الأخوات اللي ما صلحلهمش الخبز العربي نتاع سمؤاء الدنيا يتفضلو - الصفحة 3

أم ياسين الزهراء · 2013-02-26, 07:38

يعطيك الصحة انا نديرو والحمد لله صلحلي وليدي الصغير يقلي ماما ديريلي البالو ههههه نديرو بزيت الزيتون يجي امممممممممممم

إلهام07 · 2013-02-26, 08:14

اقتباس:

المشاركة الأصلية كتبت بواسطة خربشة ناعمة

يعطيك الصحة يا اختي
الخبز العربي او العيش كيما يسميوه في مصر
الاصل انتاعوا يطيب في الفرن ماشي في المقلة
انا كي شفتوا الوصفة في المقلة استغربت
انا من زمان وانا نطيب فيه في الفرن و بلى ما نقلبوا
نحط شوية فرينة على الطابلة ونجيب قرص العجينة و نرمي عليه شوية فرينة و نحلها بالحلال
على شكل دائري و نحط شوية فرينة في السينية
و نحطهم في سنية مثلا 4 اقراص
و لازم يكون الفرن سخون مليح
و ندخلهم يطيبوا و مبعد يبداو يتنفخوا بلا ما نقلبهم يجيوا بومبي روعة
بصح طريقة العجين ما نديرلهاش الماء ندير الحليب في بلاصة الماء
حتى الخميرة نحلها في الحليب

إيه أنا كي شفت الأصل نتاعو يطيب في الفرن ( كنت قاعدة نتفرج في حصة على الخبز المصري ) قلت علاش ما نديروهش كيما أصلو أكيد يصلح ، من هنا جاتني الفكرة ، أما بالماء أو بالحليب هذي كل واحد و طريقتو .
شكرا على النصائح والطريقة

اقتباس:

المشاركة الأصلية كتبت بواسطة oumraja

ya3tik essaha 3la alifada

العفو حنونة

اقتباس:

المشاركة الأصلية كتبت بواسطة ام الهضاب

السلام عليكم انا عندي سنوات و انا نخدم فيه و انطيبو في اي مقلاة و يصلح عمرو ما يلصق او اطيبيه في طاجين الكسرة بعد ما يسخن و عندما يبدا في الفقاعات انقلبوه جربوه ما كانش ما اسهل منه انا مكان الزيت اندير قطعة زبدة ايجي خفيف و بنين

على بالي بالعضوات نتاعنا فحلات ، أنا حطيت الموضوع للأخوات اللي راهم يشكوي ويقولو ماصلحلهمش، حبيت نساعدهم ، شكرا على الإفادة

اقتباس:

المشاركة الأصلية كتبت بواسطة ام تينة

شكرا على المرور

اقتباس:

المشاركة الأصلية كتبت بواسطة faizarbh

يا سلااااااااااااام هاااااايل

شكر فيووووووزة ، أسعدني مرورك

اقتباس:

المشاركة الأصلية كتبت بواسطة terrou

انشتاين ونصصصص

هههههههه ، كون يسمع آينشتاين ، شكرا terrou

اقتباس:

المشاركة الأصلية كتبت بواسطة ام سارة ورقية

يعطيك الصحة يا الفحلة
انا جربتو وخبزات نتفخو وخبزات لا لا
مع ان المقلة تاعي تيفال
كاش نهار نجربو في الفرن

أا ثاني كاين قرصات ماتنفخوليش ، بصح في الفرن النتيجة أضمن

اقتباس:

المشاركة الأصلية كتبت بواسطة أم ياسين الزهراء

يعطيك الصحة انا نديرو والحمد لله صلحلي وليدي الصغير يقلي ماما ديريلي البالو ههههه نديرو بزيت الزيتون يجي امممممممممممم

ههههه ، على بالي بيك فحلة أم ياسين الزهراء ، بصحتك وربي يخليلك وليدك ، شكرا على المرور

ام إثري · 2013-02-26, 10:17

يعطيكالصحة يا انشتاين ههههههه
بصح انا جربت طريقة سمراء الدنيا وصللي من اول تجربة
رها قضية عجين اختي برك اعجني مليح تتحصلي على نتيجة مليحة
وبارك الله فيك

janino · 2013-02-26, 10:38

ana llasefe derto w ma delaaaliche la fi maklete tifale la fi tajine le hdide

إلهام07 · 2013-02-26, 10:49

اقتباس:

المشاركة الأصلية كتبت بواسطة ام إثري

يعطيكالصحة يا انشتاين ههههههه
بصح انا جربت طريقة سمراء الدنيا وصللي من اول تجربة
رها قضية عجين اختي برك اعجني مليح تتحصلي على نتيجة مليحة
وبارك الله فيك

