وصفة الببوش بالصورة...امممم

[ouissamak]

merci pour la recette
mais lokan nmoute bachar mana9darch nhatou fi fommi

[meriem beldjoudi]

allaho akber boujaghlalo walah ki chaft wasfa khoft !!!!!!!!!!!!!!!!!!!! balak bnina ana jamai dogtha

[clairdelune]

من اسرار طهي الببوش انك تصوميه ليلة كاملة و كي تحبي طيبيه ما تحطيهش في ماء سخون باش ما يتخباش انما حطيه في ماء بارد باش يخرج و يكون سهل للاكل وتقدري تخرجيه بعيدان الاكل الصغيرة اما الي قال مقزز فاحتراما فقط للجماعة الي ياكلوه قول ما حبيتوش و ما تقولش على نعمة ربي مقزز!!!

[الأمنيات]

امممممممممممممممممممم يعطيك الصحة راني من زمان ما كليتهاش كليتها مرة عند مرت عمي
دارت نفس طريقتك

[ام قسوم]

شكرا على الوصفة كانت جدة تقللناراه دواء واختى تاحت لها الفرصة وكلاتو
وانا ما كليتوش وانا صغيرة لو كان كليتو فى الصغر بلااك كنت ناكلو اليوم

[رودينة19]

شكرا لك أختي، حنا الببوش نبيتوه في الدقيق ولا الفرينة ويقولوا نصوموه باش يخرج كامل الفضلات التاعوا والصباح نغسلوه مليح ونطيبوه بصح ما نرموهش في الماء يغلي ولكن نديروا الماء بارد نحطوه فيه حتى يغلي، يقولوا حرام نحطوه في الماء يغلي.

[rachid5555]

حنا نطيبو الببوش بالأعشاب المختلفة فقط
أول مرة أرى الببوش بالبصل و البطاطس
هايلة أختي و تسلم الأيادي
تستاهلين احلى تقييم+احلى شكر

[ilhemdetlemcen]

يعطيك الصحة اختى انا وحدة من الغرب لتموت على الببوش و رانى عاد كعملتو جانى روعة ناس تلمسان كامل يحبوه و الاخت لقالت مقزز دو قو من بعد تحكم يلا مقزز و لا لا هو من جهة دواء ومن جهة طبق غالى فى اوربا وقليل ياكلوه غيل الاغنياء روحى للمغرب وشوفى قيمتو .........
اما طريقة تحضيرو مدابيك اختى ما تحطيش المقادير مباشرة فى القدرديريهوم فى حالفينة عاد رميهم فى الماء يغلى عاد رمى الببوش باش يجيك البيون ديالو نقىو حنا مانديروش فيه لعطور نعملو فيه غيل النونخة و الزعتر و حبة بصل صغير وشوية من قشر البرتقال و الملح وفقط دون اضافة الرز لان الببوش و حدو بنين وتجى بنة النونخة و الزعتر.....ممممسيرتو ايام البرد

[ilhemdetlemcen]

المشاركة الأصلية كتبت بواسطة رودينة19

شكرا لك أختي، حنا الببوش نبيتوه في الدقيق ولا الفرينة ويقولوا نصوموه باش يخرج كامل الفضلات التاعوا والصباح نغسلوه مليح ونطيبوه بصح ما نرموهش في الماء يغلي ولكن نديروا الماء بارد نحطوه فيه حتى يغلي، يقولوا حرام نحطوه في الماء يغلي.

اختى حرام تعملوه فى ماء بارد يجيف ويتعدب باش يموت ديروه فى ماء يغلى وكبرو عليه باش يموت بسرعة وما يتعدبش وشكرا

[ام محمد منتصر]

لكن نسيتي حاجة يليق تصوميه حنا نبيتوه في السميد ولا تشيشة حتى 3 ايام حتى يتنقى

[ilhemdetlemcen]

ايه اختى انا تانى نصومو مرات يوم او حتى ثلاثة ايام وانا نعطيه ياكل فى السميد و لا الفرينة حتى يرمى كل الفضلات ويجى فى طيابو حلو ماشى مر شكرا على التدكير.....

[نولو]

وااله أختي مشكورة على الطريقة لكن لم آكله من قبل
بالنسبة للتي قالت مقزز أعتقد أنه عليها احترام أدواق الآخرين , شوفوا مآكولات الضفادع و الحشرات الأخرى و أخبروني بآرائكم

[هاجر dr]

انا مانيش مهبولة كان نجرب نوكلهم. و يعطيك العافية على ها الاكلة

[samara lara]

أنا نمووووووت و ماناكلوووووووووووش

و بصحتكم


عجبكم ???