حابة نفهم برك ؟

[كاميلا]

المشاركة الأصلية كتبت بواسطة سيهام

ما كاش واحد اولى من واحد اتقو الله في والديكم
من خلال قراءتي للموضوع احسست و كأن الوالدين اصبحو بمثابة عائق او ثقل الكل يتهرب من مسؤوليتو تجاهم
الكل مسؤول ذكر او انثى
و نزيد نقوللكم يا سعدو من تهلى في والديه
علاش الانثى ما تقدرش
لالا تقدر و لا باس مكاش اسباب كي هي تحب راجلها يحب
و ادا هانها على جال والديها معليش هذيك هي الجنة و حلاوتها
يا رب وفقنا باش نكوكونو بارين بوالدينا سواء كنا ذكرانا او اناثا

عذرا اختي فهمك على قدك والا كيفاش ؟؟؟؟؟؟؟ اني قمت بتحديد النقطة اللي اثرت فيها الاشكال ؟ احنا نطرحو في اشكال وحبيت نعرف راي الدين ماناش في المدينة الفاضلة حتى نجاوبوا اجوبة وردود خيالية هذا واقع البنت المتزوجة ماهيش هي اللي تصرف في الدار حتى تجيب والديها وتسكنهم والنسيب راح يرفض هاد الامر لانه مش والديه وراح يقولها كاين ولادها الذكور هوما اللي يرعاوهم هذا لاينفي انه البنت من واجبها رعاية والديها ولو كانوا في دار خوها تغسللهم ترعاهم فهمتي؟

[كاميلا]

المشاركة الأصلية كتبت بواسطة soso sirin

ربي يرحم جداتك ان شاء الله و يا ريت يحسو المشكل انو شي ناس قلوبهم ماتو .ايه الراجل موحال يشد والدين مرتو سوغتو اذا كانو كاين خواتها الرجال و هوما المسؤولين عليهم مي اختي كون هاذو خواتها فيهم دعوة الشر و مابغاوش يشدوهم و هي قايمة بوالديه و دايرتلهم في الدنيا دنيتين لانو هي تبغيه و باغية ترضيه هو في جالها مايقدر يدير والو مايقدرش حتا يتنازل شوية و يعاونها فيهم .انا اذا لا قدر الله تحطيت في هذا الموقف مع انو متاكدة من خواتي انو مايسمحوش في والديا مي اذا ربي قدر اصلا مانخليهمش يعيشو معايا لانو مانقبلش عليهم باه راجلي يولي يحسهم ثقال و لا يقولي كلمة عليهم نولي مخليتهم في دارهم عايشين و نتناوب عليهم انا و خواتاتي و اذا على المصروف يا اختي راهم بدراهمهم و اذا ماكفاهمش و ماكنتش خدامة هو بسيف عليه يصرف عليا امالا دراهمي انا نمدهملهم و هو ماعندوش الحق باه يقولي واش راكي ديري بيهم و اذا كان راجل تاع صح و الله رايح يعاوني باه نتهلى فيهم لانو انا ان شاء الله رايحة نتهلى في والديه و شوية مني و شوية منو و هي ماشية و غير مايسسيش و يقولي ختاري يا انا يا هوما .ولهلا يوصلنا حالة كيما هاذي ربي يعطي لوالديا الصحة و يخلي ولادهم الرجال يتهلاو فيهم و ربي يمدلنا رجال يعاونونا باه نتهلاو في والدينا.ربي يهدينا ان شاء الله يا اختي الشي الي رانا نسمعو بيه راه يشيب

صح اختي انا رايي كون نتحط في موقف كيما هكد الراجل هذا اللي يخيرني بينه وبين والديا نخليه ونخير والديا لكن حبيت نوه الى نقطة هل من حق النسيب يرفض تحمل هاد المسؤولية ؟ يعني انه يتكفل بيهم ويسكنهم ف يداره ويرعاهم ؟ خاصة انه هاد البنت المتزوجة متقدرش تصرف في دار راجلها لا ادري حبيت ناقش هاد الموضوع لكن نقولك الحقيقة الاغلبية من النسبان والله ميتحملوا هاد المسؤولية واحد في المية تلقايه مسكن عندوا والدين مرتو

