طرائف حدثت معك .. فهل لك أن تطلعنا عليها ؟؟؟؟؟ ~~

[هبة الله اريج]

المشاركة الأصلية كتبت بواسطة tasnimelile

انا مرة في فرض انا نقلت حتى شبعت وعارفني الاستاد راني ما نعرفشي في المادة هديكا كي اعطانا النقاط جبت15 ايا طلعني نصحح الفرض في الصبورة و بلا ورقة ههههههههههه نكتب ونخلط ونمسح ونعاود نكتب والكل شيء غالط ما قاليش حبسي خلاني و في الاخير جاء بدم بارد محا الصبورة الكل وقالهم :هده من رموز الغش وحطلي 0

ههههههههههههههههههههههههههههههه وحدك

[ssaa66]

مالا وحد النهار قاعدين ندورو فالساحة جات وحدة تقرا معايا قالتلي لكان جات الاستادة قلتلها لالا وياربي متجيش كرشها واصلة لفمها وهي جاية تقري فينا تروح تقعد فالدار لاه جاية وكانت الاستادة تاع الانجليزية ورايا وسمعتني لقيتها قالتلي شكون اللي قاعدة تهدري عليها ااا تقصدي الاستادة تاع الاجتماعيات وانا وجهي طلع احمر و راحتلي الهدرة ومنبعد رحت طلبت من الاستادة السماح وقالتلي الاستادة تاع الانجليزية ماتخافيش الهدرة تبقا بيناتنا الحمد لله ومن هداك النهار حلفت منزيدش نهدر ونمنشر فالاساتدة

[ziyou6]

هههههههههههههههههههه

[الأمورة دعاء]

واحد المرة جيت انا وصاحبتي ندورو نقراو اولى ثانوي رحنا لجيهة نتاع الترمينال و مكناش علابالنا وكانو يقراو ايا شافتنا المراقبة الفوق قلتلنا نتوما اولى واش جيتو ديرو هنا قلتلها انا لا نقراو هنا في الدوزيام قالتلنا اصلا هذه يقراو فيها جماعة الباك صاحبتي هبطت تجري ولحقتها
ههههه حشمنا برواحنا

موقف اخر
اول مرة نروحو للثانوية جينا ندورو رحنا لواحد لبلاصة مافيهاش التلاميذ انا دخلت للقسم الاول والخرين كل وحدة راحت لقسم قلت واو قسم روعة غير كون يقرونا فيه وفجاة نطق واحد قالي مرحبا مرحبا وانا نخرج من القسم نجري ولحقوني صحباتي دخلت لقسمي وغلقت صاحبتي الباب و قالتلي واش كاين قلتلها راهم فيه العمال هذاك القسم قالتلي برك علابالي واش كاين قلتلها الله غالب فعل لا إرادي
كل يوم مغامرات في هذيك المدرسة
ههههه