محتاجة لرايكم

[MALAK92]

ربي يسترنااااا
هذي الطفلة راها ضحية مسكينة ومش عارفة صلاحها و زيد بلاك معندهاش شكون يوجها ولا ينصحها
ننصحك تخبري اخوتها وامهااا

[khawlita.dz]

المشاركة الأصلية كتبت بواسطة مريم الصابرة

السلام عليكم
اودّ أن أستشيركم في امر لا يخصني وإنما يخص فتاة هي جارتي وحكايتها كالآتي
اتتني الفتاة اليوم حتى تراني لأنني مريضة تبلغ من العمر 18 سنة إسمحولي نهدر بالعامية باه تفهمو
قاتلي شوفي عندي مشكل وراحا نروح من الدار قتلها كيفاه تروحي من الدار هبلت ووين تروحي وعلاه انا نعرفها فالدار عايشة مليح يعني يماها خدامة فالمستشفى منظفة وباباه ميت ولكن عندها خواتها رجال وما يخصها والو
المهم قاتلي انا نعرف واحد وفالحقيقة نعرف رجال بزاف ولكن هذا نتاع القلب وراسي هنا بدا يبلوكي
قاتلي انا نحبو وحابة نتزوج بيه ولكن هو قالها ما نتزوجكش الرجال صحابي كامل يعرفوك ومان قدرش نديك وولكن نبقاو هكذا
قاتلي وانا نديه يا لوكان نروح معاه نهرب معاه وهي عندي التلفون صونا نوع آخر قاتلي هذو ندي منهم الدراهم وهذاك نتزوجو قتلها حبيتي ترحي من الدار قاتلي ما لقيتش لمن نهدر ما رانيش لا ناكل ولا نشرب وراني نخمم ندي حوايجي ونروح ليه نحطو عند امر الواقع قتلها كيفاه هذي هو رافضك باغي يديرك عشيقة وقالك إنت تعرفي كامل الرجال قتلها وخلينامنهم كامل وامك وخاوتك الرجال ما غاضوكش وعاقلين ودايرين فيك ثقة قتلها وامك اللي راهي تخدم عليك وتتعب ما غاضتكش قاتلي ماما على بالها مي مراهيش عارفة راحا نهرب معاه عارفة باللي نجيب الدراهم من لخرين يا يمى واش راني نسمع
واش نقولها انا نصحتها تستنى وما دير الخطوة هذيك لأانها على الهاوية وعقلها طاير وهو قادر تروح ليه ويستغل الموقف ولكن راهي غاضتني صغيرة تضيع لو يماها ما راهيش عارفة نقولها ومانخليهاش تضيع ولكن خاوتها رجال راني عارفة لو يعرفو يقتلوها بٍرايكم ما الحل بواش ننصحها عجزت

يا اختى انا فى رايىى تقولى لخاوتها يلحقوها خير ما تضيع الطفلة
وكيما قلتى طفلة صغيرة و مخها طاير ومدام امها هكا معندهاش شكون ينصحها
قولى لخاوتها مام قساو عليها ومهما يكون هدو خوتها ماهمش حايظروها ومهما ظروها ماشى كيما هدا
لى راح تروحلو
ا زم يدخلو قبل ما تضييع الطفلة...
;وفى اقرب وقت ...يعنى ادا ماقدرتيش انت تحكى معاهم قولى للوالدة تهدر معاهم ولا احد اخوتك..المهم تصرفى قبل ما يطيح الفاس في الراس

[مريم الصابرة]

المشاركة الأصلية كتبت بواسطة malak92

ربي يسترنااااا
هذي الطفلة راها ضحية مسكينة ومش عارفة صلاحها و زيد بلاك معندهاش شكون يوجها ولا ينصحها
ننصحك تخبري اخوتها وامهااا

السلام عليكم أختي
هي صح عندها خوتاتها وخاوتها شباب ولكن خوتاتها كانو كيما هي وتزوجو لكن هذي اكثر منهم هذي تحوس غير على طريق الإنحراف بأي طريقة يعني حتى أمها عارفتها تروح وعادي عندها لكن خاوتها رجال ما راهمش عارفين أنا حابة نحكي مع خوه ومرتو وحدهم ونشوف واش نديرو هي راهي وعدتني لأنها كسرت لابوس وما راهيش تهدر معاه على حساب ما قاتلي ولكن قالت ميم ما نديهش نشوف واحد آخر وبمفهومها نعيش حياتي بالحرية المطلقة ربي يهديها شكرا

[مريم الصابرة]

