احتاجك اخي الرجل

[soso sirin]

المشاركة الأصلية كتبت بواسطة الواثق

شكرا اختي لكن لااتفق معك في بعض النقاط ............

اول شيء لاتوجد علاقة بريئة وعلاقة غير بريئة فاصلا لاتوجد علاقة قبل الزواج وان كان فيها كلام جميل ومواضيع راقية وليس فيها كلام عشق او غرام ...................فالله عزوجل حرم علينا حتى النظر قال تعالى ( قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ * وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ ) الآية (النور:30-31) . ............فكيف بالذي يقيم علاقة ويأخذ بالكلام ووووو...................

.فيا اختي الله عزوجل وسنة نبيه عليه الصلاة والسلام بينت لنا الطريق القويم فلما يريد الرجل الزواج فانه يبحث عنها وله معها الرؤية الشرعية فان مضى الامر للخطبة كانت التعرف اكثر في اطار محدود ومن هذه الفترة يعرف الكثير ليتوج كل هذا بالزواج ....................................والله المستعان من حالنا حيث نرى علاقات بين الشباب والبنات بحجة الزواج فتبدأ الامور بكلام فيه الكثير من الاخلاق والنبل الى ان يصل الى ما لا يحمد عقباه .................فالله عزوجل سد كل هذا الباب وجعل القلوب تتالف بعد الزواج ......................

والله الموفق

نحن نعلم ان الحلال بين و الحرام بين و لكن اخي الم ترى ان مجتمعنا اصبح مجتمعا لا يرحم بكل المقاييس هناك فتياة قد اقمن علاقات و مشبوهة و مع كثير من الرجال و لكن ليست امام الملا و هي امام الناس الفتاة الطاهرة الشريفة و في النهاية تتزوج كانها لم تفعل شيئا و الفتاة التي و مع كل اسف اتبعت الطريق الصحيح و ان قدر الله و لم يتم الزواج و فسخت الخطبة تسمع ان الناس كلها بدات تتحدث عنها انها انسانة ماتصلحش و انو سمع حاجة ماشي نيشان عليها انا اعلم جيدا ان الله لا يظلم و لكن اخي مجتمعنا يقهر و يقهر كثيرا و هذا كله نعلمه

[soso sirin]

المشاركة الأصلية كتبت بواسطة مريم الصابرة

السلام عليكم اختي
موضوغك سور يولمنا إحنا لبنات لكن سور الرجال محال راحين يحللو ويفسرو كيما يحبو وكيما توالمهم انا والله فهمتك صح تلقاي مرة الراجل يلوم فالمرا هي الزانية وهي الغاوية التي تغوي الرحل وهي وهي وناسيين إنو هوما مشاركين فالذنب والسبب الاول نرجعو لموضوعك العلاقة اللي قبل الزواج صح تلقايهم كلهم أئمة يقولك أنا خاطيني وانا نتزوج بلما نتعرف وحلال وحرام نخرجو شويا من المثالية نلقاوهم كلهم حبو وعرفو بنات وبالشكاير الصراحة راحة وما تزعف حتى واحد يخرج من المنتدى للواقع فالطريق يشوف في طفلة ويطلب الرقم نتاعها نكونو واقعيين
اختي حلال عليهم حرام علينا ياخي المصحف فيها 60 حزب مي هوما حافظين النساء ثم النساء ثم النساء ما تعبيش روحك جنسهم هكذا داير

والله يا مريومة الا راني حاسة راسي راح يطرطق و لا بلاك انا مانيش عايشة في الجزاير انتي فهمتي واش قصدت بلاك ماوصلتش الهدرة نيشان

[قضــــــــــــ وقدر ـــــــــــاء]

