ظاهرة الضحك.....فى الجنازات...

[حفيظ حيدر]

السلام عليكم . اختي العزيزة شكرا علي الموضوع . انا حضرت جنازه خاله زوجي توافاها الله بسبب مرض في الاربعينات ربي يرحمها . زوجة ابنها قايمة بالدار وتجري في اليوم الثاني لقات بلي فتحولها الفاليز تاعها وسرقولها ذهبها كامل. قالت علابالي سرقوه وقت خرجو الميت لا خاطر واحد ما راه متوله . والله المستعان . تاني كاين فكره اخري شاعت عادو يقولو اللي تحب تخطب لولدها تروح للجنازه و تخير الزينه لا خاطر تلقي البنات بلا ماكياج!

[أم نور]

ماتت القلوب واصبح لافرق بين العرس والجنازة
ربي يهدي ما خلق
بارك الله فيك

[دموع الانابة]

احدى معارفي خياطة بعثت اليها زبونة تستعجلها في خياطة قماشها قالت لها عجوزتي تحتضر لو تموت ماعنديش واش نلبس في الجنازة فاذا كانت تعد اللباس الجديد للجنازة اكيد ما يهمها في الامر انطباعات الحاضرات عنها لا الموت و العبرة منه و ما وراءه

[oum ayyoub]

الله يهدينا حنا تاني عندنا في الغرب هكدا و لكن في بيتنا ما ندريش السبوع و الاربعين فهده عادات اليهود ربي يهدي الجميع و يرح جميع موتى المسلمين
جدي الله يرحمه كان كل ما يروح يعزي يتكلم مع الناس يقوللهم عائلة الميت يبكي و نتوما تاكلو و الله تحشمو و هذا اليوم اليوم يصادف يوم مولده في يوم الشهيد و توفي في 1 جوان يوم الطفولة رحمك الله جدي
https://www.djelfa.info/vb/showthread.php?t=1210066

[عبد الرؤوف24]

عدنا مثل يقولوه قالك مايجى يخرج الميت ان يضحكو ماليه
عادة فى جنازة اوخلال ايام العزاء الله يسترنا ويستركم يقع مقلب مضحك سبحان الله فيضحك اهل اميت

[الجليس الصلح]

السلام عليكم ورحمة الله
قلوبنا صارت من تعداد الأموات
شكرا على الموضوع

[محب السلف الصالح]

الله المستعان

حنا كارثة أكثر منكم

يقف أحدهم على سور المقبرة وينادي يا جماعة الخير راه كاين معيريف

باه تقعدو والي يروح ماناش سامحيلو والحاضر يعلم الغايب

المعيريف : للتصغير ولكن كارثة تدبح من 8 الى 12 شاة فقط في الغداء

مرة مات عندنا واحد معروف دبحت حوالي 19 شاة في الغداء فقط

ويبقى الراعي الوحيد الدي لم يدبح

الله المستعان

[احمد بغداد]

اصبحت الذنوب التي يرتكبها البشر تفوق العقل فلا مكان له حرمه لا الجنازة ولا الميت ولا مشاعر الناس المقربين منه الكل يجفو عن دين الله

[mitrochka]

الله يهدي من خلق
لم يعد للموت حرمتها

[واحد من النااس]

قال أحدهم : الميت يندفن و الناس تدير بعده حفلة
و قال أحد المجانين و ربما كلامه فيه بعض الحكمة : قلوله يا فلان ما رحتش لداركم ..........قال ولاد فلان راهم دايرين العرس و راهم عارضيني .....العرس هو موت والدهم حسب هذا المجنون
مما استغربت له انهم في الليل يقومون بصنع الرفيس لأجل من يقرؤون القرآن ........ الله المستعان.....حفلات و أُكلات متنوعة و لحم خروف ..و دعوات للحضور حتى السبوع كما يقولون
و في الليل هناك قصرات و ضحك و جماعات نسائية و رجالية ..........كل على حدى ....لست اقصد الاختلاط لكن النساء بينههن و الرجال خارجا بينهم......الكل يروي القصص و النكت و الامور المضحة ............لا ادري هي جيدة او تخفيف على اهل الميت
شكرا اختي الكريمة و موضوع قيم متجدد

[amiramira2012]

بارك الله فيك على الموضوع

اللهم ارحم موتانا وموتى المسلمين
وأنزل نورا من نورك عليهم

[chaimouma]

mha ralb hadi wlat dahira tabi3ya surou 3la dhk mrc 3la lmwdo3

[الفلة البيضاء]

و الله هذا ما اصبحنا نراه في الجنائز و كانهم حضروا لحفل تكريم و العياذ بالله يارب اهديهم

[salhi lmlouli]

السلام عليكم. شكرا لطرح هذا الموضوع واقون ان الناس غرتهم الحيات الدنيا لدرجة يصعب على اللسان وصفها قلوب ميتة ام عليها اقفالها هذا ما جعل لدى الكثير فاجعة الموت - فيشطا - وفرصة للاكل والشرب والتفكه وعقد الصفقات والترفيه عن النفس . هذه كارثة اضافية لاهل الميت ومن جميع النواحي 1 - نفسية .2- مادية. 3-- ارهاق بدني .اذاكان العزاء بهذا الشكل فهو اهانة للميت ولاهله. لاحول ولاقوة الا بالله غاب الدين غاب الضمير غابت الاخلاق .يا عباد الله اصبحت الموة فرصة سعيدة. -فيشطا لاحول ولاقوة الابالله نسوا الله فانساهم انفسهم والعياذ بالله.