الزيراوي من مطبخييييييييييي - الصفحة 3

ام ساجد · 2013-02-11, 13:41

اللهم ما صلي وسلم وبارك على خير المرسلين سيدنا محمد وعلى اله وصحبه الاخيار

يعطيك الصحة اختي ابداع اسلوبك رائع ومشوق
وعملك متقون ما شاء الله حتى احنا نخدموها ونسموها ملتوخة ونخدموها كي يصب الساس
تاع دار جديدة نعملوها في قصعة ونبعث منها لجيران والاحبابونبعث منها للبنائين لي يبن السكن الجديد
يعطيك الصحة وشكرا

zhor1970 · 2013-02-11, 13:53

اللهم صلي وسلم علي سيدنا محمد

الوصفة هايلة يا الشاطرو انا من الاوراس مي انديرها زي بالخبز الدار وبلا تمر غير بالمكسرات والعسل والزبدة وهذا ايشبه لرفيس الكسرة انتاععنا احنا الشاوية يعطيك الصحة هذي حاجة جديدة عرفتها وربي يخليك ديما اتجيبيلنا الاطباق التقليدية المتجددة

اسماء47 · 2013-02-11, 14:12

حبيبتي ام انيس راكي هنايا
يعطيك الصحة حبيبتي طبق و لا اروع
كل ما نطبق وصفاتك اللي نقلتها من المنتدى المصري ندعيلك لاخاطرش قاع نجحولي
ربي يخليلك انيس

mıryam · 2013-02-12, 00:04

بسم الله ماشاء الله دائما وصفاتك روعة و تقديمها اروع حبيبتي ربي يجعلها في ميزان حسناتك و في انتظار جديدك ما طوليش علينا الغيبة يا الشاوية نتاعنا

*أم كوثر* · 2013-02-13, 18:14

ماشاء الله يشهي
تسلم الايادي لي حضرت
الحقيقة مغاير تماما للي نديروه
يشبه للرفيس تاعنا
نديرو عجينة كما المبرجة تقريبا ونفتتوها بنفس الطريقة
نفوروه مع زبدة وسكر ومازهر
ونزين بالعسل والمكسرات
تسلمي

oum yahya · 2013-02-13, 22:39

يعطيك الصحة يا اختي باين بنين انجربو ان شاء الله بارك الله فيك

خربشة ناعمة · 2013-02-14, 00:06

يا اختي ربي يعطيك الصحة على هاديك الشطارة

العام اللي جاز

راجلي كلاه في عرس في نواحي اريس

و عجبوا بزاف
وماللي رجع للدار و هو يهدر على الزيراوي
و كنت حابة نعرف واشنوا هو
و اليوم انتي حطيتي الموضوع
و عرفتيني بيه
و الله درتي فيا مزية
و انا نحب النساء اللي كيما انت يحطوا الاكل التقليدي كيما راهوا
من غير زيادة او نقصان لانه تراث
و كاين وصفات لاكلات تقليدية مشوهة وتغيدني
كي نشوف الوصفة مقلوبة

ربي يكثر من مثالك و يحفظك و يحفظ وليداتك

*ام رامي* · 2013-02-14, 08:04

مااااااااشاااء الله
تسلم الايادي اختي الفاضلة

maiss toussa · 2013-02-14, 12:15

يعطيك الصحة عندنا نسموه بو صلوع الكسرة نتاعو ميش مبسسة أنا نديرو بالطريقة نتاعك لأني عند الشاوية

*سماح 94* · 2013-02-14, 13:25

ماشاء الله يا ام انيس مشكووووووورة جدا اول مرة نعرفو هاذ النوع يعطيك الصحة

الاء هبة الرحمان · 2013-02-14, 13:49

رائع يعطيك الصحة نموت على الزيراوى حتى انا نعملو بنفس الطريقة بارك الله فيك وصلى الله وسلم على خير البشرية

ange du paradis · 2013-02-15, 13:07

يعطيك ألف صحة حبيبتي
احنا نديروها عندنا وسماه الرفيس نديروها بالرخساس والا المدكر "سميد مبسس بالزيت " ويطيب عادي نفتتوه +تمر + زبدة ونديروه اكثر في الربيع ووين تخرجي برا يديرولك الرفيس بالدهان الحر "أنا نشتيه بزبدة ستار برك هههه

" وطبعا اللبن
يعطيك الصحة حبيبتي

natacabell · 2013-02-18, 09:06

choukran laki hnaouna welah hada win chaft el mawdou3 baraka lahou fik welah ghire chahitini b hadak tmar lah lah wezabda bayna el houra akid 3ajabni zirawi min idik lah yarda alik welah ybarek alik hanouna laki mini koul el ihtiram wa takdire

meriama13 · 2013-02-18, 14:26

اول مرة نسمع بهاد الاكلة
حنا نديرو المبسس بنفس الطريقة بصح نطيبوه رفيس مع الزبدة و الماء
يعطيك الصحة بفضل هاد المنتدى تعرفنا على تقاليد بلادنا

أنا أمهم · 2013-02-19, 07:00

ما شاء الله عليك , هذه أكيد أكلة بنينة و صحية.

إن شاء الله كي نشري طاجين , نجربها هذه الوصفة. دائما في انتظار مواضيعك عزيزتي.