الزواج هي السنتين الأوليين ما عليك غير بالصبر و طولة البال,

[ألاء-]

المشاركة الأصلية كتبت بواسطة بيلسان11

ربي يكون معاك اختي أصعب سنوات الزواج هي السنتين الأوليين ما عليك غير بالصبر و طولة البال,

*حنونة ربي يكون معاك راني حاسة بيك لانو خواتاتي كامل فايتين على هدي المرحلة مي نوصيك ونوصيك ما تزيديش تجبديلو على عايلتو وما تهدريش عليهم ديري حجرة على لسانك ماعليش تسمعي كلام يضرك وحاولي ما تخبريهش تناسايهم محال النسيان لكن التناسي ممكن ونوصيك دايمن وصيه على خواتاتي وعلى امو يشريلهم يكسيهم ويوكلهم يعيا ويرجع غير ليك خليه مع ضميرو يحاسبو لانو لما يكون في العايلة طفل واحد يكونومتعلقين بيه بزااااااف يحسبو المرا سرقتولهم
واخر نصيحة عمرك الى تقولي نطلق لانو اصعب شي في الدنيا او ماتقوليش راني خدامة ونخدم على روحي انزعي فكرة الطلاق من بالك وراني ندعيلك من قلبي ربي يفرج عليك ويرزقك الهنا وراحة البال قولي آميييييين
*شوفي حنونة مشكلتك هي انو زوجك هو الذكر الوحيد لحماتك لذلك انت دائما تحت المجهر و لو كان عندو اخوة اخرين رايح يتفرق الهم تاعهم على العرايس لوخرين
رايي الحل انك تنفذي واش قالت العجوزة حتى يفرج ربي و تديري لقراد تاعك تما واحد ما يقدر يديرلك حاجة.اصبري حتى يرزقك ربي بالاولاد تما راجلك رايح يفكر الف مرة في كلامو.
حاجة ثانية نقولك وحد الحكمة "لا تتحدى من لا يخسر شيئا" يعني حماتك لااااا قدر الله كش ما يصرا ما تخسر والو و هي بهاذ العقلية قصدي لوكان جات تعرف ربي راها تخاف من دعوة المظلوم و تخاف من التخبيب يعني التف ريق بين الزوجين
اااااااااااااااااااااااااااااااااااااااااااااااااا مين
والله غير ريحتوني ربييخليكم ويطول في عماركم و الله يعطيكم ما تتمناو انا مانيش دارا طلاق في بالي لكن هو لي مخلانيش نحس بالأمان في كل حاجة يجبدلي طلاق عحتى في تلفزيون يقولي ادا حبيتي تتهناي ومانتفارقوش خليني نتفرج ماتش واخبار تع سورية وقت الأكل يقعد غير يتفرج مكانش كلمة طيبة منو الان وانا نكتب ماهوش معايا فدار راه فدارهم ومنحكيلكمش على وحدة لي راني عايشتها مخلاوني نتعرف على حتا وحدا هنايا حتى جيران في الاونة الاخيرة نقولو نخرجو نبدلو جو في الليل ادا خرجنا يقعد يسب فيا قدام الناس ويعيط
معرفتش كيفاه نمشي معاه يكون غالط ويعايرلي دارنا كي نقولو علاه راك تجبد فيهم يقعد يعيط عليا حتى يعودو يشوفو فيه الناس
مع العلم دارنا جاو يديرو فالصلح معاه
اه مدامني متفكرة قالي كي خرجنا لبارح يزيدو داركم يدخلو في حياتنا وتحكيلهم حاجا تخملي حوايجك وتروحي نسمع داركم دخلورواحهم طلاق بيناتنا دارنا جاو يديرو فالصلح معاه وش مرا جاية لوكان يعايرني ولا دارهم يعايروني ويرمي عليا طلاق جيتكم في جاه ربي قولولي لمن روح نشكي

[غزة في عيوني]

حنونة ربي يكون معاك راني حاسة بيك لانو خواتاتي كامل فايتين على هدي المرحلة مي نوصيك ونوصيك ما تزيديش تجبديلو على عايلتو وما تهدريش عليهم ديري حجرة على لسانك ماعليش تسمعي كلام يضرك وحاولي ما تخبريهش تناسايهم محال النسيان لكن التناسي ممكن ونوصيك دايمن وصيه على خواتاتي وعلى امو يشريلهم يكسيهم ويوكلهم يعيا ويرجع غير ليك خليه مع ضميرو يحاسبو لانو لما يكون في العايلة طفل واحد يكونومتعلقين بيه بزااااااف يحسبو المرا سرقتولهم
واخر نصيحة عمرك الى تقولي نطلق لانو اصعب شي في الدنيا او ماتقوليش راني خدامة ونخدم على روحي انزعي فكرة الطلاق من بالك وراني ندعيلك من قلبي ربي يفرج عليك ويرزقك الهنا وراحة البال قولي آميييييين

[عطر الجوري]

اختي في الله انا نقولك بلي لازم ديريي لراجلك حدود ويعطيك قيمتك مرتو ماشي معناتها الجارية نتاعو راكي شريكة حياتو وام اولادو في المستقبل و كل مرة يجبدلك الطلاق انا منك والله نقولو دز معاهم مانحبش الراجل ال مايعطينيش قيمتي واذا سكتي وتنازلتي راح يتعود وتندمي من بعد لازمك تحطي النقط على الحروف من ضرك ربي معاك

