هل أنتم مع ظاهرة زواج بالأروبيات -سؤال للرجال- - الصفحة 3

Zakyy · 2012-09-02, 22:27

سلام....
هل قل الجمال في بلادي حتى أتزوج بأوروبية!!!!
ربي يخلينا بنات البلاد

badrolastar · 2012-09-02, 22:40

تعلمون جيدا ان فتاة جميلة في الجزائر لن يتزوجها الى ثري اما فتاة جميلة اوروبية يمكن للفقير الزواج بها فالاوروبية تؤمن بمصطلح الحب والجزائرية تؤمن بمصطلح المادة و العيش الكريم كما يقول المثل النسوي "لي ما عندو فلوس كلامو مسوس"

BAROUD · 2012-09-02, 22:44

فكرة مليحة اني نخمم فيها !!!

hichem.f · 2012-09-02, 23:16

يجماعة انا راني في المانيا ندرس كاين اوروبيات مشاء الله

كافرات لكن اخلاق عاليا يمكن يتقبلو الاسلام اذا عرفت كيف تقنعها

ويدرسو معيا عربيات منهم من الجزائر دايرين الكوارث خمر ملاهي ليلية وكلهم بنات القيادات تاع العرب

المهم الزواج مكتوب يمكن تتزوج جزائرية وفي الاخر تتطلق ويمكن تتزوج اوروبية و ينجح الزواج وعكس صحيح

كل واحد واش كتبلو ربي

yamato · 2012-09-02, 23:24

شكراا لجميع على تفاعلكم مع موضوع بصارحةهدفي من موضوع باش نوعي شباب الي يقوم بحرقا لأوربا بينما كاين كنز اممنا في مواقع الإجتماعية يعني أحسن ما تروح تحرق للمجهول يدبر وحدة أوربية يدخلها لإسلام هذا ماهوش صعب عن تجربة. اوربيات عندهم تفكير اخر عنا . لي يحب يتعرف بالأوربيات كاين بزاف مواقع و إذا حب نبعثله و أقولها الأن أنا دخلت و حدة اوربية لإسلام وراني أفتخر بذالك . فيما يخص هذا موضوع موجه لرجال فقط .النساء رانا نعرفو موقفهم -_-

abdou_7 · 2012-09-02, 23:33

لي فيها خير .. كل واحد واش مكتبلو ربي ..

ربي يصلحنا و يسهل على شباب المسلمين الزواج و إتمام نصف الدين ..

مناد بوفلجة · 2012-09-03, 10:31

ما عرفنا

واش راكم حابين ، و لا مع من تفلحوا ؟

مع السوريات

أم الأووبيات

أم الجزائريات

أم ربما في مستشفى المجانين !!!!!

مناد بوفلجة · 2012-09-03, 10:39

نعطيكم نصيحة ،

شوفوا وحدة صومالية

علابالكم بنات الصومال ، ملتزمات و الله يبارك ، أغلبهن بحجاب شرعي
و أخلاق و تدين

صبارين على الجوع و الفقر

و فيهن اليتامى و المساكين

و لكم أجر كبير عند الله بالزواج بهن

تجيبها للجزائر ، كن متأكد بأنها لن تسألك إن كنت فقير

و لن تسألك إن لم تستطيع توفير مصروف عشاء أو غذاء

فهن صبارات و مصابرات

تجيب ليها القمح و الشعير في سنابله
تصنع لك منه :
الدقيق
الطعام
الخبز

يعني ، كن متهني

فإن كنتم تحبون الآخرة ، فعليكم بفتاة صومالية على سنة الله و رسوله

و إن كنتم تحبون الدنيا ، فإفعلوا ما تشاؤون

فــ الله سبحانه ، يعلم النويا ، ما ظهر منها و ما بطن

هذه نصيحتي مني لكم

إن شئتم ، خذوها
و إن لم تشاؤوا ، فأنتم أحرار

اللهم إني بلغت
اللهم إني بلغت

دادا22 · 2012-09-03, 11:46

اقتباس:

المشاركة الأصلية كتبت بواسطة yamato

السلام عليكم

لا يخفى علينا يوم إنتشار مواقع تواصل الإجتماعي وكثرتها للذالك أصبح عالم قرية صغيرة نتيجة لذالك ظهرت مؤخرا ظاهرة زواج شباب ببنات اوربيات و اجنبيات و انى سأتطرق لزواج من بنات اوربيات المسلمات و ليس مسيحيات أو غير ذالك فهناك من يعتبر الشاب الذي يتزوج بفتاة اوربية مسلمة كانه خائن لبلده ووطنه هل أنتم معى هذه نظرة أنا شخصيا ظد هذه نظرة لان تزوج بفتاة اروبية و ادخالها لإسلام أرهاعملا رائعا و جيدا فاروبيون يحاربون إسلام في ديارنا و نحن نقوم بألإدخال إسلام من خلفهم و إلى ديارهم

السلام عليكم

واحد قا ل لزوجته لبنان وسوريا زادت نسبة النساء كثيرا على نسبة الرجال
بسبب الحروب الاهلية و الثورات
ما قولك لو نتزوج بواحدة او اثنين منهن لسترهن والله لا يضيع اجر المحسنين

فقالت له اقبل ولكن واحدة من الصومال واخرى من لبنان
وان اردت 2 لا مانع ولكن مثل عددهن يجب ان يكون من الصومال
التي انهكتها الحروب الاهلية وبقيت النساء بلا رجال
فقال لها اسحب ما قلته ههههههههههههه
والفاهم يفهم
دمتم في رعاية الله

Alpa · 2012-09-03, 11:52

انا مع زواج من اوروبيات حتى بدون الدخول في الاسلام

همسة مشاعر · 2012-09-03, 17:13

انا مقلتش هن بلا مشاعر انا قلت الاشباب العربي او الجزائري يتزوج من نساء غربيات ومن بعد يجي يقلك نحوس على بينت بلادي باش نتزوج ونجيب ولاد كيما نحب وتخليني نروح للبلاد نشوف اهلي

~~لا أدري~~ · 2012-09-03, 19:24

لا مع و لا ضد و لكن في ضل الظروف الحالية لا اعتقد انني سأتزوج بجزائرية

yamato · 2012-09-04, 09:50

لا أختي أنتي مخطئة لم أرى لحد ساعة شخص تزوج في أروبا و راه يحوس يعاود زواج في جزائري مع وحده جزائرية هذه خيانة و هذا تزوجها للمصلحة فقط أنا أؤمن زواج مرة وحدة يأتي من حب و تفاهم و مهما كان أوربية و لا جزائرية مهم إخلاص هذو يشوهو صورتنا عندهم هي وثقت فيه و غيرت دينه و دخلت إسلام ثم يروح يتزوج باجزائرية هذي خيانة

aminerag · 2012-09-04, 11:32

اقتباس:

المشاركة الأصلية كتبت بواسطة yamato

لا أختي أنتي مخطئة لم أرى لحد ساعة شخص تزوج في أروبا و راه يحوس يعاود زواج في جزائري مع وحده جزائرية هذه خيانة و هذا تزوجها للمصلحة فقط أنا أؤمن زواج مرة وحدة يأتي من حب و تفاهم و مهما كان أوربية و لا جزائرية مهم إخلاص هذو يشوهو صورتنا عندهم هي وثقت فيه و غيرت دينه و دخلت إسلام ثم يروح يتزوج باجزائرية هذي خيانة

نعم يااخي هذي خيانة ولتزوج اوربية ودخلها لاسلام ويطلقها من بعد هذا راه شوه صورة لاسلام

والمراة لتتزوج رجل من هذا النوع راها رايحا تعاني معه

همسة مشاعر · 2012-09-04, 19:11

اقتباس:

المشاركة الأصلية كتبت بواسطة yamato

لا أختي أنتي مخطئة لم أرى لحد ساعة شخص تزوج في أروبا و راه يحوس يعاود زواج في جزائري مع وحده جزائرية هذه خيانة و هذا تزوجها للمصلحة فقط أنا أؤمن زواج مرة وحدة يأتي من حب و تفاهم و مهما كان أوربية و لا جزائرية مهم إخلاص هذو يشوهو صورتنا عندهم هي وثقت فيه و غيرت دينه و دخلت إسلام ثم يروح يتزوج باجزائرية هذي خيانة

والله هذا هو الواقع