*الموضوع النقاشي الأسبوعي *فارق السن بين الزوجين

[liyna_24]

9 أو 10 سنوات أفضل فارق تبقى ديما صغيرة في عنيه كي كون 35 وهي 25 روعة ولا هو 40 وهي 30 اروع و كي هو 50 هي 40 ماشي خير من تكون قدو هو 40 و هي 40 لي قد بعضهم فالاول ما يبانش و ما يحسوش بصح بعد 9 لا 10 سنين يبدا الفرق يبان على خاطر الراجل ما يكبرش كيما لمراة هي يبان عليها الكبر قبلو 0000000000000000خاصة فالوقت هدا لازم يكون الفرق المهم ما يفوتش 15 و 16
و كلش على العقلية هدا رايي المتواضع

[liyna_24]

المشاركة الأصلية كتبت بواسطة younesi

انا في رأي المتواضع ان نستثني
من تزوجوا قديما
وكل رد يحبذ ان يكون عن الوقت الراهن
لانه بصراحة زواج نتاع زمان غير زواج اليوم

لم أفهم قصدك أخي يعني لي بيناتهم فرق يكونو تزوجو زمان؟

[طويل الشوق]

أنا أظن أن الفارق بين الزوجين في السن لا تأثير له ... ينظر فقط للنضوج العقلي و الجسدي بين الزوجين ... و الدليل على ذلك زواج النبي صلى الله عليه وسلم بخديجة وهي تكبره ب 25 سنة ... و زواجه من عائشة وهي أقل منه بكثير ...

[rahma nour]

المشاركة الأصلية كتبت بواسطة طويل الشوق

لكن أقول لها و لأمثالها من الفتيات المثل القائل: "ستعلمُ إذا انجلى الغبارُ أفرسٌ تحتك أم حمار" ؟؟؟

السلام عليكم يا اخي الزواج رضى و قبول و هذه الفتاة التي تلومها لديها الحق في الرفض و القبول و حتى ان كانت في 28 سنة فلديها الحق في اختيار شريك حياتها وليس ذنبها انها وصلت الى 28 سنة فالعنوسة ليست ذنبا نؤاخذ عليه

[om mita]

انا فارق السن بيني وبين زوجي 14 سنة هو 1973 وانا 1987 .في الأول صح لقيت معاه صعوبات بصح الأساس هو التفاهم أنا تنازلت شوية هو تاني واللحمد لله تقولنا اخوة مش راجل ومرتو مكانش بيناتنا مشاكل علا الاطلاق لكن البداية منحكيلكمش حرب .المرأةة هي الي تغير الراجل كيما تحب وتشتي ولازم تقلبو خاتم في اصبعها مش بالسحر لكن بالعقل الي ميزنا بيه ربي والاي عندها مشاكل تقولي نا نحلهملها باذن الله

[mounaminou]

أنا علابالي بللي ف الجنة الازواج تكون أعمارهم متساوية و أكيد فيه حكمة يكون التقارب في العمر بين الزوجين ..
قال تعالى و عندهم قاصرات الطرف أتراب

اتراب=متساويات مع أزواجهن في السن و يكونو بنات 33 سنة و أزواجهن كدلك

أما في الدنيا كل واحد و رأيو و كل واحد يدي مكتوبو ..

أنا ضد الفارق الكبير في السن ...الاحترام و التربية هو ما الصح ......لانو أحيانا نلقاو ناس كبار و عقلهم صغغغغغغغغغغغغييييييييير و العكس

[mounaminou]

المشاركة الأصلية كتبت بواسطة liyna_24

9 أو 10 سنوات أفضل فارق تبقى ديما صغيرة في عنيه كي كون 35 وهي 25 روعة ولا هو 40 وهي 30 اروع و كي هو 50 هي 40 ماشي خير من تكون قدو هو 40 و هي 40 لي قد بعضهم فالاول ما يبانش و ما يحسوش بصح بعد 9 لا 10 سنين يبدا الفرق يبان على خاطر الراجل ما يكبرش كيما لمراة هي يبان عليها الكبر قبلو 0000000000000000خاصة فالوقت هدا لازم يكون الفرق المهم ما يفوتش 15 و 16
و كلش على العقلية هدا رايي المتواضع

tellement الرجال الصالحين يطايشو حتا نزيدو نخيرو اللي كبر علينا ب 15 سنة .......علاه جهلنا ..........15 سنة كبير بزاف و انا ضد الملرأة تكبر ليهليه ......علاه الراجل يصغار...........?????????