السلام عليكم
أنت تقصدين بكلامك الرجال الذين يسمحون لأنفسهم بإقامة علاقات سواء أكانت عابرة أو بنية الارتباط
ولا يقبلون ذلك على أخواتهم
فعلا هم كثيرون في المجتمع حلال علي حرام على غيري
وكأن الشرف يتلخص فقط في انظباط الفتاة لا الرجل
أما المثالية التي يتحدث عنها الكثيرون هنا
ففي رأيي أن من يدعيها لن ينفع ولن يضر أحدا
ولا أجمل من الردود الصريحة وأيضا الخطأ يرتكبه الجميع
لا أحد معصوم منه هذا أكيد
وأخيرا بالنسبة لقسم مشكلتي
أنا لم أدخله منذ مدة لأنه وبصراحة يوجع القلب
من ناحية المشكل المطروح وكارثة الردود
إلا ما رحم ربي
هل أصبت فيما كنت ترمين إليه أم أنني
أخطأت؟

[mohamed160]

المشاركة الأصلية كتبت بواسطة مريم الصابرة

السلام عليكم خويا
واشبيك نظن الحمة طلعتلك واش من رجال جرحوني وواش من كلاب بشرية عرفتهم انا يا خويا أنا في دارنا بقيمتي وكنت نخطوبة على سنة الله وماكان حتى راجل لعب بيا يا خويا علاه تتهربو من الواقع واإلا ما تحملوهاش تلقاو وحدة متحجبة وما عرفت حتى واحد غاضتك وإلا ما امنتهاش هذا واقع انا كتبتو ما عندوش علاقة بحياتي الشخصية نتمنى تعتذر على كلامك وحتى لو ما تتعتذرش عادي التصرف منكم هذا واش ديرو الله غالب عليكم يا رجال مساكن شكرا بزاف خويا بارك الله فيك

الاخت انا ما خسلتلك اى شى بالعكس انا نحبلك الخير 0 انا واحد من الناس لى يحب المراء المتحجة ولى تعرف قيمتها . المهم ادى افهمتنى غالط بالك انا نقالك اسمحبلى ادى كنت بالك اجرحتك

[soso sirin]

المشاركة الأصلية كتبت بواسطة ع/ش

السلام عليكم

أنت تقصدين بكلامك الرجال الذين يسمحون لأنفسهم بإقامة علاقات سواء أكانت عابرة أو بنية الارتباط
ولا يقبلون ذلك على أخواتهم
فعلا هم كثيرون في المجتمع حلال علي حرام على غيري
وكأن الشرف يتلخص فقط في انظباط الفتاة لا الرجل
أما المثالية التي يتحدث عنها الكثيرون هنا
ففي رأيي أن من يدعيها لن ينفع ولن يضر أحدا
ولا أجمل من الردود الصريحة وأيضا الخطأ يرتكبه الجميع
لا أحد معصوم منه هذا أكيد
وأخيرا بالنسبة لقسم مشكلتي
أنا لم أدخله منذ مدة لأنه وبصراحة يوجع القلب
من ناحية المشكل المطروح وكارثة الردود
إلا ما رحم ربي
هل أصبت فيما كنت ترمين إليه أم أنني

أخطأت؟

والله يا خويا انا مانبغيش الهدرة المثالية الشي الي كتبتو كاين منو و راه بزاف في المجتمع تاعنا والله غير الحمد الله رانا كامل عايشين في الجزاير و عارفين بعضانا و تاع الصح شكرا على الرد خويا و و الوقت الي لحقناه والله قليل الي راه يتزوج و يتبع الدين في زواجو و لا راني غالطة خويا

[MIWAKE]

نفترض اخيmohamed 160 اني لاا تكلم مع فتاة و سادهب لخطبتها مباشرة بلا ما نعرف عقليتها اذا تناسبني ام لا لكن عندي الحق انني اتكلم معها في مرحلة الخطوبة مع وجود والديها هما راهم فرحنين بنتهم راح تزوج اليس كدلك وهنا المشكل اذا تكلمت معها مدة الساعة و لقيت شخصيتها ما تعجبنيش قولي في هده الحالة واش راح الندير نقولها السمحيلي ا بصح راني راح النبطل و نفسخ الخطوبة و نوض و نخروج من الدار عادي و نخليها تبكي سمحلي هاذي مانقدرش انديرها اكون النموت

