الله يجازيكم عاونوني راني حايرة وباه نهبل - الصفحة 3

وهمُـ الأقنعة~ · 2012-07-31, 00:00

اقتباس:

المشاركة الأصلية كتبت بواسطة بنت الحجاج

مزلتي تقولي نبغيه

خلاص

أقعدي استناي حبيبك

هاذا اذا كان ناويكْ!!!

أحسن من أنني نتزوج براجل منبغيهش وانا خاطيني هاديك نتاع بعد مانعرفوا نبغيه
انا نبغي الشخص قبل منعرفوا

soso sirin · 2012-07-30, 20:03

انتي راكي دايرة مشكل روحك السيد قالك مانتزوج بيك هاراه مسكين دار الي عليه القرايا في الشلف عادي كيما هي كيما في اي ولاية الزواج راكي تقولي لالا.امالا نقلك الحل وين راه قنعي والديك بلي انتي راكي باغية تقراي في الجزاير و اذا ماقبلوش قراي في الشلف و مع كي تدخلي للجامعة وتلهاي في القرايا راح تنساي هذا الشخص مي نقلك حاجة انتي الي راكي دايرا مشكل روحك امالا عاوني روحك بروحك لانو مكانش الي يقدر يعاونك

وهمُـ الأقنعة~ · 2012-07-30, 20:10

والله غير عندك الحق انا راني دايرة هذا المشكل لروحي بصح الله غالب تعلقت بيه بزاااااف
المشكل مراهش فيه هو راه فيا انا الي مرانيش قادرة ننساه في بعض لوقات نكون قاعدة نخمم فيه وسورتو في الليل حتى نقول لروحي آسكو هو يدير عليا كيما راني دايرة انا عليه
من سابع المستحيلات وعلى هكذاك ديما نرقد ودمعتي على خدي

نبغي ندير هاديك نتاع نعفس على قلبي و...و..و......بصح منقدرش دايما نرجع للوراء ونحس روحي نزيد نبغيه اكثر واكثر

راني ندعي في ربي ايلا فيه الخير الله يقدموا وايلا فيه الشر الله يبعدوا هذا منقدر نقول
باسكو في الدار كامل عارفيني وعلابالهم بيا ومام هوما مقدروش يجاوبوني قلت نروح للجلفة بالاك نصيب الي يفهمني
وان شاء الله كامل تقدروا تعاونوني

سلآمـ
وصح فطورك حنونتي

soso sirin · 2012-07-30, 21:08

تعرفي ختي والله غير راني حاسة بيك .مي شوفي انتي السيد راكي راسماتو في عقلك و بلاك الشخص الي راكي متخيلاتو ماشي هو الي في الصح ضروك لازم عليك تنسايه و تقدري تنسايه ان شاء الله تعرفي علاه راكي متعلقة بيه لانو هو قالك مانديكش كون هو الي قالك نتزوج بيك كون قلتيلو لالا الله غالب هذا الشي فينا الحاجة الي ماندوهاش ماعلاباليش علاه نزيدو نحوسو عليها كثر و نجرو موراها كثر. و الراجل راه مليح بزاف كي راه قالك و راكي طحتي في انسان مليح كون جا مايصلحش و الله كون تمسخر بيك .الشي الي نقولهولك انو الحل راه في يديك نسايه و لهاي في شي حاجة بلاك راه عندك فراغ برك و مالقيتيش شخص وخدخر غدوة ان شاء الله تدخلي للجامعة راح تلهاي و تقدري تنساي .و كل ماتخممي فيه قولي روحك هو مايبغينيش و ماراحش يبغيني و الدنيا هاذي ماشي غير حب برك و نقلك حاجة اصلا هاذا ماشي حب نيشان انتي راكي تخمي بقلبك و مازالك صغيرة و الدنيا راهي قدامك .راني جيت رديت عليك ضروك لانو والله كي قريت ردك اثرتي فيا بزاف لازمك تعاوني روحك باه الناس يقدرو يعاونوك لانو هذا الشي راه في دماغك انتي و انتي الي راكي قانعة روحك بهذا الشي و ربي يجيب الي فيه الخير و يهدي سرك ان شاء الله و صح فطورك

ghost_4d · 2012-07-30, 23:24

هنا يظهر غباء النساء !!

وهمُـ الأقنعة~ · 2012-07-31, 00:02

اقتباس:

المشاركة الأصلية كتبت بواسطة ghost_4d

هنا يظهر غباء النساء !!

قاع كنا نقولوا منطيحوش وكان الجن الطاير ميطيحناش ني شبوب ني دراهم ني عقلية
بصح جاني نهار الي استسللمت وطحت الله غالب
ملاحظة تأدب في هدرتك

مريم الصابرة · 2012-07-31, 18:31

اقتباس:

المشاركة الأصلية كتبت بواسطة ghost_4d

هنا يظهر غباء النساء !!

السلام عليكم خويا ماكانش لازم تقول هكذا
المرأة اللي راك تقول عليها عبية ولداتك واختك ومرتك وبنتك هذي طرحت مشكلة عندها ما عجبكش الحال عادي ما تردش ولكن ما تقولش عباء المرأة اكدي لما نمدو فرصة لراجل يستهزا بينا رانا اكبر غبيات شكرا صحا فطورك

mohaa47 · 2012-07-31, 00:45

ما هذا الكلام الذي تقولينه ..............عيب و عار ..........أحبه ..........ولا أتزوج..............هذا ما رباوك والديك...........

وهمُـ الأقنعة~ · 2012-07-31, 00:49

اقتباس:

المشاركة الأصلية كتبت بواسطة mohaa47

ما هذا الكلام الذي تقولينه ..............عيب و عار ..........أحبه ..........ولا أتزوج..............هذا ما رباوك والديك...........

