لماذا تتخلص المرأة من صداقاتها بعد الزواج؟ - الصفحة 3

إيمان imene · 2013-02-09, 14:10

انا وحدة كي وصلت لل باكلوريا نقصت من البنات خليت 3 هكا باش نجحت و درك عندي وحدة برك هي اختي هي صديقتي ربي يحفضها

zaza22 · 2013-02-09, 18:07

يا كثير الاصحاب تبقى بلا صاحب

souadraghad · 2013-02-10, 10:52

بسبب غيرة الزوج

choroukguid · 2013-02-10, 11:39

ممكن انها تتزوج بعيدة عن مكان صديقاتها

نجوى لحلوة · 2013-02-12, 11:14

يقولك الباب لي يجيك منو الريح سدو واستريح والله العظيم وصلنا لوقت يا لطيف ولاو البنات يخوفوا (حاشا بنات الفاميليا)
انا وحدة من الناس نخاف على خطيبي وراني ناوية نهار نتزوج حاجة باينة نقعد على اتصال معاهم ولو عبر الهاتف برك ساعة ساعة باه الانسان ما يكونش نكار العشرة بصح باه تجي عندي صاحبتي للدار والا هاذي والو

loulou02 · 2013-02-10, 19:30

ببساطة لأن زوجها يصبح هو صديقاتها و أبوها و أخوها و أمها و .........

بنت غليزان · 2013-02-10, 19:41

السلام عليكم نعم هذا صحيح فقد كانت لي صديقة كنا على اتصال دائم لكن بمجرد دخولها القفص الذهبي بدأت تتغير
لا ترد على اتصالاتي لا تتصل بي انا ايضا لم أعاد الاتصال بها لانها لاتريد استمرار العلاقة
انا أشك بزوجها لانه صعب المزاج و حتى اشترط عليها ان تتوقف عن العمل

BAROUD · 2013-02-10, 19:48

اواااااااااه

اخلاص زوجها راح يكون باباها خوها صديقها يماها و كل شيء

تستغنئ عليه

peaceful spirit · 2013-02-10, 23:27

المشكل انو مش هي الي تتعمد تقطع علاقتها بصديقاتها مي تجي وحدها تلقاااااااااائيا لاختلاف الاهتمامات بينهن بعد زواج وحدة فيهم و تبدا دائرة المواضيع المشتركة تتضيق حتى تنعدم انا اتكلم من منطلق تجربة شخصية لامو عندي صديقات الا ن راهم متزوجين في البداية بقينا نهدرو و مع الوقت اصبحت لديهم انشغالات اخرى مختلفة تماما عن انشغالاتي و اهتماماتي مثلا نهدرو في التلفون نهدرلها على القراية مثلا و المادة الي جاتني صعيبة شيء من هذا القبيل ما نلقاش تجاوب منها و لاشعوريا نلقاها تهدرلي على الحليب تاع الذراري الصغار كيفاش غلا و وليدها البارح ما رقدش خلاص باسكو مريض و انا بدوري ما نتجاوبش معاها لانو موضوع ماراهوش من ضمن اهتماماتي و نفس الشيء بالنسبة ليها و مع الوقت بدا التواصل ينقص بعد ما كنا نهدرو كل اسبوع ولينا من العيد للعيد ههههههههههههه, وكاين اسباب اخرى مثلا كاين لي زوجها يفرض عليها قطع علاقاتها بصديقاتها في اعتقاده تجنبا للمشكل و وجع الراس و كاين تاني لي تتكبر على صديقاتها و تحس روحها بلي ولات مختلفة و متفوقة عليهم و خير منهم لانها تزوجت و صديقاتها مازال و هذا التفكير شائع جداااااا بين البنات للاسف,عموما العلاقات بين الناس ككل اصبحت كالمنتجات لديها تاريخ انتهاء للصلاحية بكل اسف

فاتن 89 · 2013-02-11, 13:17

معلبلكومش واش يقدرو يذيرو الصحابات....سقسيوني نقولكم...قريب ما فسدو بيني و بين خطيبي مي..الحمد لله كاين ربي....وقريب خسرتو في جالهم...

zaza22 · 2013-02-11, 17:01

الاختيار الصائب للصديقة يعطي انطباع للزوج ومن خلاله يمكن له ان يعرف ماتضي زوجته هل هي من النوع الجيد او لا

عمار79 · 2013-02-12, 11:04

و هو افضل الحلول لان الكلام الكثير و و الذاب و المجيء يسبب المشاكل

الزوج هو اعز الاصدقاء و الزوجة هي الصديق المثالي

zaza22 · 2013-02-12, 11:13

والله هو الموفق البعد يجيب السلا والتلفون يجيب الكلام والعداوة

zaza22 · 2013-02-12, 17:41

لابد للمراة ان تقطع كل العلاقات

nassira38 · 2013-02-14, 16:26

ماشي كامل لبنات كيف كيف انا عندي صحباتي متزوجات ويتاصلوا بيا ونتصل بيهم مكان حتى مشكل؟؟