امي امي ............ وبعد الزواج واحد لا يعرفك

[كاميلا]

المشاركة الأصلية كتبت بواسطة مريم الصابرة

السلام عليكم اختي
والله واش نثولك موضوعك هذا انا اكر وحدة نحس بيه لأنو امي تعاني منو من اخي المتزوج يعني مرضت ودخلت للمستشفى وانا مريضة واختي متزوجة نجرو بيها وراجل اختي اللي بعيد ما راهش ولديها اما هو يلقاها فالشارع يدور وجهو كاللي ما راهيش يماه يخاف من مرتو وما يجيش ابدا زمان كان يسكن بعيد علينا لكن الآن في شارع واحد ويسمع بيا مريضة انا وعادي ما يهمنيش فيه لكن يمى اللي هي يماه وتعبت علينا من مات والدي الله يرحمو حتى كبرنا وقراتنا وخاصة هو الحاجة الغالية ليه الدراهم حاجة ما تخصو ونهار تزوج بالأاولى وزاد الثانية خلاص كاللي ما عندوش يماه وصدقيني في رمضان امي تشوفو كل يوم يجيب واحد من عائلة مرتو يفطر ويسهر في دارو يوميا حتى خلاص رمضان ونسمعوهم يضحكو ويقسرو وهو معاهم وامو تمرض تموت عادي إمالا انا حلفت لامي قلتلها لو انا نموت الاولى بالاكي تخليه يجي لجنازتي ما راه خويا ما نعرفو ولو بعيد السر كاش ما يصير في امي محال نخليه حتى يشوف وجها اما إذا شافو فالمقبرة الله غالب ما نقدرلهاش لكن فالدار محال ربي يطول في عمر يمى ويخليهالي ونجري بيها لآخر رمق
بالنسبة للرجال علاه يتبدلو من النسا و ليجون علاه راهم يخافو من الزواج ومن مشاكلو الطفلة تحلل باه تتزوج وكي تكون مخطوبة تقول يماك يمى هي تتزوج بيه تولي جارتها يا اختي محال محال محال الف مرة ندير في عجوزتي واش درات مرت خويا او نمنع راجل على يماه والله ونموت ربي يهديهم واش نقولو يولدو ويجيبو الذكور ويردولهم واش دارو كما تدين تدان بارك الله فيك عذرا على الإطالة فكرتيني تنيفرفيت شكرا

والله صح كي يكونو مخطوبات تقولو يماك يماك ومن بعد تبين الوجه الحقيقي انا اخي المتزوج امي شرطتلها الدار يعني ساكنة وحدها واحد لا يزوخ عليها ولا يدخل في حياتها ونهار كامل وهي تحب الدير المشاكل معانا يعني كيما يقولك اذا ماجاتش لعروسة قبيحة تجي لعجوزة قبيحة الوالدة خاطيتها وهي تحوس على المشاكل شيء عجب قتلها واحد المرة يا بنتي اخطينا واش درنالك انت في دارك ديتي راجلك واحنا في دارنا متكسريلي راسي ماوالو محبتش تفهم تع مشاكل وخلاص
ربي يهدينا

[دلع المنتدى]

صح كلامك
الله يحميلى ماما من دونها مانقدرش نعيش

[كاميلا]

المشاركة الأصلية كتبت بواسطة دلع المنتدى

صح كلامك
الله يحميلى ماما من دونها مانقدرش نعيش

آمين يا رب العالمين وكل امهات المسلمين

[lamia.40]

lmra 3omrha mabedlate rajale psk idha kan rajale sah sah mahoch rah yatbadale hta wach ykone be3d mais li ma3endoch chakhsiya tji whda rkhissa tal3ablo bmokha f 18 s w y3od matkonech 3endo hnana 3end mo pffff ana nhabe mama w nmooooooooooooote 3liha rabi yahfadh8a nchalah

[كاميلا]

المشاركة الأصلية كتبت بواسطة lamia.40

lmra 3omrha mabedlate rajale psk idha kan rajale sah sah mahoch rah yatbadale hta wach ykone be3d mais li ma3endoch chakhsiya tji whda rkhissa tal3ablo bmokha f 18 s w y3od matkonech 3endo hnana 3end mo pffff ana nhabe mama w nmooooooooooooote 3liha rabi yahfadh8a nchalah

صح كاينة منها الراجل راجل حاجة متأثر فيه ربي يخليلك يماك وباباك

[lamia.40]

amine ya rab merci khti kamilia

[كاميلا]

المشاركة الأصلية كتبت بواسطة lamia.40

amine ya rab merci khti kamilia

[خولة لبابة]

بارك الله فيك..........اختي كاميلا على موضوعكي المهم هذا......للاسف هناك فئة الله يهديها عندما يتزوجون ينسونّ أمهاتهم .......و لكن المشكل الحقيقي يعود الى الزوجة....التي جعلت الزوج ينسى أمه........الله يهدينا أجمعين......
فيا اخي...........اياك ثم اياك و العقوق................

[كاميلا]

المشاركة الأصلية كتبت بواسطة فلال باك

بارك الله فيك..........اختي كاميلا على موضوعكي المهم هذا......للاسف هناك فئة الله يهديها عندما يتزوجون ينسونّ أمهاتهم .......و لكن المشكل الحقيقي يعود الى الزوجة....التي جعلت الزوج ينسى أمه........الله يهدينا أجمعين......
فيا اخي...........اياك ثم اياك و العقوق................

لا المشكل الحقيقي ماشي في الزوجة المشكل الحقيقي في نكار الخير اللي نكر خير والديه لانه هو الل يعاش مع والديه ماشي هي اذا من المفروض واحد ميبدلو عليهم مي الله غالب الرجل والله ف يطبعه اناني
ربي يخليلك والديك ويخليلنا والدينا آمين يا رب شكرا جزيلا اختي فلال باك