أخطينا ماتفريميش خويا
ايلا معجبكش الموضوع اخرج والا هذا الرد ............

متدخلش في الدين الذيق خير لكـ
سلآمـ

دادا22 · 2012-07-31, 17:16

اقتباس:

المشاركة الأصلية كتبت بواسطة وهمُـ الأقنعة~

السلام عليكم
صح رمضانكم نتمنى تكونوا بخير

والله الا راني حايرة وباه نهبل وان شاء الله نصيب عندكم الحل

انا بنت عمري 19 عام هذا العام جبت الباك انا نسكن في ولاية شلف واخترت انني نقرا في الجزائر درت تخصص نبغيه بزاف بصح والديا وكامل لافامي راهم معارضين باه نقرا خارج ولايتي راكم عارفين حالة الاقامة والترونسبور

راهم يقولولي ايلا مراكيش باغية تقراي اتزوجي مع العلم انه عندي شخص نبغيه بزاف منقدرش نوصفلكم شحال نبغيه وعلى حساب منعرف هو تاني يبغيني بصح افار نتاع تكون بيناتنا علاقة هادي موحال باسكو كاين اسباب لا داعي لذكرها أحسن

وغير في هادوا ليام تقدم ليا واحد يسكن خارج الولاية نتاعنا قالولي كامل اقبلي بيه
وانا كيما العادة دائما ندير السبة بقرايتي غير باه منتزوجش باسكو كيما قلتلكم من قبل عندي واحد نموووت عليه

بصح هادي المرة الحيلة نتاعي نتاع القراية مخرجتش عليا باسكو هذاك الراجل الي تقدملي قالي نخليك تقراي يا لوكان 5 سنين
على حساب مشفتهم يتبعوا فيا ومام هو تاني قاللهم مانيش باغي نسمح فيها
انا قلتلهم مدام عندي واحد نبغيه منقدرش نروح عند واحداخر
بصح قالولي راكي تقولي موحال باش المكتوب يجمعنا شتا راكي تستناي

والله يا جماعة ألا تخلطتلي وراني حـــــــــــــايرة
الله يرضى عليكم عاونوني ولو بالقليل

ملاحظة الشخص الي نبغيه منقدرش ننساه عزيز عليا كيما بابا

بكل بساطة و امانة نصح
الحب الحقيقي هو العشرة بعد الزواج
اما ما تحكي عليه ما هو الا نروات و خيال شباب
وستذكرين نصيحتي لما تتروجي
الله يوفقك الى الحلال ان كنت ترغبين فيه

وهمُـ الأقنعة~ · 2012-07-31, 17:23

اقتباس:

المشاركة الأصلية كتبت بواسطة دادا22

بكل بساطة و امانة نصح
الحب الحقيقي هو العشرة بعد الزواج
اما ما تحكي عليه ما هو الا نروات و خيال شباب
وستذكرين نصيحتي لما تتروجي
الله يوفقك الى الحلال ان كنت ترغبين فيه

حاجة باينة كل واحد فينا يتمنى الحلال ويحوس يتجنب الحرامـ
إن شاء الله نتفكرك وهادي باينة بعد سنوات لانه 19 سنة مازال الحال عليا
تقدر تقول 3 ولا 4 سنين çava
ربي يجازيك
صح فطوركـ

karimblida · 2012-07-31, 17:23

اقتباس:

المشاركة الأصلية كتبت بواسطة دادا22

بكل بساطة و امانة نصح
الحب الحقيقي هو العشرة بعد الزواج
اما ما تحكي عليه ما هو الا نروات و خيال شباب
وستذكرين نصيحتي لما تتروجي
الله يوفقك الى الحلال ان كنت ترغبين فيه

نعم أظن أن الامور تسير على هدا النحو

وهمُـ الأقنعة~ · 2012-07-31, 17:30

اقتباس:

المشاركة الأصلية كتبت بواسطة karimblida

نعم أظن أن الامور تسير على هدا النحو

مام انا نظن هكذا
ربي يحفظك خويا كَريمْـ

soso sirin · 2012-07-31, 18:26

نقلك حاجة اختي و الي بلاك راه رايح يريحك ان شاء الله كملي قرايتك و لهاي فيها و مع الوقت ان شاء الله راح تقدري تنسايه هذا الشخص لانو من كلامك انتي اصلا ماراكيش تخممي في الزواج و انا اصلا راني نشوف فيك صغيرة كيما قلتي نتيا 19 سنة الدنيا مازالها قدامك ربي يسهلك الي فيها الخير ان شاء الله و صح فطورك

وهمُـ الأقنعة~ · 2012-07-31, 19:35

اقتباس:

المشاركة الأصلية كتبت بواسطة soso sirin

نقلك حاجة اختي و الي بلاك راه رايح يريحك ان شاء الله كملي قرايتك و لهاي فيها و مع الوقت ان شاء الله راح تقدري تنسايه هذا الشخص لانو من كلامك انتي اصلا ماراكيش تخممي في الزواج و انا اصلا راني نشوف فيك صغيرة كيما قلتي نتيا 19 سنة الدنيا مازالها قدامك ربي يسهلك الي فيها الخير ان شاء الله و صح فطورك

الله يجازيك أختي مريم انت واه راكي حاطة معايا وكلامك رزين وهذا الرد كمل واش كنت باغية نوصل وراكي عارفة الناس يأثر بزاف وسورتو دارنا
ألي فيها الخير الله يقدمها
مرسي حنونة وصح فطورك
سلآمـ