ما رايكم في زوج ....... - الصفحة 3

arbodar · 2012-07-11, 13:31

اقتباس:

المشاركة الأصلية كتبت بواسطة fifisara

راني نشوف فيك ملي دخلت أخويا راك جايبها مورا لبنات في المنتدي ؟؟؟؟

هههههههه اضحك الله سنك
انا كلام لي قلته كنت نقوله سواء لرجل او لمرأة
ولا راكي تشوفي في كلامي لي قلتهولها ينطبق على البنات برك؟
انا ما نعرفك لا انتي ولا بنات المنتدى و لا غيرهم انا فقط هنا اعلق كالبقية

اسعى لرضى الله · 2012-07-11, 12:52

اقتباس:

المشاركة الأصلية كتبت بواسطة miwake

فهمولي برك يرحم والديكم وين راكم عايشين
هدرت مع زميل لها في الخدمة خطأأأأأأ !!!!!!!
عندنا مرات ماما كي ما تديش معاها سيارة، زميلها في اللخدمة يوصلها حتى للبيت
و بابا ادا كان فالدار يشكرو
ما فيها حتى عيب
الانسان وليد بيئته و كل شخص له قناعات و افكار تختلف عن الاخر فمثلا ان امي ايضا لها سيارة و تعمل لكن هي ما تركبش في السيارة مع زميلها هذا عيب و حرام و العكس صحيح ابي ما يركبش معه زميلة هذا عيب حتى اذا كانت هناك ثقة كبيرة جدا بين امي و ابي هناك حدود واضيف شيئ انا سفرت الى فرنسا و اسبانيا و استطيع ان اقول ان حتى الرجل الاجنبيى و رغم انه غير مسلم الا انه يكراه كيشوف زوجته او صديقته راكبة مع زميل لها في العمل و العكس صحيح
فالكلام بين رجل و المراة في العمل في اطار الاحترام يمكن قبوله لكن الركوب الرجل متزوج مع زميلته و ركوب المراة مع زميلها وهي متزوجة هذا عيب حتى عند الغرب
فامي و اختى غير متحجبتان و ربي يهديهم لانهم مايدخلوش الجنة و انا نصحتهم ودرت الواجب بتقديم النصحية لكن ركوب امي او اختي مع زميل او ركوب ابي مع زوميلته هاذي ممنوعة في عائلتي لانها عيب و حرام وخط احمر لايجب ان ننسى اننا مسلمين

يعطيك الصحة اخي الكريم

ياو الكفار مش يديرو واش رانا نديرو دك ويقولك رانا متقدمين واش من تقدم بلا قران وسنة

اصلا كلمة زميل كلمة دخيلة في مجتمعنا تاع بكري كون يشوف راجل عند مرتو برك يقتلو خلي يا تركب معاه يقتلو هو وهي

نقولك يروحو يروحو ويرجعو للقران والسنة كيعاد انا منستعرف بحتى حضارة متمشيش مع دينا

وخلي يقولو معقدة هيه معقدة ونص و25 المهم ربي يكون راضي عليا وانا راضية على واش ندير

سارة البوسعادية · 2012-07-11, 12:58

اقتباس:

المشاركة الأصلية كتبت بواسطة اسعى لرضى الله

يعطيك الصحة اخي الكريم

ياو الكفار مش يديرو واش رانا نديرو دك ويقولك رانا متقدمين واش من تقدم بلا قران وسنة

اصلا كلمة زميل كلمة دخيلة في مجتمعنا تاع بكري كون يشوف راجل عند مرتو برك يقتلو خلي يا تركب معاه يقتلو هو وهي

نقولك يروحو يروحو ويرجعو للقران والسنة كيعاد انا منستعرف بحتى حضارة متمشيش مع دينا

وخلي يقولو معقدة هيه معقدة ونص و25 المهم ربي يكون راضي عليا وانا راضية على واش ندير

نستعرف بيك
الدين هو الدين ماناش رح نعولموه ونطوروه قالك صالح لكل زمان ومكان
واكثر مانكره الي يجي يبالط في الدين ويلقالي في الثغرات ويقلك نورمال

محب السلف الصالح · 2012-07-11, 12:36

مقال رائع عن نقطه مهمه في حياة كل زوجين أعجبني ونقلته للفائده

لا يخلو شخص من نقص ، ومن المستحيل على أي زوجان أن يجد كل ما يريده أحدهما في الطرف الآخر كاملاً.. كما أنه لا يكاد يمر أسبوع دون أن يشعر أحدها بالضيق من تصرف عمله الآخر، وليس من المعقول أن تندلع حرب كلامية كل يوم وكل أسبوع على شيء تافه كملوحة الطعام أو نسيان طلب أو الانشغال عن وعد "غير ضروري" أو زلة لسان ، فهذه حياة جحيم لا تطاق!

ولهذا على كل واحد منهما تقبل الطرف الآخر والتغاضي عما لا يعجبه فيه من صفات ، أو طبائع ،

وكما قال الإمام أحمد بن حنبل "
تسعة أعشار حسن الخلق في التغافل"

وهو تكلف الغفلة مع العلم والإدراك لما يتغافل عنه تكرماً وترفعاً عن سفاسف الأمور .

والحسن البصري يقول: "
ما زال التغافل من فعل الكرام".