[بيلسان11]

أختي ديري صفحة جديدة و تعاملي معاه بلطف و حاولي تجبديه ليك ديري الحاجات اللي يحبها. زوجك الحوار في هذه المرحلة ماش راح يجيب نتيجة و كل ما تجبدي على المشاكل راح يتعصب و يشوف الدار جحيم و مشاكل نكدية و راح يفضل الهروب منك ما تزيديش عليه أمه تشكيه و زيد يروح للدار يلقاك قلقانة أكيد راح يبقى يبعد حتى تلقاي روحك وحدك ما عليش أختي زيدي كبري قلبك و خاطرك و حاولي تنساي كل شيء و تتعاملي معاه بطريقة أنه ما صار والوو جربي و راح ندعيولك أنك تنجحي, المرأو اذا تزوجت لازم تدافع على حياتها و زواجها بكل الطرق و اذا ما نفعتش طريقة أكيد كاين الحل أي انسان عنده مفتاح لقلبه المهم لازم تلقاي هذا الطريق و ما تنسايش أكثري من الدعاء أخيتي و ربي معاك,

[ألاء-]

والله غير رايحة نهبل جات غير في صحتي

[ألاء-]

قالي روحو لدار هاد ليامات واطلبي سماح ليما حبيلها راسها مع انو هوما لي سبوني وعايروني وحطو عليا بهتان وش نددير
والله بيبني وبينكم وصلوها مع زوجي للطلاق وهوما لي خلقو مشاكل مزال قلبي محروق من ظلمهم ليا

[بيلسان11]

المشاركة الأصلية كتبت بواسطة ألاء-

قالي روحو لدار هاد ليامات واطلبي سماح ليما حبيلها راسها مع انو هوما لي سبوني وعايروني وحطو عليا بهتان وش نددير
والله بيبني وبينكم وصلوها مع زوجي للطلاق وهوما لي خلقو مشاكل مزال قلبي محروق من ظلمهم ليا

ربي يكون في عونك أختي و ربي يسترك و يحنن قلبهم عليك, و ربي يهدي زوجك,

[ميمنة الجزائر]

ربي يفرج همك يا ختي ولا ما نعرف ربي يهدي سركم يارب

[ألاء-]

اااااااااااااااااااااااااااااااااااااااااااااااااا مين

[jiji_"]

السلام عليكم اختي
اولا ديري في بالك هذا الفكرة
لا يكاد يخلو بيت من هذه المشاكل خاصة في السنة الولى من الزواج وقادرة حتى تتعودي عليها وتبدا تبانلك روتين يعني متعمريش رسك بزاف
ثانيا انت عندك مشكلتين في نظري الاولى مع زوجك و الثانية مع امه و اخواته و لازم تحلي مشكلتك الاولى اولا ثم تسهل باش تنحل الثانية ان شاء الله
نبداو بالاولى زوجك وحيد امه يعني العيون عليه دائما وماتشوفيش الحالة من زاوية وحدة برك يعني تشوفي حالتك برك زوجك ايضا راهو يعاني بيناتكم راه بين طرفين انت وامه و الزوجة الذكية متخليش زوجها يعيش هذا الاحساس و وين يصيب راحتو مسكين علابيها راه عصبي معاك ومايسمعكش كي تهدري معاه

تقوليلي الظروف راهي متسمحش نقولك الانسان يدير الشيء الي يقدر عليه وانت حاولي توفريلو جو ملائم فالبيت (خاصة ان دراك وحدك و هذا يساعدك ) باش يصيب راحتو ماشي كي يدخل يلقاك مشنفة وتبداي تشكي و تنكدي عليه الراجل ميحبش المراة النكدية وهكذا تخليه يهدا و يطمئن يولي مرتاح و يحس بلي تفهميه وانت ايضا تولي مرتاحة يعني ماشي كي يتفكرك يتفكر المشاكل و الشكاوي و ثاني الثقة بيناتكم كيفاش مايثيقش فيك هذي صعيبة شوية لازم تكون الثقة بيناتكم يعني يعرف بلي تخرجي و تدخلي للدار كيما يقول عمدة البيت و انت الي تقدري تخلقيها

اما الثانية فصديقيني يا اختي تعاملي معاها بنية صافية وعامليها كيما يماك عامليها بالحسنى و كيفكيف خياتو و ماتعامليهمش كيما يعاملوك و ديرو حرب عالمية ثالثة عامليهم مليح بطيبة وما تسنايش مقابل و يجي النهار و يملو منك و يقولو كيفاش هذا الطفلة متتأثرش و لا كيفاش ؟

" و دوام الحال من المحال"

خاصة يماه تعرفي تكره وحدها حباتك تشوريها معليش يا لالا وين راه المشكل ديريلها رايها ومبعد متلقالكش سبة

و كبري عقلك ماتقارنيش نفسك بيها هي امه وانت زوجته و تبدا تحبك ان شاء الله

و نصيحة ليك اكثري من الدعاء و سماع القران في البيت مثلا كي مايكونش زوجك فالدار ديري سورة البقرة كاملة

وربي يهنيك ان شاء الله و يوفقك

[ضحى تسابيح]

ربي يكون معاك أختي.........هو نعم الوكيل