المشاركة الأصلية كتبت بواسطة khawlita.dz

يا اختى انا فى رايىى تقولى لخاوتها يلحقوها خير ما تضيع الطفلة
وكيما قلتى طفلة صغيرة و مخها طاير ومدام امها هكا معندهاش شكون ينصحها
قولى لخاوتها مام قساو عليها ومهما يكون هدو خوتها ماهمش حايظروها ومهما ظروها ماشى كيما هدا
لى راح تروحلو
ا زم يدخلو قبل ما تضييع الطفلة...
;وفى اقرب وقت ...يعنى ادا ماقدرتيش انت تحكى معاهم قولى للوالدة تهدر معاهم ولا احد اخوتك..المهم تصرفى قبل ما يطيح الفاس في الراس

السلام عليكم
والله يا اختي انا نصحتها وراني كل يوم نهدر معاها هي كسرت الشريحة قدامي وقاتلي خلاص ما نهدرش معاه وإقتنعت بهدرتي الحمد لله ولكن مازال تفكيرها في إنها تبقى تخرج مع رجال غيرو ويعني راهي تعرفت عن طريق صديق صديقتها براجل اكبر منها ونتاع سهرات وخمور وقاتلي عادي يعني ما نتزوجش بلاخر المهم نجيب الدراهم ربي يهديها رانين حاول معاها ونقنعها ولما قرات الردود ولات تبكي وإن شاء الله يكون تغيير كان شفتها لالا انا اللي عليا درتو المهم مان خليهاش تروح من الدار ولو نقول لخوها كان أصرت تعيش بالطريقة هذي انا نقول ليماها إنت سبابها ونخليها ربي يهديها شكرا اختي

[knives55]

خير روحي خوها قوليلوا خلي يقتلها هكذ خير

شرف عائلة غالي يا اختي وهذ يحتاج نقاش ي اختي مريم من اول ماقتلك كنتي خبرتي يمها ولا خوها

انا ننصحك تروحي لخوها الله يعملوا يقطعها هذ مايهمكش

والله تتحملي جزء من ذنب لانكي عارفة ومقلتيش

هذ لهبال ولا خلي

روحي قبل لا يفوت الوقت والله يتاجر بيها كي صباخ الخير

ويردها منشفة تطايش في زنق


اخر زمان والله يوم فهمت علاه كانوا يدفنوا فيهم ايام الجاهلية على خطركش هذك هو مكانهم

اخخخ منهم ومن عميلهم غير كحلة تخرج من تحت رجليهم

[مريم الصابرة]

المشاركة الأصلية كتبت بواسطة knives55

خير روحي خوها قوليلوا خلي يقتلها هكذ خير

شرف عائلة غالي يا اختي وهذ يحتاج نقاش ي اختي مريم من اول ماقتلك كنتي خبرتي يمها ولا خوها

انا ننصحك تروحي لخوها الله يعملوا يقطعها هذ مايهمكش

والله تتحملي جزء من ذنب لانكي عارفة ومقلتيش

هذ لهبال ولا خلي

روحي قبل لا يفوت الوقت والله يتاجر بيها كي صباخ الخير

ويردها منشفة تطايش في زنق


اخر زمان والله يوم فهمت علاه كانوا يدفنوا فيهم ايام الجاهلية على خطركش هذك هو مكانهم

اخخخ منهم ومن عميلهم غير كحلة تخرج من تحت رجليهم

السلام عليكم خويا
وهذا ٍاي لأانو مازالها عند رايها وما راحاش تبدلو وما نقولش ليماها هي اللي رجعتها هكذا البارح خوها رزق بمولود رحت شفت الزوجة نتاعو فالدار لأانه جيراني الباب عند الباب لقيتو فالدار باركتلو ومن بعد قتلو محتاجة نحكي معاك في امر مهم بزاف هو كان يقرا معايا ومن بعد هدرت مع زوجتو قتلها راني نجي نحكي معاك ومع زوجك محتاجتكم في امر مهم هي زوجتو مليحة لو جات من نوع آخر ما نحكيش قدامها ولازم نحكي قدامها نخاف ثاني كاش ما تقولو لما تسمع حكيت معاه وحدو قالي اختي ماشي مشكل راني العشية كان ربي كتب راحا نحكي معاه ومع زوجتو ونفهمو صح راني خافة يصرا مشكل كبير بسبابي لكن لازم نوقفها عند حدها هي صغيرة وراحا تضيع ممكن يجي وقت تشكرني لأنو سلكتها من الشارع والمهم عندي نرضي ضميري قدام ربي لأانو خاوتها رجال صح والله ما يستاهلو دايرين لامان في يماهم وهي تدي في بنتها للرجال ربي يهدينا
صح والله شي بنات كي نشوفهم نقول كي كانو يدفنوهم خير رب يسترنا ودعيلي ما يصرالي حتى مشكل إن شاء الله شكرا

