~~واش طيبتي اليوم؟! الجزء 91 اهلًا اهلًا بالعيد~~ - الصفحة 29

*جوهرة الجنة* · 2014-09-29, 18:08

الله يسلمك اختي بيبا البركة في الاخت سهام يعطيها صحة لبنات ننصحكم جربوها راهي فور وساهلة

*جوهرة الجنة* · 2014-09-29, 18:10

لبنات ادعنا في هذ الايام المباركة ولكن ب المثل

touta2010 · 2014-09-29, 18:17

مساء الخير لبنات
اليوم قالي صاحب السمو نخرج نشري محاجب حارين للعشا اوووووووو واش هذا التقلاش احسن منو مفييش ههههههههه

رياحين الجزائر · 2014-09-29, 18:23

اهلين توتة بصحتك التقلاش مالا عودي كل عام اولدي هههههههههه

دائمة الحمد · 2014-09-29, 18:27

اقتباس:

المشاركة الأصلية كتبت بواسطة دائمة الحمد

ام كوثر مرحبا بيك معانا راهي عندي صور المسلي في تحضيرات رمضان نحط ليك عليهم الوصفة هنا

هذا لحم المسلي

نخيروا طراف ملاح تاع لحم وممكن نزيدو معاهم المناطق لي نعرفوا اسرتنا ماتوكلهمش كيما انا مايحبوش الضلوع نزيدهم مع الطراف الملاح +كمية من الشحم نقطعها مربعات صغار +كمية مليحة تاع ملح ونحطهم على نارقليلة مع التحريك بملعقة خشبية

هنا كي حطيتو يطيب

+كمية مليحة بصل مرابي خشين شوي ونخليه يطيب مع التحريك المستمر على نار قليلة

لما نشوف اللحم قريب يطيب نعمل كمية كبيرة زيت لازم يكون حوالي 4اصابع زيت فوق اللحم ونخليهم يكمل طيابو حتى يولي محمر بكلو ويعود

يرمي في الفقاعات هنا نكون محضرة درسة مليحة تاع ثوم وافاح وفلفل احمر حاروحلو مرحي ارطب ونحرك يهز الغلوة برك ونطفي عليه لما يبرد شوي نفرغوا في الاناء لي راح نخبيه فيه

وناس بكري كانو يعملوه في طنجرة خاصة اسمها السطل ان عاملة ليه كوكوط قديمة عاطياهالي امي كل عم نجبدهاراهي ولت ارشيف

هنا لما طاب راني طيبتو البارح ونخليه يبات بلا غطا والصباح يبرد ويكون جامد نغطيه ونخبيه

المهم ما يتخباش سخون ولازم يطيب مليح

باش ما يفسدش منبعد

وشهية طيبة

وكل عام وانتم بخير

رياحين وكاووكا هذا هوالمسلي ورانا نستعملوه في بلاصة اللحم ويبقى حتى بالعام وهوابن من اللحم

نعملو بيه كلش مقرونة بركوكش محمصة المحاجب والحلة تاع رمضان تجي غير بيه والا نديرو بيه شكشوكة تجي تهبل

فقط كي تهزي منو لازم المغرفة تكون شايحة ونظيفة باش ما يفسدش

الصور ماخرجوش هنا راهم في هذا الرابط

https://www.djelfa.info/vb/showthread...680252&page=25

touta2010 · 2014-09-29, 18:32

اقتباس:

المشاركة الأصلية كتبت بواسطة رياحين الجزائر

اهلين توتة بصحتك التقلاش مالا عودي كل عام اولدي هههههههههه

يا يما حسبتيني ارنب هههههههههه
وزيد سيزاغيان واش كل عام اووووووو
شكرا حنونة مووووح
دائمة الحمد مساك الله بالخير واش هو المسلي

ادرارية · 2014-09-29, 18:39

هادو حلوياتي نتاع العيد ان شاء الله

دائمة الحمد · 2014-09-29, 18:40

يمسيك بالخير توتة المسلي راهي طريقة لحفظ اللحم ماهوش الخليع او القديد كيما نقولو احنا راهو بنين ياسر
ادخلي للرابط ذرك تفهميه

zahra30 · 2014-09-29, 18:41

مساء الخييير ومبرووووك العتبة الجديدة ام تازيري ربي يجعلها ديما عتبة خييير وبركة على الجميييع
صح فطور الصايميين وربي يقبل وصح عشى الفاطرين وبصحتكم كامل واش طيبتو
ما شاء الله كلش هايل قاطوات اطباق وعرضات بصحتكم وربي يدوم النعم والمحبة

دائمة الحمد · 2014-09-29, 18:41

اهلا بيك ادرارية حلوياتك تحفة ما شاءالله
واش احوالك واحوال ابنك

zahra30 · 2014-09-29, 18:45

ما شاء الله ادرارية يعطييك الصحة بصح ما قولتيلناش اسمائهم هههههه عرفينا بيهم

شاوية حرة 05 · 2014-09-29, 18:50

سلام بنات عشانا دجاج وبطاطا في كوكوطة وديسير والحمدلله

zahra30 · 2014-09-29, 18:51

اهليين دائمة الحمد شكرااا على الوصفة و القاطو انتاعك وين راه الصورة النهائية هههه قرعاجة بصح قوليلي احشيتيه بالحلقوم ؟؟
مبروووووك توتة ربي يثبتو و يفرحك بيه ان شاء الله وتقلشي وزيدي تقلشي ههههه الام تستاهل
رياحيييين واشراكي وارهي حبوبتي ندى ان شاء الله لاباس
نروح نفطر ونرجع اذا اقدرت
صح فطوركم مرة اخرى

شاوية حرة 05 · 2014-09-29, 18:51

اختي ادرارية القاطو هايل ممكن الوصفة تاع هذا القاطو

ادرارية · 2014-09-29, 18:53

اهلا حبيباتي واش احوالكم ان شاء الله لاباس كل واحد باسمو انا القاطو نديرو غير على جال ماما خاطرش اجيوها الغاشي بزاف صبيحة العيد وما عندهاش اللي يخدم ليها

الحلويات قاطو ماكسي للاخت راجية العفو بدلت اللوك . قاطو صابلي بالمعجون في مول السيليكون بدلت اللوك . قاطو القفريط