[biti]

الولد ولا البنت كلهم مسؤولين بالنسبة للنسيب علاه يحب مرتو تتهلي في والديه و يطلب منها تنسى والديها وعلى فرض انو الذكور مكاش يعني ترميهم و بالنسبة للذكر الي يحب يتهلى في والديه يتهلى فيها كاين رجال و يغلسو لوالديهم مشي باه يتهرب من مسؤولية تاعو يلصقها في مرتو

[كاميلا]

المشاركة الأصلية كتبت بواسطة biti

الولد ولا البنت كلهم مسؤولين بالنسبة للنسيب علاه يحب مرتو تتهلي في والديه و يطلب منها تنسى والديها وعلى فرض انو الذكور مكاش يعني ترميهم و بالنسبة للذكر الي يحب يتهلى في والديه يتهلى فيها كاين رجال و يغلسو لوالديهم مشي باه يتهرب من مسؤولية تاعو يلصقها في مرتو

صح والله كاين ابناء دكور يغسلوا لوالديهم ويديرولهم كل شيء

[soso sirin]

المشاركة الأصلية كتبت بواسطة كاميلا

صح اختي انا رايي كون نتحط في موقف كيما هكد الراجل هذا اللي يخيرني بينه وبين والديا نخليه ونخير والديا لكن حبيت نوه الى نقطة هل من حق النسيب يرفض تحمل هاد المسؤولية ؟ يعني انه يتكفل بيهم ويسكنهم ف يداره ويرعاهم ؟ خاصة انه هاد البنت المتزوجة متقدرش تصرف في دار راجلها لا ادري حبيت ناقش هاد الموضوع لكن نقولك الحقيقة الاغلبية من النسبان والله ميتحملوا هاد المسؤولية واحد في المية تلقايه مسكن عندوا والدين مرتو

يا اختي الواقع راه كارثة القلوب قساحت بزاف و كون هو مايقبلش باه يشدهم من جهة نقدرو نعذروه لانو الاولة يقلها عندهم ولادهم الرجال و ماراهش رايح يتحاسب عليهم مي اذا كان انسان مليح و يبغي مرتو رايح يشدهم عندو يديرهم ناس مقطوعين من شجرة يديرهم ناس تجوز فيهم الصدقة ينسى بلي راهم عندهم ولادهم.والله كاين شي قصص الا الواحد يقول كون مايتزوج ما قلبو يضرو كيفاه الوالدين مساكين كانو يحرمو رواحهم من شي حوايج و تلقى الذراري كي يكبرو يحسو رواحهم دايرين حاجة كبيرة. والدين الطفلة كون يموتو و مايقبلوش يعيشو عند نسيبهم على هكا لازم المراة تكون ذكية و تتهلى في والدين الراجل تم والله راح يعاونها في والديها حتى و كون مايسكنوش معاه مي اذا كانو قراب ليهم يولي هو يديها لعندهم الا اذا كان افة تم والله ماعندها مادير.ربي يجيب الخير ان شاء الله و يهدي النسا باه يتهلاو في والدين الراجل و يهدي الراجل باه يدير قيمة لوالديه و يتاكد انو الوالدين مايتعوضوش اما المراة راهي تنصاب في كل دورة .شوفي يا اختي انا بابا كان دايمن يقولنا وحد الهدرة يقول انو الراجل هو الي يخلي مرتو تتهلى في والديه و بلا مايقلها انا بابا كان هو يتهلى في يماه على هكا ماما تهلات فيها بلا هو مايقلها كان دايمن يقول انو مكانش راجل يسيف على مرتو باه تتهلى في والديه مي اذا كانت بنت اصل و تبغي راجلها رايحة تتهلى فيهم و تاني بابا كان يموت على جداتي ام ماما و كانت هي تموت عليه و كانت تقلهم انا عندي نسيب واحد برك.امالا الواحد يدير باصلو و ربي راح يكون معاه و الي تتهلى في والدين الراجل ربي راح يبعث مرت اخ تتهلى في والديها

