الى ام اسيد1 وكل وحدة حاصلة واش الطيب

[روح مراد]

سلامي ليك غزالتي ربي يخليك إنشاء الله
منال الحوايج الصغار من الأحسن الواحد يديرهم في علب باش ما يتزربعوش هاكا الحالة تكون مفروزة و كي طلي على العلبة من داخل تكون مخروبة هاهاهاها مزية ما تبانش

[أم الحبايب 26]

مسالخير عليكم كامل ان شالله تكونو يخير ام حمزة ر ابي يقادرك على شغالك رابي يعا ونك
روح مراد يعطيك ا صحا على تنظيم نتع خزانة نفس تنظيم نتيعي حتى كيخالوها ولادي مخاملا رابي يحفا ظهم انا خظيت قيلولا ونظت كاش مندير قاطو للقاهوا نتع لعشية ام حمزة قلينا اذا خراجلك المشماش مليح راني معاولا ندي رو سلا مي ليكم كا مل كل واحدا باسمها غايبات ولحظرات غزالة بلاك فرامظا ن يعاودو يجيو

[ام حمزة22]

السلام عليك

مسائكم سعيد لبنات ان شاء الله تكونوا كامل بخير

روح مراد يعطيك الصحة على فكرة الترتاب عجبني ترتيبك للخزانة خصوصا العلبة والله فكرة هايلة مثل ما قلتي كي تترون واحد ما راح يشوفها وربي يقدرك في تنضيف البيت والنيتواياج

انا اليوم ما فطرتش انا وبنتي حتى 2ونصف زعما قات بنتي فالدار قعدة تعاوني ونكمل بلخف هي صح عاونتني بصح شوية تقيلة كي نقوللها خفي روحك راكي تقيلة تقلي انتي لي عندك لافونس بصح فريناها والحمد لله وحتى فراش الصالون غسلتو ربي يقدرني ونكمل باقي التنضيفات
وان شاء الله يقدر الجميع ونصوموا بالصحة والهناء

ام الحبايب المشماش ملي كونجليتو ما طليت عليه يادرا كيفاه راه


منال ومنير واش راكي مع العمل نتاعك والتربية ربي يقدرك ويوفقك



غزالتي يا مولات الكلام المشعور والمعسول يعطيك الصحى كلي عاونتيني ربي يحفضك ويخليك
اما عن الكرواسون والبتي بان مشريين قالي زوجي ما نزيدش نشريه راهم قد ما يصغرو فيه يقولوا قليل قالي عودي اخدميه فالبيت

سلامي الحار للجميع

[أم الحبايب 26]

بصاحتك ام حمزة يعطيك اصحا شتي لبنات نتع ظورك يصيبوها ثمثم يكون عندهم جواب رابي يحفا ظهالك ويخليهالك انا نتوياج مزال غرا بنتي دات العطلة ويكون زاوج نتعي يخدام راكي عارفا رجال نتع ظرك ميحبوش ايجيو ويصيبو تزارزيق

[ام حمزة22]

المشاركة الأصلية كتبت بواسطة أم الحبايب 26

بصاحتك ام حمزة يعطيك اصحا شتي لبنات نتع ظورك يصيبوها ثمثم يكون عندهم جواب رابي يحفا ظهالك ويخليهالك انا نتوياج مزال غرا بنتي دات العطلة ويكون زاوج نتعي يخدام راكي عارفا رجال نتع ظرك ميحبوش ايجيو ويصيبو تزارزيق

الله يسلمك يا حبيبة ه كيما قلتي لبنات نتع درك يصيبوها تمتم ربي يحفضهم جميعا ويسترهم
ربي يقدرك على النيتواياج انا زوجي قبل ما يروح يخدم رفدت الصالون وعلابالو لي طيبت تليتلي جا على الساعة1 قالي راني جبت معايا صاحبي يفطر معايا وانامازلني معلقة مع النيتواياج وزاد قالي درتي غير تليتلي والله ما عرفت واش نقلو خلاني فالحشمة

تحياتي للجميع
تصبحوا بالف خير
احلام سعيييييييدة

[<abdou>]

الله يعطيك ما تتمناي

[zaho207]

Salam nchallah rakom kamel bien khewatati khasni tarika kifah nhamare arenane fi el koucha

[crono]

المشاركة الأصلية كتبت بواسطة غزالة الصّحراء

تمنياتي بالعودة السّريعة وفي أقرب آجالٍ لكلّ غائبة عنّا . واللّه اشتقنا إليكنّ . فالقائمة طويلة . والأسماء صاحباتها لامعات. وكلّ واحدة في مجالها الخّاص بها. وقد تتنوّع المجالات لدّى البعض لأنّ الحياة تتطلّب ذلك. ياله حبوباتي الغاليات وين راكم. ياربّ الكلّ ايكون بألف خير وعافيّة. وسلامي الأحرّ من الجمرّ للجميع.