[مريم الصابرة]

المشاركة الأصلية كتبت بواسطة mohamed160

الاخت انا ما خسلتلك اى شى بالعكس انا نحبلك الخير 0 انا واحد من الناس لى يحب المراء المتحجة ولى تعرف قيمتها . المهم ادى افهمتنى غالط بالك انا نقالك اسمحبلى ادى كنت بالك اجرحتك

السلام عليكم اخي كلامك ماشي جرحني مي كبير بزاف عدنبالك انا كل يوم نعرف واحد نموت وما نديرهاش واشبيك رباوني اهلي ونخاف من ربي قبل كل شي وزيد انا ما نمد لفرصة لحتى راجل يتعرف عليا مهما كان اللي عجبتو يجيب يماه ويجي لدارنا مهما كان فقير او مريض او ما نعرف ربي واش كاتبلي إنما كيما قتلي جامي محال راني مليح وحدي ونبقى وحدي حد وين ربي يطتب على كل ال عادي إنت إداك النيف على خاوتك الرجال حاج عادية راك مسامح ماكان حتى إشكال شكرا

[مريم الصابرة]

المشاركة الأصلية كتبت بواسطة soso sirin

والله يا مريومة الا راني حاسة راسي راح يطرطق و لا بلاك انا مانيش عايشة في الجزاير انتي فهمتي واش قصدت بلاك ماوصلتش الهدرة نيشان

السلام عليكم حنونة ما تعمريش راسك هذي هي يخلو المووضوع ويهاجمو صاحبو عادية انا مرات لو نعاندهم تخلاص عليا فالسبيطار يطلعولي السكر خليهم كلهم أئمة وكلهم ما يتعرفوش وكلهم ما حبوش وكلهم يبورو ما يتزوجوش خلينا إحنا النسا اللي فينا العيوب السبعة هكذا يرتاحو ضرك تشوفي الردود يموتو بالسعادة

[head black]

..........................

[قضــــــــــــ وقدر ـــــــــــاء]

المشاركة الأصلية كتبت بواسطة soso sirin

والله يا خويا انا مانبغيش الهدرة المثالية الشي الي كتبتو كاين منو و راه بزاف في المجتمع تاعنا والله غير الحمد الله رانا كامل عايشين في الجزاير و عارفين بعضانا و تاع الصح شكرا على الرد خويا و و الوقت الي لحقناه والله قليل الي راه يتزوج و يتبع الدين في زواجو و لا راني غالطة خويا

السلام عليكم
هناك من يرغب في التلاعب ببنات الناس
ويقيم علاقات عديدة وربما يتزوج من خلالها
ولكن هناك من يرفضها تماما لا يجب أن نعمم
ونفس الشيء للقتيات هناك من تقم هي نفسها بتصرفات تجذب أنظار الرجال إليها
وهناك من تجدينها محافظة على أخلاقها
هذا رأيي والله أعلم

[قضــــــــــــ وقدر ـــــــــــاء]

المشاركة الأصلية كتبت بواسطة مريم الصابرة

السلام عليكم اختي
موضوغك سور يولمنا إحنا لبنات لكن سور الرجال محال راحين يحللو ويفسرو كيما يحبو وكيما توالمهم انا والله فهمتك صح تلقاي مرة الراجل يلوم فالمرا هي الزانية وهي الغاوية التي تغوي الرحل وهي وهي وناسيين إنو هوما مشاركين فالذنب والسبب الاول نرجعو لموضوعك العلاقة اللي قبل الزواج صح تلقايهم كلهم أئمة يقولك أنا خاطيني وانا نتزوج بلما نتعرف وحلال وحرام نخرجو شويا من المثالية نلقاوهم كلهم حبو وعرفو بنات وبالشكاير الصراحة راحة وما تزعف حتى واحد يخرج من المنتدى للواقع فالطريق يشوف في طفلة ويطلب الرقم نتاعها نكونو واقعيين
اختي حلال عليهم حرام علينا ياخي المصحف فيها 60 حزب مي هوما حافظين النساء ثم النساء ثم النساء ما تعبيش روحك جنسهم هكذا داير