. وبعض الرجال – هداهم الله – يدقق في كل شيء وينقب في كل شيء فيفتح الثلاجة يومياً ويصرخ لماذا لم ترتبي الخضار أو تضعي الفاكهة هنا أو هناك ؟! لماذا الطاولة علاها الغبار ؟! كم مرة قلت لك الطعام حار جداً ؟! الخ وينكد عيشها وعيشه !!

وكما قيل : ما استقصى كريم قط ، كما أن بعض النساء كذلك تدقق في أمور زوجها ماذا يقصد بكذا؟ ولماذا لم يشتر لي هدية بهذه المناسبة؟ ولماذا لم يهاتف والدي ليسأل عن صحته؟ وتجعلها مصيبة المصائب وأعظم الكبائر.. فكأنهم يبحثون عن المشاكل بأنفسهم !!

كما أن بعض الأزواج يكون عنده عادة لا تعجب الطرف الآخر أو خصلة تعود عليها ولا يستطيع تركها – مع أنها لا تؤثر في حياتهم الزوجية بشيء يذكر – إلا أن الطرف الآخر يدع كل صفاته الرائعة ويوجه عدسته على تلك الصفة محاولاً اقتلاعها بالقوة.. وكلما رآه علق عليها أو كرر نصحه عنها فيتضايق صاحبها وتستمر المشاكل.. بينما يجدر التغاضي عنها تماما ً، أو يحاول لكن في فترات متباعدة، وليستمتعا بباقي طباعهما الجميلة.. فلنتغاضى قليلاً حتى تسير الحياة سعيدة هانئة لا تكدرها صغائر، ولتلتئم القلوب على الحب والسعادة، فكثرة العتاب تفرق الأحباب.
يادرويش من يحسب الشريك لد له وضده بكل شي فهو حتما يعيش حياة قاتله

من ينسى ان الشريك هو عمر بكل مافيه وحق من حقوقه الأحترام ودمح الخطأ فهو لايقدر معنى الزواج!!

الزواج الصحيح دمح وتنازل وتقدير كل موقف للشريك

من يتبع كل زله وكل هفوه وعدم تناسيها فهو شقي ...

درويش أصلح الله بيتك وعمره بالرضا والحب والأحترام اللهم أمين...ورزقك الهي الذريه الصالحه البارة

rayan mimi · 2012-07-11, 12:47

انه رائع رائع لوكان تلقاولي واحد قولوليهههههههههههههههه

اسعى لرضى الله · 2012-07-11, 12:53

اقتباس:

المشاركة الأصلية كتبت بواسطة rayan mimi

انه رائع رائع لوكان تلقاولي واحد قولوليهههههههههههههههه

راهم يطايشو غير متخافيش ههه

SOUSOU. DZ · 2012-07-11, 13:01

اختي زعما هدا راجل ؟؟؟؟؟؟؟؟؟؟؟؟؟؟؟؟؟؟؟؟؟ والله غير هدا وحدو يخا كيفاش هدا مايغيرش عليها ولا واشنو ربي يهدي ماخلق

اسعى لرضى الله · 2012-07-11, 13:31

اقتباس:

المشاركة الأصلية كتبت بواسطة sousou. Dz

اختي زعما هدا راجل ؟؟؟؟؟؟؟؟؟؟؟؟؟؟؟؟؟؟؟؟؟ والله غير هدا وحدو يخا كيفاش هدا مايغيرش عليها ولا واشنو ربي يهدي ماخلق

واش من رجال ربي يهديك راهم في الانقراض دك تلقاي راجل في 100 واحد انا والله نخير نريح بلا زواج ومنزوجش مع واحد كي هدا ولا امثالو

Rihanna · 2012-07-11, 13:13

je n'ai rien à dire
en tous cas pour nous, nous n'avons guerre ce genre de complexe
mais apparemment nos mentalités et nos modes de vie sont très différents

اسعى لرضى الله · 2012-07-11, 13:27

اقتباس:

المشاركة الأصلية كتبت بواسطة rihanna

je n'ai rien à dire
en tous cas pour nous, nous n'avons guerre ce genre de complexe
mais apparemment nos mentalités et nos modes de vie sont très différents

يا اختي معنديش تعليق والله انا قلتلك

اللي ميمشيش على واش جا في القران والسنة هو المعقد والمتخلف كوني اكيدة

حضارة بدون ما قالو الرسول صلى الله عليه وسلم وقالو القران مااااااااهيش حضارة ويجي نهار ينهار كلش

كون يكون الرسول صلى الله عليه وسلم بيناتنا ميلقا واش يقول

ياو راهم الكفار دخلو للاسلام قالولنا حرام عليكم عندكم دين جا فيه كلش علاه بغيتو تعاندو حضارتنا راها تاااافهة

سارة البوسعادية · 2012-07-11, 13:30

اقتباس:

المشاركة الأصلية كتبت بواسطة Rihanna

je n'ai rien à dire
en tous cas pour nous, nous n'avons guerre ce genre de complexe
mais apparemment nos mentalités et nos modes de vie sont très différents

السؤال الي يطرح نفسو مسلمين نتوما ولا لا؟؟
ماتقوليلي معقدين ماتقوليلي اسلوب حياتنا مختلف

أم لجيـن · 2012-07-11, 13:36

اقتباس:

المشاركة الأصلية كتبت بواسطة rihanna

je n'ai rien à dire
en tous cas pour nous, nous n'avons guerre ce genre de complexe
mais apparemment nos mentalités et nos modes de vie sont très différents

الحمد لله منفهمش حرف بلفرونسي ...........