انا قنوعة ولا اريد المهر

[AMINA.Z]

حتى انا و الله نكره هاد العقلية
انا من الاول يكون كلش باين شروط و عقلية
اذا تقبلهم اللهم بارك ما تقبلش ما خلاصتش الدنيا
عجبتني هادي بزاف
لي الشرف ان اكمل حياتي ان قدر لي الله بدون زواج وان لا افعل هذا
و ماكالاه ننساو نحكيو على الرجال اللي يكون ملاك نازل من السما في الخطوبة و كي تتزوجي بيه تولي تقولي يا لطيف
ربي يسترنا منهم امييين

[كاميلا]

بعد الزواج تقلب العقلية؟
إذن على زوجها يقلب معها العقلية ويذبحلها القطة
" باغية تطير يقصلها ريشها "
هو أول موقف صدام بينهما إما أن يقضي عن اي محاولة تمرد منها ويعيش باقي عمره مرتاح ، وإذا قدرت عليه سيقضي عمره يركض ورا طلباتها ولا يصل
صدقيني الصنف النمرود لا ينفع معه غير هذا الحل .

نورتيني بمرورد وردك هههههههه لازم النمرود يليق معاه التنمريد


صحيح ما قلتي اختي وهذا ماحصل في عائلتنا
كانت لاتريد شيئا ثم عندما اتت الى البيت انقلبت 180 درجة كان يريدها ماكثة في البيت و مع العائلة صبورة متدينة وفجاة اصبحت والعياذ بالله شيطان سبت امه احتقرت اهله خرجت ببتها لوحدها والان تزن عليه كي تعمل لولا الاولاد الذين ربطت نفسها به لطلقها
والله ان من تفعل هذا لن تسلم من الله وستلقى جزاءها وربي يهدي

حتى نحن حصل في عائلتنا مفهمتش علاش ولاو يديروا هكدا راهم يضروا في روحهم قبل كل شيء
بارك الله فيكي

صح يا اختي انا نعرف بزاف كيما حاك تقولي عليها ملاك و تسهلو كلشي فالاول و مين توصل عندو ربي يجيب الخير

ربي يجيب الخير كيما قلتي اختي ويهدينا ويهدي جميع المومنين


لا ينفع التحايل في هذه الأمور

[تربح اليوم، و تخسر غدوا]

الاصطياد بهذه الطريقة فاشل فاشل

و الحقيقة صرنا نسمع عن الكثير من الخلافات بعد الزواج
من هذا القبيل [كانت و اصبحت]

و بعض الشباب يستحق ذلك

[ما ينفع غير الصح، قْبل بها و نعمت ما قبلش الله يسهل عليه و عليا]

شكرا لك

بعض الشباب يستحق ذلك ممكن لانه من نفس طينتها والله اعلم كيما يقواوا وافق شن طبقة
بارك الله فيك

[كاميلا]

المشاركة الأصلية كتبت بواسطة knives55

لا لا اختي لست انت مقصود

انا قصدي الفتاة مخادعة هي التي تخسر في النهاية

لا لم افهم باللي راك تقصدني

[كاميلا]

