لحابة تتزوج لازم تكون خدامة و مرسمة

[TOKYO]

بالصح عائلات راهي تطلق بناتها للخدمه والله بقيت حاير وين كانوا قبل 2000 حالة تدهورت بزاف بعد عودة الامن
للاسف الصح تلقي بعض متعلم و متخرج و يقولك نحوس عليها تخدم او غلاء معيشه و لحقناش و باش تعاوني و انت مازالت قديم هديك لى قاعده في الدار بالصح للاسف نقولك حاجه
اساس في الدار مكاش الام و الاب وين هو الدور تاعهم وين كانو جدودنا و كيفاه تزوجت البنت بكري و كيفاه تزوج شاب
تم غسل عقول شباب في جامعه بالتلفزيون و النت و تلفون
الله يهدينا

[عبد الله 22]

السلام عليكم : كل شخص له منظور معين لعائلة، عن نفسي وجدت المراة التي احلم بها بادق أدق التفصيل، إلا ان العمل كان النقطة الفاصلة ، فبما أن أعتقد أن الزوج من مراة عاملة زوج يحمل بذور الفشل منذ اتخاذ هذا القرار و على المدى البعيد سيكون الفشل ، بما أني أعتقد ان العائلة ليست أجر + شهرية = عائلة فلا يمكن أن أغامر بحياتي وعائلتي مع إمرة قد يكون يوم ما عملها افضل من ولد ترميه عند الحاضنة، عدم إستقرار لتلك العائلة لان ربها في العمل هو من يسيطر و تحكم في حياتها ، أكيد مع إحترمات لمراة العاملة وما تفكر فيه ، مع العلم أن المراة العاملة مهمة في المجتمع ولها دور يكلفها أن تفقد وتضحي بالكثير - وكمقولة كانت شائعة أن العسكري يعشوا عايلتوا هو ما يعيشش- أما المراة العاملة ماتعيش هي ماتعيش عائلتها ولهذا لا أحب ان تكون زوجة عاملة – ولا تدفع الثمن زوجة وعائلة رجل أخرى غيري

[imane bela]

hna kayen imam fi boufarik rah yekhteb fi dar 3andhom 2 bnat wahda takhdem w lokhra 9a3da werawlou eli 9a3da 9alhom nn ana hab nedi eli takhdem
c grave wlh elwe9t wela ma yerhamch
mais loukan eji tchoufi yed wahda matsefe9ch lazem elmra w eradjel yet3awnou w ya rebi ila kfaw

[الزبرجد]

جننتونا جننتونا جننتونا

أنا لا أكذبكم لذلك أقول لكم جننتونا

و الله الذي لا إله إلا هو : كل من أعرفهم و هم قرابة الخمسين و هم في سني و هناك من يفوقني سنا و هناك من اقل بقليل و كلهم في سن الزواج

ولا واحد فيهم استطاع أن يجد امرأة خريجة جامعة تقبل المكوث بالبيت

معظمهم بدون زواج ........أما من تزوج فكلهم لم يتزوجو بالجامعيات عدا واحد

[ahlam92]

والله لقد انقلب الزمن منذ 28 سنة تقدم حبيبى لخطبتى امه قالت نحن نقبل بكل شروطكم على ان تقبلو بشرط ابنى و هو التوقف عن العمل لقد كنت مترسمة و خريجة جامعة حتى ان راتبى يفوق راتبه وقتها و لقد تركت العمل اكراما لحبيبى ونحن الان نعيش سعداء مكتفين براتب تقاعده لا نملك الكثير من المال لكننا نلك التفاهم و القناعة والبنين والبنات والحمد لله و مازلت احبه و ساحبه للابد

[FellaD]

هههههههههههههههه. يخاه هبال هيال هبال قاتلها تاكل الرهج

بنات الناس ولاو لعبة.