شكرا ، أختي على النصيحة ، لازم نقولوها للأخوات باش يطبقوها و تصلحلهم راهم كاينين بزاف يشكيو أنو ما صلحلهمش

اقتباس:

المشاركة الأصلية كتبت بواسطة janino

ana llasefe derto w ma delaaaliche la fi maklete tifale la fi tajine le hdide

إن شاء الله طبقي نصيحة الأخت ، أعجنيه مليح و من بعد طربي طريقة الفرن وشوفي

ام ملاك. · 2013-02-26, 12:27

يعطيك الصحة حبيت نجربو مزال ماكتبش
خرجلك هايل

linat · 2013-02-26, 13:54

بارك الله فيك اختي الهام

إلهام07 · 2013-02-26, 14:09

اقتباس:

المشاركة الأصلية كتبت بواسطة مونية ك

يعطيك الصحة حبيت نجربو مزال ماكتبش
خرجلك هايل

جربيه راهو سااااهل ومايديش خلاص الوقت وبنين في السندويشات

اقتباس:

المشاركة الأصلية كتبت بواسطة linat

بارك الله فيك اختي الهام

الله يسلمك linat

ام احمد · 2013-02-28, 09:27

شكرا عزيزتي على التوضيح انا درتو في المقلة جاني ماشاء الله

إلهام07 · 2013-02-28, 11:16

اقتباس:

المشاركة الأصلية كتبت بواسطة ام احمد

شكرا عزيزتي على التوضيح انا درتو في المقلة جاني ماشاء الله

العفو حبيبتي ، انا حبيت نساعد العضوات اللي شفتهم يشكيو ويقولو ما صلحش ، اما انت فحلة الله يبارك خمسة وخموس ههه

الفراشة.الأسيرة · 2013-02-28, 11:31

اقتباس:

المشاركة الأصلية كتبت بواسطة إلهام07

صباح الخير عليكم كامل

شفت بزاف أخوات يشكيو من الخبز العربي و يقولو ماصلحش ، مالا دبر علي راسي قالي هاتي نجربو نلقاولهم الحل مادام راكي لاعبتها في المنتدى آينشتاين هههههه ، دخلت للمختبر بوه للمطبخ و جربت عدة مرات باش نتأكد من الحل اللي لقيتو .
كنت شفت أخت حطت وصفة الخبز العربي اللي يطيب في الفرن و قلت نجرب و لقيت طريقتها مضمونة أكثر خاصة للأخوات اللي ماعندهمش مقلاة تيفال .
شوفو هي نفس وصفة الأخت سمراء الدنيا ، هذا رابط الوصفة :
https://www.djelfa.info/vb/showthread.php?t=891320
و لكن شوفو ، أنا طيبتو في الفرن ، يعني ديري العجين نورمال و تطرحيها بشوية فرينة ( ما ترقيهاش بزاف بزاف راهي ما تتنفخش ) و تخلي القرصات يريحو 10 دقائق و تبداي الطيبي .
قبل ما تبداي طياب تكوني قبل بـ30دقيقة شعلت الفرن و سخنتيه ملييييح و تحطي كاش بلاطو أو صينية مقلبة على ظهرها و تدخليها للفرن تسخن و تبداي تحطي القرصة الأولى كي تخرج فقاقيع قلبيها و ممكن دوري القرصة باش الطيب مليح من كل النواحي و انتهى ، شوفو هنا راهي في الفرن بعد ما قلبتها انتفخت :

* ملاحظة : قرصوه رقيق بصح ماشي بزاف ، باش ينتفخ و يبقى طري .
* أضيف ملاحظة هامة قالتها الأخت وهي أنكم تعجنوه مليح باش يطلع
أرجو أن يكون هذا الحل النهائي لمشكلة الخبز العربي

allah ybarak 3lik w machalah ana 3jabni alkhobz basah wach 3jabni ktar hya nti w rohak almariha ya einstein wallah bravo 3lik wabkay haka bhad a rouh ta3ak bravo wana tani na3chak almokhtabar bouh al matbakh w dayman lya m3ah tajarib khasa wanchallah ncharakom biha

إلهام07 · 2013-02-28, 11:49

اقتباس:

المشاركة الأصلية كتبت بواسطة الفراشة.الأسيرة

allah ybarak 3lik w machalah ana 3jabni alkhobz basah wach 3jabni ktar hya nti w rohak almariha ya einstein wallah bravo 3lik wabkay haka bhad a rouh ta3ak bravo wana tani na3chak almokhtabar bouh al matbakh w dayman lya m3ah tajarib khasa wanchallah ncharakom biha

شكرا جزيلا حبيبتي على الكلمات الرقيقة و الحضور العطر ، مرحبا بك معنا وإن شاء الله نتعلمو حاجات من عندك جدد
مرحبا بصداقتك و معرفة خير إن شاء الله