جزء ****138***من واش طيبتي اليوم ---عيد سعيد وكل عام وانتم بخير ----

[saja hamed]

المشاركة الأصلية كتبت بواسطة oum islem

ام تاجو ربي يصبركم الوضع لي راكي فيه بزاف صعيب
ودار شيخك ربي يتمم فرحهم بالخير تعملو مليح لو تخبروهم غدوا يكون احسن

ربي يتمم لك على خير وتسلكي بخير انت وام انس وكل الحوامل

سجا حتى انا تشهيتها باينة تهبل
ام ياسين تستاهلي كل خير

روضة حادثة القتل هذي جديدة؟؟ عندي مدة من كي سمعت بيها لازم القصاص
ربي يلطف بينا

ربي يحفضك راهي تهبل وذوب في الفم وساهلة خلاص

[ام و ابنة]

جبت لكم صور عشانا البسيط

لوبيا خضراء




أفخاذ الدجاج باني مقلية



و زوجي طلب يأكل المسفوف بالخضرة اللي قعد من البارح

[أم محمد تاج]

اللهم آمين حبيباتي
شكر الله سعيكم وبارك فيكم

[oum islem]

https://www.djelfa.info/vb/showthread...post3993944822

هذا رابط حلويات العيد لي تحب دير طلة
سخفتوني كي حطيتو حلوياتكم حتى انا حطيت
كما يقولو عاند وما تحسدش
ام وابنة ما عليش ندي فخيذ برك ما شبعتش مليح

[oum islem]

وعيدك اسعد وكل عام وانت واحبابك بالف خير ربي يسهل حملك ووضعك ويرزقك الذرية الصالحة يا عطر الذهب

روضة ربي يبقي الستر على المسلمين فاجعة كبيرة
والرسالة التوضيحية وصلت ولا حكموها القراصنة فيها خريطة الكنز

[عطرالذهب]

الله يخليك ام اسلام ويحفظلك اولادك
وربي يرحم المقتول ويجازي القاتل باش يكون عبرة لمن يعتبر

[انتصار فاطنة]

عزيزتي ام محمد تاج عظم الله اجرك وجعل قبره روضة من رياض الجنة

[دائمة الحمد]

صحة عشاكم لبنات
عطورتي على سلامتك واش الاحوال
ام انوس عزيزتي كل عام وانت بخير لعقوبة لوليداتك تفرحي بيهم ولسلاكك بلا تعب

ام ياسو راهي النت عندي ثقيلة ومن بعد تقطعت ما عرفتش ندخل للمنتد ى ب 3g
. وربي يعينك على التحضيرات
ام سراج بنت اختي راهي حفلة البيام وكانت من الاوائل دارلها باباها حفلة في لا سال
عزيزاتي ربي يبارك فيكم ويهنيكم

اليوم ثاني كانت حفلة ولد اختي جاب الباك بالصح رحت روتار جوني باراكات لامير ة غاضني ما صورتش

[عطرالذهب]

اهلين بدائمة الحمد الغالية ويسقسي عليك الخير راني خير من في رمضان والحمد لله والف مبروك عليكم النجاحات ودامت افراحكم يارب

[oum batoul]

ام تاج رحم الله جدك و اسكنه الجنة عظم الله اجركم

[زينب 83]

مساء الخير

ام محمد تاج عظم آجركم حبيبتي و رحم الفقيد و تجاوز عن سيئاته يا رب ، راك وضع لاتحسدين عليه ، لكن تصرف تاعك كان حكيم

روضة حنونة راهم زوج مجرمين و و احد فيهم ابن لزميل المقتول يعني فرود كيفو و متعود يركب معاه ماهيش اول مرة ، لكن هذي المرة بناوها على الخدع ، السيارة هي لي كشفت الحالة لانهم حطوها عن قريب في الريف و هو لاحظ عليها اثار دم فاتصل بالدرك و البقية راك علابالك بيها ، لا حول و لا قوة الا بالله ،


دايمة الحمد الحفلة رائعة ما شاء الله شكرًا على المشاركة

عطورة اهلًا و سهلا هذي غيبة

سجى حلوياتك تحفة ما شاء الله


رحت ليوم للحفلة جازت مليحة لكن حشمت نصور ، صورت غير الحلويات



شعري قصيت ًو وحدي ههههههههه تبعت طريقة من النات و الله خرج تحفة و و احد ما صدقني بلي قصيت ًو وحدي اول تجربة كانت ناجحة

دوك نجيب الحلويات و نرجع



و الله ملي خلاص رمضان و انا عندي اكتئاب ماعلاباليش اذا انتوما نفس الشيء

[زينب 83]

هاذو تاع حفلة اليوم


و هاذو تاع حفلات من قبل





و هذا الخاتم لي شريتو مباعد نزيد نصورلكم الثاني

بسم الله

[زينب 83]

بإذن الله من الغد راح نبدأ نطيب غير اطباق الخضر فقط و الحلويات خلاصت و ما راحش نزيد ندير حتى حتى حاجة حلوة منا على شهر او اكثر بإذن الله ، لي حاب يحلي يأكل الفاكهة ، و لا التمر هههههههههه و هلكنا رواحنا ايام العيد بالحلويات و العجائن لازم الجسم يرتاح شوي ، غدا ان شاء الله راح نكمل صيامي فطوري راح ندير كرمب محشي بصدر الدجاج و سلطة و البركة

[زينب 83]

[صدفات]

صباحكم سعيد يا بنات
ام محمد تاج عظم الله آجركم
زينب بصحتك الخواتم و الحفلة و القصة يا ختي راه عندك إكتفاء ذاتي من الشطارة باه تقصي روحك .
عازفة بصحتكم الأرز بالشعيرية يبان لذيذ أنا عمري ما درته و حتى في المرة السابقة شفتك حطيتي القناوية أنا عمري ما كليتها و لا طيبتها
يا ريت تخبرينا عليها و هذه مجففة و لا طازجة.
روصة بصحتكم التليتلي من بعد رمضان ما لقينا ما نطيبو حتى أنا درته الجمعة
وردة و كل البنات بصحتكم طياباتم و يوم سعيد.