يكبرو و يشيابو مع بعض و ما أجمل التجاعيد في وجه المرأة يزيدوها جمال و وقار

نصيحة للبنات نحيو الافكار السلبية اللي دايما المرأة هي اللي تروجاها كتر علا الراجل.....لمرا تكبر لمرا تطيح لمرا مالازمش يشوفها راجلها و هي كبيرة ....علاه خير ان شاء الله........و كاين حتا اللي وصلت تقول الراجل يزيد يزيان و يصغار????

بركاونا من الكلام الغير منطقي ..المرأة في وقتنا هدا ماكانش اللي ماتعرفش تتهلا في روحها غير اللي ماحاباش.....و اللي تبقا قايما بروحها مايبانش الفرق بينها بين راجلها.......و اللي تسمان متلا و تنسا روحها و تدربل في اللبسة تاعها مام لاكان فرق تاع 10 سنين هككاك و تبان كتر عليه

[mounaminou]

المشاركة الأصلية كتبت بواسطة طويل الشوق

و الله أنا لم أكن أعلم أن السن عند الفتيات مشكل .. حتى تقدمت في الأسبوع الماضي لخطبة فتاة أنا أكبر منها بعام ... فرفضت و عللت ذلك أني صغير في السن ... و الله تفاجأت مع العلم أني ملتزم و جامعي و عائلتي الحمد لله محافظة ؟؟؟؟ أنا 29 و هي 28 ؟؟؟
و لو كنت هناك أمامها لجاوبتها جواب حكيم فأقول : أنت من كبرت أما أنا ففي سني و الله أعلم ؟؟؟

والله ماتعرف صلاحها لاكان كان العمر هو السسبب الوحيد للرفض............ربي يهدي ماخلق

صح كاين بزاف يحبو يعيشو الوقت هدا كيما كانو يعيشو جداتنا .......لاكان الفرق بين جدتي و جدي هو 20 سنة ماننساش بللي جدتي تزوجت في عمر يناهز 13 سنة و ليس 27 سنة هههههههههه

[pomaria_aindefla]

المشاركة الأصلية كتبت بواسطة younesi

انا في رأي المتواضع ان نستثني
من تزوجوا قديما
وكل رد يحبذ ان يكون عن الوقت الراهن
لانه بصراحة زواج نتاع زمان غير زواج اليوم

يوجد أيضا فرق بين الشمال و الجنوب ففي الشمال يتزوج الرجل في الثلاثنيات إلى أن يصل للأربعين سنة أما الجنوب فيتزوجون أقل من دلك بكثير

[khadidja1988]

المشاركة الأصلية كتبت بواسطة mounaminou

والله ماتعرف صلاحها لاكان كان العمر هو السسبب الوحيد للرفض............ربي يهدي ماخلق

صح كاين بزاف يحبو يعيشو الوقت هدا كيما كانو يعيشو جداتنا .......لاكان الفرق بين جدتي و جدي هو 20 سنة ماننساش بللي جدتي تزوجت في عمر يناهز 13 سنة و ليس 27 سنة هههههههههه

الله يهديكم والله ما عدكمش الحق خلاص هذي الطفلة كي ترفض من حقها وهذا الشي يخصها وحدها و طبقا هذا مكتوب مش السن تع يخليكم تضلموها

[النجمة القطبية]