[knives55]

المشاركة الأصلية كتبت بواسطة مريم الصابرة

السلام عليكم خويا
وهذا ٍاي لأانو مازالها عند رايها وما راحاش تبدلو وما نقولش ليماها هي اللي رجعتها هكذا البارح خوها رزق بمولود رحت شفت الزوجة نتاعو فالدار لأانه جيراني الباب عند الباب لقيتو فالدار باركتلو ومن بعد قتلو محتاجة نحكي معاك في امر مهم بزاف هو كان يقرا معايا ومن بعد هدرت مع زوجتو قتلها راني نجي نحكي معاك ومع زوجك محتاجتكم في امر مهم هي زوجتو مليحة لو جات من نوع آخر ما نحكيش قدامها ولازم نحكي قدامها نخاف ثاني كاش ما تقولو لما تسمع حكيت معاه وحدو قالي اختي ماشي مشكل راني العشية كان ربي كتب راحا نحكي معاه ومع زوجتو ونفهمو صح راني خافة يصرا مشكل كبير بسبابي لكن لازم نوقفها عند حدها هي صغيرة وراحا تضيع ممكن يجي وقت تشكرني لأنو سلكتها من الشارع والمهم عندي نرضي ضميري قدام ربي لأانو خاوتها رجال صح والله ما يستاهلو دايرين لامان في يماهم وهي تدي في بنتها للرجال ربي يهدينا
صح والله شي بنات كي نشوفهم نقول كي كانو يدفنوهم خير رب يسترنا ودعيلي ما يصرالي حتى مشكل إن شاء الله شكرا

شـــــــــــــــــــــــــــــــــــــــكرا

واش راحة نقولك ربي يسهل

[khawlita.dz]

المشاركة الأصلية كتبت بواسطة مريم الصابرة

السلام عليكم خويا
وهذا ٍاي لأانو مازالها عند رايها وما راحاش تبدلو وما نقولش ليماها هي اللي رجعتها هكذا البارح خوها رزق بمولود رحت شفت الزوجة نتاعو فالدار لأانه جيراني الباب عند الباب لقيتو فالدار باركتلو ومن بعد قتلو محتاجة نحكي معاك في امر مهم بزاف هو كان يقرا معايا ومن بعد هدرت مع زوجتو قتلها راني نجي نحكي معاك ومع زوجك محتاجتكم في امر مهم هي زوجتو مليحة لو جات من نوع آخر ما نحكيش قدامها ولازم نحكي قدامها نخاف ثاني كاش ما تقولو لما تسمع حكيت معاه وحدو قالي اختي ماشي مشكل راني العشية كان ربي كتب راحا نحكي معاه ومع زوجتو ونفهمو صح راني خافة يصرا مشكل كبير بسبابي لكن لازم نوقفها عند حدها هي صغيرة وراحا تضيع ممكن يجي وقت تشكرني لأنو سلكتها من الشارع والمهم عندي نرضي ضميري قدام ربي لأانو خاوتها رجال صح والله ما يستاهلو دايرين لامان في يماهم وهي تدي في بنتها للرجال ربي يهدينا
صح والله شي بنات كي نشوفهم نقول كي كانو يدفنوهم خير رب يسترنا ودعيلي ما يصرالي حتى مشكل إن شاء الله شكرا

عملتى مليح
اختى بارك الله فيك

[محمد جديدي التبسي]

ربي يوفقك وإن شاء الله نسمع أخبار مليحة ويهديها ربي

[مريم الصابرة]

المشاركة الأصلية كتبت بواسطة knives55

شـــــــــــــــــــــــــــــــــــــــكرا

واش راحة نقولك ربي يسهل

السلام عليكم
شكرا اخي اللهم آمين

المشاركة الأصلية كتبت بواسطة khawlita.dz

عملتى مليح
اختى بارك الله فيك

السلام عليكم
انا قريت ردودكم وكنت حاية نقولك لخوها لكن قلت نستنى ونشفها ممكن تنعل بليس لكن البارح عيطتلي قاتلي غدوى راحا نروح مع واحد زكارة قدام وين يسكن الشاب اللي حابة تتزوج بيه يعني راهي في واد هبلت عليها اليوم العشية إن شاء الله رحا نحكي مع خوها وربي يجيب الخير

المشاركة الأصلية كتبت بواسطة محمد جديدي التبسي

ربي يوفقك وإن شاء الله نسمع أخبار مليحة ويهديها ربي

السلام عليكم
إن شاء الله خويا والله الوقت صعيب الأب غايب والخاوة دايرين لامان فالام والأم توصل تسكت على تصرفات بنتها وتزيد تشجعها ربي يسترنا من الوقت اللي وصلنالو
إن شاء الله يكون الخير هي صح لجأتلي وماكانش لازم نحكي اسرارها ربي عالم إني نشد أسرار الناس ولكن الله غالب ما خلاتليش خيار آخر مضطرة نقول خوها يعرف واش راه صاري شكرا أخي وراني نبلغكم باللي يصير شكرا على الإهتمام .