المشاركة الأصلية كتبت بواسطة لذريق

السلام عليكم أختي الكريمة كاميلا
تعددت طرق الصيد كما قلتي و في الاخير نفس المحصلة حين تحكم روحها و يجيبها للدار تبدى المشاكل و خاصة لما يكون ساكن مع الاهل كل يوم سيناريو حتى تسكن لوحدها واذا رضخ لها باتت فيه ههههههههههو اذا فاق بيها باتت فيها هي ههههههههههه
ربي يهدي ما خلق ، لما يجي الخاطب يقول ندي مرا و بنت ناس و والديها يقولوا احنا نبغوا الراجل وولد الاصل
هو يخطب يبدا الطلب و وراءه طلب آخر و هو لما توقف قدامه الطفلة تحط راسها في الارض يقول راني درت أفار مرا و مولاة خيمة و حشمة هو يتخالفوا رجليه تقول عليه مسكين حشام حطيت راسي قدامه حب يدخل في الارض ههههه و
تقول راه صيد سهل بعدها يبدى التخطيط و التدبير
كل ما يقول حاجة تقول ايييه و وااااااه كامل ما تنويهش و لما تجي عنده في الكار تشيب له راسه هههههههههه
مثلها كمثل الذي يعمل في فترة تجربة قبل العمل يوري شطارته و انه متفان في عمله و حتى يظهر ملكات و قدرات فذة و محمودة ، فقط يجي و يرسموه في العمل يسير سير من سبقه من المرسمين و يركن الى الروتين على الاقل او حتى يصبح يماثلهم في فسادهم و كسلهم
لا نعمم فهناك فتيات طيبات و الله لهن النية الصادقة في تكوين بيوت سعيدة و تجدينها صابرة و حتى انهم يظلمن لكن بنات اصل و تربيتهم عريقة و اصيلة و لا تؤثر فيها ملذات الدنيا و ما هو جار في وقتنا الحالي
ربي يوفق الجميع لكل خير و يرزق كل اخواننا و اخواتنا الازواج و الذرية الصالحة
بارك الله فيك اختي الكريمة و ربي يوفي لك ما تتمناي
ســــــــــــــــــــــــــــــــــلام

جزاك الله الف خير اخ يلذريق

[كاميلا]

المشاركة الأصلية كتبت بواسطة sarl02

الواحد يتقي الله في زوجته قبل اي شيء واقدرها ويكرمها في حدود امكانياته واذا قدر الله وانقلبت ولا طلعت ولا هبطت ولا طارت بعد الزواج فامساك بمعروف او تسريح باحسان ..كاين غيرها والحمد الله وهي الخاسرة اولا واخيرا.

نعم وهو كذلك شكرا جزيلا

[كاميلا]

المشاركة الأصلية كتبت بواسطة sarl02

الواحد يتقي الله في زوجته قبل اي شيء واقدرها ويكرمها في حدود امكانياته واذا قدر الله وانقلبت ولا طلعت ولا هبطت ولا طارت بعد الزواج فامساك بمعروف او تسريح باحسان ..كاين غيرها والحمد الله وهي الخاسرة اولا واخيرا.

المشاركة الأصلية كتبت بواسطة اريج16

شوفي اختي انا منخدعههم ما والو هذا شرطي 20 مليون مهر بارير مايقلش عن 25 مليون 2قناطر صوف المصروف مع الكبش
الفاليزا نتاع الفيونساي يعني جهاز من كلش خاتم الخطبة خاتم الشوفا خاتم تاع الحنة وحجى ذهب نحني عليها لبسة تاع العقود العرس في لصال ويجبولي شاب عاقيل وطيب ويمينة يغنو في عرسي
شهر العسل في المانيا ودار وحدي منقولش فيلا برتما تكفي ايه ولكان يزيد يكمل حجى صغيرة بك يجبلي طاكسي كادو تاع العرس مش غاليا على اقل تاع 100 مليون







































هههههههههههههه ههههههههههههه امنتوني هههههههههههههه هذي شروط شكون لي يقدرلها بصح والله كاين لي يديرو هك ونعرف وحدة درلها هك مش كلش بصح صح 20 مليون مهر وبارير تاع 30 مليون ومش طفلة لي شرطت راجلها هو لي قالهم هك
بصح الاكيد الهناء هو كلش لكن اذا كاين لي يمد هك منقولش لا

زيدي زيدي بلاك نسيتي حاجة كاش جزيرة والا ولاية يجيبهالك هههههه
والله ضحكتيني ونحيتيلي على بالي ربي يعيشك

[كاميلا]

المشاركة الأصلية كتبت بواسطة فتـ حييةـاة

ماعليش :::::::::::يخليها تمثل على روحها
ونهار يتزوجها وتنحي القناع ثم يجي دور الزوج والنسا راهم بزاااف من حقو يزيد ثانية وثالثة ورابعة

المشاركة الأصلية كتبت بواسطة sara.info

حولتم بهذا الموضوع و آرائكم من المرأة الى وحش كاسر و الرجل تلك القطة الضعيفة المسكينة التي لا حول لها و لا قوة

برأي أن النية السيئة تتواجد لدى الطرفين و الدليل على دلك قسم مشكلتي و ما خفي اعظم

