عدُو الشباب المٌقبل على الزواج

[soha1987]

انا اخي التصديرة مانسمحش فيها خلاص وزيد حنا النسا لي نديروها ماشي نتوما علاه تكسرو في راسكم وتاني لاغوب بلونش مانسمحش فيها كيما قالت سوسو وهادو حوايج ضرور فالجهاز لعروسة لازم ديرهم

[حفيدهم]

السلام عليكم و رحمة الله
أنصح كل مقبل أو مقبلة على الزواج أن تتقي الله و لا تأتي بما حرم الله
التصديرة ما هي إلا عادة لها من السلبيات ما يغني عن القيام بها
بداية من المساس و المخاطرة بالشرف وصولا إلى تبذير الأموال و الإسراف
الأحسن تجنبها و كما يقول المثل
إذا كنت زين استر روحك من العين و إلا كنت شين استر روحك من الفضيحة
فكم من تصديرة وجدت بداخل اشرطة فيديو بين أيدي أجانب و كل منا يعرف ما حال العروس، أهلها و المدعوات داخل هذه القاعات
كم من أسر تفككت بسبب حضور حفلة تصديرة
كم من فتاة فسخت خطوبتها بسبب ما ترتب عن حضورها لحفلة تصديرة
و كم من حالات كلنا بها يعلم
أكثر النساء بركة أيسرهن مهورا، إذا كان المهر ركن من أركان الزواج الشرعي و رغم ذلك حث ديننا الحنيف على اليسر فيها، فما بالنا بما لا يعد من الدين في شيء؟؟؟
اللهم أهدنا في من هديت

[tinza]

يا التصديرة رحمة
الوخدة في شهر العسل

[knives55]

لكل مشكل حل والحل هنا هو

التمعــــــــــــــــــــــــــــــــــــــــــزب

عيش حياتك ومبعد المرأة أتجي وحدها .................................

[الفرحة معكم]

السلام عليكم ابو خولة حسب اعتقادي ميزانية العرس تتحكم فيها الفتاة فكل واحدة دير عرسها على حساب امكانياتها يعني متكلفش دارهم بزاف على خاطر هدرة الناس و تاني البنت قادرة تخرج ف الشدة تلمساني و تحبس لا تصديرة لا والو و تربح هنا راسها التصديرة عند البنات المتدينات راهي تروح بشوية هدي التصديرة (التبراز) بدعة و لازم نتعاونو باش نقضو عليها وتبقى كل وحدة و ظروفها

[السي محمد]

ان شاء الله تزول قبل ان اتزوج هههههه

[سليلة الغرباء]

عن نفسي أفضل كل مصاريف العرس عدا اكرام الضيوف لأنه واجب الوليمة كل المصاريف توضع في عمرة لزيرة بيت الله الحرام

أليس هذا أفضل؟؟؟؟

السؤال نطرحه بالوجه المعاكس

هل يرضى الزوج أن يرى زوجته دون تصديرة ولا في كامل زينة وبالمقابل عارضات الأزياء من المدعوات أكثر منها زينة !!!!!!!!!!!!!

[السي محمد]

المشاركة الأصلية كتبت بواسطة سليلة الغرباء

عن نفسي أفضل كل مصاريف العرس عدا اكرام الضيوف لأنه واجب الوليمة كل المصاريف توضع في عمرة لزيرة بيت الله الحرام

أليس هذا أفضل؟؟؟؟

السؤال نطرحه بالوجه المعاكس

هل يرضى الزوج أن يرى زوجته دون تصديرة ولا في كامل زينة وبالمقابل عارضات الأزياء من المدعوات أكثر منها زينة !!!!!!!!!!!!!