[amina2688]

المشاركة الأصلية كتبت بواسطة كاميلا

اكي فهمتيني واش نقصد اختي اني نهدر على السكن لانه النسيب موحال يقبل يعيش والدين زوجته خاصة ان كان هو معيش والديه ويقولك ماهمش مسؤوليتي

اي فهمتك حنونتي راني نعرف نهجي الحروف شوي ونفهم المعنى

وراني جاوبتك على السكن وقتلك : لازم يعيشو مع الابن لان النسيب في اغلب الاحيان ما يقبلش

واذا قبل ما لزمش يقبلوا هما ...........وقلت اذا صحبك عسل ما تكلوش بالكل....................

نظن انك ما فهمتيش ردي لسبب معين،او انك ما قريتيش ردي مليح اصلا كون انك مهتمة لقراءة

ردود الاعضاء الذين تعرفينهم او هناك اسباب اخرى؟؟؟؟؟؟؟؟؟

[*بسمة أمل*]

اظن ان احسن حل يعيشوا في منزلهم الخاص وطبعا يبقى معهم احد الابناء الرجال حتى يرعاهم، ومستحيل يلقاو راحتهم عند بنتهم المتزوجة مهما كان زوجها متفهم، لان الشعور بان شخص دار فيك مزية يبقى دائما ينغص حياة الشخص
والله الانسان لا يعرف قيمة الوالدين الا بعد ما يفقدهم
والدي لما توفي جدي -رحمه الله- قال اني اصبحت يتيم وقتها كنت صغيرة وصراحة لم تدخل في عقلي كيف رجل كبير وصاحب عائلة يقول اني يتميم
الى ان توفيت امي-رحمها الله- وجربت ما معنى
ان تفرح ولا تجد من يفرح لفرحك
وان تحزن ولا تجد صدرا دافئا تتكأ عليه
وان تمرض ولا تجد من يقول لك كيف حالك؟؟..........
..........................
.........................

[abou mustapha]

والله اعتقد ان الجميع مسؤولون عن الوالدين

سواء الذكور او البنات ;وعلينا حق رعايتهما







ربي ارضيهم علينا

[اسعى لرضى الله]

انا امي الوحيدة عند واليدها هي اللي هزتهم وتكفلت بيهم حتى ماتو وبابا جامي وقفلها في وجها وخلاها تقعد عندهم كي كانو مراض وزيد كنا نسكنو قراب عليهم

=========

انا ان شاء الله لا زوجت راح اول حاجة نتفاهم معاه عليها هو لا مرضت امي ولا بابا لازم نهزهم وديما نزورهم كيعاد هوما اولى عليا ومنرضاش لامي تهزها وحدة برانية كيعاد بالاك تقيسها بكلمة ولا تجرحها وزيد منظنش تصبر عليها كما نصبر عليها

واللي وليد فاميليا كوني اكيدة كما ميرضاهاش لوالديه ميرضاهاش لوالدين مرتو وميكونش عندو مانع انها تهز والديها كون يمرضو ولا يحتاجوها

[كاميلا]

المشاركة الأصلية كتبت بواسطة amina2688

اي فهمتك حنونتي راني نعرف نهجي الحروف شوي ونفهم المعنى

وراني جاوبتك على السكن وقتلك : لازم يعيشو مع الابن لان النسيب في اغلب الاحيان ما يقبلش

واذا قبل ما لزمش يقبلوا هما ...........وقلت اذا صحبك عسل ما تكلوش بالكل....................