ألا تؤمنون ان الرزق من عند الله تعالى و ليس له أدنى علاقة لا بالندرة او الكثرة ربي يهديكم

آسف أشد الأسف أن اول و أكثر من يهين المرأة هي المرأة نفسها لا حول و لا قوة إلا بالله العلي العظيم
لهذا ينعتون مجتمعاتنا بالتخلف و الرجعية ..تعرفون لما ...لأننا نتقن الدوران في الحلقات المفرغة التي لا فائدة ترجى منها

ديري الستوب مادابيك ماهوش اسلوب نقاش اذا حابة ونكرر كلامي اذا حابة تحكمي عليا اذا كنت ضد او مع المرأة -ارجعي الى مواضيعي السابقة باش تكوني منصفة في حكمة - يا قاضية

[كاميلا]

المشاركة الأصلية كتبت بواسطة سامي العالم

يمكن للجل إن استخدم دهاءه و فراسته أن يبين الفتاة المخادعة من الفاضلة و عموما اللي تنوض في العز مانخافش منها

بصح كي تقول البنت اللي ناضت في العز كاين حديثي النعمة اذا ؟ هههههههه على العموم شكرا جزيلا

المشاركة الأصلية كتبت بواسطة delpiero16

والله أشكرك جزيل الشكر على الطرح الحسن للموضوع
لكن هذا كله يرجع الى حسن التربية في بيت العائلة
وكما يقال بنت أصل
والمعدن الأصيل لايتغير لونه مثل الحرباء
آنستي أوسيدتي
رغم كل شيئ يبقى الزواج أمرامقدسا ولن تجدي رجلا او بنتا يتزوج فقط من اجل الزواج
لكن من اجل بناء حياة
وكل واحد أو وحدة يبحث عن ابنة او ابن الأصل
ولكن فعلا سامحهن الله الكثير من الفتيات يصطادون في الماء العكر
انا عن نفسي لم أكن عاملا في مامضى ولكن اليوم اعمل وأطرق ابواب الثلاثين ولم أجد بنت الأصل
ولدي صديق تكلمت معه فقط البارحة
يسكن في العاصمة لديه عمل مرموق يعمل منذ 5سنوات قادر على الزواج
قال لي بالحرف والواحد والله ياأخي لم اجد بنت الأصل

وماذكرته في موضوعك بالضبط هو أسباب العنوسة عند النساء والعزوف عن الزواج عند الرجال
كيف لفتاة تتزين كل يوم لتخرج الى الشارع وتتعرض لمختلف المعاكسات وهذا واقع كيف لها ان تتزوج برجل محترم ذو أصل
الآية صريحة جدا (( .. وقرن في بيوتكن ...)) يعني لامجال للخروج
درست في العاصمة اين بالأمكان أخذ فكرة عامة عن جميع مكونات مجتمعنا من جميع المناطق
وصدقيني ان للبنت المحترمة ذات الأصل مكانة وهيبة ولاتتعرض لأي شكل من اشكال المعاكسات
لأن حفاظها على نفسها يكسبها مهابة ووقارا
حتى شر الرجال يقول لك (( هاذيك بنت فاميليا مانقدرش نظلمها)) و

المهم غلاء المهور أصبح كارثة خصوصا في مناطق الشرق
والأدهى ان تطلب سكنا خاصاااااا
الامة كلها تعاني من ازمة السكن وهي تطالب بسكن بمليار وتقول لك دبر راسك اشري ولا أكري المهم نخرج
من اين للرجل هذا
ثم هي نفسها لاترضى ان تقول زوجة أخيها هذا الكلام؟
هل أمها وأبوها اغلى من امه وأبيه؟

الله يهدينا
وبارك الله فيك على الموضوع

بصح حتى الرجال دايرين مواصفات خيالية في راسهم عن الزوجة الصالحة قبل ان تبحث عن الصالحة هل انت صالح ؟ يعني اذا راك صافي رح الطيح في الصافية والله من ملاحظاتي في زيجات العائلة لاحظت انه الاغلبية منهم مشتركين في صفات جوهرية يعني طاحو في بعضاهم كيفكيف
بارك الله فيك

[كاميلا]

المشاركة الأصلية كتبت بواسطة wadoo89

الله يصلح حالنا أمين يارب ،، الأخت كاميلا أريد أن أسألك سؤال خارج الموضوع سامحيني لكن الوقت يداهمني . يجب أن أسأل واحد من اهل الاختاص .
أنا درست كلاسيك ، المعدل تاع السنوات الأربعة 11.06 ضعيفة .
لكن لدي في مقايس التأمينات 17 /20 ، يعني هل أستطيع أن أدفع الملف في تخصص تأمينات الماستر؟؟ وهم ينظرون في الترتيب حسب علامة المقايس أو المعدل العام ؟ ممكن الملف وشكرا .

