الخالات ام العمات - الصفحة 3

BAROUD · 2012-06-19, 22:39

مـــــا كان مـــــا كان

حتئ هم ضربهم طوفـــــان الصوالـــــح

بالنسبة ليا انا نحب اللي يحبني pas plus

السَّحابة البيضاءْ · 2012-06-19, 22:49

السلام عليكم

أنا مٌقربة لآخوالي أكثر ...... وبالتحديد لخالاتي نحسهم حنانات عليا

نحكي معاهم عادي بدون تكلف أو حواجز .... نستشيرهم مام هما يحكولي

شكرا على الموضوع مريومة

النجمة القطبية · 2012-06-19, 23:48

اقتباس:

المشاركة الأصلية كتبت بواسطة مريم الصابرة

السلام عليكم يا جماعة كيف احوالكم؟
اليوم حبيت لو نتناقشو في موضوع تقرب الأولاد او حتى نحن الكبار دائما المفضلين لدينا الخالات على العمات والخال على العم يبقى دائما بينا وبين العموم حاجز لكن مع خالاتنا واخوالنا عادي نحكو معاهم مرتاحين ونضحكو وكانهم من سنا لكن الاعمام كإنهم ضيوف المعاملة بالرسمي وكاين عائلات لا الاعمام أقرب من الخالات لماذا برأيكم وماذا تفضلون
انا بالنسب ليا خالاتي افضل من عماتي فرق فالمعاملة هوما يعاملوني افضل من عماتي ومن عمومي وإنتم شكرا النقاش لكم

اهلا بيك مريم الصابرة
انا الصراحة معنديش عمتى

جداتى الله يرحمها انجبت الذكور فقط عندى اعمامى
وزيد باينة حتى انا عمرى ما راح نكون خالة بما انى معنديش ختى

اما بالنسبة للخالات عندى خالاتى نحبهم بزااااااااااف اكيد ونحس انهم اخوات مش خالات
وحتى اخوالى قرات عينى

==مش عارفة مذكر قرة

== المهم
حتى اعمامى نحبهم طبعا

Lydia istanboul · 2012-06-20, 00:39

مع أن خالاتي احدهما متغربة و الأخرى بعيدة جدا عنا و اتصالاتنا نادرة لكن و الله رؤيتهن و سماعهن يثلج الصدر و أرى فيه حب صافي خالي من الأحقاد و الخلفيات.طبعا أحب عماتي و أحترمهن لكن دائما يبقى حاجز و بقايا تراكمات سنين الحساسية من زوجة الاخ الدخيلة و بما أن أمي من غير مدينة أبي زادت كملت الحاله,,,,يا مريم رايحة نتوخذ لانو عمتي عضوة في المنتدى ههههههههههه عمتي اذا راكي تقراي,نحبك و نحترمك لكن أكره النفاق و الكذب,نحب خالتي أكثر منك هههههههههههه والله يا مريم مواضيعك رائعة,راني نكتب و نضحك .أضحك الله سنك.

ايمان نور الجزائر · 2012-06-20, 07:13

انا عندي اخوالي اولااا...وخالاتي اعتبرهن صديقاتي واخواتي قريبات من بعضنا جدااا
على عكس اعمامي وعماتي الذين لا اكن لهم ادنى درجات الحب لانهم ايضا يبعدو الواحد عليهم بتصرفاتهم
فاعمامي جد منخضعين لزوجاتهم وقبل ما يسلمو حتى علينا يسقسوهم اذا لا داعي ان اتعب نفسي بالتعلق باشخاص
ليس لديهم ادنى احساس بالعمومة...اما عماتي فحدث ولا حرج ....وهذا طبعا من نهار تزوجت ماما عندهم
وكخلاصة الله غالب حنا نحبو ونتعاملو مع الاخوال والاعمام على حساب معامتلهم لينا ونختارو الاقرب
لي نحسو معاه بمبادلة الاحاسيس ووين يكونو فخورين بيك كابن اخ او اخت
لكن ارى في حالات قليلة حالات تقارب بين البنات مع العمات في حالة ماكانش مشاكل مع امهم
وشكرا على الموضوع الطيب

عربية الهوية · 2012-06-20, 10:08

السلام اختي مريم
انا عندي عادي في زوج
عندي خالتي وحدة كيما امي 2 مربيتني تقريبا تغير عليا بزاف
انا عماتي من صغري ناديهم عمومة خالتي هادي تغير تقولي تاني انا ناديني خلولة نقولها متجيش على القافية

عُضو مُحترم · 2012-06-20, 10:13

انا ما عنديش عمات

كاينة وحدة و شفتها مرة فقط في حياتي لما كنت صغييييييييييييييييييير

لا اذكر ملامح وجهها حتى لانها فب فرنسا من زماااااااااااااااااااااااان

اما اعمامي مات واحد و بقى واحد

الاخوال بعيد عليهم شوية

الخالات نعم و الاقرب لنا هي الاقرب لاُمي

لانها قريبة من في المسافة و هي اصغر من امي

شُكرا لك اختي مريم

مريم الصابرة · 2012-06-20, 23:10

اقتباس:

المشاركة الأصلية كتبت بواسطة عُضو مُحترم

انا ما عنديش عمات

كاينة وحدة و شفتها مرة فقط في حياتي لما كنت صغييييييييييييييييييير

لا اذكر ملامح وجهها حتى لانها فب فرنسا من زماااااااااااااااااااااااان

اما اعمامي مات واحد و بقى واحد

الاخوال بعيد عليهم شوية

الخالات نعم و الاقرب لنا هي الاقرب لاُمي

لانها قريبة من في المسافة و هي اصغر من امي

شُكرا لك اختي مريم

السلام عليكم اخي محترم شكرا على المرور الكريم
ربي يخليلك الخالات والعمات والخلان والاعمام كلهم دمنا ولحمنا لكن اردت التخصيص بارك الله فيك شكرا

اريج16 · 2012-06-20, 11:16

نحن الحمد لله في عائلتا لباس مكاش مشاكل لانو اخوالي اقارب اعمامي
انا بحكم انو عشنا مع اعمامي نكون قريبة لهم اكثر نحكي معاهم اكثر اما اخوالي الحمد لله لباس خالة وحدة واخوال ذكور مشاء اله لكن ليس بذالك القرب كما هو الحال بالنسبة لاعمامي

الكـ الطيبة ـلمة · 2012-06-20, 15:05

أنا عكسك أحب اعمامي حبا لا مثيل له خصوصا اكبر اعمامي فأنا اعتبره مكان جدي رحمه الله

أما الأخوال فعلاقتي بهم رسمية جدا . ربما لأنهم ليسوا إخوة أشقاء للوالدة

اسلام انس · 2012-06-20, 17:34

اقتباس:

المشاركة الأصلية كتبت بواسطة مريم الصابرة

السلام عليكم يا جماعة كيف احوالكم؟
اليوم حبيت لو نتناقشو في موضوع تقرب الأولاد او حتى نحن الكبار دائما المفضلين لدينا الخالات على العمات والخال على العم يبقى دائما بينا وبين العموم حاجز لكن مع خالاتنا واخوالنا عادي نحكو معاهم مرتاحين ونضحكو وكانهم من سنا لكن الاعمام كإنهم ضيوف المعاملة بالرسمي وكاين عائلات لا الاعمام أقرب من الخالات لماذا برأيكم وماذا تفضلون
انا بالنسب ليا خالاتي افضل من عماتي فرق فالمعاملة هوما يعاملوني افضل من عماتي ومن عمومي وإنتم شكرا النقاش لكم

انا بالنسبة ليا عندي غب خالة وحدة وهي كلشي ونبغيها كيما يما........وخوالي ثانب نبغيهم....بصح عندي عم عزيز عليا بـزاف نبغيه ويبغيني

بارك الله فيك على المـــــــــــــــوضوع اختي مـــــريم

wafa kabylie · 2012-06-20, 18:30

sujet hayel w 1tik w ana 3andi el khalat khir men el 3amat mai swaye3 tatgaleb da3wa wahed maysloh fihom ni khalat ni 3amat el wahed yade3i rabi ytawel f 3mor el waledin w rabi yahfed waledina la3zaz ya3tik saha 3la had sujet barak alaho fik

منهاج · 2012-06-20, 19:42

السلام عليكم

والله يا مريم ختي موضوعك اليوم شباب أنا ما عنديش فرق بين عماتي وخلاتي ،بصح نميل لخلاتي لسبب واحد

وهو انو خالاتي عندهم بنات نتاجي هدا لي خلانا نتاصلو بزاف مع بعضنا وعماتي عندهم ولاد عادا صغار

مشي امي مانعتنامنهم ولا حاجة ،وتاني المشاكل كاينة كاينة ماما من لي كنا صغار مبعدتنا على الخلاط مهما يصرا

ما تحقدناش وكي يجو عندنا يضيفو ونفرحو بيهم وحتى هوما يحبو يجو عندنا .

دمعة يقظة · 2012-06-20, 20:00

حقيقة لكل واحد فيهم مميزاته تميزه عن الاخر فمثلا اخوالي وخالاتي اعاملهم بطريق تلقائية وبصارحه وعفوية دون الالتزام وكانه حضور رسمي اما عن الاعمام والعمات فالحضور معهم شبه رسمي لكن اجد مهنم المعاملة الطيبة والتكريم والحنان على عكس اخوالي

امينة 1991 · 2012-06-20, 22:08

السلام عليكم
لما كنا صغار كنا متعلقين بخلاتنا واخوالنا لانهم كانوا شباب وحنا كنا اطفال اما اعمامي وعماتي كبار في السن يعني من الاربعين سنة فما فوق فالعلاقة كانت سطحية جدا معاهم اما الان علاقتنا معاهم كامل اصبحت سطحية لان الجهل عمى قلوبهم ربي يهديهم ويسامحهم علاقتنا راهي سطحية فوق اللازم .