زواجي قريب و مشكلتي تكمن في - الصفحة 3

لحن الفرح · 2013-03-05, 21:38

السلام عليكم
اختي الصح لما تكوني جميلة وزوجك تعجبيه ولسانك حلو مع زوجك واهل زوجك + الشطارة *الطبخ والنظافة*
انا لما يجي مكتوبي ندي معايا الضروريات فقط . ربي يهنيك ويرزقك الذرية الصالحة .

لبيبة1 · 2013-03-07, 00:28

ما شاء الله لبنات حابين يساعدوك علاش لا خليهم يديو اجر
اظن تقدرو تتصلو بيها عن طريق ادارة المنتدى و انا درك نحاول نبعث رابط الموضوع للادارة و الادارة تحل هذا المشكل
اما انتي يا صاحبة الموضوع نقلك كي تشوري روحك ركزي على اللبسة نتاع ديما لي تسحقاها كل يوم و اختيك م ذهب و قش لعراس
كي يفرج ربي تعمليهم بعد لعرس لفراش ادي شويا شويا اهم حاجة لبستك تاع ديما ربي يرزقك ان شاء الله يا رب

it's me · 2013-03-07, 10:21

مبروك عليك ختي و ربي يسهل
ادي وش قدرتي برك و ماتشوفيش لهدرة الناس اقنعي بوش عطالك ربي
المهم كي تكوني نتيا نفسيا واجدة و ربية و فحلة و تقومي براجلك و تحترمي اهلو اقصد الشئ الاهم من الشورة انك تعرفي تتعاملي مع الحياة الجديدة
ربي يهنيك و يبعد عليك كل شر

it's me · 2013-03-07, 10:25

ممكن نساعدوك اختي انا راني نشور في روحي وعلابالي وش معناها عروسة ... ربي يعين
قوليلي وش تحتاجي و ندير اللي نقدر عليه

محمد جديدي التبسي · 2013-03-07, 10:52

هذا الشي هو اللي غلى المهر وأصبح الزواج صعب جدا
أختي ما تكلفيش روحك حاولي تكوني صريحة مع أهل زوجك ومع زوجك أولا
وجهازك يكون على حساب مهر زوجك وإمكاناتك وما تشوفيش للناس لأنهم هاذم اللي غلو علينا الحياة وخلوا الشباب يعاني .. ربي يوفقك ويعينك

ام عبد الباسط · 2013-03-07, 17:59

باركالله لك اختى وما تتقلقيش ابدا فالله مبارك فى الزواج ويرزق فيه من حيث لا يحتسب اختى انا لما تزوجت اخذت الشىء القليلمعى ولم التفت لما يقال ولقد كنت فحلة وصبرت والحد لله الان املك فيلة وسيارة ومال كثير واشتريت الدهب والملابس فلا تخافى اختى فالرزق مضمون من عند الله واهم شىء هى الاخلاق الحميدة والخوف من الله ادعو الله العظيم ان يرزقك من حيث لا تحتسبين وهناك امثلة كثيرة فى عائلة لايكفى المقام لسردها وكانت مثلك اختى وفرج عليهم الله فتوكل على الحى الذى بيده خزائن كل شىء واتم الله لك فرحك ودمتىىىىىىىىىىى