الضرب في المؤسسات التربوية - الصفحة 3

عبدو441 · 2012-10-19, 07:06

لاتحزن عن الصبيان ان ضربوا الضرب يبرى ويبقى العلم والادب

soso sirin · 2012-10-21, 23:01

اقتباس:

المشاركة الأصلية كتبت بواسطة عبدو441

لاتحزن عن الصبيان ان ضربوا الضرب يبرى ويبقى العلم والادب

مي كاين ضرب من ضرب والله كاين شي شيوخة عندهم عنف جسدي فضيع مايبراش الطفل منو حتا و كون يكبر و شحال من تلميذ راه ندارلو عاهة مستديمة من الضرب كل حاجة في الوسط مليحة الضرب الخفيف مليح مي اذا فات حدو مايوليش مليح

أَحمــد · 2012-10-19, 11:42

السلام عليكم
أولا شكرا على الموضوع الاجتماعي المهم
فيما يخص الضرب قد يكون شائعا في المرحلتين الابتدائية والمتوسطة وبدرجة أقل في المرحلة الثانوية لكن في هذه االأخيرة الضرب يكون بطريقة مختلفة وبدون استعمال العصى.
فمن الناحية التربوية فالضرب يعتبر مذهبا جيدا خصوصا في المرحلة الابتدائية والمتوسطة لتقويم سلوك مشين هذا لا نجادل عليه.
أما من الناحية التعليمية فالضرب لا يُجنى منه الفائدة المرجوة وقد يتسبب هذا الضرب في ضياع مستقبل كثير من التلاميذ, فهو اذا تصرف خاطئ ويوجد له بدائل كثيرة...فما على المعلم والأستاذ إلا تعلم هذه الطرق في التعامل مع تلامذته.
----------
وبالمناسبة أود أن أبين لبعض أولياء التلاميذ وبعض الناس الذين يتهجمون دائما على الأستاذ ويجعلونه دائما في موقف المتهم فهاهنا مثال (ولكم الحكم) عن سبب تعرض أبنائهم للضرب ليس بالطريقة التقليدية باستعمال العصى لكن باستعمال كل أطراف الجسم من رأس ويد وذراع ورجل وغيره.
----------
----------
----------
الأستاذ للتلميذ: جاوب على السؤال
التلميذ: مانعرفش
الأستاذ: لأنك غير منتبه وكذلك لأنك لا تراجع دروسك.
التلميذ: ما تسالنيش نراجع ولا مانراجعش, أنا ما ننتبه مانراجع.
التلميذ: زيد وانتا وش دخلك فيا نراجع ولا مانراجعش. (أبي وما قاليش راجع وما عيطش عليا)
الأستاذ: أخرج من القسم وروح للرقابة.
التلميذ: والله ماني خارج, ...... ............(كلام بذيئ)
الأستاذ: في موقف مُحرج وأمام التلاميذ ............................................

(تخيّل نفسك في موقف هذا الأستاذ فكيف سيكون ردك )

البريئة · 2012-10-19, 17:52

السلام عليكم
شوفي أختي تضربي ماكي في خير اتخليه ماكي في خير ، تضربيه لصلاحو غدوا يصبح باباه عندك اتخليه ايهبلك و يحسب روحو شيكور كنت انقري في الريف عندي 15 تلميذ مشاء الله عندهم الحرقة في قلبهم تقتليه مكانش اللي ايحوس عليك واليوم زعما حبيت البلاد واش انقولك 40 واحد تتكلمي مع واحد برك غدوا يصبح باباه عندك ويقولك وليدي مريض متضربيهش ولا وليدي محبش ايجي خاف الشيخة تضربو راه قالي ضربتني البارح هي على كل حال الاولى صرات لصحبتي و الثانية معايا.................
لا اله الا الله محمد رسول الله كون غير ايقروهم في الدار ايعسو غير الشيخة ادا ضربتو ولا لالا

morad81 · 2012-10-20, 20:29

شكرا على الموضوع :

- قد حدث معي أن تغيب تلميذ من تلامذتي .....المهم بعد أسبوع التقيت بوالده و أنا أسأله عن ابنه لأنه تغيب عن الإمتحانات المهم قال لي أنه مريض في المستشفى .... قلت له سوف أعوض له الإمتحانات ......