هيهات وين راهم الرجال. حاشة لي ميستهلش

[أم لجيـن]

ولو كانت كل وحدة مقتنعة بفكرة الخدمة في البيت مكانتش كاين رجال يشرطو خدامة
واحد لاقي من تحمل عليه نصف العبئ ويقول لالا؟؟
باستثناء البعض كاين الي تتخرج متتقبلش فكرة تبقى في الدار تقول انا سنين في الجامعة متخطبتش باش نتخطب وانا حاكمة الدار
ومن بعد تعجبها الخدمة والترقيات واتحتم على روحها انها متحبسش من الخدمة

[ennie]

لا حول و لا قوة الا بالله ولاو بعض الرجال ما يحوسوش على مرا و نص مى يحوسو على مرا تلبيلو كل احتياجاته ونص راجل يجيبلو الشهرية- صح وقتنا صعيب ولازم المرا تعاون راجلها لكن عيب ان يكون عمل المراة شرط من شروط اتمام الزواج يعنى انه ممكن تعاونو ماشى تخدم عليه -واش يديرو الماكثات فى البيت يا ترى كما قالو ناس زمان
عيش اكتر تشوف اكتر

[leila ben]

والله صارت معايا نفس المشكلة كاين شخص جا يخطب قالولو خدامة بصح كنت حاكمة كونطرا برك كي عرف معاودش ولى وليت نكره الشخص اللي يحوس على خدامة لكن ربي عوضني بأخر قالي خذي راحتك حبيتي أخدمي حبيتي أقعدي ديري اللي يريحك ويعجبك
للأسف وقت لحقنا ليه يخوف
نعرف تان وحدة عندها تقريبا 6سنين وهي تخطب لوليدها خطبتلو وحدة وكانت تدخل بينهم بزاف حتى بطلو الخطبة من بعد راحت عند 2 بنات كي عرفت بلي ماشي مترسمات مولاتش عندهم وراحت عند وحدة لقاتها مترسمة بصح من عائلة ميسورة قاتلك لازم نجيبها مرفهة كيما حنا كل خطرة وكيفاه وكل وحدة واش العيب اللي تلقاهلها وطفرت غير في الراجل لخطر يتبع يماه بزاف

المهم بارك الله فيك أختي على الموضوع

[عبدالقادر222]

زواج مصالح لا أكثر ولا أقل
النهار اللي المرأة تمرض لا قدر الله او تترك العمل نتاعها تما يبان اذا تزوجها عن حب ولا عن مصلحة
الراجل اللي مايقدرش يوفر لزوجته ماتحتاجه غير يبقى بحاله خير لانه مشي نتاع مسؤولية

[البريئة]

انا صرالي نفس المشكل و اليوم كي ترسمت للاسف راني قاعدة

[leila ben]

المشاركة الأصلية كتبت بواسطة البريئة

انا صرالي نفس المشكل و اليوم كي ترسمت للاسف راني قاعدة

ربي يرزقك الزوج الصالح عاجلا غير أجلا مكتوبك برك مزال ملحق

[نجمة ساطعة]

مكانش منها هذي حالة او اثنين مساكن الخدامات داو غير الشيعة

[libanarim]

السلام عليكم
شرطي الأول: أن تكون متعلمة
الثاني ، ماكثة بالبيت
لا أريدها عاملة ولو كانت وزيـــــــرة
انصافا لكل الشباب، يوجد من يريدها عاملة سواءا للاستحواذ على راتبها أو لمساعدته في أمور الحياة
كما لا ننفي وجود فئة تفضل المرأة الماكثة بالبيت والمتعلمة
لا داعي لحشر جميع الشباب في خدق واحد، أي عاملة ،
ليس كل من يتقدم لفتاة عاملة فهو طامع في راتبها
هذا تفكير جاهلي ، لا أدري كيف لجامعية حاملة شهادة أن تفكر بهذا النمط
والســــــــــــلام

[Floona]

هم يضحك وهم يبكي

أنا خدامة ومرسمة لي يجيني يقولي حبسي الخدمة انا منحبش المرا الخدامة

عجب فالدنيا

الموهم مازال ماجاش المكتوب رب يقدر الخير