اختي الكريمة من اي جامعة انت؟ بخصوص الماستر لا اظن انك ستقبلين لانه كاين الماجستير اذا لا احنا نقدروا نديروا الكلاسيك ولا انتم هكدا قالولي كي سقسيت وزيد كون كي كنتي في الدراسة كنت قادرة تحولي من نظامك الى ل م د مكانش علابالك بيها؟هذه الطريقة اللي تبانلي تصلح راكي مليحة في التأمينات الله يبارك لكن التأمينات اللي قريتوها ماهيش خلاص اللي يقراوها فرع التأمينات راهم يقراو كيما القانونين والاقتصاديين فيها يعني حسابات بزاف كانوا زملاء شعبة التامينات يقراو كلش مايخض التأمين قانونيا واقتصاديا يعني ميش كيما متصورة اختي
وعلى العموم باش تجيبي الرسمي روحي chef département والا الامين العام المهم المسؤولين وسقسيهم باش تجيبي الرسمي وتتأكدي
موفقة باذن الله

المشاركة الأصلية كتبت بواسطة AMINA.Z

حتى انا و الله نكره هاد العقلية
انا من الاول يكون كلش باين شروط و عقلية
اذا تقبلهم اللهم بارك ما تقبلش ما خلاصتش الدنيا
عجبتني هادي بزاف
لي الشرف ان اكمل حياتي ان قدر لي الله بدون زواج وان لا افعل هذا
و ماكالاه ننساو نحكيو على الرجال اللي يكون ملاك نازل من السما في الخطوبة و كي تتزوجي بيه تولي تقولي يا لطيف
ربي يسترنا منهم امييين

بارك الله فيك اختي امينة

[sara.info]

المشاركة الأصلية كتبت بواسطة كاميلا

ديري الستوب مادابيك ماهوش اسلوب نقاش اذا حابة ونكرر كلامي اذا حابة تحكمي عليا اذا كنت ضد او مع المرأة -ارجعي الى مواضيعي السابقة باش تكوني منصفة في حكمة - يا قاضية

علاش ندير ستوب ...أم أني في الشارع الدي تعتقدينه في اللب و الظاهر

و لما أعود الى مواضيعك .. و المنطق يقول الاحق ينسخ السابق او بالأحرى النية الأحدث

أخير ا ...أرجو ان تتقبلي إعتداري لتدخلي في الموضوع

[كاميلا]

المشاركة الأصلية كتبت بواسطة sara.info

علاش ندير ستوب ...أم أني في الشارع الدي تعتقدينه في اللب و الظاهر

و لما أعود الى مواضيعك .. و المنطق يقول الاحق ينسخ السابق او بالأحرى النية الأحدث

أخير ا ...أرجو ان تتقبلي إعتداري لتدخلي في الموضوع

ماش مشكل ماشي انتيا اللي تعتذري انا اللي لازم نعتذر على الرد

[همسة مشاعر]

والله احنا النساء صراحة تلقاو عندنا كلش القناعة الطمع الكذب الصراحة والخيانة والوفاء البنات يطمعو فوق الازم باش يزوخو على بعض انا
تزوخ على بنات سنها انا وحدة من الناس علاش نكذب نقول منيش مادية انا مادية لكن في حدود نحب نلبس ونعيش ونعيش اولادي في عز لكن طموحي ليست مادية بدرجة كبيرة نتمنى يرزقني ربي رجل صالح ومادي واذا مرزقتش بيهم الاثنين تكفيني الاولى والحمد لله وكاين بنات تطلقو والسبة اهلهم يزودو ياسر في المهر وسيرتو نهار العقد توصل للشجار والطلاق وربي يستر علينا