9 مشتركات في المرحلة الثانية .....وهل هناك امل للبقية - الصفحة 29

نافلة · 2014-02-04, 15:52

اهلا السطايفية كيراكي عزيزتي كانت عندنا الزيادة يعني ولادة في العائلة عقبال للبنات و السبوع و راكي عارفة اليوم برك لي فرغت الله غالب
و كي درتي من ليزاكسيدو نتاع الخدمة ياك راني حذرتكم من الاول هههههههههه

نافلة · 2014-02-04, 17:02

.................................

stayfiya · 2014-02-04, 17:10

ههه اسكتي ملي بديت نخدم عدمت روحي حتى لي يجي يعاوني ندير فيه مارا هههههههه مبروك المزيود الجديد يتربا في عزكم

OM AYA · 2014-02-04, 17:12

راني بعثت و الله مراطون

انا بعث اخر لحظة حطيت ساعة الحائط مقابلتني وانا نخدم دخلت عالربعة من زنقة ما نحيتش حجابي و بديت فالماشينة و الافكار و الله العشرين دقيقة الاخيرة باه اخترعت حاجة بالبيدون

انا نبعث ووليدي دخل قالي اربطيلي الكيمونو و الله ما خزرت فيه قتلو مش وقتك قاعدة عالاعصاب نصور و نطلع فيهم و الوقت يجوز كي الموس
ما بعثتش تصاور البيدون و الطماطم و القماش من بعد ننصب لعشا و نبعثهم

ولا زعما نبعثهم ضرك؟

stayfiya · 2014-02-04, 17:13

اي ابعثي ام ايااااا راهي الخمسااااااااااااا

صاحب الامل · 2014-02-04, 17:28

مساء النور للجميع

مساء الامل والتفاؤل

مساء الابتكار والابداع

من حوالي 20 دقيقة انتهى الوقت المخصص للتحدي الفاصل

التحدي الذي كان الممر االفاصل بين المرحلة الثانية والاقصاء

من ابدع ومن اثبت انه يستحق نيل بطاقة التاهل

اكيد كامل منتظرين العشرة

اللي راح ينورولنا الصفحة المخصصة

للمرحلة الثانية

لحظات قليلة

وتبدا النتائج

صاحب الامل · 2014-02-04, 17:34

قبل ما نبدا التعليقات والنتائج

اكبر تحية لكل المشاركات معنا

اللي استمروا معنا الى اخر تحدي ....صح ربما المهمة بالنسبة لهم صعبة نوعا ما

وهناك ربات بيوت وهناك العاملة ووو...الخ ومع ذلك اثبتم انكن مبدعات

بصراحة حتى وان لم تتاهلوا الى المرحلة الثانية

بالنسبة لي

انتم مبدعات

واعلمكم انني ولغاية هاته اللحظة لم ارى الاعمال الخاصة بكم

stayfiya · 2014-02-04, 17:34

اصبروني نروح لادار باش نانسطالي ديجا كرعيا فشلو

صاحب الامل · 2014-02-04, 17:37

الترتيب سيكون عشوائي

يعني راح نختار واحدة تلو الاخرى
ونعلق على المهمة وفي اخر التعليق راح نحط اذا تاهلت او لا

واكيد المتاهلة راح تحصل على البطاقة الخاصة بالتاهل
للمرحلة الثانية

اما المقصية فنقولولها حظ موفق
ويكفيك شرف المشاركة

OM AYA · 2014-02-04, 17:42

عيشك ما طولش اذا راح تعلن اليوم قول و اذا راح تخلي لغدوة قول و الله لغشا راه يستنا
راجلي بلا ما نعرف قال ليماه ما ديريش لعشا و شرالي جاجة قالي حمريها و ابعثيهالهم وانا وعدت ولادي نديرلهم بيتزا يعني بالمختصر الكوزينة راح تتقلب