السلام عليكم
أختي مريم لم التعميم؟
هناك من ليسوا هكذا
هل كل متخلق هو مثالي؟
حسب ما ذكرته أنا في نظري المثالي هنا
هو الإنسان الكاذب (آسف على اللفظة)

[soso sirin]

المشاركة الأصلية كتبت بواسطة head black

أختي الكريمة أعذريني بداية فكلامي سوف يكون قاس نوعا ما ولكنها الضرورة

أولا: كلامك كله باطل من أساسه, ومفهومه من أبطل الباطل, ولا يقره لا شرعنا الإسلامي ولا واقعنا المعاصر

ثانيا: لا يوجد على وجه الأرض أبدا علاقة غير رسمية بين ذكر وأنثى, واحدة تسمى علاقة طاهرة عفيفة, وأخرى تسمى نجسة خبيثة

هذا سموه تفلسيف يا أختي الكريمة

يعني ينطبق على كلامك قول الشاعر:

ألقوه في اليم مكتوفا وقالوا له: إياك إياك أن تبتل بالماء

يعني جيبي النار والبنزين وحطيهم بجانب بعض وقوليلهم حلوا عينيكم تشعلوها؟؟؟

يعني راجل مع مراة وحل عينك توشيها

ما هذا المنطق البيزنطي؟؟؟

ثالثا: والله وتالله وبالله ما مسخ أمة الإسلام في هذه العصور والأزمان إلا هذه الأفكار الهدامة التي هي نابعة من قاعدة الغاية تبرر الوسيلة,

رابعا: ها أنا أقولها وبكل صراحة ووضوح وليست وقاحة بل صراحة: ما خلا رجل وامرأة إلا وكان الشيطان لهم بالمرصاد, علاقة طاهرة والحال صْبَح

فأول مرة تكون كلمة, ثم غمزة, ثم لمسة ثم...... دعوة الشر

في الأخير أقول لكِ اتقي الله يا أختي الكريمة وتخلي عن هذه الأفكار الشيطانية الهدامة التي ضيعت المجتمعات الإسلامية