اعتقد ان فرق السن بين الزوجين يتعلق بشخصية كلاهما بالدرجة الاولى
يعنى عند البنات هناك لدى البعض عقدة الخوف من حكاية تكبر قبل الرجل وغيرها من افكار مثل مثلا اذا كانت اصغر منه ستكون اكثر دلالا وزعما يتحملها وهذا غير صحيح الرجل لن يتزوج ليتحمل اعباء زيادة اما ان يجد فيها فتاة احلامه او العكس ولا علاقة للموضوع بالسن
شخصيا افضل ان يكون السن متقارب بين الزوجين خاصة لما يكون الطرفين فى سن معتدل ومقبول يكون احسن فرق خمس سنوات على ان يكون الرجل هو الاكبر
لكن هناك حالات خاصة طبعا ولكل ظروفه
شكرا

[عبد الله 22]

السلام عليكم الوقت الحالي اضن انه اصبح ضروري تقليل الفارق التغيير في العقلية اكثر من اجيال iPhone قبل كان الجيل يحتاج سنوات بش تشوف تغيير اليوم صباح جيل وافكار و العشية جيل وافكار

[ennie]

المشاركة الأصلية كتبت بواسطة ريم الوداع

صعببببب وانا بررت الموقف تاعي لانه في هدا الفرق يحسك او نتي وهو كيف كيف تتربوا مع بعض مش كما يكون الفرق اكبر يحسك راكي بنتوا وهو الي يربينييي ويتحمل تصرفاتي لا مسؤواله منييي

وعلاه يا أختي لازم يجي الراجل باه يربي الزوجة نتاعو!! أنا نعرف يقولو ًولدك على ما تربيه وزوجك على ما تعوديهً يعني جامي سمعت لازم المراة تتزوج راجل كبير باه يربيها!! يا ترى واش كان دور الوالدين؟
رب يرحم الوالدة و يعوضك بالزوج الصالح لي أنت تكوني زوجته و أمه و ابنته و كل شيء

[ennie]

المشاركة الأصلية كتبت بواسطة طويل الشوق

و الله أنا لم أكن أعلم أن السن عند الفتيات مشكل .. حتى تقدمت في الأسبوع الماضي لخطبة فتاة أنا أكبر منها بعام ... فرفضت و عللت ذلك أني صغير في السن ... و الله تفاجأت مع العلم أني ملتزم و جامعي و عائلتي الحمد لله محافظة ؟؟؟؟ أنا 29 و هي 28 ؟؟؟
و لو كنت هناك أمامها لجاوبتها جواب حكيم فأقول : أنت من كبرت أما أنا ففي سني و الله أعلم ؟؟؟

يا أخي يجب احترام قرار المرأة إذا قالت لا, يوجد نساء يعتبرن أنفسهن ناضجات زيادة مقارنة بسنهن فلن تقبل إلا بمن يكبرها ببضع سنوات ظنا منها أنه يمكنها الاعتماد عليه و الشائع أن المراة تكبر الرجل إذا كانا في نفس السن, هي لم تقصد إهانتك بقولها صغير في السن فلا داعي لإهانتها أنها من كبرت في السن,ليس من الحكمة أبدا قول هذا و أنا يدهشني قولك أنك ملتزم و جامعي, فاحترام الطرف الآخر من الإلتزام و تقبل رأي و قرار الطرف الآخر من الحكمة

[ennie]

المشاركة الأصلية كتبت بواسطة طويل الشوق

أنا أظن أن الفارق بين الزوجين في السن لا تأثير له ... ينظر فقط للنضوج العقلي و الجسدي بين الزوجين ... و الدليل على ذلك زواج النبي صلى الله عليه وسلم بخديجة وهي تكبره ب 25 سنة ... و زواجه من عائشة وهي أقل منه بكثير ...

يا أخي هذاك الرسول عليه الصلاة و السلام سيد الخلق تزوج خديجة بنت خويلد رضي الله عنها وهو ابن خمس وعشرين سنة و هي كانت أيماً بنت أربعين سنة وكان كل شريف من قريش يتمنى أن يتزوجها، فآثرت أن تتزوج برسول الله ـ صلى الله عليه وسلم ـ فأصابت بذلك خير الدنيا والآخرة
قلت أنك ملتزم و جامعي!! و تقول الفرق 25 سنة!؟