الطبعة العاشرة لدورة الرقي بمدبرة منزل مثالية - الصفحة 3

~ حراير ~ · 2012-12-22, 17:04

ربي يكون في عونك اختي ام امجد راني اكره حاجة عندي هو الماسون بصح وش راح ديري اصبري حتان تتهناي
ربي يكون في عونك و في عون بابات لولاد
انا جاتني ماعندك ما تنظفي راهو كي يعود الماسون الدار كامل تكون حالتها حالة و خفت عليك يروح تعبك هكداك
طمنيني وش احوال وليدنا لعزيز امجد ؟؟؟

ام امجد14 · 2012-12-23, 10:25

اقتباس:

المشاركة الأصلية كتبت بواسطة اريج المسك

ربي يكون في عونك اختي ام امجد راني اكره حاجة عندي هو الماسون بصح وش راح ديري اصبري حتان تتهناي
ربي يكون في عونك و في عون بابات لولاد
انا جاتني ماعندك ما تنظفي راهو كي يعود الماسون الدار كامل تكون حالتها حالة و خفت عليك يروح تعبك هكداك
طمنيني وش احوال وليدنا لعزيز امجد ؟؟؟

الله يخليك اختى ليلى راه جاب معدل احدى عشر و اخوه جاب ثلاثة عشر رانى تفاهمت معاه و قلتلو نتعاونو ولازم المرة الجاية تجيب اكثر و رانى نخدم معاه فى التعبير و نعطيه بعض التعبيرات يحفضهم و و وان شاء الله ما نضيعيش هذى العطلة و نستغلوها فى المواد الى ضعاف فيهم مثل الرياضيات و اللغة الانجليزية
وانت كيف احوالك و احوال اريج

دعاء القلوب · 2012-12-22, 18:40

سلام مريومة واش راكي والله ليك وحشة كبيرة ياسر ان شاءالله تكوني لااس وتوحشت لمتنا تاع لبنات ام مرية و ام رحمة وملاك الليل وحبيبة الحبوبو ومينو ام مريم الجزائرية وام امجد وانوسة وامينة مناد و القائمة طويلة ان شاءالله ادا قدرني ربي راني معاك في الدورة

sondse1 · 2012-12-22, 18:45

اقتباس:

المشاركة الأصلية كتبت بواسطة اشورة

سلام مريومة واش راكي والله ليك وحشة كبيرة ياسر ان شاءالله تكوني لااس وتوحشت لمتنا تاع لبنات ام مرية و ام رحمة وملاك الليل وحبيبة الحبوبو ومينو ام مريم الجزائرية وام امجد وانوسة وامينة مناد و القائمة طويلة ان شاءالله ادا قدرني ربي راني معاك في الدورة

اهلين حبيبتي اشورة
الحمد لله السوال عليك حنونة
والله انت تاني ليك وحشة كبيرة انت وكامل الشلة
ايه ايام زمان والله ما تتنسى

واكيد اهلا وسهلا بيك معانا تنورينا

دعاء القلوب · 2012-12-22, 19:15

اقتباس:

المشاركة الأصلية كتبت بواسطة sondse1

اهلين حبيبتي اشورة
الحمد لله السوال عليك حنونة
والله انت تاني ليك وحشة كبيرة انت وكامل الشلة
ايه ايام زمان والله ما تتنسى

واكيد اهلا وسهلا بيك معانا تنورينا

ربي يعزك ان شاء الله من غدوة راني معاك يعطيك الصحة عدبني ياسر الجدول الاسبوعي

ام امجد14 · 2012-12-23, 10:27

اقتباس:

المشاركة الأصلية كتبت بواسطة اشورة

سلام مريومة واش راكي والله ليك وحشة كبيرة ياسر ان شاءالله تكوني لااس وتوحشت لمتنا تاع لبنات ام مرية و ام رحمة وملاك الليل وحبيبة الحبوبو ومينو ام مريم الجزائرية وام امجد وانوسة وامينة مناد و القائمة طويلة ان شاءالله ادا قدرني ربي راني معاك في الدورة

