الارز الارز الارز رايح يهبلني واعععععععععععع.

[الجزائرية المحبوبة]

كاين روز مفور يتباع في الاسوواق يطيب عادي
اما الثانى لما طيبه ضعيه في كسكاس يقطر وصبى عليع ماء بارد راه يحكم روحوا فقط

[midia4]

اختي اى درتي روز مرقة انا نحمصه في زيت من بعد كي نشوف المرقة قربت طيب نزيدهلها و نخليه ينضج في خاطره لانه هو لي يخلي مرقة تترقد .اما كي نديره سلاطة نغلي ماء+ملح+زيت مليح و و نضيف كاس روز و نقص عليهم نار و نغطيهم نخليه حى ينشف يشرب هاداك الماء و يخرجلي الله يبارك جربي و رديلي

[nokia111]

هدي وصفتي الخاصة خدي حبة بصل كبيرة ولا زوج صغار قطعيهم مربعات صغار ومليح ديرهم في طاجين ولا لاكيكوت المهم يكون شوية تقيل خليه يتقلا في شوية زيت حولي3مغارف كبار خليهم يتقلاو مليح ونتي تحركي حتا تشوفيه دبال زيدي مغرف مرغرين وديري الروز اي نوع المهم الابيض مشي المفور نقصي للنار وقعدي تحركي وحد 5 دقائق ديري الملح والفلفل الاسود وشوية سكنجبير والكركم ولا معندكش الكركم ديري زعفران وخلطي على نار هادئة المهم كل كاس روز ديري معاه كاس ونص ماء يكون غالي ورقة رند وزيدي للنار حتى يغلى نقصي للنار غطيها وخليها على النار بلا ماتحلي عليها وحد نصف ساعة ويكون ناقص بزاف ويلا حبيتي البنا تكون الكتر ديري لبول تاع اللحم او الجاج وخليهم يطيبو معاه راه يجيك بنين على ضمانتي

[Golden Princess]

غلي الماء و زيديلو المليح و شوية زيت و اريمي الارز تاعك

[jijou g]

اخواتي هدي طريقة مضمونة100في100اغلي الماء ارمي فيم الملح ثم الروز حركيه خليه نص طياب يعني حوالي 7دقائق صفيه و اغسليه و خليه يتقطر اغلي الماء من جديد حطي الروز في كسكاس و فوري الروز حتى النضوج و الباقي معروف و من بعد مش رح تخافيه ابدا مضمون

[ام الهضاب]

السلام عليكم اخوات العزيزات انا مجربة كل انواع الروز تقريبا و احسنهم الف مرة هو الروز البسمتي يباع في السوبارات ب 220 دج للكلغ صحيح غالي نوعا ما لكنه ما يعجن ما يتكسر ما يلصق هذه وصفة سهلة و لذيذة في صحن عميق حكي حبة بصلة و 2 حبات متوسطين طماطم و قطعي ربطة معدنوس و ربطة دبشة و نصف فلفل حار و ملح و فلفل اسود و قطعي معهم نصف صدر دجاج او سكلوب ني ثم ضفي كاس روز اخلطي كل شيء ثم حطيه يفور 2 تفورات لا تنسي تغلقي الكسكاس بلمغط بعد الفورة 2 اضغطي اعلى حبة الروز اذا طابت دريلها ملعقة كبيرة زبدة و اذا ما طابتش خليه على النر حتى يطيب و الله بنين وخفيف بزاف

[amina-31]

نعطيلك طريقة مليحة كاين روز لصفر وكاين لببيض ليتعجن
لصفر شمخيه في ماء دافي مدة 30د
لبيض غسليه ديراكت ورميه
في مقلاة فيها زبدة قلي فيها روز حتى يتبدل لونه وفي نفس الوقت رامي محضرة ماء مغلي باش تمرقي ارز
بالنسبة للاصفر كاس رز يتطلب 2 كيسان ماء غالي وخليه 20 د يطيب على نار قليلة وما تفتحيش مقلاة ولا طنجرة كي تكمل المدة خليه يبقى 5د ومن بعد فتحي وقلبيه بلطف من لتحت للفوق وديريله لاصوص لي تحبيها تقدري تمرقيه بلاصو مكان الماء كيما تبغي
كاس رزل 2 كيسان ونصف ماء مدة 15د و نفس الطريقة
جربي ورجعيلي خبر

[hnina]

مهما تكون نوعية الارز كيما طيبيه قطريه فالكسكاس وصبي عليه الماء البارد
هاكا يجيك كل حبة وحدها وبصحتكم كلكم