نظن انك ما فهمتيش ردي لسبب معين،او انك ما قريتيش ردي مليح اصلا كون انك مهتمة لقراءة

ردود الاعضاء الذين تعرفينهم او هناك اسباب اخرى؟؟؟؟؟؟؟؟؟

ربي يهديك ردك انت من بين الردود اللي عجبتني وهاذي طريقتي كي رديت عليك قتلك اكي فهمتيني يعني الحمد لله كاين عضو فهم قصدي اني نتكلم على السكن

[كاميلا]

المشاركة الأصلية كتبت بواسطة حنان عيسى

اظن ان احسن حل يعيشوا في منزلهم الخاص وطبعا يبقى معهم احد الابناء الرجال حتى يرعاهم، ومستحيل يلقاو راحتهم عند بنتهم المتزوجة مهما كان زوجها متفهم، لان الشعور بان شخص دار فيك مزية يبقى دائما ينغص حياة الشخص
والله الانسان لا يعرف قيمة الوالدين الا بعد ما يفقدهم
والدي لما توفي جدي -رحمه الله- قال اني اصبحت يتيم وقتها كنت صغيرة وصراحة لم تدخل في عقلي كيف رجل كبير وصاحب عائلة يقول اني يتميم
الى ان توفيت امي-رحمها الله- وجربت ما معنى
ان تفرح ولا تجد من يفرح لفرحك
وان تحزن ولا تجد صدرا دافئا تتكأ عليه
وان تمرض ولا تجد من يقول لك كيف حالك؟؟..........
..........................
.........................

والله صح كاين البعض ميقدروش نعمة الوالدين غير بعد فوات الاوان اذا مدام والدينا مازالو عايشين لازم نغتانمو الفرصة ونراضيوعم ونديرولعم كل شيء يحبوه ربي يقدرنا

[كاميلا]

المشاركة الأصلية كتبت بواسطة اسعى لرضى الله

انا امي الوحيدة عند واليدها هي اللي هزتهم وتكفلت بيهم حتى ماتو وبابا جامي وقفلها في وجها وخلاها تقعد عندهم كي كانو مراض وزيد كنا نسكنو قراب عليهم

=========

انا ان شاء الله لا زوجت راح اول حاجة نتفاهم معاه عليها هو لا مرضت امي ولا بابا لازم نهزهم وديما نزورهم كيعاد هوما اولى عليا ومنرضاش لامي تهزها وحدة برانية كيعاد بالاك تقيسها بكلمة ولا تجرحها وزيد منظنش تصبر عليها كما نصبر عليها

واللي وليد فاميليا كوني اكيدة كما ميرضاهاش لوالديه ميرضاهاش لوالدين مرتو وميكونش عندو مانع انها تهز والديها كون يمرضو ولا يحتاجوها

ربي يطيحنا في وليد الفاميلا ويجعلنا من البارين بوالدينا خاصة كي يكبروا يارب ثبتنا

[redonne]

أنى نضن الأمر راجع للوالدين هما ووين يلقوا راحتهم شخصيا جدي بقى عندنى لأخر يوم في حياته ربي يرحموا على الرغم من أن الوالدة توفيت قبله ربي يرحمهىا صح كان خالي وولاده متهلين فيه مي كان صايب راحتوا عندنا

[amina2688]

المشاركة الأصلية كتبت بواسطة كاميلا

ربي يهديك ردك انت من بين الردود اللي عجبتني وهاذي طريقتي كي رديت عليك قتلك اكي فهمتيني يعني الحمد لله كاين عضو فهم قصدي اني نتكلم على السكن

اسفة اذا اختي لاني فهمت العكس من كلامك وحسيت ان ما قريتش ردي اصلا

اسفة مرة اخرى

[كاميلا]

المشاركة الأصلية كتبت بواسطة redonne

أنى نضن الأمر راجع للوالدين هما ووين يلقوا راحتهم شخصيا جدي بقى عندنى لأخر يوم في حياته ربي يرحموا على الرغم من أن الوالدة توفيت قبله ربي يرحمهىا صح كان خالي وولاده متهلين فيه مي كان صايب راحتوا عندنا

صحيح كل ما قلته بارك الله فيك