lمشاركتي بمسابقة شاف كوزينتنا ..المقبلات ..الطبعة الــ2 - الصفحة 3

*أم كوثر* · 2013-02-28, 00:22

متعودة نديري لي كراب حلوين ونحشيهم نوتيلا او مربي او اي حشو حلو لكن مالحين كانت اول تجربة ليا
والحمد لله عجبتهم كااامل

عجين الكراب

2 بيضات

250 غ فرينة
ملح و0,5 ل حليب

نخلط العجين واجباري نخليه يرتاح ساااعة من بعد نشوفو علاه

في هدا الوقت نحضر

كريمة الجبن

ميز 4 حبات جبن و2مغارف حليب نخلطهم في المكسور

ومن بعد ننزل الزيت خيط رفييع ونمكسي مليييييح حتى نتحصل على خليط كثيف نزيدلو عصرة قارص وملح وفلفل اسود

نروحو للكراب بعدما ارتاحوا ونطيبوهم

معظم لي مايحبوهمش يقول انو الكراب يبقى معجن ويطرى على هدا غير محبوب
لكن اتبعوا هدو الخطوات تتحصلو على اروع كراب

نصب الخليط ونمشيه على كامل المقلاة ولما تنشف نقلبها

رح تلاحظو انها انتفخت متل الخبز العربي وهدا لي يخليها فارغة من داخل ومش معجنة ووهدا علاه قلتلكم لاازم تريح ساعة

نفشها هكدا ونستمر في التقليب حتى تشيح تماما

نحضر صوص تتقدم مع لي كراب

كريمة وخيار مقطع وتوم رابي وعصير ليمون ورشة نعناع يابس

ونقليهم كما الشيبس

ونبدى تزيين الطبق

دهنت بكريمة الفرماج وحطيت باتي وكل مرة مرة نخالف
مرة تون زيت ومرة باتي وبيناتهم جبن و زيتون وخيار مخلل ولي تحبوه حطوه

هكدا حتى نكمل الطبقات

في الكاس حطيت سلطة ارز وزينتها بكريمة الفرماج

وهده كانت مقبلتي اللذيذة
ارجو ان تكون نالن رضاكم
وتجربوها
تحية تقدير للجنة التحكيم على اختيارهم المميز اللي بقضلهم اكتشفنا نوع جديد من المقبلات كان غايب عن موائدنا
سلامي للكل

[/CENTER

]