وسامحوني الله يبارك فيكم

اخي و مع كل احتراماتي كلامك ليس قاسيا و لكن فيه تجريح لشخصي و تشكيكا في تربيتي و ديني و ليكن في علمك هو حقا منافي للشرع و الدين و انا اقر بذلك و لكن اخي انا لم ارد راي الدين ولا الشرع فالحرام بين و الحلال بين و لو اردت راي الشرع كنت كتبته في قسمه المناسب انا كتبته في قسم المجتمع و انا اخي جزائرية و اعيش في الجزائر و لست على كوكب المشتري و لكن اضنك انت تعيش في الجنة المفقودة و التي نريد دخولها و لكن و مع كل اسف لا يوجد لدي العنوان.واقعنا المعاصر يقره اخي وقال احد غير هذا فاضنه يكذب على نفسه لاننا لسنا في زمن الخلفاء الراشدين لانه عيب عليا ان قلت اننا في زمن الرسول.نعم اخي يوجد علاقة بين رجل و امراة و تكون هناك علاقة طاهرة و لا تشوبها شائبة لانه يريدها حلال الا اذا كنت لم تسمع بها او ان كل من تعرفه تزوج بطريقة الدين و الشرع اخي كلنا نعيش في مجتمع واحد فلا تدعي المثالية .و هناك علاقة خبيثة لان كلا الطرفين لا يريدان الحلال بل يريدان تمضية الوقت فقط و انا لم اتحدث عن هذا النوع فلا تقولني ما لم اقله .اخي الم ترى جامعات الم ترى عالم الشغل فيه اختلاط و لكن لا تقل لي انك لم تسمع بامراة تفرض احترامها على الجميع بتربيتها و ادبها رغم انها تعمل مع الرجال و ان لم تسمع فاعذرني .و اقسم بالله اخي انني اشك في نفسي اني قد كتبت موضوعا عن الردة و دافعته عنه او اني قلت لكم يجب عليكم ان تناصرو العلاقات فهي مصدر سعادتنا و مصدر تطورنا اخي لا داعي للمثالية الزائدة و لا داعي لان تصور لي اني انسانة فاسدة او اني بدون اخلاق فانا اخي ابنة رجل علمني معنى الدين و علمني معنى الاخلاق و انا لم اقل لك اني ادعو الناس لهذا النوع من العلاقات و لكن اسمحلي تفكيرك قاصر جدا و لو كنت اجبتني عن السؤال اجتماعيا كنت قد تاكدت ان هاذه الظاهرة موجودة و انه ليست كل العلاقات يشوبها الفساد .سمحاولي مي بلاك المنتدى تاعنا فيه غير السلف الصالح و انا برك الي من السلف الي خرجت طالحة سمحولي لانو هدرت في موضوع يخدش الحياء او انه موضوع يعتبر احمر بالخط العريض لكن اخي سوف تحاسب على كلامك لانك قريب تقولي راكي تدعي في الاعضاء للنصرانية ربي يهديك و كون مادخلتش و مارديتش عليك كون قبضتني قنطة ربي يهديك خويا و يهديني معاك بلاك راني درت سيئة كي هدرت على هذا الموضوع لانو افكارنا مازالت قاصرة و انا اردت ان تتكلمو عني الموضوع بابعاده الاجتماعية و ليست الدينية فلا انا و لا انت يحق لنا التكلم في الدين لاننا لا نطبقه بحذافيره و تقبل ردي اخي

[sarl02]

المشاركة الأصلية كتبت بواسطة soso sirin

يا اخي لماذا تقرا ما تحت الاسطر و تفهم ماتريد ان تفهمه انت اقرا الموضوع جيدا لكي تفهم ماذا اريد انا لست بدون اخلاق حتى اطلب هذا الشيئ.و لكن مادام هناك رجال يفكرون بطريقتك لا مجال اصلا للمناقشة و زد على هذا لست انت من تملك صلاحيات ان تغلق اي موضوع

.................................................

[فتـ حييةـاة]

متابعة الموضوع بصمت

[sarl02]

المشاركة الأصلية كتبت بواسطة soso sirin

يا اخي لماذا تقرا ما تحت الاسطر و تفهم ماتريد ان تفهمه انت اقرا الموضوع جيدا لكي تفهم ماذا اريد انا لست بدون اخلاق حتى اطلب هذا الشيئ.و لكن مادام هناك رجال يفكرون بطريقتك لا مجال اصلا للمناقشة و زد على هذا لست انت من تملك صلاحيات ان تغلق اي موضوع

يا اختي انا لم اقرا ما تحت السطر بل قرات ما بين السطور وفهمتك جيدا ...انت الفكرة تاعك كانت مليحة وكانت اتكون افضل لو قمت بصياغة الموضوع بطريقة جيدة وباسلوب متقن ...وانا معك في مسالة المثالية المطلقة او النسبية من البعض اناثا وذكورا في هذا القسم وردودهم لا تعكس 1/100 من تصرفاتهم على ارض الواقع ...وعموما بالنسبة لعبارة غلق الموضوع كنت قد حذفتها ...لذا اكتبي ما تشائين وناقشي كيفما تشائين فلا جناح عليك يا سيرين.