انا لا تهمني تصديرتها


بقدر ما تهمني هي


و اتمنى لو استطيع منعها

[meriem hanin]

بالرغم من انني الفتاة الوحيدة في البيت و تناقشت انا و الوالدة كثيرا في هاذ الموضوع و خرجنا بقرار ماكاش تصديرة و قاعة حفلات لتكاليفها الباااااهضة
ز زيد مانديرش الحنة خاطر المشاكل و الامراض النفسية الي يجو من وراها واحد مايقدرلهم
قصعة طعام نخرجها للجامع للبركة و دعاوي الخير و انا تهنيت
الي عجبو الحال عجبو و الي ماعجبوش ماعندي مانديرلو و ارضاء الناس غاية لاتدرك

[biti]

اولا قاعة الحفلات بالنسبة لي اقتصاد يعني قهوة شاي قاطو و السلام اما في البيت عد و زيد و الذهب كل واحد و مقدورو ودراهمو ماشي خسارة اما التصديرة تكري و لا تشري حاجة و لا زوج تخرج بيهم و الباقي فراش و امور اخرى تديهم تعمر دارها و السلام

[جيهان13091991]

أنا عن نفسي تعجبني التصديرة و خاصة في الشرق نشوفها مهمة المهم الواحد مايكثرش بزاف 4 حوايج وخلاص و دير حوايج لي راهي متأكدة راح تلبسهم من بعد و الكوافير ميش محتم كل لبسة بمشطة وحدة تكفي لكل السهرة ، أنا هدا رأيي الشخصي و كل واحد حر

[السي محمد]

شكراا لكم جميعا

اعلم ان المراة في الغالب لن تتنازل على التصديرة


و لكن على الرجال ا يقوم بثورة ضدها ههههههههههههه

[وردة أمل]

التصديرة عادي المهم تشري حوايج الثمن تاعهم مايكونش مبالغ فيه و تشري الحاجة لي تعرف روحها بلي تستغلها من بعد ماشي تاع دقيقتها برك لانو بزاف يتلهاو بالتصديرة و حوايج الدار يشروا حاجة قليلة بزاف,,,,,,,,,و نظن 4 و لا 5 يكفي ,,,,,,,,,والذهب تشري على حساب قدرتها و زيد كاين بزااااف لي تدير ذهب اختها و لا امها و لا تاعهم في زوج

اما تاع المشطة و الماكياج هاذي حنا ماعندناش تسريحة تكمل بيها كامل التصديرة و الماكياج يتبدل على حسب الضرورة لكن هذا ما يكلفش خلاص لانو العروسة هي التي تستعمل ادواتها

تبقى التصديرة كل وحدة و كيفاش كاين لي ماعلابالهاش بيها و كاين لي لازم ديرها ,,,,,بصح دوك ماراهيش كيما بكري و يلا داروا مايفوتوش 5



تبقى كل وحدة و كيفاه تعرف تتصرف في مثل هاذ الامور,,,,,,,,بصح هنا الراجل مش هو لي راح يشريلها الحوايج رايحة تشريهم بدراهمها ,,,,,يعني واش قلقوا يلا تتصدر و لالا و لا كاينة حاجة اخرى مارانيش عارفتها

[amirateljazayer]

فكرة جيدة جداااااااااااااااااااااااااااا
بانتظار المصادقة عليها والرجوع بالزمن الى الوراء حتى لا اضطرّ لاقتنائها اصلا هههههه

[chira-dz]

انا معك اخي و شكرا لك على الموضوع
ارى ان اعراسنا تبذير في تبذير و هذا كل من اجل ان يقال عرس بالطبع و ما الى ذلك
و لا يعرفون معنى لكلمة تبذير
حتى في موائد الطعام هناك تبذير و رمي للاكل كيما نقولو هذل كل من اجل الزوخ و هناك اناس تعاني من الجوع و من يموتون من الجوع؟؟؟ نعم يموتون من الجوع؟؟؟
يكفي ان نتذكر اخواننا في الصومال الذين لا يجدون لقمة تسد جوعهم و ما شابههم و لا تقولوا لي دعونا من المثاليات لانها هذه ليست بالمثالية و انما تقرير لامور في الواقع و المسلم اخ للمسلم فاين نحن المسلمون؟؟؟ و اين هي رابطة الاخوة في الدين؟؟؟

نعم تبذير في الحلويات ؟؟؟ التي لا تؤكل و انما لامتاع الناظر و فقط و ليقال و يقال
يعني انا ضد كل هذا التبذير
فقط اريد كيف كانت تقام اعراس الاولين من السلف الصالح؟؟؟ هل كانت مثلنا اليوم؟؟؟ لا اعتقد ابدا

و ربي يصلح الاحوال