السلام عليكم ورحمة الله وبركاته
ربي يحفضك ويسترك ويهنيك والله حت أنا توحشتكم
اعذروني في عدم دخولي وفاة زوجة ابي
ربي يرحمها و يجعل مثواها الجنة كنت في دارنا براح باش رجعت
ام حمزة22 روحي غير بالعقل اللّه ايعاونك في أشغالك واللّه غير راه شغل متعب. لكن لابدّ منه
ربّي يعطينا الصحّة والصبر ويوسع في خاطرنا.
اللهم بلغنا رمضان وارزقنا فيه صياما وقياما خالصل لوجهك الكريم
سلامي الحار لك ولكلّ الأخوات.

[ام الخير 05]

مساء الخير عليكم حبوباتي ان شاء الله راكم ملاح انا دائما غايبة درت طلة على العائلة ولما رجعت بديت في ميناج الدر وغسيل الافرشة وعودت ترتيب الخزائن المهم نسبة انجازي راهي 80 بالمئة باقي نعاود نغسل الجدران فقط ربي يعاون الجميع ممكن غدا ان شاء الله نخرج نشري البهارات
عزيزتي ام حمزة راني غير بالشوية مع الخياطة دركا عرفت كيفاه ندير الكفات وخيطت طابليات الكوزين للعايلة كامل وبديت في قندروة تاع دار لكن لاني نخاف اخذت القياسات زايدة بزاف حواي 6 سنتميتر اذا قدرتي قوليلي بالتقريب شحال نزيد بدون حق الخياطة باه ما نغلطش وفي نفس الوقت ما نضلش انقص وانت مشكورة مسبقا
سلامي للجميع

[ام الخير 05]

ام حمزة كيفاه كونجليتي المشماش انا نخبيه كومبوت ونستعملو امن بعد في لسلاددوفروي ولا نديرو معجون لما يخلاصلي ياريت تقوليلي كيفا درتيه وكيفاه يجي

[غزالة الصّحراء]

المشاركة الأصلية كتبت بواسطة <abdou>

الله يعطيك ما تتمناي

أهلا ومرحبا بكم بين أحضان صفحتنا المميّزة.وألف شكر على المشاركة القيّمة.

[ika2012]

انا مالا فطنت من القيلولة جات في بالي الرشتة راح نديرها للعشاء و طبق جانبي لزوجي اللي ما يحبش الرشتة راح نديرلو سلطة ماسيدوان و فول فصاصي مغلي و مملح

[غزالة الصّحراء]

المشاركة الأصلية كتبت بواسطة crono

السلام عليكم ورحمة الله وبركاته
ربي يحفضك ويسترك ويهنيك والله حت أنا توحشتكم
اعذروني في عدم دخولي وفاة زوجة ابي
ربي يرحمها و يجعل مثواها الجنة كنت في دارنا براح باش رجعت
ام حمزة22 روحي غير بالعقل اللّه ايعاونك في أشغالك واللّه غير راه شغل متعب. لكن لابدّ منه
ربّي يعطينا الصحّة والصبر ويوسع في خاطرنا.
اللهم بلغنا رمضان وارزقنا فيه صياما وقياما خالصل لوجهك الكريم
سلامي الحار لك ولكلّ الأخوات.

أهلا ومرحبا بك أختي كرونو بيننا مرّة أخرى بعد طول الغياب والحمد للّه على أنّك بألف خير. وشكرا لك على الدّعاء ولك بالمثيل.
أمّا عن زوجة أبيك. إنّا للّه وإنّا إليه راجعون. أسكنها اللّه فسيح جنانه. امّا عن أشغال البيت الكلّ مشغول بها رغم صعوبتها. اعاننا اللّه في ذلك، ومنحنا الصّبر وسعة الخاطر.
اللّهم بلغنا رمضان وأعده علينا بالخير واليمن والبركات.
ألف مرحبا بك مرّة أخرى بيننا. سلامي الحار لك ولكلّ الأخوات.

[غزالة الصّحراء]

المشاركة الأصلية كتبت بواسطة ika2012

انا مالا فطنت من القيلولة جات في بالي الرشتة راح نديرها للعشاء و طبق جانبي لزوجي اللي ما يحبش الرشتة راح نديرلو سلطة ماسيدوان و فول فصاصي مغلي و مملح

اهلا ومرحبا بك بين أحضان صفحتنا المميّزة. وبصحتك القيلولة والرشتة . تاكلوها بالصحّة والهنا. وبصحة راجلك السلاطة هي ثاني نافعة ومليحة وخاصّة مع هذا الوقت. نوّرتي صفحتنا وزينتيها بمشاركتك ألف شكر وتحيّة.

[غزالة الصّحراء]

المشاركة الأصلية كتبت بواسطة ام الخير 05

ام حمزة كيفاه كونجليتي المشماش انا نخبيه كومبوت ونستعملو امن بعد في لسلاددوفروي ولا نديرو معجون لما يخلاصلي ياريت تقوليلي كيفا درتيه وكيفاه يجي

أهلا ومرحبا بك أختي ام الخير. هاذي غيبة . الحمد للّه على سلامتك . ويارب اتكوني في صحّة جيّدة أنت وعائلتك . . هاكي الرابط أعطاتهولنا صدوفتي الغاليّة وراهي جرباتو هي والأخت أم حمزة اللّه ايذكرهم بالخير. وياربّ يعجبك وتنجحي فيه. سلامي الحار لك ولكلّ الأخوات.
https://www.djelfa.info/vb/showthread...E1%E3%D4%E3%D4