على سلامتك اختى اشورة و الله ليك وحشة

sondse1 · 2012-12-22, 18:40

اسعد الله مسائكن حبيباتي

كيف احوالكم ان شاء الله بالف خير

sondse1 · 2012-12-22, 18:43

لبنات هذا برنامجي الاسبوعي للطبخ

اخذو النموذج و كل وحدة واش تحب تدير

واللي تدير البرنامج تحطولنا باه ناخذو بعض الاكلات

https://www.gulfup.com/?qNrGt5

sondse1 · 2012-12-22, 20:13

ان شاء الله حبيبتي

بالتوفيق

sondse1 · 2012-12-22, 20:16

برنامج الغد باذن الله

الاحد

الديني/اذكار الصباح والمساء + صلاة الضحى + قراءة القرآن بواقع 4 صفحات بعد كل صلاة فرضية + الاكثار من الاستغفار قدر المستطاع

صلاة الوتر + الوضوء قبل النوم واذكار النوم + حفظ 3 آيات من القرآن قبل صلاة العصر

التنظيفي/ تنظيف 3دواليب من الداخل والخارج + تنظيف عميق للمايكرويف + تنظيف جدار كامل + غسل وتعقيم سطل القمامة

الجمالي/ خلطة او ماسك للوجه ( ماء ورد ونشا / حليب وخيار / عسل وزيت ) او اي شي يناسبك ومعتادة عليه
++ الكحل للعينينتفريش الاسنان مرتين على الاقل + ترطيب اليدين والرجلين باي مرطب متوفر لديك
فازلين / زيت / او اي مرطب معتمد لديك

بالتوفيق للجميع

وفاء سعاد · 2012-12-22, 20:51

مساء الخير يالبنات مريومة كن شفتيني اليوم سوبر وومن كنتع مبالي اليوم جاييني ضياف على جال زوجي مريض ابنة اخته متزوجة وامها وابنت اخوه ايضا متزوجة تقهواو وقعدوللعشاء امالا نضت عل 5صباحا بديت بالصالو مسحت الغبرة وسيقتو هو والكولوار والحمام والمرحاض حشاكام ومباعد صليت الفجر انا وزوجي هو كمل رقد وانا دخلت للكوزينة درت شوية غريبية ومقرود وكروكي وعندى زوج تاع اللوز والجوز مكونجليتهم من قبل سجيت السنية وغطيتها ومباعد بديت بالخزائن فرغتهم ومسحتهم لقيتهم نضاف واللي تحت البوطاجي وتحت واحد الرخامة نضفتهم ومسحت التلاجة والكونجيلاتور بصح مافرغتهمش على خاطر من يومين برك فرغتهم وسيقت الكوزينة وسجيت الطابلة وحطيتلهم الحليب والكروكي وابني حطيتلوالفرماج والخبز الجانب الدينى الصلاة وقراءة فقط الصور اليوم ماتلوميش التفكير في الناس اللي جايين مانقدرش نركز في الحفظ نبقى نفكر غير واش ناقص لشتا موجدة كلش كي جاو وروحو لميت الماعن في الكوزينة ودرت الفازلين لرجلي ونيفيا سوفت لليدين والوجه مادرت حتى ماسك غدا ان شاء الله نبدى الاسنان حتان نرقد ونغسلهم وجيت طليت عليكم ونروح لشومبر انتاعي ماحملتش نرقد فيها هكداك رغم العيا قاتلني بصح راني نتحدى في نفسي ونطبق في شعار الدورة

وفاء سعاد · 2012-12-22, 20:58

مريومة انا نكتب في التطبيقات وانت كتبت البرنامج تاع الاحد بصح راهو ساهل على خاطر مدايرتو نغسل الفايونس تاع الكوزينة برك كامل

oummalak · 2012-12-22, 21:35

lhماشاء الله دورة تفرح ومشاركاتكم تفرح اكثر والله راهو المورال فالزيرو غير لما نرجع للقران باه نرتاح شوي
شكرا سندوسة على البرنامج راهو ساهل
رايحة في موضوع خاص نحط البرنامج الي راني نتبعو باه ما نتعبش كثير لكن بعد ماتكمل الدورة هده
بالتوفيق للجميع

سمراء الدنيا · 2012-12-22, 21:42

الله .....ام ملاك راهي هنا على سلامتك اختي واش هاذ الغيبة
رانا في قسم الدردشة في صحبة طيبة لا حبيتي تحكي معانا

سمراء الدنيا · 2012-12-22, 21:46

ليلى الله يعطيك صحيحتك و يبعد عليك العين
راني حابة نعرف منين راكي تجيبي هاذ النواض بكري....هههه
على بالك بالمسؤولية للي تحطت على راسك و جدي روحك باش
تعاونينا نقرو ولادنا......رانا عارفين بلي انت مولاتها و قدها و قدود