[khabou]

والله معلبالي مفهمتش القصة مليحة راسي شوية خشين ههههههه
لكن ندعو لها بالهداية اللهم يسر امرها وبعدها من الفتن ماظهر منها ومابطن اللهم إنا نسالك لها التقى والعفاف والغنى شكرا على الطرح
لو كان بمقدوري مساعدتك لساعدتك

[مريم الصابرة]

المشاركة الأصلية كتبت بواسطة khabou

والله معلبالي مفهمتش القصة مليحة راسي شوية خشين ههههههه
لكن ندعو لها بالهداية اللهم يسر امرها وبعدها من الفتن ماظهر منها ومابطن اللهم إنا نسالك لها التقى والعفاف والغنى شكرا على الطرح
لو كان بمقدوري مساعدتك لساعدتك

السلام عليكم
شكرا اختي اقراي مليح تفهمي
شكرا على الدعاء بارك الله فيك راني الحمد لله بلغت اخاها وبرأت ضمتي امام ربي الحمد لله شكرا

[مريم الصابرة]

السلام عليكم
لكل من قرأ موضوعي ولكل من رد شكرا على ردودكم ساعدتني بزاف في إتخاذ قراري
راني عندي حوالي ساعة من رحت وحكيت مع أخ الفتاة ما تتخيلوش وقع الصدمة عليه وزوجتو عاونتني نهدوه رغم إنو لو مهما دار عندو الحق حكيتلو كل شي وخبّرتو بلاما نحرضو على امو لالا حكيتلو وطلبت منو يمنع خروجها من الدار حكيتلو على كل شي في البداية كان ناوي يقتلها ومسكين صدقوني قد مانوصفلكم الصدمة لما كنت نحكيلو غاضني بزاف كان حاب يقتلها ولكن حللتو قلت الامر ما يتعالجش بالطريقة هذي قادر تروح ترقد وهي تهرب فالليل قتلو ساعفها المهم حتى مع يماك وما تخليهاش تخرج ونحالها التلفون لانو من بعد ما نحبش نحكي فالظهر دخلتها للبيت قدام خوها ومرت خوها وواجهتها وقتلها تسمحلي لأاني إضطريت نخرج سرها ضربها قتلها سلّكناها ولكن مدتلو التلفون كسرو وقالها الخرجة محال برا من الدار لأي سبب كان وميم المبيت عند ختها اللي هي ثاني عارفة وقابلة وقالها مع يماها وما تخرجش إلا معاه او مع واحد من خاوتو الحمد لله قدرنا نهدّوه صح قتلها بالضرب وتستاهل ما غاضتنيش كان لازمها تفطن ماللي راهي فيه لكن الآن انا مرتاحة
عارفتها زعفت مني وممكن ما تزيدش تهدر معايا لكن معليش هذا لمصلحتها شكرا ليكم على كل شي وربي يسامحني كان غلطت في حقها ربي عالم ما حبيتهاش تضيع شكرا . آه وقبل ما ننسى الام كانت غايبة لأنها تعمل ليلا وقتلو ما تقولهاش دير روحك ما راكش عارف المهم ما تخليهاش تخرج معاها شكرا.

[* الحلم سكر *]

يا ريت يا اختي تخبرينا ردة فعل خوها يعني كان عارف و الا واش صرا لما عرف ؟؟
و الله من جهة الواحد يحتقر امها و من جهة تغيض الطفلة صغيرة
ان شاء الله تفوت لحكاية على خير بلا اي مشكل و ربي يهديهم و ينور بصيرة الطفلة قبل ما تغرق اكثر

[محمد جديدي التبسي]

بارك الله فيك أحسن ما فعلت لما خبرت خوها
الآن هو مطالب يدير حل مع أختو ويزيد يتفاهم مع هذا الشباب اللي بلا أخلاق اللي تعاملت معاهم اختو باه يخطوها ويوقفهم عند حدهم ..ربي يجيب الخير ما نقدرو غير ندعو ربي يهديهم