- قالي راني لقيت ليطراس نتاع ضربة في ساقو ..... وشافها الطبيب وقالي رايح ندفعو للعدالة ....ما قدرتش نتحمل و تقلبت مانيش خايف و لكن ما تذكرتش أني ضربتو بحكم يقرى عندي في أربع سنين و عارفو مريض ......طلبت ربي ما تصراش فيه حاجة نكون أنا السبة فيها بلاما نديرها ......

بالصدفة لقيتو مع الب نتاعو و الأم رفدتهم معايا في السيارة و طلبت السماح من الأم نتاعو .........المهم فاتت على خير ....جا عندي جدو ..قالي يا ولدي ماديرش على هدرت النسا هذا ولد ولدي وثاني ولدي الصغير راهم عندك ...دير واش يطلعلك و اذا قباحو قتلهم وراني هنا .

المهم كان باقي شهرين للعطلة و الله كرهت حياتي وقلت الناس قادرة طفرها فيك بلا ما تعبى .......ربي يجيب الخير.

أما الضرب كعقاب خفيف فيه فائدة و الله أعلم .........بصح اليوم غير ماكان علاه راه جا الدور نتاع الشيوخة ينضربو

Lili Rose · 2012-10-21, 14:36

إذا كانت الادارة واقفة والرقابة تخدم في خدمتها لا يحتاج الاستاد أبداً لإستعمال الضرب أو أي أسلوب أخر
شكراً لك على الموضوع

soso sirin · 2012-10-21, 23:04

سمحولي على التاخير راح ندير الردود ان شاء الله

tafethi · 2012-10-23, 22:28

أنا مع الضرب التأديبي (الضرب برفق لغرض تقويم السلوكات الخاطئة)

الجليس الصلح · 2012-10-24, 17:46

الضرب ضروري في تربية الأطفال وتعليمهم ومنذ صار الضرب ممنوع على التلاميذ صار المعلمون يضربون ويشتمون

iman39 · 2012-10-25, 16:19

الضرب علمياو نفسيا حاجةماششي مليحة علىخاطر تتسبب باضراربزاف خاصة النفسية مي ظرك تلقي بلي التلاميذ ما يتسقموش غيربالضرب وكاين تاني اللي ملاح واللي يروحوفي الرجلين . نعرف اساتذةقدام تضرب و لضرك وهما يحبوهم قاع التلاميذ نتاعهم بصح بكري كانو يضربوهم . الهدرةنتاعك صحيحة على خاطر التلاميذبشرو يتعلمو بللين مي اسمحيلي واحدمن الصباح واقف على رجليه وقدامو شحال من واحد يجي واحد يديرالطوايش الا كنت انا استاذةكنت نربيه وما يزيدش يهدر الا يتحرك بعدها

amina8500 · 2012-10-27, 17:18

أنا أستاذة جديدة في المتوسط ولا أعرف التعامل مع التلاميذ حيث لاحظت ان معظم الاستاذات الاتي اعمل معهن يستعملن العصا والا لايتمكن من تقديم الدرس
افيدوني من فضلكم

ابراهيم سوفي · 2012-10-29, 00:44

ماذا يفعل الأستاذ إذا اعتدى عليه تلميذ أو شتمه غير ضربه ضربا مبرحا لتربيته، أما في حالة الضرب للتعليم والتربية للتلميذ فأظن أنه ضروري شريطة أن يكون خفيفا

والعلم لا يناله إلا راغب أو راهب

نبيل البسكري · 2012-10-31, 14:49

الضرب نوعان

مثلا تضرب تلميذ لأنه لم يقم بالواجب

وتضرب آخر لأنه أثار الفوضى

فالضرب الأول توجيه

تعالج الأمر
كأن تهمله في البداية ثم تثير غيظه بتشجيع الآخرين
ثم تستدرجه وتعطف عليه وتحاول نصحه

أما الضرب الثاني فهو تأديبي فقط ولكن بدون آثار

عبدو441 · 2012-11-01, 07:10

لاتحزن عن الصبيان ان ضربوا الضرب يبرى ويبقي العلم ولأدب

لكن بشرط ان يكون خفيفا

عبدو441 · 2012-11-01, 07:11

لاتحزن عن الصبيان ان ضربوا الضرب يبرى ويبقي العلم ولأدب

لكن بشرط ان يكون خفيفا